ᒨᓯᓯ ᑕᓪᓕᒪᖏᑦ 28:64 - ᐊᒡᓔᑦ ᐃᑦᔪᕐᖕᓁᑦᑐᑦ

⁶⁴ “ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 28:64 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 4:14

ᑕᑯᒋᑦ, ᐅᓪᓗᒥ ᓄᓇᒥᒃ ᕿᒤᑎᑉᐸᕐᒪ; ᑮᓇᕐᓂᓪᓗ ᐃᔨᕐᑕᐅᓯᒪᓂᐊᓕᕐᓗᖓ; ᕿᒫᖏᓐᓇᐅᔭᕐᓗᖓ ᐃᓂᓪᓚᔪᐃᑦᑑᓂᐊᓕᕐᐳᖓ ᓄᓇᕐᔪᐊᒥ, ᓇᓪᓕᐊᓐᓄᓪᓗ ᑕᑯᔭᐅᒍᒪ ᑐᖁᑕᐅᔪᒃᓴᐅᓕᕐᐳᖓ.”

ᐊᑕᓃᑦ ᐂᑉᐸᖏᑦ 17:6

ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.

ᐊᑕᓃᑦ ᐂᑉᐸᖏᑦ 25:21

ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 1:8

ᐃᖅᑬᓚᐅᕆᑦ ᑐᒃᓯᐊᕐᐳᖓ, ᐅᖃᐅᓰᑦ ᐱᖁᔨᑦᔪᑎᒋᓚᐅᕐᑕᑎᑦ ᐱᔨᖕᓄᑦ ᒨᓯᓯᒧᑦ, ᐅᖃᕐᓗᑎᑦ, ‘ᐱᖁᔭᓐᓂᒃ ᒪᓕᖕᓂᐊᖏᒃᑯᑦᓯ, ᓄᓇᓖᑦ ᐊᓯᖏᓐᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ;

ᐃᓐᖏᕈᑎᑦ 44:11

ᓰᐱᑎᑐᑦ ᓂᕿᒃᓴᑎᑐᑦ ᑐᓂᓚᐅᕐᐸᑦᑎᒍᑦ, ᓯᐊᒻᒪᕐᑎᓪᓗᑕᓗ ᐃᓅᖃᑎᒌᒡᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 6:12

ᐊᑕᓂᐅᑉ ᐃᓄᐃᑦ ᐅᖓᓯᒃᑐᐊᓗᖕᒧᑦ ᐊᐅᓪᓚᕐᑎᓯᒪᓕᕐᐸᒋᑦ, ᓄᓇᒋᔭᖏᓪᓗ ᐅᓄᕐᓯᑉᐸᑕ ᕿᒪᒃᑕᐅᓯᒪᔪᑦ ᓄᓇᑖᕆᓯᒪᔭᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 15:14

ᓯᐊᓛᕆᔭᐅᓕᕈᒫᕐᐳᓯ ᐊᑭᕋᑦᓯᓐᓄᑦ ᓄᓇᒋᓚᐅᕐᓯᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᐊᓛᕐᑐᑎᑐᑦ ᐃᑯᐊᓚᔪᒫᕐᒪᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 16:13

ᑍᒤᒻᒪᑦ ᓄᓇᒥᑦ ᑕᒫᓐᖓᑦ ᐃᒋᑕᐅᑎᓐᓂᐊᕐᐸᑦᓯ ᓄᓇᒧᑦ ᓯᕗᓕᕕᓂᑦᓯᓐᓄᑦ ᐊᒡᓛᑦ ᖃᐅᔨᒪᔭᐅᓚᐅᖏᑦᑐᒧᑦ ᓄᓇᑖᕐᓗᓯᓗ ᑕᕝᕙᓂ, ᑕᕝᕙᓂᓗ ᒎᑎᒋᔪᒪᔭᑦᓯᓐᓂᒃ ᒎᑎᖃᕈᒫᕋᑦᓯ ᖃᐅᑕᒫᑦ ᐱᔨᑦᓯᕐᓂᐊᕐᑕᑦᓯᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐃᓕᑦᓯᓐᓂᒃ ᓂᑲᒍᓱᖕᓂᐊᕈᓐᓃᕐᐳᖓ.’”

ᔨᕆᒤᐊᐅᑉ ᐊᒡᓚᖏᑦ 50:17

“ᐃᓴᕆᐊᓕᒥᐅᑦ ᓰᐱᑎᑐᑦ ᓯᐊᒻᒪᕐᓯᒪᕗᑦ ᓛᔭᓄᑦ ᒪᓕᑲᑕᒃᑕᐅᔪᑎᑐᑦ, ᓯᕗᓪᓕᕐᐹᖑᓪᓗᑎᒃ ᑖᒃᑯᓂᖓ ᑎᒍᓯᓚᐅᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ, ᑭᖑᓪᓕᕐᐹᖑᓪᓗᓂ ᓴᐅᓂᖅᑯᑦᑍᔪᑎᑐᑦ ᑍᒤᑦᑑᓯᒪᕗᖅ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ.

ᔨᕆᒤᐊᐅᑉ ᐊᒡᓚᖏᑦ 9:16

ᓇᒧᑐᐃᓐᓇᖅ ᐃᓅᖃᑎᒌᒡᔪᐊᓄᑦ ᑲᑎᒪᖏᓪᓗᑎᒃ ᓄᓇᑖᕐᑐᕐᑎᑦᓱᒫᕐᐸᒃᑲ ᐃᓅᖃᑎᑖᕐᑎᓪᓗᒋᓪᓗ ᐃᓅᖃᑎᒋᓚᐅᓐᖏᑕᒥᖕᓂᒃ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓄᑦ, ᑐᖁᑕᐅᓐᓇᕐᑐᒧᐊᕐᑎᓐᓂᐊᕐᐸᒃᑲ ᓄᖑᖅᑳᖏᓐᓂᖏᓐᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:3

ᐅᖁᒤᑦᑐᒦᑎᑕᐅᓪᓗᑎᒃ ᐊᒃᓱᕈᕐᓇᕐᑐᒦᑎᑕᐅᕗᑦ, ᔫᑕᒥᐅᓪᓗ ᓄᓇᒋᓐᖏᑕᒥᖕᓄᑦ ᐊᐅᓪᓚᕈᑦᔭᐅᕗᑦ, ᐃᓅᖃᑎᒌᒡᔪᐊᓂᑦ ᓄᓇᖃᖃᑕᐅᓕᕐᐳᑦ, ᒥᕐᖑᐃᕐᓯᕕᒃᓴᒥᒡᓗ ᓇᒡᕚᕈᓐᓇᕋᑎᒃ, ᐊᑭᕋᕐᑐᕐᑎᖏᑕ ᓵᓚᒋᖕᒪᔪᒃ ᓇᒧᓐᖓᕐᕕᒃᓴᖃᕈᓐᓁᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 20:23

ᑕᕝᕙ ᐅᖃᕕᓕᓚᐅᕆᕗᖓ ᐃᓄᖃᖏᑦᑐᒦᑎᓪᓗᒋᑦ ᐃᓅᖃᑎᒌᒡᔪᐊᓄᑦ ᓯᐊᒻᒪᕐᑎᓛᕈᒪᓪᓗᒋᑦ ᐊᐅᓪᓚᕐᑎᓪᓗᒋᓪᓗ ᓄᓇᓕᒡᔪᐊᓄᑦ ᓇᒧᑐᐃᓐᓇᖅ.

ᐃᓯᑭᐊᓕᐅᑉ ᐊᒡᓚᖏᑦ 36:19

ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ, ᓄᓇᓕᒡᔪᐊᓂᓗ ᓄᓇᑖᕐᑎᓪᓗᒋᑦ; ᐃᓕᖅᑯᓯᖏᑦ ᐱᓂᐊᕐᓂᖏᓪᓗ ᒪᓕᒡᓗᒋᑦ ᓵᓐᖓᓕᓚᐅᕐᐸᒃᑲ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᐂᒨᓯᐅᑉ ᐊᒡᓚᖏᑦ 9:9

“ᓱᓕᓗᖓ ᐱᖁᔨᓂᐊᕐᐳᖓ, ᐃᓴᕆᐊᓕᒥᐅᑦ ᐊᐅᓚᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓂᐊᖂᔭᒃᓴᑎᑐᑦ ᓴᓃᔭᕐᑕᐅᔪᑎᑐᑦ ᐃᕕᒃᓱᒐᕐᓂᑦ, ᐊᒡᓛᑦ ᓴᓃᑦ ᒥᑭᓐᓂᕐᐹᖓ ᑲᑕᖕᓂᐊᓐᖏᓚᖅ ᒪᓂᖅᑲᒧᑦ.

ᓴᑲᕅᐊᐅᑉ ᐊᒡᓚᖏᑦ 2:10

ᐊᑕᓂᖅ ᐅᖃᕐᐳᖅ, “ᐃᓐᖏᕆᑦᓯ ᖁᕕᐊᓱᒡᓗᓯ ᓮᐅᓂᒥᐅᖑᔪᓯ! ᕾᓂᐊᕋᒪ ᐃᓂᑦᓯᓐᓂ ᐃᓂᖃᖃᑕᐅᔭᕐᑐᕐᓗᖓ!

ᓴᑲᕅᐊᐅᑉ ᐊᒡᓚᖏᑦ 7:14

ᐅᓚᔪᔭᕐᒧᑦ ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ ᐊᑦᔨᒌᖏᑦᑐᓄᑦ, ᑕᑯᓕᒪᓇᖏᑦᑑᓪᓗᑎᒃ ᓄᓇᒋᓐᖏᑕᒥᖕᓂ ᓄᓇᖃᖃᑕᐅᓕᓚᐅᕐᐳᑦ. ᓄᓇ ᕿᒪᒃᑕᖓᑦ ᑐᓐᖓᓇᕈᓐᓁᓚᐅᕐᒪᑦ, ᑕᒪᓐᓇ ᓄᓇᑦᓯᐊᕙᒃ ᓄᓇᒋᔭᐅᔪᓐᓁᓚᐅᕐᐳᖅ ᐃᓄᖃᕈᓐᓁᕐᓗᓂ.”

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᒨᓯᓯ ᑕᓪᓕᒪᖏᑦ 13:8

ᑍᒤᓕᐅᕐᑐᒧᑦ ᓴᖑᑎᑕᐅᑦᑍᓕᒋᑦ, ᓈᓚᖕᓂᐊᕐᓇᒍᓘᓐᓃᑦ, ᓇᒡᓕᒋᓕᕐᓂᐊᕐᓇᒍᓘᓐᓃᑦ, ᓈᒃᑭᒋᓕᕐᓂᐊᕐᓇᒍᓘᓐᓃᑦ.

ᒨᓯᓯ ᑕᓪᓕᒪᖏᑦ 28:36

“ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.

ᒨᓯᓯ ᑕᓪᓕᒪᖏᑦ 29:26

ᒎᑎᒋᔭᐅᔪᓂᒃ ᑖᑦᓱᒪ ᐊᓯᖏᓐᓂᒃ ᑐᒃᓯᐊᕐᕕᖃᖃᑦᑕᓕᕐᒪᑕ ᓯᕗᓂᖓᒍᑦ ᑐᒃᓯᐊᕐᕕᒋᖃᑦᑕᓚᐅᕐᓯᒪᓐᖏᑕᒥᖕᓄᑦ, ᒎᑎᓄᑦ ᐊᑕᓂᐅᑉ ᑐᒃᓯᐊᕐᕕᐅᖃᑦᑕᖁᓚᐅᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 30:1

“ᒫᓐᓇ ᐃᓱᒪᕐᓱᕐᓗᓯ ᓂᕈᐊᕐᕕᒃᓴᖃᕐᑎᑉᐸᑦᓯ ᓇᓪᓕᐊᓐᓂᑐᐃᓐᓇᖅ ᓮᒻᒪᕐᑎᑕᐅᓂᕐᒥᒃ ᓱᒋᐊᕐᑕᐅᓂᕐᒥᒡᓗ. ᑕᒪᒃᑯᐊᓕᒫᑦ ᐃᓕᑦᓯᓐᓄᑦ ᑎᑭᐅᑎᓯᒪᓕᕐᓂᖏᑕ ᑭᖑᓂᖓᒍᑦ, ᐃᓅᖃᑎᒌᒡᔪᐊᓂᓗ ᓄᓇᖃᓕᕐᑎᓪᓗᓯ ᐊᑕᓂᐅᑉ ᒎᑎᑦᓯ ᓇᒧᑐᐃᓐᓇᖅ ᓯᐊᒻᒪᕐᑎᓯᒪᖕᒪᓯ, ᐃᖅᑲᐅᒪᔪᒃᓴᐅᕗᓯ ᐱᕕᒃᓴᖃᑦᓯᐊᕐᑎᑦᓯᓚᐅᕐᓂᓐᓂᒃ ᓇᓪᓕᐊᓐᓂᑐᐃᓐᓇᖅ ᓂᕈᐊᕈᓐᓇᕐᓗᓯ.

ᒨᓯᓯ ᑕᓪᓕᒪᖏᑦ 32:17

ᐊᓂᕐᓂᕐᓗᖕᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᒎᑎᒨᖏᑦᑐᖅ, ᒎᑎᓄᑦ ᓯᕗᓕᕕᓂᖏᑕ ᖃᐅᔨᒪᓚᐅᓐᖏᑕᖏᓐᓄᑦ, ᓄᑖᓄᑦ ᒎᑎᓄᑦ ᖃᐅᔨᒪᓚᐅᓐᖏᑕᒥᖕᓄᑦ, ᒎᑎᓄᑦ ᓯᕗᓕᕕᓂᑦᓯ ᓈᓚᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 32:26

ᐅᖃᕋᔭᓚᐅᕈᒪ, ᐅᖓᓯᒃᑐᒧᑦ ᓯᐊᒻᒪᕐᓕᑦ, ᐳᐃᒍᕐᑕᐅᒐᔭᕐᐳᑦ ᐃᓄᖕᓄᑦ.

ᒨᓯᓯ ᑕᓪᓕᒪᖏᑦ 4:32

“ᐅᓪᓗᐃᑦ ᐊᓂᒍᕐᓯᒪᔪᑦ ᕿᒥᕐᕈᓚᐅᕐᓯᐅᒃ, ᐃᓅᓚᐅᕐᑎᓐᓇᓯ ᐱᓂᐊᕐᓂᐅᓚᐅᕐᑐᑦ, ᑕᐅᕗᖓᓕᒫᖅ ᒎᑎᐅᑉ ᐃᓄᖕᓂᒃ ᐱᓐᖑᕐᑎᑦᓯᒋᐊᕐᓂᖓᓄᑦ ᑎᑭᓪᓗᒍ ᑕᕝᕙᓂ ᓄᓇᕐᔪᐊᕐᒥ. ᓄᓇᕐᔪᐊᓕᒫᖅ ᐊᑕᖏᕐᓗᒍ ᕿᒥᕐᕈᐊᓚᐅᕐᓯᐅᒃ. ᑕᒪᑐᒪ ᓯᕗᓂᖓᒍᑦ ᑍᒫᒃ ᐱᕕᒃᔪᐊᖑᑎᒋᔪᒥᒃ ᐱᔪᖃᓚᐅᕐᓯᒪᕚ? ᓇᓪᓕᐊᓐᓂᒡᓘᓐᓃᑦ ᑍᒫᓪᓗᐊᖅ ᐱᓯᒪᑎᒋᔪᒥᒃ ᑐᓴᐅᒪᔪᖅᑲᕐᓯᒪᕚ?