ᒨᓯᓯ ᑕᓪᓕᒪᖏᑦ 28:54 - ᐊᒡᓔᑦ ᐃᑦᔪᕐᖕᓁᑦᑐᑦ

⁵⁴ ᐊᒡᓛᑦ ᐊᖑᑎᑦ ᐃᕐᓂᐊᖑᓂᕐᒥᖕᓂᑦ ᐊᔪᕐᓴᕐᓚᐅᕐᓯᒪᖏᑦᑐᑦ ᐃᓄᑦᓯᐊᕙᐅᓯᒪᔪᓪᓗ ᓂᕆᔪᒪᓗᐊᕐᓂᕐᒧᑦ ᐊᕙᓗᔭᐅᓯᒪᓕᕐᑎᓪᓗᓯ ᓇᖕᒥᓂᖅ ᕿᑐᕐᖓᓪᓚᕆᖕᒥᖕᓂᒃ ᓂᕿᖃᓕᕈᒫᕐᐳᑦ ᐊᓯᐊᓂᒃ ᓂᕆᔭᒃᓴᖃᖏᓐᓂᕐᒧᑦ.

ᒨᓯᓯ ᑕᓪᓕᒪᖏᑦ 28:54 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:3

ᐊᒃᓱᔪᕐᓕ ᐊᑕᐅᓯᕐᒥᒃ ᓄᕐᕋᐅᔭᖁᑎᖃᓚᐅᕐᐳᖅ, ᓂᐅᕕᐊᕆᓚᐅᕐᑕᒥᓂᒃ. ᑲᒪᒋᑦᓯᐊᓚᐅᕐᐹ ᐱᕈᓚᐅᕐᐳᕐᓗ ᐊᖏᕐᕋᖓᓂ ᕿᑐᕐᖓᖏᓐᓂᓗ; ᓂᕆᑎᖃᑦᑕᓚᐅᕐᐹᓗ ᓂᕿᒥᓂᑦ, ᐃᒥᕐᑎᑉᐸᒡᓗᓂᐅᓪᓗ ᐃᒥᐅᑎᒥᓂᑦ, ᓴᕐᓕᐊᕐᐸᒡᓗᓂᐅᒡᓗ, ᓄᕐᕋᐅᔮᕐᑐᕐᓗ ᑖᑦᓱᒪ ᐸᓂᒋᔫᔮᓚᐅᕐᐹ.

ᐃᓐᖏᕈᑎᑦ 103:13

ᓲᕐᓗ ᐊᑖᑕᐅᑉ ᕿᑐᕐᖓᓂ ᓂᑲᒋᕙᖕᒪᒋᑦ, ᑍᒫᒃᑕᐅᖅ ᐊᑕᓂᐅᑉ ᓯᕘᕋᒋᔨᓂ ᓂᑲᒋᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:6

ᒥᖕᓂᑐᔫᑉ ᓂᐊᖂᔭᖓᓂᒃ ᓂᕆᓂᐊᕐᓇᒃ, ᒪᒪᕆᔭᖏᓐᓂᒡᓘᓐᓃᑦ ᐱᔪᒪᓂᐊᕐᓇᒃ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:22

ᐊᖑᑦ ᑮᓇᐅᔭᒥᒃ ᒥᖕᓂᔪᖅ ᑐᐊᕕᕐᓗᓂ ᐊᒃᓱᐃᓕᓇᓱᐊᕐᐳᖅ, ᖃᐅᔨᒪᓐᖏᓚᕐᓗ ᐊᔪᕐᓴᕐᓂᕐᒧᑦ ᑎᑭᑕᐅᔪᒫᕐᓂᕐᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 49:15

“ᐊᕐᓇᐅᑉ ᕿᑐᕐᖓᓂ ᐊᒫᒪᒃᑎᑕᓂ ᐳᐃᒍᕈᓐᓇᕐᐸᐅᒃ? ᐃᕐᓂᐊᕆᓚᐅᕐᑕᓂ ᓇᒡᓕᒋᖏᑦᓱᓐᓇᕐᐸᐅᒃ? ᐊᒡᓛᑦ ᐳᐃᒍᑐᐃᓇᕆᐊᖃᕐᐳᑦ, ᐅᕙᖓᓕ ᐳᐃᒍᕐᓂᐊᓐᖏᓚᒋᑦ.

ᒤᑲᐅᑉ ᐊᒡᓚᖏᑦ 7:5

ᑕᑎᖃᕐᑍᓕᒋᑦᓯ ᐱᖃᓐᓇᕆᔭᑦᓯᓐᓂᒃ, ᐅᒃᐱᕈᓱᒃᑍᓕᒋᑦᓯᓗ ᐃᓅᖃᑎᑦᓯᓐᓂᒃ. ᐊᒡᓛᑦ ᐅᖃᐅᓯᓯ ᐅᑦᔨᕐᑐᕐᓯᐅᒃ ᐃᓐᓇᖓᖃᑎᒋᕙᒃᑕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 11:8

ᖃᓄᐃᑦᑐᒥᒡᓕ ᑕᑯᔭᕐᑐᓚᐅᕐᐱᓰ? ᐊᖑᒻᒥᒃ ᐊᓐᓄᕌᑦᓯᐊᕐᓯᒪᔪᒦᒃ? ᐊᓐᓄᕌᑦᓯᐊᕐᓯᒪᔪᓪᓕ ᐊᖓᔪᖅᑳᕐᔪᐊᒃᑯᕕᖕᒥ ᐃᓂᖃᓲᖑᕗᑦ!

ᒫᑎᐅᓯᐅᑉ ᐊᒡᓚᖏᑦ 20:15

ᐃᓱᒪᕐᓱᕆᐊᖃᓐᖏᓚᖔ ᓇᖕᒥᓂᖅ ᑮᓇᐅᔭᓐᓂᒃ? ᐅᕝᕙᓗ ᐊᑦᔨᒌᒃᑎᑦᓯᑐᐃᓐᓇᕐᓂᓐᓄᑦ ᐱᑦᓯᐊᕐᑕᐅᓇᓱᒋᔪᓐᓃᕐᐱᓰ?’

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 15:9

ᐅᑦᔨᕐᑐᑦᓯᐊᕆᑦᓯ, ᐱᐅᖏᑦᑐᒥᒃ ᐆᒻᒪᑎᑦᓯᓐᓂ ᐃᓱᒪᖁᓇᓯ, ᐅᖃᕐᓗᓯ, ‘ᐊᕐᕌᒍᑦ 7ᖓ, ᐊᑭᓕᒃᓴᓂᒃ ᓴᒃᑯᐃᕕᒃ ᖃᓂᓗᐊᓕᕐᒪᑦ,’ ᓈᒻᒪᒋᖏᓪᓗᒍᓗ ᖃᑕᓐᖑᑏᑦ ᑕᑯᓐᓇᕐᓗᒍ, ᑐᓂᓯᕕᒋᖏᒃᑯᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐱᑦᔪᑎᒋᓗᑎᑦ, ᑕᕝᕙ ᐊᔪᕐᑐᓕᓯᒪᓕᕋᔭᕐᐳᑎᑦ.

ᒨᓯᓯ ᑕᓪᓕᒪᖏᑦ 28:53

“ᐊᑭᕋᓯᓕ ᓄᓇᒋᔭᑦᓯᓐᓂᒃ ᐊᕙᑕᖏᕐᓯᓯᒪᓕᕐᐸᑕ, ᐱᕐᓚᓱᖕᓂᕐᒧᑦ ᐊᒡᓛᑦ ᕿᑐᕐᖓᑦᓯᓐᓂᒃ ᐊᑕᓂᐅᑉ ᒎᑎᕕᑦ ᐃᓕᑦᓯᓐᓄᑦ ᑐᓂᓯᒪᔭᖏᓐᓂᒃ ᓂᕿᖃᓕᕈᒫᕐᐳᓯ.

ᒨᓯᓯ ᑕᓪᓕᒪᖏᑦ 28:55

ᐊᒡᓛᑦ ᖃᑕᓐᖑᑎᒥᖕᓄᑦ ᓂᕆᔭᖏᑕ ᐃᓚᖓᓂᒃ ᐂᑦᑐᐃᔪᒫᓐᖏᓚᑦ ᓄᓕᐊᒥᖕᓄᓪᓘᓐᓃᑦ ᓇᒡᓕᒋᔭᒥᖕᓄᑦ ᕿᑐᕐᖓᖏᑕᓘᓐᓃᑦ ᐃᓚᖏᓐᓄᑦ ᐊᒥᐊᒃᑰᔪᓄᑦ.