ᒨᓯᓯ ᑕᓪᓕᒪᖏᑦ 28:68 - ᐊᒡᓔᑦ ᐃᑦᔪᕐᖕᓁᑦᑐᑦ

⁶⁸ ᐊᑕᓂᐅᑉ ᐄᑦᔨᑉᑎᒧᑦ ᐅᑎᕐᑎᑦᓱᒫᕐᐹᓯ ᐅᒥᐊᕐᔪᐊᑎᒍᑦ, ᑕᕝᕗᖓ ᓄᓇᒧᑦ ᐅᑎᓚᐅᕐᓯᒫᑦᔮᖏᓐᓂᕋᕐᓗᓯ ᐅᖃᕐᓯᒪᒐᓗᐊᕐᑎᓪᓗᒍ. ᑕᕝᕙᓂᓗ ᐊᑭᕋᑦᓯᓐᓄᑦ ᐃᓕᑦᓯᓐᓂᒃ ᓂᐅᕐᕈᑎᒋᓇᓱᐊᕈᒫᕐᐳᓯ ᓯᐊᓛᕐᑕᕆᔭᐅᔪᒪᓗᓯ, ᓇᓪᓕᐊᓐᓄᓪᓘᓐᓃᓪᓕ ᓂᐅᕕᕐᑕᐅᔪᒪᓛᓐᖏᓚᓯ.”

ᒨᓯᓯ ᑕᓪᓕᒪᖏᑦ 28:68 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 5:8

ᐅᖃᐅᑎᓕᓚᐅᕐᐸᒃᑲᓗ, “ᐱᔪᓐᓇᕐᓂᓕᒫᑦᑎᓐᓄᑦ, ᔫᑎᐅᖃᑎᕗᑦ ᐅᑎᕐᑎᓐᓇᓱᓚᐅᕐᐸᕗᑦ ᓂᐅᕕᐊᕆᓪᓗᒋᑦ ᐃᓅᖃᑎᒌᒡᔪᐊᓂᑦ, ᐃᒻᒥᖕᓂᒃ ᓂᐅᕐᕈᑎᒋᕙᓕᕐᓂᕐᒪᑕ ᔫᑎᐅᖏᑦᑐᓄᑦ, ᒫᓐᓇᓗ ᖃᑕᓐᖑᑎᓯ ᓇᖕᒥᓂᖅ ᓂᐅᕐᕈᑎᒋᓕᕆᕗᑦ ᐃᓕᑦᓯᓐᓄᑦ, ᔫᑎᐅᖃᑎᓯ!” ᓯᕗᓕᕐᑏᑦ ᓂᓪᓕᕐᑐᖃᓚᐅᓐᖏᓚᑦ ᐅᖃᐅᓯᒃᓴᖃᕋᑎᒡᓗ.

ᐃᔅᑕᐅᑉ ᐊᒡᓚᖏᑦ 7:4

ᐃᓅᖃᑎᒃᑲᓗ ᐅᕙᖓᓗ ᓂᐅᕐᕈᑎᒋᔭᐅᓯᒪᒐᑦᑕ, ᐊᓯᕈᕐᑕᐅᖁᓪᓗᑕ, ᑐᖁᑕᐅᖁᓪᓗᑕ, ᓄᖑᑕᐅᑦᓯᐊᖁᓪᓗᑕᓗ. ᓂᐅᕐᕈᑎᒋᔭᐅᓂᐊᕈᑦᑕᓕ ᐊᖑᑎᓪᓗ ᐊᕐᓁᓪᓗ ᓯᐊᓛᒃᓴᐅᖁᓪᓗᑕ, ᓂᓪᓕᕋᔭᓐᖏᓚᖓ, ᑕᒪᓐᓇ ᐅᖁᒤᑦᑐᒦᑎᑕᐅᓂᕗᑦ ᐊᑦᔨᐅᑎᑕᒃᓴᐅᖏᒻᒪᑦ ᐊᖓᔪᖅᑳᕐᔪᐊᑉ ᐊᓯᐅᔨᒐᔭᕐᓂᖓᓄᑦ.”

ᒨᓯᓯ ᐂᑉᐸᖏᑦ 13:17

ᐰᕉᓪᓕ ᐃᓄᐃᑦ ᐊᐅᓪᓚᖁᓕᕐᒪᒋᑦ, ᒎᑎᐅᑉ ᑕᓯᐅᓚᓐᖏᓔᑦ ᐱᓕᔅᑍᓂᒥᐅᑦ ᓄᓇᖓᒍᑦ, ᑕᒪᓐᓇᓕ ᖃᓂᒋᓈᓚᐅᕋᓗᐊᕐᐹᑦ; ᒎᑎ ᐅᖃᓚᐅᕐᒪᑦ, “ᐃᓄᐃᑦ ᐅᓇᑕᕐᑐᓂᒃ ᑕᑯᓕᕈᑎᒃ ᐃᓱᒪᖏᑦ ᓴᖑᒐᔭᕐᒪᑕ, ᐄᑦᔨᑉᑎᒧᓪᓗ ᐅᑎᑐᐃᓐᓇᕆᐊᖃᕐᓗᑎᒃ.”

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 43:7

ᐊᑕᓂᐅᑉ ᐅᖃᐅᓯᖏᓂᒃ ᓈᓚᒍᒪᖏᓐᓇᒥᒃ ᐄᑦᔨᑉᑎᓕᐊᓕᓚᐅᕐᐳᑦ ᐊᒡᓛᑦ ᐃᒡᓗᒐᓴᒡᔪᐊᑦ ᑕᐸᓂᓯᒥᐅᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 44:12

ᔫᑕᒥᐅᑦ ᐊᒥᐊᒃᑯᖏᑦ ᐄᑦᔨᑉᑎᒥ ᓄᓇᖃᕆᐊᕐᑐᕐᓯᒪᔪᑦ ᓄᖑᓐᓂᐊᕐᐸᒃᑲ ᐃᓘᓐᓇᑎᒃ ᐄᑦᔨᑉᑎᒦᓕᕋᓗᐊᕐᑎᓪᓗᒋᑦ ᑐᖁᕋᕈᒫᕐᐳᑦ, ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ, ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᑦ ᑎᑭᓪᓗᒋᑦ, ᑐᖁᑕᐅᔪᒫᕐᐳᑦ ᐅᓇᑕᕐᑐᒃᓴᓄᑦ ᑳᖕᓇᕐᑐᕐᔪᐊᒧᓪᓗ, ᐅᖃᕐᓂᕐᓘᑎᒃᓴᓐᖑᕈᒫᕐᐳᑦ ᑕᑯᒥᓁᑦᑑᓗᑎᒡᓗ ᐃᒋᑕᒃᓴᐅᓂᐊᕐᐳᑦ ᐸᓯᔭᒃᓴᐅᓗᑎᒡᓗ.

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᕼᐆᓯᐊᑉ ᐊᒡᓚᖏᑦ 9:3

ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ.

ᓘᑲᓯᐅᑉ ᐊᒡᓚᖏᑦ 12:45

ᐱᔨ ᐃᓱᒪᓕᕐᐸᑦ, ‘ᐊᖓᔪᖅᑳᕋ ᐅᑎᕐᓇᓵᓗᐊᓕᕐᒪᑦ,’ ᐱᔨᐅᔪᑦ ᐊᖑᑎᑦ ᐊᕐᓁᓪᓗ ᐋᓐᓂᕐᓯᑲᑕᓕᕐᐰᑦ, ᓂᕆᓗᓂ ᐃᒥᓕᕐᓗᓂᓗ ᐋᖓᔮᑲᑦᑕᓕᕐᐳᖅ,

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᒨᓯᓯ ᑕᓪᓕᒪᖏᑦ 28:67

ᐅᓪᓛᒃᑯᑦ ᐅᖃᖃᑦᑕᕈᒫᕐᐳᓯ ‘ᐅᓐᓄᓚᐅᕐᒥᓕᑐᖅ!’ ᐅᓐᓄᒃᑯᓪᓗ ᐅᖃᕐᐸᖕᒥᓗᓯ ‘ᐅᓪᓛᓐᖑᓚᐅᕐᒥᓕᑐᖅ’ ᐆᒻᒪᑎᓯ ᑲᑉᐱᐊᓱᒃᑐᐊᓘᔪᒫᕐᒪᑕ, ᑕᑯᔭᓯ ᐱᑦᔪᑎᒋᓗᒋᑦ.

ᒨᓯᓯ ᑕᓪᓕᒪᖏᑦ 29:1

ᒪᑯᐊ ᑕᕝᕙ ᐊᖏᖃᑎᒌᒍᑏᑦ ᐅᖃᐅᓯᕐᑕᖏᑦ ᒨᓯᓯᒧᑦ ᐊᑕᓂᐅᑉ ᐅᖃᐅᓯᕆᔭᐅᖁᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᒧᐊᐱᒥᐅᑦ ᓄᓇᖓᓃᑎᓪᓗᒋᑦ; ᑕᒪᒃᑯᐊᓕᒫᑦ ᐃᓚᓕᐅᑎᔭᐅᓚᐅᕐᐳᑦ ᖃᖅᑲᒥ ᕼᐆᕆᑉᒥ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖏᓐᓄᑦ.