ᒨᓯᓯ ᑕᓪᓕᒪᖏᑦ 29:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᒪᑯᐊ ᑕᕝᕙ ᐊᖏᖃᑎᒌᒍᑏᑦ ᐅᖃᐅᓯᕐᑕᖏᑦ ᒨᓯᓯᒧᑦ ᐊᑕᓂᐅᑉ ᐅᖃᐅᓯᕆᔭᐅᖁᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᒧᐊᐱᒥᐅᑦ ᓄᓇᖓᓃᑎᓪᓗᒋᑦ; ᑕᒪᒃᑯᐊᓕᒫᑦ ᐃᓚᓕᐅᑎᔭᐅᓚᐅᕐᐳᑦ ᖃᖅᑲᒥ ᕼᐆᕆᑉᒥ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖏᓐᓄᑦ.

ᒨᓯᓯ ᑕᓪᓕᒪᖏᑦ 29:1 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 23:3

ᐊᖓᔪᖅᑳᕐᔪᐊᕐᓗ ᓱᑲᕐᔪᐊᑉ ᓴᓂᐊᓂ ᓇᖏᕐᓗᓂ ᐊᑕᓂᐅᑉ ᓵᖓᓂ, ᐊᖏᖃᑎᒌᖕᓂᖅ ᓄᑕᐅᓯᓕᕐᐹ ᐊᑕᓂᖅ ᒪᓕᒡᑕᐅᖁᓪᓗᒍ ᐱᓂᐊᕐᑕᐅᖁᔭᖏᑦ ᐱᖁᔭᖏᓐᓂᒡᓗ ᓈᓚᑦᓯᐊᕐᑕᐅᖁᓪᓗᒋᑦ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒃᓯᒪᓂᐅᓪᓗ ᐱᐅᓯᐅᖁᔭᖏᑦ, ᐱᓂᐊᕈᑎᒋᓗᒋᑦ ᐃᓅᓯᖃᕈᒪᓪᓗᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᑦ, ᒪᓕᒡᓗᒋᑦ; ᐃᓄᓕᒫᑦᑕᐅᒃ ᐊᖏᖃᑕᐅᕗᑦ ᑍᒪᒃ ᐱᓂᐊᖃᑕᐅᔪᒪᓪᓗᑎᒃ.

ᐃᓐᖏᕈᑎᑦ 105:27

ᑖᒃᑯᐊᒃ ᐱᓇᓱᐊᓚᐅᕐᐳᒃ ᑖᑦᓱᒪ ᓇᓗᓁᒃᑯᑕᖏᓐᓂᒃ ᐃᓄᖕᓂ ᑕᕝᕙᓂ, ᑲᒪᓇᕐᑐᓕᓂᕐᓂᒡᓗ ᐱᓇᓱᐊᕐᓗᑎᒃ ᕼᐋᒥᐅᑉ ᓄᓇᖓᓂ.

ᔨᕆᒤᐊᐅᑉ ᐊᒡᓚᖏᑦ 11:2

“ᑐᓴᕆᑦ ᑖᑦᓱᒪ ᐊᖏᖃᑎᒌᖕᓂᐅᑉ ᐅᖃᐅᓯᖏᓐᓂᒃ, ᐅᖃᐅᓯᕆᓗᒋᓪᓗ, ᔫᑕᒥᐅᓄᑦ ᔨᕉᓴᓕᒥᐅᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 11:6

ᐊᑕᓂᐅᓪᓗ ᐅᖃᐅᑎᕚᖓ, “ᑕᒪᒃᑯᐊᓕᒫᑦ ᐅᖃᐅᓯᕆᒃᑭᑦ ᔫᑕᒥᐅᓂ ᔨᕉᓴᓕᒥᐅᓂᓗ; ᑐᓴᕆᑦᓯ ᐊᖏᖃᑎᒌᖕᓂᐅᑉ ᒪᓕᒃᑕᐅᖁᔭᖏᓐᓂᒃ ᓈᓚᒃᑐᒃᓴᐅᕗᓯ.

ᔨᕆᒤᐊᐅᑉ ᐊᒡᓚᖏᑦ 31:32

ᑖᓐᓇ ᐊᖏᖃᑎᒌᒍᑎᒋᔭᕋ ᐊᑦᔨᖃᕈᒫᓐᖏᓚᖅ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᓐᓄᑦ, ᑎᒍᓪᓗᒋᑦ ᑕᓯᐅᓚᐅᕋᒃᑭᑦ ᐄᑦᔨᑉᑎᒥᑦ, ᐊᖏᖃᑎᒌᒃᓯᒪᓂᑦᑎᓐᓂᒃ ᓯᖁᒥᑦᓯᓚᐅᕐᒪᑕ, ᐅᐃᒋᔭᐅᔪᑎᑐᑦ ᑖᒃᑯᓄᖓ ᑍᒤᒃᑲᓗᐊᕐᑎᓪᓗᖓ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 34:18

ᐊᖏᖃᑎᒌᒍᑎᓕᐊᕆᓚᐅᕐᑕᓐᓂᒃ ᒪᓕᖏᑦᑐᑦ ᓈᓚᖏᑦᑐᓪᓗ ᐊᖏᖃᑎᒌᖕᓂᐅᑉ ᒪᓕᒐᒃᓴᕐᑕᖏᓐᓂᒃ ᐋᖅᑭᓚᐅᕐᑕᑦᑎᓐᓂᒃ ᓵᓐᓂ, ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᒪᕐᕉᓕᓗᒍ ᐊᕕᒃᓯᑦᔪᓯᖓᑦᑎᑐᑦ ᐱᓂᐊᕐᐸᒃᑲ ᒪᕐᕉᓕᓗᒋᓪᓗ ᓇᑲᒌᕈᒃᑭᑦ ᐊᑯᓐᓂᖓᒍᑦ ᐱᓱᖕᓂᐊᕐᐳᖓ.

ᒨᓯᓯ ᐱᖓᔪᖏᑦ 26:46

ᑕᒪᒃᑯᐊ ᑕᒪᑦᔭ ᒪᓕᒊᑦ ᐱᖁᔧᓪᓗ, ᐊᑕᓂᐅᑉ ᑐᓂᓚᐅᕐᑕᖏᑦ ᒨᓯᓯᒧᑦ ᖃᖅᑲᒥ ᓮᓁᒥ ᐃᓄᖁᑎᒥᓄᑦ ᐃᓴᕆᐊᓕᓄᑦ.

ᒨᓯᓯ ᐱᖓᔪᖏᑦ 27:34

ᑕᒪᒃᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒨᓯᓯᒧᑦ ᑐᓂᓚᐅᕐᑕᖏᑦ ᖃᖅᑲᒥ ᓮᓁᒥ ᐃᓴᕆᐊᓕᓄᑦ ᐃᓕᖓᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:25

ᑭᖑᕚᖑᕗᓯ ᓇᓚᐅᑦᑍᔪᑦ ᒎᑎᐅᓪᓗ ᐊᖏᕈᑎᒋᓯᒪᔭᖓᓄᑦ ᓯᕗᓪᓕᕕᓂᑦᓯᓐᓄᑦ ᐃᓚᐅᕗᓯ, ᐂᑉᕋᕼᐋᒻᒧᑦ ᐅᖃᓚᐅᕐᒪᑦ, ‘ᐃᕝᕕᑦ ᑭᖑᕚᖏᑎᒍᑦ ᐃᓄᓕᒫᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.’

ᒨᓯᓯ ᑕᓪᓕᒪᖏᑦ 1:1

ᐅᑯᐊ ᐅᖃᐅᓰᑦ ᒨᓯᓯᐅᑉ ᐅᖃᐅᓯᕕᓂᖏᑦ ᐃᓴᕆᐊᓕᒥᐅᓄᑦ ᑍᑦᓱᒪᓂ ᐃᓄᖃᖏᑦᑐᒦᑎᓪᓗᒋᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ, ᐊᕋᐸᒥ ᓲᐸᐅᑉ ᖃᓂᒋᔮᓂ, ᐸᕌᓂᐅᓪᓗ ᑐᐱᐅᓪ ᐊᑯᓐᓂᖓᓂ, ᐊᒻᒪ ᓔᐸᓂ, ᕼᐊᔨᕌᑎᐅᓪᓗ, ᑎᔭᕼᐊᑉ ᐊᑯᓐᓂᖏᓐᓃᓪᓗᑎᒃ.

ᒨᓯᓯ ᑕᓪᓕᒪᖏᑦ 28:68

ᐊᑕᓂᐅᑉ ᐄᑦᔨᑉᑎᒧᑦ ᐅᑎᕐᑎᑦᓱᒫᕐᐹᓯ ᐅᒥᐊᕐᔪᐊᑎᒍᑦ, ᑕᕝᕗᖓ ᓄᓇᒧᑦ ᐅᑎᓚᐅᕐᓯᒫᑦᔮᖏᓐᓂᕋᕐᓗᓯ ᐅᖃᕐᓯᒪᒐᓗᐊᕐᑎᓪᓗᒍ. ᑕᕝᕙᓂᓗ ᐊᑭᕋᑦᓯᓐᓄᑦ ᐃᓕᑦᓯᓐᓂᒃ ᓂᐅᕐᕈᑎᒋᓇᓱᐊᕈᒫᕐᐳᓯ ᓯᐊᓛᕐᑕᕆᔭᐅᔪᒪᓗᓯ, ᓇᓪᓕᐊᓐᓄᓪᓘᓐᓃᓪᓕ ᓂᐅᕕᕐᑕᐅᔪᒪᓛᓐᖏᓚᓯ.”

ᒨᓯᓯ ᑕᓪᓕᒪᖏᑦ 29:12

ᐅᓪᓗᒥ ᐅᕙᓃᑉᐳᓯ ᐅᖃᒻᒪᕆᖕᓂᒃᑯᑦ ᐊᖏᖃᑎᒌᒍᑎᐅᔪᒧᑦ ᐃᑎᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐋᖅᑭᒃᑕᖓᓄᑦ.

ᒨᓯᓯ ᑕᓪᓕᒪᖏᑦ 29:2

ᒨᓯᓯᐅᑉ ᐃᓄᓕᒫᑦ ᐃᓴᕆᐊᓕᒥᐅᑦ ᑲᑎᖁᓚᐅᕐᐰᑦ ᐅᖃᐅᑎᓪᓗᓂᒋᓪᓗ, “ᓇᖕᒥᓂᖅ ᑕᑯᓚᐅᕐᓯᒪᕗᓯ ᐊᑕᓂᐅᑉ ᖃᓄᐃᓕᐅᕆᓂᖓᓂᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᖓᔪᖅᑳᖁᑎᖏᓐᓄᓪᓗ, ᓄᓇᖁᑎᓕᒫᖓᓄᓪᓗ.

ᒨᓯᓯ ᑕᓪᓕᒪᖏᑦ 29:21

ᐊᑕᓂᐅᑉ ᐃᓄᒃ ᑍᒤᑦᑐᖅ ᖃᐅᔨᑦᔪᑕᐅᖁᓪᓗᒍ ᐃᓴᕆᐊᓕᒥᐅᑦ ᑭᖑᕚᕇᖏᓐᓄᑦ ᐊᔪᓕᕈᑕᐅᔪᓐᓇᕐᑐᓄᑦ ᑎᑭᑕᐅᑎᒃᑲᔭᕐᐹ ᓱᒋᐊᕐᑕᐅᑦᔪᑎᒃᓴᐅᔪᓄᑦ ᐊᖏᖃᑎᒌᒍᑏᑦ ᐃᓗᐊᓃᑦᑐᓄᑦ ᐅᑯᓇᓂ ᑎᑎᕋᕐᓯᒪᔪᓂ ᐊᒡᓚᖕᓂ ᐱᖁᔭᓂ.

ᒨᓯᓯ ᑕᓪᓕᒪᖏᑦ 29:25

ᑕᒪᓐᓇ ᐃᒤᓕᖓᔪᒥᒃ, ‘ᐱᑦᔪᑎᖃᕐᐳᖅ ᐊᑕᓂᐅᑉ ᐃᓄᖁᑎᖏᑕ ᑖᑦᓱᒧᖓ ᐊᖏᖃᑎᒌᒍᑎᒋᓚᐅᕐᑕᓂ ᓯᖁᓯᒥᒪᖕᒪᒋᑦ, ᓯᕗᓕᕕᓂᖏᑕ ᒎᑎᖓᓄᑦ, ᐊᖏᖃᑎᒌᒍᑎᓕᐊᕆᓚᐅᕐᑕᖓᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’

ᒨᓯᓯ ᑕᓪᓕᒪᖏᑦ 4:13

ᐅᖃᐅᑎᓯᒪᕚᓯ ᖃᓄᐃᓕᐅᕐᑐᒃᓴᐅᖕᒪᖔᑦᓯ ᐊᖏᖃᑎᒌᒍᑎᒋᓯᒪᔭᖓᓂᒃ ᑲᔪᓯᑎᑦᓯᔪᓐᓇᖁᓪᓗᓯ, ᐱᖁᔭᑦ ᖁᓕᑦ ᓈᓚᒐᒃᓴᕆᕙᓯ, ᑖᑦᓱᒪ ᑎᑎᕋᓚᐅᕐᑕᖏᑦ ᐅᔭᕋᒃᑎᒍᑦ ᒪᕐᕉᒃᑎᒍᑦ.

ᒨᓯᓯ ᑕᓪᓕᒪᖏᑦ 4:23

ᑲᒪᑦᓯᐊᕐᓂᐊᕐᐳᓯᓕ ᐳᐃᒍᖁᓇᓯ ᐊᖏᖃᑎᒌᒍᑎᐅᓯᒪᔪᒥᒃ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᖏᕈᑎᒋᓚᐅᕐᑕᖓᓂᒃ. ᑖᑦᓱᒪᓗ ᐱᖁᔨᓂᖓ ᓈᓚᒡᓗᒍ ᒎᑎᓐᖑᐊᒥᒃ ᖃᓄᐃᑦᑐᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ.

ᐄᑉᕈᐃᓄᑦ 8:9

ᓯᕗᓕᕆᓚᐅᕐᑕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᒪ ᐊᑦᔨᒋᔪᒫᓐᖏᓛ, ᑍᑦᓱᒪᓂ ᑕᓯᐅᕐᓗᒋᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ, ᑲᒪᑦᓯᐊᓚᐅᖏᒻᒪᑕ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᑖᒃᑯᓄᖓ, ᑍᒤᒻᒪᑦ ᕿᒪᓚᐅᕐᐸᒃᑲ, ᐊᑕᓂᖅ ᐅᖃᕐᐳᖅ.

ᓴᒧᐃᓕ ᓯᕗᓪᓖᑦ 12:24

ᐊᑕᓂᕐᓕ ᐃᓕᕋᒋᓯᐅᒃ, ᐱᔨᑦᓯᕐᓗᒍᓗ ᓱᖁᓯᔪᐃᑦᑑᓗᓯ ᐆᒻᒪᑎᓕᒫᑦᓯᓐᓄᑦ; ᐃᖅᑲᐅᒪᓗᓯ ᐱᐅᔪᕐᔪᐊᓂᒃ ᐱᓂᐊᕐᓂᖃᓚᐅᕐᒪᑦ ᐃᓕᑦᓯᓐᓄᑦ.