ᒨᓯᓯ ᑕᓪᓕᒪᖏᑦ 30:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓇᓗᓁᕐᓯᕕᒋᕙᑦᓯ ᑕᕝᕙ ᐅᓪᓗᒥ, ᓄᖑᑎᑕᐅᔪᒫᕐᐳᓯ; ᐊᑯᓂᐅᖏᑦᑐᖅ ᐃᓅᔪᒫᕐᐳᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓄᓇᖁᑎᑖᕆᔭᕐᑐᕐᑕᑦᓯᓐᓂ.

ᒨᓯᓯ ᑕᓪᓕᒪᖏᑦ 30:18 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 32:15

ᒪᓕᒍᓐᓁᕐᒥᒍᑦᓯᐅᒃ, ᑕᕝᕙ ᐃᓄᖃᖏᑦᑐᒥ ᐃᖏᕐᕋᑎᒃᑲᓐᓂᕐᓂᐊᕆᕚᓯ, ᐃᓄᐃᓪᓗ ᐅᑯᐊ ᑖᕙᓂ ᑐᖁᑐᐃᓐᓇᕐᓂᐊᕐᓗᑎᒃ.”

ᒨᓯᓯ ᑕᓪᓕᒪᖏᑦ 30:17

ᐆᒻᒪᑎᑦᓯᒍᓪᓕ ᒪᓕᒍᒪᓂᐊᖏᒃᑯᑦᓯ, ᓈᓚᒍᒪᖏᓪᓗᓯᓗ, ᒎᑎᒋᔭᐅᔪᓄᓪᓗ ᓴᖑᑎᑕᐅᓗᓯ ᑖᒃᑯᓄᖓ ᑐᒃᓯᐊᖃᑦᑕᓕᕈᑦᓯ,

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’

ᒨᓯᓯ ᑕᓪᓕᒪᖏᑦ 31:21

ᑕᕝᕙ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᑎᓄᓪᓗ ᐅᓄᕐᑐᓄᑦ ᑎᑭᑕᐅᔪᒫᕐᐳᑦ, ᑖᑦᓱᒪ ᐃᓐᖏᕈᓯᐅᑉ ᓵᓐᖓᔪᒫᕐᐰᑦ ᓇᓗᓁᕐᓯᓗᓂ ᑖᒃᑯᓂᖓ ᑖᓐᓇ ᐳᐃᒍᕐᑕᐅᓂᐊᖏᒻᒪᑦ ᑭᖑᕚᖏᑕ ᖃᓂᖏᓐᓂᑦ ᖃᐅᔨᒪᒐᒪ ᖃᓄᐃᓕᐅᕋᓱᐊᕐᑕᖏᑦ ᐋᖅᑭᒃᐸᓪᓕᐊᖕᒪᑕ, ᓱᓕ ᑎᑭᑎᓚᐅᖏᒃᑲᓗᐊᕐᓗᑎᒃ ᓄᓇᒧᑦ ᐊᖏᕈᑎᒋᓯᒪᔭᓐᓄᑦ ᑐᓂᓂᐊᕐᓂᕋᕐᓗᒍ ᑖᒃᑯᓄᖓ.”

ᒨᓯᓯ ᑕᓪᓕᒪᖏᑦ 31:29

ᖃᐅᔨᒪᑦᓯᐊᕋᒪ ᑐᖁᓂᕐᒪ ᑭᖑᓂᖓᒍᑦ ᐱᐅᖏᑦᑐᐊᓗᖕᓂᒃ ᐱᐅᓯᕐᑖᕈᒫᕋᑦᓯ; ᒪᓕᒃᑕᐅᖁᓯᒪᔭᒃᑲᓗ ᑐᓄᓐᖓᓕᕈᒫᕋᑦᓯᐅᒃ; ᐅᓪᓗᓂ ᓯᕗᓂᑦᑎᓐᓂ ᐊᔪᕐᑐᓕᓂᐊᓗᖕᓄᑦ ᑎᑭᑕᐅᔪᒫᕐᐳᓯ, ᐱᐅᖏᑦᑐᓕᓂᕐᒥᒃ ᐊᑐᓕᕈᒫᕋᑦᓯ ᐊᑕᓂᐅᑉ ᓵᖓᓂ, ᓂᓐᖓᒃᑎᓪᓗᒍᓗ ᓇᖕᒥᓂᖅ ᐱᓇᓱᐊᕐᑕᑦᓯᓐᓄᑦ.”

ᒨᓯᓯ ᑕᓪᓕᒪᖏᑦ 4:25

“ᐊᑯᓂ ᓄᓇᒥ ᐃᓅᓯᒪᓕᕋᓗᐊᕐᑐᓯ ᓄᑕᕋᖃᕐᑐᓯ ᐃᕐᖑᑕᖃᐅᕐᓗᓯᓗ, ᑭᓯᐊᓂᓕ ᐊᔪᕐᑐᓕᓂᐊᕋᓯ ᒎᑎᓐᖑᐊᒃᓴᑦᓯᓐᓂᒃ ᓴᓇᓂᕐᒧᑦ ᖃᓄᐃᑦᑐᑐᐃᓐᓇᐅᒐᓗᐊᕐᐸᑦ. ᑕᒪᓐᓇ ᐊᑕᓂᐅᑉ ᒎᑎᑦᓯ ᓵᖓᓂ ᐱᐅᖏᑦᑐᐊᓘᖕᒪᑦ, ᓂᓐᖓᒍᑎᒋᔪᓐᓇᕐᓗᓂᐅᒡᓗ ᑕᒪᓐᓇ.

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.