ᒨᓯᓯ ᑕᓪᓕᒪᖏᑦ 28:62 - ᐊᒡᓔᑦ ᐃᑦᔪᕐᖕᓁᑦᑐᑦ

⁶² ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ ᐅᓄᕐᑎᒋᓕᕋᓗᐊᕈᑦᓯ, ᐃᓕᑦᓯᓐᓂᑦ ᖃᑦᓰᓐᓇᑯᓗᐃᑦ ᐊᓐᓇᒍᒫᕐᐳᑦ, ᐊᑕᓂᖅ ᒎᑎᓯ ᓈᓚᓚᐅᖏᓐᓇᑦᓯᐅᒃ.

ᒨᓯᓯ ᑕᓪᓕᒪᖏᑦ 28:62 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 13:7

ᔨᕼᐅᐊᕼᐊᔨᐅᑉ ᐅᓇᑕᕐᑎᖁᑎᖏᑦ ᐊᒥᐊᒃᑯᑐᐊᖃᓚᐅᕐᐳᑦ 50ᓂᒃ ᕿᒥᕐᔪᐊᓕᖕᓂᒃ, 10ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓃᑦᑐᓂᒃ 10,000ᓂᒡᓗ ᐅᓇᑕᕐᑎᓂᒃ ᐱᓱᒃᑎᓂᒃ; ᓯᕆᐊᒥᐅᑦ ᓄᖑᕋᓚᐅᕐᒪᒋᑦ ᓯᖃᓕᓯᔨᓄᑦ ᓯᖃᓪᓕᔭᐅᔪᑎᑐᑦ ᓱᓇᐅᒋᔭᐅᒐᑎᒃ.

ᐊᑕᓃᑦ ᐂᑉᐸᖏᑦ 24:14

ᓂᐱᑯᓁᓴᐅᑉ ᔨᕉᓴᓕᒥᐅᑦ ᐃᓄᓕᒫᖏᑦ ᑎᒍᓪᓗᒋᑦ ᐊᐅᓪᓚᕈᑎᕔᑦ, ᐊᖓᔪᖅᑳᕐᔪᐊᑉ ᕿᑐᕐᖓᓕᒫᖏᑦ, ᓯᕗᓕᕐᑎᖁᑎᖏᓪᓗ ᑲᑎᓪᓗᒋᑦ 10,000ᓚᐅᕐᐳᑦ ᑎᒍᔭᓕᒫᖏᑦ, ᓴᓇᔨᖁᑎᓕᒫᖏᓪᓗ ᓱᓇᑐᐃᓐᓇᕐᓂᒃ ᓴᕕᕋᔭᓕᕆᔩᓪᓗ ᐱᖃᑕᐅᑎᓪᓗᒋᑦ; ᑕᒪᒃᑯᐊ ᐊᔪᕐᓴᕐᑐᑦ ᑭᓯᐊᓂ ᐱᓐᖏᑕᑐᐊᕆᓪᓗᒋᑦ ᕿᒪᒃᑕᐅᑎᑉᐰᑦ.

ᓂᕼᐃᒤᐊᐅᑉ ᐊᒡᓚᖏᑦ 7:4

ᔨᕉᓴᓕᐅᑉ ᐃᒡᓗᒐᓴᖏᑦ ᐊᖏᔪᐊᓘᓚᐅᕐᒪᑕ ᐃᓂᒃᓴᓕᐊᓘᓪᓗᑎᒡᓗ, ᐃᓄᖏᓪᓕ ᑕᕝᕙᓃᑦᑐᑦ ᐅᓄᓚᐅᓐᖏᓚᑦ, ᐃᒡᓗᖏᓪᓗ ᓴᓇᔭᐅᒋᐊᒃᑲᓐᓂᕐᓯᒪᓇᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 9:23

ᕿᑐᕐᖓᕐᑖᕐᑎᓚᐅᕐᐸᑎᓪᓗ ᐅᓄᕐᑐᐊᓗᖕᓂᒃ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ, ᓄᓇᑖᕐᑎᓚᐅᕐᐸᑎᓪᓗ ᐊᖏᕐᕋᒃᓴᖏᓐᓂᒃ ᓯᕗᓪᓕᖏᓐᓄᑦ ᐊᖏᕈᑎᒋᓚᐅᕐᑕᕐᓂᒃ ᑐᓂᓂᐊᕐᓂᕋᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 1:9

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓄᐃᑦ ᐃᓚᖏᓐᓂᒃ ᐊᒥᐊᒃᑯᖃᕐᑎᓚᐅᖏᑉᐸᑎᒍᑦ, ᓄᖑᑕᐅᓇᔭᓚᐅᕐᐳᒍᑦ ᓱᑑᒪᑐᑦ ᒍᒨᕋᒥᐅᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 24:6

ᑍᒤᒻᒪᑦ ᒎᑎᐅᑉ ᓄᓇᕐᔪᐊᖅ ᓇᕐᕈᓇᕐᓯᑎᓚᐅᕐᐹ, ᐃᓄᖏᑦ ᑍᒤᑕᐅᔪᒃᓴᓐᖑᕋᒥᒃ ᐸᓯᔭᒃᓴᐅᓕᕐᐳᑦ ᐃᓅᔪᑦ ᖃᑦᓰᓐᓇᓐᖑᕐᐸᓪᓕᐊᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᐂᓮᐊᓯᐅᑉ ᐊᒡᓚᖏᑦ 6:13

ᐃᓄᐃᑦ ᖁᓕᐅᑦᔪᑎᖏᑦ ᕿᒪᒃᑕᐅᓯᒪᔪᑦ ᐊᒥᐊᒃᑯᒋᔭᐅᓕᕐᐸᑕ, ᑖᒃᑯᐊᑦᑕᐅᖅ ᐃᑯᐊᓪᓚᒃᑎᑕᐅᔪᒫᕆᕗᑦ, ᓇᐹᕐᑐᑐᓪᓗ ᐆᒃᒥᒃ ᐊᑎᓕᐅᑉ ᑭᐱᓯᒪᔫᑉ ᒪᓐᖑᖓᑦ ᓄᓇᒦᖏᓐᓇᓲᖑᖕᒪᑦ ᓇᑲᑕᐅᓯᒪᓂᖓ. ᑍᒫᒃᑕᐅᖅ ᐃᑦᔪᕐᓁᑦᑐᖅ ᑲᓐᖓᕐᓲᑎᒃᓴᖅ ᓇᐹᕐᑑᑉ ᒪᓐᖑᖓᓃᑦᓱᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᒨᓯᓯ ᐱᖓᔪᖏᑦ 26:22

ᓂᕐᔪᑎᓂᑦ ᐃᕐᓯᓇᕐᑐᓂᑦ ᑎᑭᑕᐅᑎᖃᑦᑕᕐᓂᐊᕐᐸᑦᓯ, ᕿᑐᕐᖓᑦᓯᓐᓂᒡᓗ ᑐᖁᑦᓯᑲᑦᑕᕐᓂᐊᕐᐳᑦ, ᓂᕐᔪᑎᖁᑎᑦᓯᓐᓂᒡᓗ ᑐᖁᕅᓂᐊᕐᐳᑦ, ᐅᓄᕈᓐᓃᕐᓂᐊᕐᐳᓯᓗ ᐊᖅᑯᑏᑦ ᓄᓇᑦᓯᓐᓃᑦᑐᑦ ᐃᓄᖃᕈᓐᓁᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 5:3

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “1,000 ᐃᒡᓗᒐᓴᖕᓂᑦ ᐊᓂᔪᑦ ᐊᒥᐊᒃᑯᖃᕐᓂᐊᕐᐳᖅ 100ᓂᒃ, 100ᓪᓗ ᐊᓂᔪᑦ ᐊᒥᐊᒃᑯᖃᕐᓂᐊᕐᐳᑦ 10ᓂᒃ ᐃᓴᕆᐊᓕᐅᑉ ᑭᖑᕚᖏᓐᓂᑦ.”

ᒫᑯᓯᐅᑉ ᐊᒡᓚᖏᑦ 13:20

ᐊᑕᓂᐅᑉ ᐅᓪᓗᐃᑦ ᓁᒡᓕᒋᐊᕐᓂᐊᖏᑉᐸᒋᑦ, ᐃᓄᓕᒫᑦ ᐱᐅᓕᔭᐅᔪᖃᕋᔭᓐᖏᓚᑦ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ, ᐅᓪᓗᐃᑦ ᑖᒃᑯᐊ ᓁᒡᓕᒋᐊᕐᓯᒪᕔᑦ.

ᒨᓯᓯ ᑕᓪᓕᒪᖏᑦ 1:10

ᐊᑕᓂᐅᑉ ᒎᑎᑦᓯ ᐃᓄᒋᐊᒃᑐᕐᔪᐊᓐᖑᕐᑎᓯᒪᓕᕐᒪᓯ ᐅᓪᓗᕆᐊᑎᑐᑦ ᕿᓚᖕᒦᑐᑎᑐᑦ.

ᒨᓯᓯ ᑕᓪᓕᒪᖏᑦ 1:11

ᐊᑕᓂᐅᑉ, ᓯᕗᓕᕕᓂᑦᓯ ᒎᑎᖓᑦᑕ, ᐅᓄᕐᓯᕙᓪᓕᐊᑎᓪᓕᓯ 1,000ᐃᕐᓱᓪᓗᐊᕐᑐᒥᒃ, ᐊᔪᕐᓴᖏᑦᓯᐊᕐᑎᓪᓗᓯᓗ, ᑍᒫᒃ ᐊᖏᕐᕕᒋᓯᒪᖕᒪᓯ ᑕᒪᑐᒥᖓ!

ᒨᓯᓯ ᑕᓪᓕᒪᖏᑦ 10:22

ᓯᕗᓕᕕᓂᓯᓕ ᐄᑦᔨᑉᑎᒧᐊᓕᕐᑎᓪᓗᒋᑦ ᑍᑯᓐᖓᕐᑐᑦ 70ᑐᐃᓐᓇᐅᓚᐅᕐᐳᑦ; ᒫᓐᓇᓕ ᐊᑕᓂᐅᑉ ᒎᑎᑦᓯ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ ᐅᓄᕐᓯᑎᓯᒪᓕᕐᐹᓯ.”

ᒨᓯᓯ ᑕᓪᓕᒪᖏᑦ 4:27

ᐊᑕᓂᐅᑉ ᓯᐊᒻᒪᕐᑎᓐᓂᐊᕐᐹᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ, ᐅᓄᖏᑦᑐᓯᒍᓪᓕ ᐊᒥᐊᒃᑰᓂᐊᕐᐳᓯ.