ᒨᓯᓯ ᑕᓪᓕᒪᖏᑦ 28:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ “ᓄᓇᖃᕐᑐᑐᖃᐅᖏᑦᑐᑦ ᓄᓇᑦᓯᓐᓃᑦᑐᑦ ᐱᓪᓚᕆᐅᓂᕐᒥ ᐃᓂᑖᕐᐸᓪᓕᐊᔪᒫᕐᐳᑦ, ᐃᓕᑦᓯᓕ ᑲᑕᒃᐸᓪᓕᐊᑐᐃᓐᓇᕈᒫᕐᐳᓯ ᐃᓂᕕᓂᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 28:43 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᐃᓐᖏᕈᑎᑦ 79:8

ᓯᕗᓕᑦᑕ ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓱᒋᐊᕐᑍᓕᑎᒍᑦ; ᓂᑲᒍᓱᖕᓂᕐᔪᐊᕐᓄᑦ ᑎᑭᕝᕕᒋᓵᓚᐅᕐᑎᒍᑦ, ᓱᓇᐅᔪᓐᓃᑦᓯᐊᓕᕋᑦᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:5

ᐊᑭᕋᕐᑐᕐᑎᒋᓚᐅᕐᑕᖏᑦ ᐊᐅᓚᑦᓯᔨᐅᓕᕋᒥᒃ ᓯᕘᕋᒋᔭᖃᕈᓐᓁᕐᐳᑦ ᐊᑕᓂᐅᑉ ᕿᒃᓵᖕᓇᕐᑐᕐᔪᐊᕐᒧᑦ ᑎᑭᑎᓚᐅᕐᐰᑦ ᐊᔪᕐᑐᓕᓯᒪᓂᖏᑦ ᐱᑦᔪᑎᒋᓪᓗᒋᑦ ᕿᑐᕐᖓᖏᑦ ᐊᐅᓪᓚᕈᑦᔭᐅᕗᑦ ᑎᒍᔭᐅᓪᓗᑎᒃ ᐊᑭᕋᖏᓐᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:17

ᐊᑕᓂᐅᑉ ᐊᓯᕈᐃᓂᐊᕐᓂᕋᕐᓯᒪᓂᓂ ᐊᑑᑎᑎᓕᑍᓐᓇᕐᐹ, ᐊᓯᕈᕐᑕᐅᑎᒻᒪᒍ ᓂᑲᒍᓱᖕᓂᖃᖏᑦᑐᒥᒃ, ᑍᒤᒍᒪᓂᐊᕐᓂᕋᕐᓯᒪᓂᓂ ᒪᓕᒡᓗᒍ ᐊᑭᕋᕗᑦ ᓵᓚᖃᕐᑎᒻᒪᒋᑦ ᑲᑕᒃᓯᒪᓂᑦᑎᓐᓂᒡᓗ ᖁᕕᐊᓲᑎᖃᕐᑎᑉᐰᑦ.

ᔪᐊᓇᓯᐅᑉ ᐊᒡᓚᖏᑦ 18:31

ᐰᓛᑑᓯᐅᑉ ᐅᖃᐅᑎᕔᑦ, “ᓇᖕᒥᓂᖅ ᑎᒍᓕᕐᓯᐅᒃ ᐃᖅᑲᕐᑐᕐᓗᒍ ᓇᖕᒥᓂᖅ ᐱᖁᔭᓯ ᒪᓕᒡᓗᒋᑦ.” ᑕᕝᕙ ᔫᑎᑦ ᐅᖃᐅᑎᕚᑦ, “ᑐᖁᑦᓯᔪᒃᓴᐅᓐᖏᓚᒍᑦ ᑭᓇᒥᒡᓘᓐᓃᑦ.”

ᔪᐊᓇᓯᐅᑉ ᐊᒡᓚᖏᑦ 19:15

ᕾᒐᓛᓕᕐᐳᓪᓕ, “ᑕᒫᓃᓇᓂ, ᑕᒫᓃᓇᓂ, ᑭᑭᐊᒃᑐᕐᑕᐅᓕ!” ᐰᓛᑑᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᓯ ᑭᑭᐊᒃᑐᒐᒃᓴᕆᕙᕌ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑭᐅᕗᑦ, “ᐊᖓᔪᖅᑳᕐᔪᐊᖃᓐᖏᓚᒍᑦ ᓰᓴᕆᐅᑉ ᐊᓯᐊᓂᒃ!”

ᒨᓯᓯ ᑕᓪᓕᒪᖏᑦ 28:13

ᐊᑕᓂᐅᓪᓗ ᒎᑎᑦᓯ ᑕᓯᐅᕐᑎᐅᑎᑦᓱᒫᕐᐹᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᑖᒃᑯᓄᖓ ᒪᓕᒃᑎᐅᑐᐃᓐᓇᖏᓪᓗᓯ; ᑍᒪᓐᖓᑦ ᐱᕙᓪᓕᐊᑎᑦᓱᒫᕐᐹᓯ ᖁᒻᒧᒃᐸᓪᓕᐊᑎᓪᓗᓯ, ᑲᑕᒃᐸᓪᓕᐊᑎᖏᓪᓗᓯ; ᐊᑕᓂᐅᑉ ᒎᑎᑦᓯ ᐱᖁᔭᓕᒫᖏᑦ ᐊᑐᕐᑕᐅᖁᔭᖏᓪᓗ ᒪᓕᖕᓂᐊᕈᑦᓯᐅᒃ ᓱᖁᓯᔪᐃᑦᑑᓗᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᒃᑲ.

ᐃᓗᐊᕐᓮᔩᑦ ᐊᒡᓚᖏᑦ 14:4

ᐊᑖᑕᖓᓕ ᐊᓈᓇᖓᓗ ᖃᐅᔨᒪᓚᐅᓐᖏᓚᒃ ᐊᑕᓂᕐᒥᑦ ᑕᒪᓐᓇ ᐱᖕᒪᖔᑦ; ᑍᒤᑎᑦᓯᓚᐅᕐᒪᑦ ᐱᕕᒃᓴᓕᐅᕐᓗᓂ ᐱᓕᔅᑍᓂᒥᐅᓂᒃ ᐊᑭᓂᐊᕈᑎᒃᓴᒧᑦ. ᑍᑦᓱᒪᓂ ᐱᓕᔅᑍᓂᒥᐅᑦ ᐊᐅᓚᑦᓯᓚᐅᕐᒪᑕ ᐃᓴᕆᐊᓕᒥᐅᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 2:3

ᒫᓐᓇᓕ ᐅᖃᐅᑎᕙᑦᓯ ᑖᒃᑯᐊ ᐃᓄᐃᑦ ᐊᐅᓪᓚᕐᑎᓐᓂᐊᕈᓐᓃᕐᐸᒃᑲ ᓯᕗᓂᑦᓯᓐᓂ ᐊᑭᕋᕐᑐᕐᑎᒋᓂᐊᓕᕋᓯᐅᒃ ᒎᑎᓐᖑᐊᖏᓐᓂᓪᓗ ᐊᔪᓕᕐᑎᑕᐅᓗᓯ.”

ᐃᓗᐊᕐᓮᔩᑦ ᐊᒡᓚᖏᑦ 6:6

ᐃᓴᕆᐊᓕᒥᐅᑦ ᓵᓚᐅᓂᕐᐸᐅᓕᓚᐅᕐᐳᑦ ᒥᑎᐊᓂᒥᐅᓂᑦ; ᐃᓴᕆᐊᓕᒥᐅᓪᓗ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓕᓚᐅᕐᐳᑦ ᐊᑕᓂᕐᒧᑦ.