ᒨᓯᓯ ᑕᓪᓕᒪᖏᑦ 28:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᐱᓇᓱᐊᕐᓂᑦᓯᓐᓂ ᓯᕐᓗᐊᖁᑎᓯᓗ ᓂᐊᖂᔭᒃᓴᓂᒃ ᑕᑕᑎᓐᓂᐊᕐᐰᑦ, ᓮᒻᒪᕐᑎᓐᓂᐊᕐᐹᓯ ᓄᓇᒋᔭᑦᓯᓐᓂ ᓄᓇᖃᕐᑎᓪᓗᓯ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 28:8 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 6:27

ᐊᖓᔪᖅᑳᕐᔪᐊᑉ ᑭᐅᕚ, “ᐊᑕᓂᕐᒧᑦ ᐃᑲᔪᕐᑕᐅᓂᐊᖏᒃᑯᕕᑦ, ᓇᑭᓪᓕ ᐃᑲᔪᕐᑎᒃᓴᕐᓯᒐᔭᕋᒃᑭᑦ? ᐃᕖᔧᕕᐅᑉ ᓇᑎᖓᓂ ᐊᒥᐊᒃᑯᑕᖃᕐᑐᕆᒃᓯᕖᑦ, ᐸᐅᕐᖓᓂᒡᓗ ᐃᑦᑏᔧᕕᖕᒥ ᐱᑕᖃᕋᓱᒋᒃᓯᕖᑦ?”

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐃᓐᖏᕈᑎᑦ 128:2

ᐊᒡᒐᒃᐱᑦ ᓴᓇᔭᖏᑦ ᐃᓅᑦᔪᑎᒃᓴᕆᓂᐊᕐᐸᑎᑦ, ᖁᕕᐊᓱᖕᓂᐊᕐᐳᑎᑦ, ᐃᓱᒫᓘᑎᖃᖏᑦᓯᐊᕐᓗᑎᓪᓗ.

ᐃᓐᖏᕈᑎᑦ 133:3

ᕼᐊᕐᒪᓂᐅᓪᓗ ᖃᐅᓯᕐᓂᖓᑕ ᑭᓂᕆᓂᖓᑎᑐᑦ, ᖃᖅᑲᒥᑦ ᓮᐅᓂᒥᑦ ᑰᒐᕐᑐᑎᑐᑦ! ᑕᕝᕙᓂ ᐊᑕᓂᖅ ᐱᖁᔨᓯᒪᕗᖅ ᓮᒻᒪᕐᑎᑕᐅᓂᕐᑕᖃᖁᓪᓗᒍ, ᐃᓅᓯᕐᒥᒃ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 144:13

ᓯᕐᓗᐊᕗᓪᓗ ᑕᑕᑦᓯᐊᖁᓪᓗᒋᑦ, ᓱᓇᓕᒫᑦᓯᐊᓂᒃ ᑭᓐᖒᒪᓇᕐᑐᓂᒃ ᐃᓗᓕᖃᕐᓗᑎᒃ; ᓰᐱᖁᑎᕗᓪᓗ ᕿᑐᕐᖓᕐᑖᖁᓪᓗᒋᑦ 1,000ᓂᒃ 10,000ᐃᕐᓱᕐᑐᓂᒡᓗ ᐱᕈᕐᓰᕕᖁᑎᕗᑦ ᐱᕈᕐᕕᐅᖁᓪᓗᒋᑦ.

ᐃᓐᖏᕈᑎᑦ 42:8

ᐊᑕᓂᐅᑉ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐅᓪᓘᑎᓪᓗᒍ ᑐᓂᓂᐊᕐᐹ; ᐅᓐᓄᐊᒥᓗ ᐃᓐᖏᕈᓯᖓ ᐃᓗᓐᓃᓐᓂᐊᕐᐳᖅ, ᑐᒃᓯᐊᕐᓂᐅᓗᓂ ᐃᓅᓯᕐᒪ ᒎᑎᖓᓄᑦ.

ᐃᓐᖏᕈᑎᑦ 44:4

ᐊᖓᔪᖅᑳᔪᐊᕆᕙᒋᑦ, ᒎᑎᒋᓪᓗᑎᓪᓗ; ᓵᓚᖃᐅᑦᔨᕗᑎᓪᓗ ᔧᑯᒥᒃ.

ᒨᓯᓯ ᐱᖓᔪᖏᑦ 25:21

ᓮᒻᒪᕐᑎᓐᓂᐊᕐᐸᑦᓯ ᐊᕐᕌᒍᑦ ᐱᖓᓲᔪᕐᑐᖓᓂ, ᓄᓇ ᐱᕈᕐᑎᑉᐸᒃᑕᒥᓂᑦ ᐊᖏᖅᑭᔭᒻᒪᕆᐊᓗᐊᓂᒃ ᐱᕈᕐᑎᑦᓯᓂᐊᕐᐳᖅ ᐊᕐᕌᒍᓄᑦ ᐱᖓᓱᓄᑦ ᓈᒻᒪᒃᑐᓂᒃ.

ᒨᓯᓯ ᐱᖓᔪᖏᑦ 26:10

ᐊᕐᕌᓂᑕᕐᓂᒃ ᓂᕿᖃᖃᑦᑕᕐᓂᐊᕐᐳᓯ ᐊᒡᕖᕐᑎᑦᓴᕆᐊᖃᓕᕐᐸᒡᓗᒋᑦ ᐊᒡᓛᑦ, ᓄᑖᓂᒃ ᓂᕿᒃᓴᓂᒃ ᓯᕐᓗᐊᑦᓯᓐᓄᑦ ᐴᕐᓯᔭᕆᐊᖃᓕᕌᖓᑦᓯ.

ᕼᐊᒊᑉ ᐊᒡᓚᖏᑦ 2:19

ᐱᕈᕐᓯᐊᒃᓴᓯ ᓱᓕ ᓯᕐᓗᐊᑦᓯᓐᓃᑉᐹᑦ? ᕔᓂᒃᓮᑦ ᓇᐹᕐᑐᐃᓪᓗ ᐸᐅᕐᖓᓖᑦ ᓴᐅᓂᓕᖕᓂᒃ, ᐹᒪᒍᕌᓃᓪᓗ ᐱᕈᕐᑐᐃᑦ, ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕈᓐᓇᓚᐅᓐᖏᓛᑦ? ᐅᓪᓗᒥᒥᓪᓕ ᐱᒋᐊᕐᓗᒍ ᓮᒻᒪᕐᑎᓐᓂᐊᓕᕐᐸᑦᓯ.”

ᒫᑎᐅᓯᐅᑉ ᐊᒡᓚᖏᑦ 13:30

ᑍᒤᒻᒪᑦ ᓂᐊᖂᔭᒃᓮᑦ, ᐱᕈᕐᓂᕐᓗᒃᑐᓪᓗ, ᐱᕈᖃᑎᒌᑐᐃᓐᓇᓚᐅᕐᓕᑦ ᑲᑎᕐᓱᐃᕕᒃᓴᖅ ᓇᓪᓕᐅᑎᓚᐅᖏᓐᓂᖓᓂ, ᑲᑎᕐᓱᐃᕕᒡᓕ ᓇᓪᓕᐅᑎᒃᐸᑦ ᓇᑲᑎᕆᔩᑦ ᐅᖃᐅᑎᔪᒫᕐᐸᒃᑲ: ᐱᕈᕐᓂᕐᓗᒃᑐᑦ ᓇᑲᑎᖅᑳᕐᓗᒋᑦ, ᕿᓚᒃᓱᕐᓯᒋᑦ ᑲᑎᓪᓗᒋᑦ ᐃᑯᐊᓪᓚᒐᒃᓴᐅᖁᓪᓗᒋᑦ, ᑭᖑᓂᖓᒍᓪᓕ ᓂᐊᖂᔭᒃᓮᑦ ᑲᑎᓯᒋᒃ ᑲᑎᕐᓯᕕᓐᓄᐊᕐᓗᒋᑦ!”

ᒫᑎᐅᓯᐅᑉ ᐊᒡᓚᖏᑦ 6:26

ᑎᖕᒥᐊᑦ ᑕᑯᓯᒋᒃ ᖃᖓᑕᖃᑦᑕᕐᑐᑦ: ᐱᕈᕐᓯᐊᒡᓴᓂᒃ ᑲᓐᖓᕐᓱᐃᕙᓐᖏᓚᑦ, ᑲᑎᕐᓱᐃᕙᒐᑎᒡᓗ ᓂᕿᒃᑯᕕᖕᒥᖕᓄᑦ; ᑍᒤᒃᑲᓗᐊᕐᑎᓪᓗᒋᑦ ᐊᑖᑕᑦᓯ ᕿᓚᖕᒦᑦᑑᑉ ᓂᕆᑎᖃᑦᑕᕐᐰᑦ! ᐱᓪᓚᕆᐅᓂᕐᓴᐅᓐᖏᓚᓰ ᑎᖕᒥᐊᓂᑦ?

ᓘᑲᓯᐅᑉ ᐊᒡᓚᖏᑦ 12:18

ᐅᖃᓕᕐᓗᓂ, ‘ᓂᕿᒃᓴᒃᑯᕕᒃᑲ ᐃᒡᓗᐃᑦ ᐲᔭᕐᓂᐊᕐᐸᒃᑲ; ᐊᖏᓂᕐᓴᓂᒃ ᓴᓇᓗᖓ; ᓂᐊᖂᔭᒃᓴᖁᑎᒃᑲ ᐱᖁᑎᒃᑲᓗ ᐃᓂᖃᓕᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 14:29

ᓕᕔᑉ ᑭᖑᕚᖓ, ᑖᓐᓇ ᓇᖕᒥᓂᕐᑕᕐᓯᒪᖏᒻᒪᑦ ᓄᓇᖁᑎᒃᓴᒥᓂᒃ, ᓄᓇᖃᑎᑐᖃᕆᓐᖏᑕᓯ ᐱᖃᑕᐅᔭᕆᐊᖃᕆᕗᑦ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᖃᑎᒋᔭᓯ. ᑖᒃᑯᐊᓗ ᕾᔪᒃᓴᐅᕗᑦ ᓂᕆᓗᑎᒃ ᐊᕿᐊᑦᑐᕐᓗᑎᒡᓗ; ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᖃᓄᓕᒫᖅ ᐱᓇᓱᐊᕐᓂᕆᔭᑦᓯᓐᓂ.”

ᒨᓯᓯ ᑕᓪᓕᒪᖏᑦ 15:10

ᑐᓂᓯᕕᒋᔭᒃᓴᕆᕙᑦ ᐊᓐᓂᕈᓱᖏᓪᓗᑎᑦ ᐱᐅᖏᑦᑐᒥᒡᓗ ᐃᓱᒪᖃᖏᓪᓗᑎᑦ ᑐᓂᓯᓕᕈᕕᑦ ᑖᑦᓱᒧᖓ; ᑕᕝᕙ ᐊᑕᓂᐅᑉ ᓮᒻᒪᕐᑎᓐᓂᐊᕐᐹᑎᑦ ᐱᓇᓱᐊᕐᑕᓕᒫᕐᓂ.

ᒨᓯᓯ ᑕᓪᓕᒪᖏᑦ 15:4

“ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᑕᒫᓂ ᓄᓇᒥ ᐃᓕᑦᓯᓐᓄᑦ ᑐᓂᓯᒪᔭᖓᓂ ᓄᓇᖃᕐᑎᓪᓗᓯ. ᓇᖕᒥᓂᕐᓕ ᐃᓅᖃᑎᓯ ᐊᔪᕐᓴᓗᐊᕐᑐᖃᕐᓂᐊᓐᖏᓚᑦ

ᒨᓯᓯ ᑕᓪᓕᒪᖏᑦ 28:20

“ᐱᐅᖏᑦᑐᒥᒃ ᐱᓇᓱᐊᕈᑦᓯ ᐊᑕᓂᖃᕈᒪᖏᒃᑯᑦᓯᓗ, ᑕᕝᕙ ᐱᓂᕐᓗᖕᓇᕐᑐᓄᑦ ᑎᑭᑕᐅᑎᑦᓱᒫᕐᐹᓯ, ᓇᓗᓕᕐᓇᕐᑐᒧᓪᓗ, ᐊᑲᐅᖏᑦᔪᑎᒃᓴᖃᕐᓂᕐᓄᓪᓗ ᖃᓄᐃᑦᑐᑐᐃᓐᓇᒥᒃ ᐱᓇᓱᐊᕋᓗᐊᕈᑦᓯ, ᕿᓚᒥᑯᓗᒃ ᓄᖑᑕᐅᑦᓯᐊᕐᓇᕐᑐᒧᑦ ᑎᑭᑕᐅᓚᐅᖅᑳᕐᑎᓐᓇᓯ, ᐅᕙᓐᓂᒃ ᕿᒤᓯᒪᓃᑦ ᐱᑦᔪᑎᒋᓗᒍ.

ᒨᓯᓯ ᑕᓪᓕᒪᖏᑦ 28:7

“ᐊᑕᓂᐅᑉ ᐊᑭᕋᕐᑐᕐᑎᓯ ᐃᓕᑦᓯᓐᓂᒃ ᐅᓇᑕᕋᓱᓕᕐᐸᑕ ᓵᓚᒋᖃᑦᑕᕐᓂᐊᕐᐰᑦ ᓵᑦᓯᓐᓂ; ᐃᓕᑦᓯᓐᓄᑦ ᐅᓇᑕᕆᐊᕋᔭᕐᐳᑦ ᐊᑕᐅᓯᕐᒥᓐᖔᕐᓗᑎᒃ, ᐃᓕᑦᓯᓐᓂᓪᓕ ᕿᒫᓕᕋᔭᕐᐳᑦ ᓵᓐᖓᔭᑐᐃᓐᓇᕐᒥᖕᓄᑦ ᕿᒫᓕᕐᓗᑎᒃ.