ᒨᓯᓯ ᑕᓪᓕᒪᖏᑦ 29:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ “ᓱᓕᓕ ᐊᑕᓂᖅ ᒎᑎᕗᑦ ᐊᓐᖏᐊᕆᔭᖃᕐᐳᖅ; ᐱᖁᔭᒥᓂᒡᓕ ᓴᖅᑭᑎᑦᓯᓯᒪᒐᓗᐊᕐᐳᖅ, ᐅᕙᒍᑦ ᑭᖑᕚᕗᓪᓗ ᓈᓚᒋᐊᖃᕐᑕᑦᑎᓐᓂᒃ ᐃᓱᖃᖏᑦᑐᒧᑦ, ᐱᖁᔭᓕᒪᑦ ᐅᑯᐊ ᒪᓕᒃᑕᐅᖁᓪᓗᒋᑦ.”

ᒨᓯᓯ ᑕᓪᓕᒪᖏᑦ 29:29 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 41:16

ᔫᓯᐱᐅᑉ ᐰᕉ ᑭᐅᕚ ᐅᖃᕐᓗᓂ, “ᐅᕙᖓᐅᖏᑦᑐᖅ; ᒎᑎᐅᓪᓕ ᐰᕉ ᑐᑭᓯᑎᓐᓂᐊᕐᐹ ᑐᑭᓯᔪᒪᔭᖓᓂᒃ.”

ᔫᐱᐅᑉ ᐊᒡᓚᖏᑦ 28:28

ᐃᓄᖕᒧᓪᓗ ᐅᖃᕐᓗᓂ, ‘ᑕᑯᒋᑦ, ᐊᑕᓂᕐᒥᒃ ᓯᕘᕋᓂᖅ, ᑕᒪᓐᓇ ᓯᓚᑐᓂᐅᕗᖅ; ᐊᔪᕐᓂᕐᒥᒡᓗ ᕿᒤᓂᖅ ᑕᕝᕙ ᑐᑭᓯᓂᐅᕗᖅ.’”

ᐃᓐᖏᕈᑎᑦ 25:14

ᐊᑕᓂᐅᑉ ᐃᔨᕐᓯᒪᔭᓂ ᖃᐅᔨᔭᐅᑎᑉᐰᑦ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒥᓂᒡᓗ ᑕᑯᑎᓐᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:2

ᒎᑎᐅᑉ ᐱᓐᓇᕐᓇᕐᓂᕐᔪᐊᕆᕚ ᓱᓇᑐᐃᓐᓇᖅ ᐃᔨᕐᓯᒪᓗᒍ, ᐊᖓᔪᖅᑳᕐᔪᐊᓪᓕ ᐱᓐᓇᕐᓇᕐᓂᕆᕚ ᓱᓇᑐᐃᓐᓇᖅ ᕿᓂᕐᓗᒍ ᓇᓂᓗᒍᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:32

ᐊᑕᓂᐅᑉ ᐆᒥᒋᖕᒪᒋᑦ ᐊᔪᕐᑐᓕᔪᑦ, ᐃᓱᐊᕐᑐᓕᔪᓪᓕ ᖁᓚᕆᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᔨᕆᒤᐊᐅᑉ ᐊᒡᓚᖏᑦ 23:18

ᓇᓪᓕᐊᑕᓕ ᑖᒃᑯᐊ ᐊᑕᓂᖅ ᖃᐅᔨᒋᐊᕐᕕᒋᓚᐅᕐᓯᒪᕙᑦᔫᒃ, ᐅᖃᐅᓯᖏᓐᓂᒡᓘᓐᓃᑦ ᑐᓴᕋᓱᓚᐅᕐᓯᒪᕚᑦ? ᓈᓚᒃᑐᖃᕐᓯᒪᕚ ᐅᖃᐅᓯᖏᓐᓂᒡᓗ ᑐᓴᕐᑐᖃᕈᒪᓪᓗᓃ?

ᑖᓂᐊᓕᐅᑉ ᐊᒡᓚᖏᑦ 2:22

ᓇᓗᓁᕐᓯᕙᒃᐳᖅ ᐃᑎᔪᓂᒃ ᐃᔨᕐᓯᒪᔪᓂᒡᓗ; ᑖᕐᑐᒦᑦᑐᑦ ᖃᐅᔨᒪᕔᑦ, ᖃᐅᒪᔫᓪᓗ ᐃᓂᒋᕚ.

ᑖᓂᐊᓕᐅᑉ ᐊᒡᓚᖏᑦ 4:9

ᐅᖃᐅᑎᓚᐅᕐᐸᕋᓗ, ᐱᐊᓪᓴᔮᕆ, ᐊᖓᒃᑯᐃᑦ ᐊᖓᔪᖅᑳᖓᑦ, ᖃᐅᔨᒪᕗᖓ ᒎᑎᑦ ᐊᓂᕐᓂᖏᑕ ᐃᓂᒋᖕᒪᑎᑦ, ᓇᓗᓇᕐᑐᓂᒡᓗ ᓴᐱᕈᑎᖃᖏᓐᓇᕕᑦ, ᐃᒫᒃ ᓯᓐᓇᒃᑐᓚᐅᕐᐳᖓ; ᑐᑭᖓᓂᒃ ᐅᖃᐅᑎᓚᐅᓐᖓ.

ᐂᒨᓯᐅᑉ ᐊᒡᓚᖏᑦ 3:7

“ᓱᓕᓪᓚᕆᒃᐳᖅ ᐊᑕᓂᖅ ᐱᓂᐊᓲᖑᖏᒻᒪᑦ ᓇᓗᓇᕐᑐᒥᒃ, ᓇᓗᓁᕐᓯᓚᐅᖅᑳᕋᓂ ᐱᔨᓄᑦ ᐅᖃᕐᑎᖁᑎᒥᓄᑦ?

ᒫᑎᐅᓯᐅᑉ ᐊᒡᓚᖏᑦ 13:11

ᔩᓱᓯᐅᑉ ᑭᐅᕔᑦ, “ᒎᑎᐅᑉ ᐊᑕᓂᐅᕕᖓᑕ ᓇᓗᓇᕐᓂᖓᓂᒃ ᖃᐅᔨᑎᑕᐅᕗᓯ, ᑖᒃᑯᐊᓕ ᖃᐅᔨᑎᑕᐅᓐᖏᓚᑦ.

ᒫᑎᐅᓯᐅᑉ ᐊᒡᓚᖏᑦ 13:35

ᑕᕝᕙ ᓇᓚᐅᑦᑍᔫᑉ ᐅᖃᐅᓯᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᐊᑦᔨᐅᔪᓂᒃ ᐊᑐᕐᓗᖓ ᐅᖃᕐᕕᒋᓂᐊᕐᐸᒃᑲ; ᐅᖃᐅᑎᓂᐊᕐᐸᒃᑲ ᐃᔨᕐᓯᒪᓚᐅᕐᑐᓂᒃ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ.”

ᔪᐊᓇᓯᐅᑉ ᐊᒡᓚᖏᑦ 15:15

ᒪᑐᒪ ᑭᖑᕐᖓᓂ ᐱᔨᒥᒃ ᑍᓂᐊᕈᓐᓃᕐᐸᑦᓯ, ᐱᔨ ᖃᐅᔨᒪᖏᒻᒪᑦ ᐊᖓᔪᖅᑳᖓᑕ ᐱᓂᐊᕐᓂᖏᓐᓂᒃ; ᐃᓕᑦᓯᓕ ᐃᓚᓐᓇᕆᔭᓐᓂᒃ ᑍᓚᐅᕐᐸᑦᓯ, ᐊᑖᑕᓐᓂᑦ ᑐᓴᓚᐅᕐᑕᓕᒫᓐᓂᒃ ᓇᓗᓁᕐᓯᕕᒋᓚᐅᕋᑦᓯ.

ᔪᐊᓇᓯᐅᑉ ᐊᒡᓚᖏᑦ 20:31

ᑖᒃᑯᐊ ᑎᑎᕋᕐᓯᒪᕗᑦ ᐅᒃᐱᓕᖁᓪᓗᓯ ᔩᓱᓯ ᙭ᔅᑑᓯᐅᖕᒪᑦ, ᒎᑎᐅᑉ ᐃᕐᓂᖓ. ᐅᒃᐱᕐᓂᑦᓯᒍᑦ ᐃᓅᓯᖃᖁᓪᓗᓯ ᑖᑦᓱᒨᓇ.

ᔪᐊᓇᓯᐅᑉ ᐊᒡᓚᖏᑦ 21:22

ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!”

ᔪᐊᓇᓯᐅᑉ ᐊᒡᓚᖏᑦ 5:39

ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 1:7

ᔩᓱᓯᐅᑉ ᑭᐅᕔᑦ, “ᐃᓕᑦᓯ ᑕᒪᑐᒥᖓ ᖃᐅᔨᒪᔭᕆᐊᖃᓐᖏᓚᓯ ᐱᕕᒃᓴᒥᒃ ᓇᓪᓕᐅᑎᕕᒃᓴᓂᒡᓗ ᐊᑖᑕᒪ ᑕᒪᒃᑯᐊ ᐱᔪᓐᓇᕐᓂᕐᒥᓄᑦ ᐋᖅᑭᒃᓯᒪᖕᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:11

ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:16

ᐊᒡᓔᑦ ᐅᖃᕐᒪᑕ, “ᑭᐊ ᐊᑕᓂᐅᑉ ᐃᓱᒪᖓ ᖃᐅᔨᒪᕙᐅᒃ? ᑭᐊᓗ ᐃᓱᒪᓕᐅᕈᓐᓇᕐᐸᐅᒃ?” ᐅᕙᒍᓪᓕ ᙭ᔅᑑᓯᐅᑉ ᐃᓱᒪᖓᓂᒃ ᐃᓱᒪᖃᕐᐳᒍᑦ.

ᒨᓯᓯ ᑕᓪᓕᒪᖏᑦ 30:2

ᐊᑕᓂᕐᒧᓪᓗ ᒎᑎᑦᓯᓐᓄᑦ ᐅᑎᕈᑦᓯ, ᑭᖑᕚᓯ ᐃᓚᒋᓗᒋᑦ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ ᐱᖁᔭᖏᑦ ᓈᓚᒍᒪᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ,

ᒨᓯᓯ ᑕᓪᓕᒪᖏᑦ 6:7

ᐊᔪᐃᓐᓇᕐᓗᓯ ᕿᑐᕐᖓᑦᓯᓐᓄᑦ ᐃᓕᓐᓂᐊᕐᑎᑦᓯᑦᔪᑎᒋᔭᒃᓴᕆᕙᓯ. ᑍᒧᖎᓐᓇᕆᐅᒃᓴᒐᒃᓴᕆᕙᓯᓗ ᐃᓕᓐᓂᐊᕐᓗᒋᑦ ᐊᖏᕐᕋᑦᓯᓐᓂ ᐊᐅᓪᓚᕐᓯᒪᑎᓪᓗᓯᓗ, ᓄᖅᑲᖓᑎᓪᓗᓯ ᓴᓇᑎᓪᓗᓯᓗ.

ᑎᒧᑎᒧᑦ ᐂᑉᐸᖏᑦ 1:5

ᐃᖅᑲᐅᒪᒐᒪ ᓱᓕᑦᓯᐊᕐᑐᒥᒃ ᐅᒃᐱᕐᓃᖃᕋᕕᑦ, ᐊᓈᓇᑦᓯᐊᕕᑦ ᓗᐃᓯᐅᑉ ᐅᒃᐱᕐᓂᖓᑐᑦ ᐊᓈᓇᕕᓪᓗ ᔫᓁᓯᐅᑉ, ᖁᓚᖏᑦᓯᐊᕋᒪ ᐃᓕᖕᓃᓐᓂᖓᓂᒃᑕᐅᖅ.

ᑎᒧᑎᒧᑦ ᐂᑉᐸᖏᑦ 3:16

ᒎᑎᐅᑉ ᐅᖃᐅᓯᕆᓯᒪᔭᖏᑦ ᐃᓘᓐᓇᑎᒃ ᒎᑎᐅᑉ ᐃᓱᒪᓕᐅᕈᑎᒋᓯᒪᖕᒪᒋᑦ ᐊᑐᕐᓇᕐᐳᑦ ᐊᔪᕆᕐᑐᐃᓂᕐᒧᑦ, ᐃᓂᕐᑎᕆᓂᕐᒧᑦ, ᐋᖅᑭᒋᐊᕐᑕᐅᓂᕐᒧᑦ, ᐃᓅᑦᓯᐊᕐᓂᕐᒧᓪᓗ ᐃᓕᓐᓂᐊᕈᑎᒃᓴᐅᓪᓗᑎᒃ,