ᒨᓯᓯ ᑕᓪᓕᒪᖏᑦ 29:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑕᒪᓐᓇ ᐃᒤᓕᖓᔪᒥᒃ, ‘ᐱᑦᔪᑎᖃᕐᐳᖅ ᐊᑕᓂᐅᑉ ᐃᓄᖁᑎᖏᑕ ᑖᑦᓱᒧᖓ ᐊᖏᖃᑎᒌᒍᑎᒋᓚᐅᕐᑕᓂ ᓯᖁᓯᒥᒪᖕᒪᒋᑦ, ᓯᕗᓕᕕᓂᖏᑕ ᒎᑎᖓᓄᑦ, ᐊᖏᖃᑎᒌᒍᑎᓕᐊᕆᓚᐅᕐᑕᖓᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.

ᒨᓯᓯ ᑕᓪᓕᒪᖏᑦ 29:25 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 9:8

ᐅᓇ ᑐᒃᓯᐊᕐᕕᒡᔪᐊᖅ ᓱᕋᒃᓯᒪᓕᕐᓗᓂ ᓯᖁᒥᓯᒪᓕᕈᒪᕐᐳᖅ, ᐃᓄᓕᒫᑦ ᑖᑦᓱᒥᖓ ᑕᑯᔪᕕᓃᑦ ᖁᐊᕐᓵᕐᓗᑎᒡᓗ ᑲᒪᓂᐊᕈᒫᕐᐳᑦ ᐅᖃᕐᓗᑎᒡᓗ, ‘ᖃᓄᐊᓗᒃ ᐊᑕᓂᖅ ᑍᒤᓕᐅᕐᐸ ᑕᕝᕗᖓ ᓄᓇᒧᑦ ᐅᕗᖓᓗ ᑐᒃᓯᐊᕐᕕᒡᔪᐊᒧᑦ?’

ᐊᑕᓃᑦ ᓯᕗᓪᓖᑦ 9:9

ᑕᕝᕙ ᐅᖃᓕᕈᒫᐳᑦ, ‘ᐃᓄᐃᑦ ᕿᒤᓚᐅᕐᒪᑕ ᐊᑕᓂᕐᒥᒃ ᒎᑎᒥᖕᓂᒃ ᓯᕗᓕᕕᓂᖏᓐᓂᒃ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᒥᒃ, ᐃᑲᔪᕐᑎᑖᕋᓱᐊᕐᓯᒪᖕᒪᑕ ᒎᑎᓐᖑᐊᓄᑦ ᑐᒃᓯᐊᕐᕕᒋᓗᒋᓪᓗ, ᑍᒤᒻᒪᑦ ᐊᑕᓂᕐᒧᑦ ᐊᓱᕈᕐᓇᕐᑐᒧᐊᕐᑎᑕᐅᓯᒪᕗᑦ.’”

ᐊᑕᓃᑦ ᐂᑉᐸᖏᑦ 17:15

ᒪᓕᒃᑕᐅᖁᔭᖏᓐᓂᒃ ᒪᓕᒍᒪᓚᐅᓐᖏᓚᑦ ᓯᕗᓕᕕᓂᖏᑕ ᒎᑎᒥᒃ ᐊᖏᖃᑎᒌᒍᑎᓕᐅᕐᓯᒪᓂᖏᓐᓂᒃ ᑲᔪᓯᑎᑦᓯᓚᐅᓐᖏᓚᑦ, ᐃᓂᕐᑎᕆᑦᔪᑎᖏᓪᓗ ᓈᓚᓚᐅᓐᖏᓔᑦ. ᑐᒃᓯᐊᕐᕕᖃᖔᓕᕐᓗᑎᒃ ᒎᑎᓐᖑᐊᓂᒃ ᓱᓕᖏᑦᑐᓂᒃ ᓇᖕᒥᓂᖅ ᓱᓕᔪᓐᓃᕐᑎᓚᐅᕐᐳᑦ, ᐃᓅᖃᑎᒌᒡᔪᐊᓂᒃ ᐊᑕᓂᕐᒥᒃ ᐅᒃᐱᕆᔭᖃᖏᑦᑐᓂᒃ ᒪᓕᖃᑕᐅᑐᐃᓐᓇᓕᕐᓗᑎᒃ, ᐊᑕᓂᐅᑉ ᒪᓕᒃᑕᐅᖁᓚᐅᓐᖏᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 17:9

ᐃᓴᕆᐊᓕᒥᐅᑦ ᐱᓂᐊᓚᐅᕐᒪᑕ ᐊᑕᓂᐅᑉ ᓈᒻᒪᒋᓐᖏᑕᖏᓐᓂᒃ ᐃᔨᕋᕐᑐᕐᓗᑎᒃ. ᐃᒡᓗᒐᓴᒡᔪᐊᖁᑎᓕᒫᒥᖕᓂᒃ ᒎᑎᓐᖑᐊᒥᖕᓄᑦ ᑐᒃᓯᐊᕐᕕᒃᑕᖃᕐᑎᑦᓯᓚᐅᕐᒪᑕ, ᐃᒡᓗᒐᓴᖏᓐᓂᑦ ᒥᑭᓐᓂᕐᐹᓂᑦ ᐃᒡᓗᒐᓴᒡᔪᐊᑦ ᐊᖏᓂᕐᐹᑦ ᑎᑭᓪᓗᒋᑦ.

ᐊᑕᓃᑦ ᐂᑉᐸᖏᑦ 22:17

ᐅᕙᓐᓂᒃ ᕿᒤᓯᒪᖕᒪᑕ ᐊᓯᓐᓄᑦ ᒎᑎᒥᖕᓄᑦ ᐃᓯᕐᓗᐊᕐᓂᑎᑦᓯᖃᑦᑕᕐᒪᑕ, ᓂᓐᖓᒍᑎᒋᔪᓐᓇᕐᑕᓐᓂᒃ ᐱᓇᓱᐊᖃᑦᑕᕐᓯᒪᖕᒪᑕ, ᔨᕉᓴᓕᒥᐅᓂᒃ ᓂᓐᖓᒃᓮᓯᒪᖕᒪᑕ ᐅᕙᓐᓂᒃ ᐊᒡᒐᖕᒥ ᓴᓇᔭᖏᓐᓄᑦ, ᑍᒤᒻᒪᑦ ᓂᓐᖓᐅᒪᔪᒫᓕᕐᐳᖓ ᑕᒫᓂ ᓄᓇᒥ, ᑭᓇᒧᓪᓘᓐᓃᑦ ᓄᖅᑲᕐᑎᑕᐅᓂᐊᖏᑦᑐᒥᒃ.

ᑯᕉᓂᑲ ᐂᑉᐸᖏᑦ 36:13

ᑖᓐᓇᑦᑕᐅᖅ ᐊᑭᕋᕐᑐᓕᓚᐅᕐᐳᖅ ᐊᖓᔪᖅᑳᕐᔪᐊᒥᒃ ᓂᐱᑯᓁᓴᒥᒃ, ᑖᑦᓱᒪ ᐊᖏᒻᒪᕆᒃᑎᓗᓂᐅᒃ ᐅᖃᕕᒃᑎᓚᐅᕐᑎᓪᓗᓂᐅᒃ ᒎᑎᒃᑯᑦ ᓈᓚᑦᓯᐊᕐᓂᐊᕐᓂᕋᕐᓗᓂ; ᐃᒻᒥᓂᒃ ᐅᓗᕆᐊᑦᑍᑦᑑᑎᓪᓗᓂ ᐆᒻᒪᑎᓂ ᓯᑎᔪᕈᕐᑎᓪᓗᒍ ᓵᑦᑐᒪᓚᐅᓐᖏᓚᖅ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

ᐃᓐᖏᕈᑎᑦ 106:36

ᒎᑎᓐᖑᐊᖏᓐᓄᑦ ᑐᒃᓯᐊᖃᑕᐅᖃᑦᑕᓕᓚᐅᕐᐳᑦ: ᑕᒪᑐᒧᖓᓗ ᑕᕝᕙ ᓂᒐᕐᑎᑕᐅᑦᔪᑎᖃᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 47:6

ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 65:11

“ᐃᓕᑦᓯᓕ ᐅᕙᓐᓂᒃ ᑐᓄᑦᓯᓯᒪᔪᑦ, ᖃᖅᑲᖁᑎᓐᓂᒡᓗ ᐃᑦᔪᕐᓁᑦᑐᒥᒃ ᐳᐃᒍᕐᓯᒪᔪᑦ, ᓵᒥᒃ ᐋᖅᑭᒃᓱᐃᕙᒃᑐᓄᑦ ᓇᓚᐅᑦᑍᓂᕐᓗᒃᑐᓂᒃ ᑕᑎᖃᕐᓗᑎᒃ, ᒪᒃᑲᐅᔭᐅᑉ ᐃᒪᖓᓄᑦ ᖃᐅᔨᓇᓱᐊᕈᑎᖃᕐᐸᒃᑐᓄᑦ ᓯᕗᓂᒃᓴᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 16:11

ᐃᒫᒃ ᐅᖃᐅᑎᔭᒃᓴᕆᕙᑎᑦ, ‘ᓯᕗᓕᕕᓂᑦᓯ ᕿᒪᓚᐅᕐᒪᖓ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓂᒡᓗ ᒪᓕᒐᖃᖔᓕᓚᐅᕐᒪᑕ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᑐᒃᓯᐊᕐᕕᒋᕙᒃᓗᒋᓪᓗ, ᐅᕙᓐᓂᒡᓕ ᕿᒤᓪᓗᑎᒃ ᐱᖁᔭᒃᑲ ᒪᓕᒍᒪᔪᓐᓃᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 22:8

“‘ᐃᓅᖃᑎᒌᒡᔪᐊᓪᓗ ᐊᖅᑯᓵᓕᕈᑎᒃ ᐃᒡᓗᒐᓴᒡᔪᐊᓄᑦ, ᐃᓅᖃᑎᒥᖕᓄᑦ ᐅᖃᕐᐸᓕᕈᒫᕐᐳᑦ, “ᓱᖕᒪᑦ ᐊᑕᓂᐅᑉ ᐃᒡᓗᒐᓴᒡᔪᐊᑦ ᐱᔪᓐᓇᕐᓂᕐᐹᖑᔪᑦ ᑍᒤᓕᐅᓚᐅᕐᐰᑦ?”

ᔨᕆᒤᐊᐅᑉ ᐊᒡᓚᖏᑦ 22:9

ᑭᐅᔭᐅᔪᒫᕐᐳᓪᓗ, “ᐊᑕᓂᐅᑉ ᒎᑎᒥᑕ ᐊᖏᖃᑎᒌᒍᑎᒋᓯᒪᔭᖓᓂᒃ ᕿᒤᓚᐅᕐᒪᑕ, ᑐᒃᓯᐊᕐᕕᖃᖔᓕᕐᓗᑎᒡᓗ ᐱᔨᑦᓯᖔᓕᕐᓗᑎᒃ ᒎᑎᓐᖑᐊᓂᒃ.”’”

ᔨᕆᒤᐊᐅᑉ ᐊᒡᓚᖏᑦ 31:32

ᑖᓐᓇ ᐊᖏᖃᑎᒌᒍᑎᒋᔭᕋ ᐊᑦᔨᖃᕈᒫᓐᖏᓚᖅ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᓐᓄᑦ, ᑎᒍᓪᓗᒋᑦ ᑕᓯᐅᓚᐅᕋᒃᑭᑦ ᐄᑦᔨᑉᑎᒥᑦ, ᐊᖏᖃᑎᒌᒃᓯᒪᓂᑦᑎᓐᓂᒃ ᓯᖁᒥᑦᓯᓚᐅᕐᒪᑕ, ᐅᐃᒋᔭᐅᔪᑎᑐᑦ ᑖᒃᑯᓄᖓ ᑍᒤᒃᑲᓗᐊᕐᑎᓪᓗᖓ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 44:3

ᐃᓄᒋᓚᐅᕐᑕᖏᓐᓂᑦ ᓂᓐᖓᒃᑎᑕᐅᓚᐅᕋᒪ ᐱᐅᖏᑦᑐᓕᓂᖏᓐᓄᑦ, ᑐᓂᕐᕈᓯᕐᓗᑎᒃ ᑐᒃᓯᐊᕐᕕᖃᖃᑦᑕᓚᐅᕐᒪᑕ ᐊᓯᓐᓂᒃ ᒎᑎᒋᔪᒪᔭᒥᖕᓂᒃ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᓯᕗᓕᕕᓂᖏᑕ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓂᐅᔭᓚᐅᓐᖏᑕᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 50:7

ᑖᒃᑯᓂᖓᓗ ᓇᓂᓯᔪᑦ ᓄᖑᕅᓚᐅᕐᐳᑦ, ᐊᑭᕋᕐᑐᕐᑎᖏᓪᓗ ᐅᖃᕐᐳᑦ, ‘ᐸᓯᔭᒃᓴᐅᓐᖏᓚᒍᑦ, ᐊᑕᓂᕐᒧᑦ ᐊᔪᕐᑐᓕᓚᐅᕐᒪᑕ ᐃᓂᒃᓴᑐᐊᕆᔭᒥᖕᓄᑦ ᓯᕗᓕᖏᑕ ᐊᑕᓂᕆᔭᖓᓐᓄᑦ.’

ᒨᓯᓯ ᑕᓪᓕᒪᖏᑦ 29:26

ᒎᑎᒋᔭᐅᔪᓂᒃ ᑖᑦᓱᒪ ᐊᓯᖏᓐᓂᒃ ᑐᒃᓯᐊᕐᕕᖃᖃᑦᑕᓕᕐᒪᑕ ᓯᕗᓂᖓᒍᑦ ᑐᒃᓯᐊᕐᕕᒋᖃᑦᑕᓚᐅᕐᓯᒪᓐᖏᑕᒥᖕᓄᑦ, ᒎᑎᓄᑦ ᐊᑕᓂᐅᑉ ᑐᒃᓯᐊᕐᕕᐅᖃᑦᑕᖁᓚᐅᓐᖏᑕᖏᓐᓄᑦ.

ᐄᑉᕈᐃᓄᑦ 8:9

ᓯᕗᓕᕆᓚᐅᕐᑕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᒪ ᐊᑦᔨᒋᔪᒫᓐᖏᓛ, ᑍᑦᓱᒪᓂ ᑕᓯᐅᕐᓗᒋᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ, ᑲᒪᑦᓯᐊᓚᐅᖏᒻᒪᑕ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᑖᒃᑯᓄᖓ, ᑍᒤᒻᒪᑦ ᕿᒪᓚᐅᕐᐸᒃᑲ, ᐊᑕᓂᖅ ᐅᖃᕐᐳᖅ.