ᒨᓯᓯ ᑕᓪᓕᒪᖏᑦ 28:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ “ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.

ᒨᓯᓯ ᑕᓪᓕᒪᖏᑦ 28:36 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 25:11

ᑕᕝᕙ ᓂᐳᔭᕋᑕᓐ ᓴᐳᓐᓂᐊᕐᑎᓄᑦ ᐊᖓᔪᖅᑳᖑᔫᑉ ᐃᓄᐃᑦ ᐃᒡᓗᒐᓴᖕᓂ ᐊᒥᐊᒃᑰᓯᒪᔪᑦ ᑎᒍᓪᓗᒋᑦ ᐹᐱᓘᓂᒧᑦ ᐊᐅᓚᕈᑎᕔᑦ, ᓴᓇᔪᓐᓇᕐᑐᑦ ᐊᒥᐊᒃᑯᕕᓂᖏᑦ ᐹᐱᓘᓂᒥᐅᓄᓪᓗ ᐃᓚᒋᓕᐅᑎᓂᑰᓕᕐᑐᑦ.

ᐊᑕᓃᑦ ᐂᑉᐸᖏᑦ 25:21

ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.

ᑯᕉᓂᑲ ᐂᑉᐸᖏᑦ 33:11

ᑍᒤᒻᒪ ᐊᑕᓂᐅᑉ ᐱᔭᐅᑎᓚᐅᕐᐰᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑎᖏᓐᓄᑦ, ᑖᒃᑯᐊ ᒫᓇᓯᒥᒃ ᑎᒍᓯᕗᑦ ᓴᕕᕋᔭᖕᓄᓪᓗ ᓂᒃᓯᒃᓯᒪᓪᓗᒍ ᐊᕐᓵᕐᑑᔭᓄᑦ ᑲᓐᓄᔭᓄᑦ ᕿᓚᒃᓱᕐᐹᑦ ᐊᐅᓪᓚᐅᑎᓪᓗᒍᓗ ᐹᐱᓘᓂᒧᑦ.

ᑯᕉᓂᑲ ᐂᑉᐸᖏᑦ 36:1

ᐃᓄᐃᑦ ᓄᓇᓖᑦ ᔨᕼᐅᐊᕼᐊᔨ ᓂᕈᐊᕐᐹᑦ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᑎᓪᓗᒍᓗ ᐊᑖᑕᖓᑕ ᐃᓂᖓᓄᑦ ᔨᕉᓴᓕᒥ.

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᑯᕉᓂᑲ ᐂᑉᐸᖏᑦ 36:20

ᓴᕕᒡᔪᐊᒧᓪᓗ ᑐᖁᑕᐅᖏᑦᑐᓕᒫᑦ ᐊᐅᓪᓚᕈᑎᕔᑦ ᐹᐱᓘᓂᒧᑦ, ᑖᑦᓱᒧᖓᓗ ᐱᔨᐅᓕᕐᐳᑦ ᐃᕐᓂᖏᓐᓄᓪᓗ ᐴᕐᓯᐊᒥᐅᑉ ᐊᖓᔪᖅᑲᐅᕕᖓ ᐊᐅᓚᑦᓯᓕᓚᐅᕐᑎᓐᓇᒍ.

ᑯᕉᓂᑲ ᐂᑉᐸᖏᑦ 36:6

ᑕᕝᕙ ᓂᐱᑯᓁᓴ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᑎᑭᑉᐳᖅ ᐅᓇᑕᕆᐊᕐᓗᓂ ᑖᑦᓱᒥᖓ, ᐊᑦᓱᖏᕐᓱᕐᐹᓗ ᐊᕐᓵᕐᑑᔭᓄᑦ ᐊᑦᓱᖏᐅᑎᓄᑦ ᐊᐅᓪᓚᕈᑎᓪᓗᒍᓗ ᐹᐱᓘᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 39:7

ᓇᖕᒥᓂᖅ ᐃᕐᓂᕕᑦ ᐃᓚᖏᑦ ᕿᑐᕐᖓᕐᑖᕆᓚᐅᕐᑕᑎᑦ, ᐊᐅᓪᓚᕈᑦᔭᐅᔪᒫᕐᐳᑦ ᓄᓕᐊᕈᓐᓁᓪᓕᑎᑕᐅᓗᑎᒃ ᑭᒡᒐᕐᑐᕐᑎᐅᓕᕐᓗᑎᒡᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᒡᓗᖓᓂ.”

ᔨᕆᒤᐊᐅᑉ ᐊᒡᓚᖏᑦ 15:14

ᓯᐊᓛᕆᔭᐅᓕᕈᒫᕐᐳᓯ ᐊᑭᕋᑦᓯᓐᓄᑦ ᓄᓇᒋᓚᐅᕐᓯᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᐊᓛᕐᑐᑎᑐᑦ ᐃᑯᐊᓚᔪᒫᕐᒪᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 16:13

ᑍᒤᒻᒪᑦ ᓄᓇᒥᑦ ᑕᒫᓐᖓᑦ ᐃᒋᑕᐅᑎᓐᓂᐊᕐᐸᑦᓯ ᓄᓇᒧᑦ ᓯᕗᓕᕕᓂᑦᓯᓐᓄᑦ ᐊᒡᓛᑦ ᖃᐅᔨᒪᔭᐅᓚᐅᖏᑦᑐᒧᑦ ᓄᓇᑖᕐᓗᓯᓗ ᑕᕝᕙᓂ, ᑕᕝᕙᓂᓗ ᒎᑎᒋᔪᒪᔭᑦᓯᓐᓂᒃ ᒎᑎᖃᕈᒫᕋᑦᓯ ᖃᐅᑕᒫᑦ ᐱᔨᑦᓯᕐᓂᐊᕐᑕᑦᓯᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐃᓕᑦᓯᓐᓂᒃ ᓂᑲᒍᓱᖕᓂᐊᕈᓐᓃᕐᐳᖓ.’”

ᔨᕆᒤᐊᐅᑉ ᐊᒡᓚᖏᑦ 39:1

ᐃᒫᒃ ᑕᕝᕙ ᔨᕉᓴᓕᒻ ᐱᔭᐅᓚᐅᕐᐳᖅ ᔨᑎᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ ᔫᑕᒥᐅᓄᑦ 9ᖓᓐᓂ ᑕᖅᑮᑦ 10ᒋᓕᕐᑕᖓᓐᓂ, ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᓕᒫᖏᑦ ᔨᕉᓴᓕᒧᑦ ᐅᓇᑕᕆᐊᓚᐅᕐᐳᑦ ᐊᕙᑕᖏᕐᓯᒪᓕᓚᐅᕐᐹᓪᓗ.

ᔨᕆᒤᐊᐅᑉ ᐊᒡᓚᖏᑦ 9:15

ᑍᒤᒻᒪᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑕᑯᒋᑦ, ᐃᓄᐃᑦ ᑖᒃᑯᐊ ᓂᕆᑎᓐᓂᐊᕐᐸᒃᑲ ᒪᒤᑦᑐᓂᒃ, ᑐᖁᓐᓇᕐᑐᒥᒡᓗ ᐃᒥᕐᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9

ᔨᕉᓴᓕᐅᑉ ᐃᑎᕐᑕᕐᕕᖏᑦ ᓄᓇᒧᑦ ᒪᖑᒃᑎᑉᐰᑦ, ᐹᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᐰᑦ, ᐊᖓᔪᖅᑳᕐᔪᐊᖓᑦ ᐃᕐᓂᖏᓪᓗ ᐊᐅᓪᓚᕈᑦᔭᐅᕗᑦ ᐃᓅᖃᑎᒌᒡᔪᐊᓄᑦ; ᐱᖁᔭᖏᓪᓗ ᐊᑑᑎᔪᓐᓁᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᐊᑕᓂᕐᒥᑦ ᐱᔪᓂᒃ ᑕᑯᑎᑕᐅᕙᒍᓐᓁᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:20

ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ, ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ, ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 11:9

ᐃᒡᓗᒐᓴᒡᔪᐊᓂᑦ ᐊᓂᑎᑦᓱᒫᕐᐸᑦᓯ, ᐃᓅᖃᑎᒋᓐᖏᑕᑦᓯᓐᓄᑦ ᐂᑦᑑᑎᒋᓗᓯ, ᐃᖅᑲᕐᑐᐃᓂᕋ ᑲᔪᓯᑎᓪᓗᒍ ᐃᓕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 20:39

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒧᑦ ᑭᖑᕚᖑᔪᓯ, ᐅᕙᓐᓂᒃ ᓈᓚᖕᓂᐊᖏᒃᑯᑦᓯ; ᒎᑎᓐᖑᐊᓯ ᐊᑐᓂᑦ ᑭᒡᒐᕐᑐᓕᕐᓯᐅᒃ ᒫᓐᓇᒥᑦ ᐱᒋᐊᕐᓗᒍ ᑭᖑᓂᖓᒍᓪᓗ, ᐊᑎᕋᓕ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᖃᑦᑕᕐᓂᐊᕈᓐᓃᕐᐸᓯ ᑐᓂᕐᕈᑎᑦᓯᓐᓄᑦ ᒎᑎᓐᖑᐊᑦᓯᓐᓄᓪᓗ.

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 29:17

ᑕᑯᖃᑦᑕᓚᐅᕐᐸᓯᓗ ᒎᑎᓐᖑᐊᖏᑦ ᓇᕐᕈᓇᕐᑐᑦ ᕿᔪᐃᑦ, ᐅᔭᕅᑦ, ᓯᐅᓪᕕᕇᑦ, ᒎᓗᐃᓪᓗ ᐱᖁᑎᒋᓚᐅᕐᑕᖏᑦ.

ᒨᓯᓯ ᑕᓪᓕᒪᖏᑦ 4:27

ᐊᑕᓂᐅᑉ ᓯᐊᒻᒪᕐᑎᓐᓂᐊᕐᐹᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ, ᐅᓄᖏᑦᑐᓯᒍᓪᓕ ᐊᒥᐊᒃᑰᓂᐊᕐᐳᓯ.

ᒨᓯᓯ ᑕᓪᓕᒪᖏᑦ 4:28

ᑕᒪᒃᑯᓇᓂᓕ ᓇᔪᓕᕐᑕᑦᓯᓐᓂ ᒎᑎᖃᕈᒫᕐᐳᓯ ᐃᓄᐃᑦ ᐊᒡᒐᖏᓐᓄᑦ ᓴᓇᔭᐅᓯᒪᔪᓂᒃ, ᕿᔪᖕᓄᑦ ᐅᔭᖅᑲᓄᓪᓗ ᒎᑎᐅᔪᓄᑦ, ᒎᑎᒋᔭᐅᔪᑦ ᑕᑯᔪᓐᓇᖏᑦᑐᑦ ᑐᓴᕈᓐᓇᖏᑦᑐᓪᓗ, ᓂᕆᔪᓐᓇᖏᑦᑐᑦ ᓁᒪᔪᓐᓇᖏᑦᑐᓪᓗ.

ᓴᒧᐃᓕ ᓯᕗᓪᓖᑦ 12:25

ᑭᓯᐊᓂᓕ ᐊᔪᕐᑐᓖᓐᓇᕐᓂᐊᕈᑦᓯ, ᐊᓯᕈᕐᑕᐅᔪᒫᕐᐳᓯ, ᐃᓕᑦᓯ ᐊᖓᔪᖅᑳᕐᔪᐊᓯᓗ ᐊᑕᖏᕐᓗᓯ.”