53 “ᐊᑭᕋᓯᓕ ᓄᓇᒋᔭᑦᓯᓐᓂᒃ ᐊᕙᑕᖏᕐᓯᓯᒪᓕᕐᐸᑕ, ᐱᕐᓚᓱᖕᓂᕐᒧᑦ ᐊᒡᓛᑦ ᕿᑐᕐᖓᑦᓯᓐᓂᒃ ᐊᑕᓂᐅᑉ ᒎᑎᕕᑦ ᐃᓕᑦᓯᓐᓄᑦ ᑐᓂᓯᒪᔭᖏᓐᓂᒃ ᓂᕿᖃᓕᕈᒫᕐᐳᓯ.
ᕿᑐᕐᖓᒥᖕᓂᒡᓗ ᓂᕿᖃᓕᕈᒫᕐᐳᑦ, ᐃᒻᒥᖕᓄᓪᓗ ᓂᕆᖃᑦᑕᐅᑎᓕᕐᑎᓪᓗᒋᑦ ᐊᑭᕋᒥᖕᓄᑦ ᐃᓗᔭᐅᓯᒪᓗᑎᒃ ᓴᐱᔭᐅᓯᒪᓂᕐᒥᖕᓄᑦ, ᐊᑭᕋᕐᒥᖕᓂᑦ ᑐᖁᑦᓯᔪᒪᔪᓂᑦ ᑍᒤᑎᑕᐅᓗᑎᒃ.’
ᐊᑕᓃᖅ! ᖃᓄᐃᒻᒪᑦ ᑍᒫᕌᓗᒃ ᓱᒋᐊᕐᐱᑎᒎᑦ? ᐊᕐᓁᑦ ᕿᑐᕐᖓᒥ ᓇᒡᓕᒋᓚᐅᕐᑕᒥ ᑎᒥᕕᓂᖏᓐᓂᒃ ᓂᕿᖃᕐᑐᒃᓴᐅᕚᑦ! ᑐᓂᕐᕈᓯᕐᑎᑦᓯᔩᑦ ᒎᑎᐅᓪᓗ ᐅᖃᕐᑎᖏᑦ ᑐᖁᕋᕐᑕᐅᕙᓕᕐᐳᑦ ᑐᒃᓯᐊᕐᕕᒃᔪᐊᕐᒥ.
ᐊᓯᕈᕐᑕᐅᓇᕐᑐᑦ ᐃᓄᖁᑎᓐᓄᑦ ᑎᑭᓚᐅᕐᑐᑦ ᑲᑉᐱᐊᓇᕐᑐᕐᔪᐊᖑᓯᒪᓂᖓᓄᑦ ᐊᓈᓇᐅᔪᑦ ᕿᑐᕐᖓᒥᖕᓂᒃ ᓇᒡᓕᒍᓱᒃᑑᒐᓗᐊᑦ ᕿᑐᕐᖓᑎᒃ ᐆᔪᓕᐅᕐᐸᒡᓗᒋᑦ ᓂᕿᒋᓕᓚᐅᕐᐰᑦ.
ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᕐᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᒥᓗᑎᒃ; ᑍᒫᒃ ᓱᒋᐊᕈᒫᕐᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᕐᐳᑦ ᐊᓄᕆᓕᒫᓄᑦ.
ᐊᒃᓱᒻᒪᕆᐊᓗᒃ ᑳᖃᑦᑕᕐᓗᓯ, ᑳᖕᓂᕐᒧᑦ ᐊᒡᓛᑦ ᕿᑐᕐᖓᓯ ᓂᕿᒋᓕᕐᓗᒋᑦ.
ᐊᒃᓱᐊᓗᒃ ᑲᑉᐱᐊᓇᕈᒫᕐᐳᖅ ᐊᕐᓇᓄᑦ ᓄᑕᕋᒃᓴᖃᕐᑐᓄᑦ ᒥᑭᔪᓛᓂᒡᓗ ᕿᑐᕐᖓᓕᖕᓄᑦ!
“ᐊᑕᓂᐅᑉ ᓈᒻᒪᖏᑦᔪᑎᖃᓕᕐᑎᓐᓂᐊᕐᐹᓯ ᐅᓄᖏᑦᑐᓂᒃ ᕿᑐᕐᖓᕐᑖᕐᑎᓪᓗᓂᓯ, ᐱᕈᕐᓰᕕᖁᑎᓯ ᓂᐊᖂᔭᒃᓴᓂᒃ ᐱᕈᕐᕕᐅᑎᑦᓯᐊᖏᓪᓗᓂᐅᒃ, ᐅᓄᖏᑦᑐᓂᒡᓗ ᐃᒻᒧᒃᓯᐅᒐᕐᓂᒃ ᓰᐱᓂᒡᓗ ᐱᖃᕐᑎᓪᓗᓂᓯ.
ᐊᒡᓛᑦ ᐊᖑᑎᑦ ᐃᕐᓂᐊᖑᓂᕐᒥᖕᓂᑦ ᐊᔪᕐᓴᕐᓚᐅᕐᓯᒪᖏᑦᑐᑦ ᐃᓄᑦᓯᐊᕙᐅᓯᒪᔪᓪᓗ ᓂᕆᔪᒪᓗᐊᕐᓂᕐᒧᑦ ᐊᕙᓗᔭᐅᓯᒪᓕᕐᑎᓪᓗᓯ ᓇᖕᒥᓂᖅ ᕿᑐᕐᖓᓪᓚᕆᖕᒥᖕᓂᒃ ᓂᕿᖃᓕᕈᒫᕐᐳᑦ ᐊᓯᐊᓂᒃ ᓂᕆᔭᒃᓴᖃᖏᓐᓂᕐᒧᑦ.
ᐊᒡᓛᑦ ᖃᑕᓐᖑᑎᒥᖕᓄᑦ ᓂᕆᔭᖏᑕ ᐃᓚᖓᓂᒃ ᐂᑦᑐᐃᔪᒫᓐᖏᓚᑦ ᓄᓕᐊᒥᖕᓄᓪᓘᓐᓃᑦ ᓇᒡᓕᒋᔭᒥᖕᓄᑦ ᕿᑐᕐᖓᖏᑕᓘᓐᓃᑦ ᐃᓚᖏᓐᓄᑦ ᐊᒥᐊᒃᑰᔪᓄᑦ.
ᐊᑭᕋᖏᑕ ᓄᓇᒋᔭᖓᑦ ᐊᕙᓗᓯᒪᓕᕐᐸᒍ, ᓂᕆᔪᒪᓗᐊᕐᓂᕐᒧᑦ ᐊᒡᓛᑦ ᐃᔨᕋᕐᑐᕐᓗᑎᒃ ᐃᕐᓂᐊᕆᕋᑖᕐᑕᒥᖕᓂᒃ ᓂᕆᖃᑦᑕᓕᕈᒫᕐᐳᑦ ᑕᒪᐅᓁᓐᓇᕐᓗ ᐃᓄᕐᓗᑎᒃ ᐃᕐᓂᐊᕆᔭᐅᓯᒪᔪᓂᒃ; ᐅᐃᒥᖕᓂᒡᓘᓐᓃᑦ ᓇᒡᓕᒋᔭᒥᖕᓂᒃ ᓂᕆᖃᑎᖃᕈᒫᓐᖏᓚᑦ ᕿᑐᖓᒥᖕᓂᒡᓘᓐᓃᑦ.