ᒨᓯᓯ ᑕᓪᓕᒪᖏᑦ 28:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᒨᓯᓯ ᑕᓪᓕᒪᖏᑦ 28:33 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 20:18

ᐱᓇᓱᐊᕐᓯᒪᔭᖏᑕ ᐱᕈᕐᑎᑕᖏᑦ ᐅᑎᕐᑎᑦᓱᒫᕐᐰᑦ, ᑕᐅᕐᓰᓂᒃᑯᑦ ᖄᖏᕐᓂᑯᓕᐅᕈᑎᓂ ᖁᕕᐊᓲᑎᒋᓗᒋᑦ ᐊᑐᕈᓐᓇᕐᓯᓂᐊᓐᖏᓔ.

ᐂᓮᐊᓯᐅᑉ ᐊᒡᓚᖏᑦ 1:7

“ᓄᓇᓯ ᐃᓄᖃᕋᓂ ᐊᓯᕈᕐᑕᐅᓯᒪᕗᖅ, ᐃᒡᓗᒐᓴᖁᑎᓯᓗ ᐃᑯᒪᒧᑦ ᓄᖑᑕᐅᓯᒪᕗᑦ; ᑕᑯᓐᓈᕐᑎᓪᓗᓯ ᓄᓇᓕᑐᖃᐅᖏᑦᑐᓄᑦ ᓄᓇᑦᓯᓐᓂᒃ ᐊᕐᓵᕐᑕᐅᓯᒪᕗᓯ; ᐃᓄᖃᕈᓐᓃᕐᑎᑕᐅᓯᒪᕗᖅ, ᓵᓚᐅᓯᒪᓪᓗᓂᓗ ᓄᓇᖃᑎᒋᓐᖏᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 42:22

ᑖᒃᑯᐊᓕ ᑎᒡᓕᒊᔭᐅᓂᑰᕗᑦ ᑎᒎᖅᑬᕕᐅᓂᑰᓪᓗᑎᒡᓗ; ᑕᒪᕐᒥᒡᓗ ᐃᑎᕐᓴᓄᑦ ᓂᒐᕐᑎᑕᐅᓯᒪᕗᑦ, ᑎᒍᔭᐅᓯᒪᕝᕕᖕᓂᓗ ᐃᔨᕐᓯᒪᓪᓗᑎᒃ; ᑎᒍᔭᐅᓯᒪᓕᕐᐳᑦ ᓂᕆᔭᒃᓴᐅᓪᓗᑎᒃ ᓴᐳᑦᔨᔨᒃᓴᖃᕋᑎᒡᓗ; ᑎᒡᓕᒊᔭᐅᕗᑦ ᐅᖃᐅᑦᔭᐅᓇᑎᒡᓗ, ‘ᐅᑎᕐᑎᑦᓯᕕᐅᓕᑦ!’

ᐂᓮᐊᓯᐅᑉ ᐊᒡᓚᖏᑦ 62:8

ᐊᑕᓂᖅ ᐅᖃᕕᒃᓯᒪᖕᒪᑦ ᓯᖁᒥᑦᔮᓐᖏᑕᒥᓂᒃ ᑕᓕᕐᐱᖕᒥᓄᑦ ᓇᓗᓁᒃᑯᑦᓯᕐᓗᒍ, ᑕᓕᕐᒥᓗ ᐱᔪᓐᓇᕐᓂᖓᒍ ᐅᖃᕐᓗᓂ: “ᓂᐊᖂᔭᒃᓴᑦ ᐱᕈᕐᑎᑕᕕᓂᓯ ᐊᑭᕋᑦᓯᓐᓄᑦ ᓂᕿᒃᓴᐅᑎᒃᑲᓐᓂᕐᓂᐊᕈᓐᓃᕐᐸᒃᑲ, ᐸᐅᕐᖎᓪᓗ ᐃᑦᑎᖓ ᓄᑖᖅ ᓄᓇᖃᑎᒃᓴᔭᕆᓐᖏᑕᑦᓯᓐᓄᑦ ᐃᒥᒃᓴᐅᑎᓐᓂᐊᕈᓐᓃᕐᐸᕋ ᐊᒃᓱᕉᑎᒋᓪᓗᒍ ᓴᖅᑭᑎᓚᐅᕐᑕᓯ.

ᔨᕆᒤᐊᐅᑉ ᐊᒡᓚᖏᑦ 4:17

ᐊᕙᓗᓂᐊᕐᐹᓪᓗ ᓄᓇᖁᑎᒥᖕᓂᒃ ᓴᐳᑦᔨᓯᒪᓇᓱᐊᕐᑐᑎᑐᑦ, ᐅᕙᓐᓂᒃ ᐊᑭᕋᕐᑐᓚᐅᕐᒪᑕ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 5:15

ᐃᓴᕆᐊᓕᒥᐅᓄᑦ, ᐊᑕᓂᖅ ᐅᖃᕐᐳᖅ, ᑎᓕᓯᓂᐊᕐᐳᖓ ᐃᓅᖃᑎᒌᒡᔪᐊᓂᒃ ᐅᖓᓯᒃᑐᒥᑦ ᐱᔪᓂᒃ ᐃᓕᑦᓯᓐᓂᒃ ᐅᓇᑕᕆᐊᕐᑐᕐᑐᓂᒃ. ᐃᓅᖃᑎᒌᒡᔪᐊᑐᖃᐅᔪᓂᒃ ᐱᔪᓐᓇᕐᓂᖃᑦᓯᐊᕐᑐᓂᒃ, ᐅᖃᐅᓯᖃᖃᑎᒋᓐᖏᑕᑦᓯᓐᓂᒃ ᐅᖃᐅᓯᖏᓪᓗ ᑐᑭᓯᓂᐊᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 8:16

ᐊᑭᕋᑦᑕ ᕿᒻᒥᕐᔪᐊᖏᑕ ᓂᓪᓕᐊᓂᖏᑦ ᑐᓴᕐᓴᐅᓕᕐᐳᑦ ᓄᓇᒥᑦ ᑖᓐᒥᐅᓂᑦ ᐱᔪᑦ, ᕿᒻᒥᕐᔪᐊᖏᑕ ᐊᖑᑕᐅᓂᖏᑕ ᓂᑦᔮᓂᖏᓐᓄᑦ ᓄᓇᓕᒫᖅ ᓴᔪᒃᐱᓗᓕᕐᐳᖅ. ᕾᓕᕐᐳᑦ ᓱᓁᕈᑦᔨᔭᕐᑐᕐᓗᑎᒃ ᓄᓇᒥᒃ, ᐃᒡᓗᒐᓴᒡᔪᐊᖏᓐᓂᒡᓗ ᐃᓄᐃᕈᑦᔨᔭᕐᑐᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 25:4

ᑍᒤᒻᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᒥᐅᑦ ᐃᓅᖏᓐᓅᑦ ᐃᓄᖁᑎᑖᕆᔭᐅᔪᒫᕐᐳᓯ, ᑕᖕᒫᕐᑎᕐᓗᑎᒡᓗ ᐊᑯᓐᓇᑦᓯᓐᓂ ᓄᓇᖃᓕᕈᒫᕐᐳᑦ; ᐱᕈᕐᑐᖁᑎᓯ ᓂᕆᔪᒫᕐᐰᑦ, ᐃᒻᒧᖁᑎᓯᓗ ᐃᒥᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 5:11

ᐃᕗᕅᒥ ᐊᒃᓱᕈᕐᓇᕐᑐᒃᑰᓕᕐᐳᖅ; ᓄᓇᖁᑎᒋᓚᐅᕐᑕᒥᓂᒃ ᐊᓯᐅᔨᖕᒪᑦ, ᐱᓇᓱᐊᕋᓱᓚᐅᕐᒪᑕ ᐊᑑᑎᖃᖏᑦᑐᓄᑦ.

ᕼᐆᓯᐊᑉ ᐊᒡᓚᖏᑦ 8:7

ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᒨᓯᓯ ᐱᖓᔪᖏᑦ 26:16

ᑕᕝᕙ ᓱᒋᐊᕐᓂᐊᕐᐸᑦᓯ, ᑲᑉᐱᐊᓇᕐᑐᒻᒪᕆᖕᒥᑦ ᑎᑭᑕᐅᓂᐊᕐᐳᓯ, ᐋᓐᓂᐊᓇᕐᑐᓂᒃ ᐆᑎᕐᓇᕐᓇᕐᑐᓂᒡᓗ ᑕᐅᑐᒍᓐᓁᕐᓇᕐᑐᓂᒡᓗ ᑐᖁᕙᓪᓕᐊᓇᕐᑐᓂᒡᓗ. ᐱᕈᕐᓰᕕᑦᓯᓐᓄᑦ ᐱᕈᕐᓯᐊᒃᓴᓂᒃ ᐃᓕᐅᖅᑬᑐᐃᓐᓇᖃᑦᑕᕐᓂᐊᕐᐳᓯ ᐊᑭᕋᑦᓯᓐᓂᑦ ᓂᕆᔭᐅᖃᑕᕐᓂᐊᕐᒪᑕ.

ᒨᓯᓯ ᑕᓪᓕᒪᖏᑦ 28:34

ᐅᖁᒤᒃᓴᕐᑎᑕᐅᓂᕐᓄᓪᓗ ᑕᒪᒃᑯᓄᖓ ᐃᓱᒤᕈᑎᑎᑕᐅᔪᒫᕐᐳᓯ ᑕᑯᔭᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 28:51

ᐃᒻᒧᒃᓯᐅᒐᖁᑎᓯᓗ ᓄᕐᕋᖏᑦ ᓂᐊᖂᔭᒃᓴᖁᑎᓯᓗ ᓂᕿᒋᔪᒫᕐᐰᑦ, ᓄᖑᓚᐅᖏᓐᓂᑦᓯᓐᓂ; ᐊᒥᐊᒃᑯᔭᐅᔪᒫᓐᖏᓚᓯᓘᓐᓃᑦ ᓂᐊᖂᔭᒃᓴᓂᒃ, ᕔᓂᓂᒃ, ᓇᐹᕐᑐᐃᑦ ᐱᕈᕐᑐᖏᑕ ᐅᕐᓱᖏᓐᓂᒃ, ᐃᒻᒧᒃᓯᐅᒐᕐᓂᒃ, ᓰᐱᓂᒡᓗ; ᐱᕐᓕᕐᓗᓯ ᑐᖁᓚᐅᖏᓐᓂᑦᓯᓐᓂ.

ᐃᓗᐊᕐᓮᔩᑦ ᐊᒡᓚᖏᑦ 6:3

ᑍᒪᓐᖓᓪᓗ ᐃᓴᕆᐊᓕᒥᐅᑦ ᐱᕈᕐᓰᔭᕐᑐᕌᖓᑕ ᓂᕿᒃᓴᒥᖕᓂᒃ, ᒥᑎᐊᓂᒥᐅᑦ ᐊᒪᓕᑬᑎᓪᓗ ᓯᐅᕋᕐᒥᐅᓪᓗ ᐅᐸᒍᑎᕙᓚᐅᕐᐳᑦ ᐅᓇᑕᕆᐊᕐᑐᕐᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 6:5

ᑎᑭᖃᑦᑕᓚᐅᕐᒪᑕ ᐅᒫᔪᖁᑎᒡᒋᕐᓗᑎᒃ, ᑐᐱᒡᒋᕐᓗᑎᒡᓗ ᐱᒡᓕᕐᑕᐅᔮᕐᑐᑎᑐᑦ ᓈᓴᒐᒃᓴᐅᖏᑦᑐᑎᑐᑦ; ᑖᒃᑯᐊᓗ ᑳᒥᓕᖁᑎᖏᓪᓗ ᐅᓄᕐᓂᖏᑦ ᓈᓴᒐᒃᓴᐅᓚᐅᓐᖏᓚᑦ; ᑎᑭᓐᓇᒥᒃ ᓄᓇᒥᒃ ᐊᑑᑎᒃᓴᖃᕈᓐᓃᕐᑎᑦᓯᕙᓚᐅᕐᐳᑦ.