ᒨᓯᓯ ᑕᓪᓕᒪᖏᑦ 29:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ “ᐅᓪᓗᒥᓕ ᐊᑕᓂᐅᑉ ᒎᑎᑦᓯ ᓇᔪᕐᑕᖓᑕ ᓵᖓᓂ ᐃᓘᓐᓇᓯ ᓇᖏᕐᐳᓯ, ᑭᖑᕚᕇᓄᑦ ᑕᓯᐅᕐᑎᐅᔪᓯ, ᐊᖓᔪᖅᑳᖑᔪᓯ, ᐊᐅᓚᑦᓯᔨᐅᔪᓯᓗ, ᐊᖑᑕᐅᔪᓯ ᐃᓴᕆᐊᓕᒥ,

ᒨᓯᓯ ᑕᓪᓕᒪᖏᑦ 29:10 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 20:13

ᔫᑕᒥᐅᓕᒫᓪᓗ ᐊᖑᑎᑦ ᓄᓕᐊᑎᒃ ᕿᑐᕐᖓᑎᒡᓗ ᐃᓚᒋᓪᓗᒋᑦ ᓇᖏᓚᐅᕐᐳᑦ ᐊᑕᓂᐅᑉ ᓵᖓᓂ.

ᑯᕉᓂᑲ ᐂᑉᐸᖏᑦ 23:16

ᔨᕼᐅᐃᐊᑕᓗ ᐊᖏᖃᑎᒌᒍᑎᓕᐅᕐᐳᖅ ᐃᒻᒥᓄᑦ ᐃᓄᓕᒫᓄᓪᓗ ᐊᖓᔪᖅᑳᕐᔪᐊᒧᓪᓗ ᐊᑕᓂᕐᒧᑦ ᐃᓄᖁᑎᒋᔭᐅᔪᒪᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 10:28

ᒫᓐᓇ ᐃᓄᐃᑦ ᐃᓴᕆᐊᓕᒥᐅᑦ ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ, ᐃᑎᕐᑕᕐᕕᖕᒥᓗ ᑲᒪᔩᑦ, ᐃᓐᖏᕐᑏᓪᓗ, ᑐᒃᓯᐊᕐᕕᒡᔪᐊᕐᒥᓗ ᐱᔩᑦ, ᓂᑎᓂᒦᑦ, ᐃᒻᒥᖕᓂᒡᓗ ᑐᓂᓯᒪᔪᑦ ᔫᑎᐅᖏᑦᑐᓂᑦ ᑕᒫᓂ ᓄᓇᓕᖕᓂᑦ ᒎᑎᐅᑉ ᐱᖁᔭᖏᓐᓂᒃ ᐱᓇᓱᐊᕐᑎᐅᔪᒪᓪᓗᑎᒃ, ᓄᓕᐊᖏᓪᓗ, ᐃᕐᓂᖏᓪᓗ, ᐸᓂᖏᓪᓗ, ᓱᖅᑯᐃᓱᒃᑐᓕᒫᑦ ᑐᑭᓯᔪᓐᓇᕐᑐᓕᒫᓪᓗ,

ᓂᕼᐃᒤᐊᐅᑉ ᐊᒡᓚᖏᑦ 8:2

ᑕᕝᕙ ᐄᓱᕋᐅᑉ ᑐᓂᕐᕈᓯᕐᑎᑦᓯᔨᐅᑉ ᑲᑎᒪᔪᓄᐊᕈᑎᓚᐅᕐᐰᑦ ᐃᓄᖕᓄᑦ ᐊᖑᑎᓄᑦ ᐊᕐᓇᓄᓪᓗ ᕿᑐᕐᖓᖏᓐᓄᓪᓗ ᑐᓴᕈᓐᓇᕐᑐᓄᑦ ᑐᑭᓯᔪᓐᓇᓕᕐᑐᓕᒫᓄᑦ ᐅᓪᓘᑉ ᓯᕗᓪᓕᕐᐹᖓᓂ ᑕᖅᑭᐅᑉ 7ᖓᑦᑕ.

ᓂᕼᐃᒤᐊᐅᑉ ᐊᒡᓚᖏᑦ 9:38

ᑕᒪᒃᑯᐊ ᖃᓄᐃᓕᐅᕐᓂᐅᓚᐅᕐᑐᑦ ᐱᑦᔪᑎᒋᓪᓗᒋᑦ ᐊᖏᖃᑎᒌᖕᓂᖃᕐᑎᑦᓯᓚᐅᕐᐳᒍᑦ ᓴᖑᑎᑕᐅᓂᐊᖏᑦᑐᒥᒃ ᑎᑎᕋᕐᓗᒋᓪᓗ; ᐊᖓᔪᖅᑳᕗᑦ, ᓕᕔᑎᓪᓗ, ᑐᓂᕐᕈᓯᕐᑎᑦᓯᔨᖁᑎᕗᓪᓗ ᑖᒃᑯᐊ ᓇᕿᑦᔪᓯᕐᓯᓚᐅᕐᐳᑦ ᓇᓗᓁᒃᑯᑕᐅᓂᐊᕐᑐᓂᒃ.

ᒨᓯᓯ ᑕᓪᓕᒪᖏᑦ 29:11

ᕿᑐᕐᖓᓯ, ᓄᓕᐊᓯᓗ, ᓄᓇᖃᕐᑐᑐᖃᐅᖏᑦᑐᓪᓗ ᓄᓇᖃᖃᑎᒋᔭᓯ, ᑕᒤᑕ ᕿᔪᒃᓴᑦᓯᓐᓂᒃ ᓇᑲᑎᕆᕙᒃᑐᑦ ᐃᒥᒃᓴᑦᓯᓐᓂᒡᓗ ᐃᒥᕐᑕᕐᐸᒃᑐᑦ,

ᒨᓯᓯ ᑕᓪᓕᒪᖏᑦ 29:9

ᑍᒤᒻᒪᑦ ᑲᒪᑦᓯᐊᕐᓗᓯ ᐊᖏᖃᑎᒌᒍᑕᐅᓯᒪᔫᑉ ᓇᓗᓁᕐᓯᒪᓂᓕᒫᖏᑦ ᓈᓚᒋᐊᖃᕐᐸᓯ, ᐱᔪᓐᓇᑦᓯᐊᖁᓪᓗᓯ ᐃᓘᓐᓈᒍᑦ ᐱᓇᓱᐊᕐᑕᑦᓯᒍᑦ.

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’

ᔮᓱᐊᑉ ᐊᒡᓚᖏᑦ 8:35

ᒨᓯᓯᐅᑉ ᐱᖁᔭᓕᒫᖏᑦ ᔮᓱᐊᑉ ᐅᖃᓕᒫᓚᐅᕐᐰᑦ ᑲᑎᒪᔪᓄᑦ ᐃᓴᕆᐊᓕᒥᐅᓄᑦ, ᐊᕐᓁᑦ ᕿᑐᕐᖓᖏᓪᓗ ᓄᓇᓕᑐᖃᐅᖏᑦᑐᓪᓗ ᐃᓅᖃᑎᖏᑦ ᐱᖃᑕᐅᔪᐃᓐᓇᐅᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 9:21

ᑕᕝᕙ ᐅᖃᒃᑲᓐᓂᕐᐳᑦ ᐃᓄᖕᓄᑦ, “ᐃᓅᑎᓕᕐᓚᕗᑦ,” ᕿᔪᖕᓂᒡᓕ ᓇᑲᑎᕆᔨᐅᓕᓚᐅᕐᐳᑦ ᐃᒥᕐᑕᕐᑎᐅᓪᓗᑎᒡᓗ ᐃᓄᓕᒫᓄᑦ, ᓯᕗᓕᕐᑏᑦ ᐊᖏᖃᑎᖃᕐᓯᒪᖕᒪᑕ ᑖᒃᑯᓂᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:12

ᑐᖁᓯᒪᔪᓪᓗ ᑕᑯᒋᕙᒃᑲ, ᐊᖏᔪᑦ ᒥᑭᔪᓪᓗ, ᐃᒃᓯᕙᐅᑕᕐᔪᐊᑉ ᓵᖓᓂ ᓇᖏᕐᑐᑦ, ᑎᑎᕋᕐᕕᒃᓮᓪᓗ ᒪᒃᐱᕐᑕᐅᕗᑦ. ᐊᓯᖏᓪᓗ ᐊᑎᖃᕐᕖᑦ ᒪᒃᐱᕐᑕᐅᒋᕗᑦ, ᑖᒃᑯᐊ ᐊᑎᖃᕐᕖᑦ ᐃᓅᓯᕾᓐᓇᕐᓇᕐᑐᑦ. ᑐᖁᓯᒪᔪᓪᓗ ᐊᑐᓂᑦ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ, ᑎᑎᕋᕐᕕᒃᓴᓂ ᑎᑎᕋᕐᑕᐅᓯᒪᔪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:15

ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᔪᖏᑦᑐᖁᑕᐅᔪᓪᓗ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐊᔪᕐᓴᓐᖏᑦᑐᓪᓗ ᓴᓐᖏᔪᓪᓗ, ᐃᓄᑐᐃᓐᓇᓕᒫᓪᓗ, ᓯᐊᓛᑦ ᓯᐊᓛᖑᖏᑦᑐᓪᓗ, ᐃᔨᕆᐊᕐᑐᕐᐳᑦ ᕾᕈᓱᖕᓄᑦ ᖃᖅᑳᓗᐃᓪᓗ ᐅᔭᕋᓱᒃᔪᖏᑦᑕ ᐊᖁᕐᖓᓐᓄᑦ.

ᓴᒧᐃᓕ ᓯᕗᓪᓖᑦ 3:21

ᐊᑕᓂᕐᓗ ᓴᖅᑭᒃᑲᓐᓂᓚᐅᕐᐳᖅ ᓮᓗᐊᒥ, ᑍᑲᓂ ᐊᑕᓂᖅ ᐃᒻᒥᓂᒃ ᓴᖅᑭᑎᓚᐅᕐᐳᖅ ᓴᒧᐃᓕᒧᑦ ᐅᖃᐅᓯᕐᒥᒍᑦ.

ᓴᒧᐃᓕ ᓯᕗᓪᓖᑦ 4:1

ᓴᒧᐃᓕᓗ ᐅᖃᓕᕐᐳᖅ ᐃᓴᕆᐊᓕᒥᐅᓕᒫᓄᑦ. ᐃᓴᕆᐊᓕᒥᐅᑉ ᐅᓇᑕᕆᐊᓕᓚᐅᕐᒪᑕ ᐱᓕᔅᑍᓂᒥᐅᓂᒃ; ᑕᖕᒫᕐᓯᒪᓚᐅᕐᐳᓪᓗ ᐃᐱᓂᓯᕆᒥ, ᐱᓕᔅᑏᓂᒥᐅᑦ ᑕᖕᒫᕐᓯᒪᑎᓪᓗᒋᑦ ᐊᐱᒃᒥ.