ᒨᓯᓯ ᑕᓪᓕᒪᖏᑦ 28:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐃᒻᒧᒃᓯᐅᒐᖁᑎᓯ ᑕᑯᓐᓇᕐᑎᓪᓗᓯ ᑐᖁᑕᐅᔪᒫᕐᐳᑦ, ᓂᕿᖏᓐᓂᒡᓕ ᓂᕆᕕᒋᔪᒫᓐᖏᓚᓯ; ᓯᐅᑎᖅᑯᕐᑐᔪᖁᑎᓯ ᑕᑯᓐᓇᕐᑎᓪᓗᑎᑦ ᑲᑉᐱᐊᓵᕐᑕᐅᓗᓯ ᐱᔭᐅᔪᒫᕐᐳᑦ, ᐃᓕᑦᓯᓐᓄᓪᓗ ᐅᑎᕐᑎᑕᐅᔪᒫᓐᖏᓚᑦ. ᓰᐱᖁᑎᓯ ᐊᑭᕋᕐᑐᕐᑎᑦᓯᓐᓄᑦ ᑐᓂᔭᐅᔪᒫᕐᐳᑦ, ᓇᓪᓕᐊᓐᓂᒡᓘᓐᓃᑦ ᐃᑲᔪᕐᑎᒃᓴᖃᕈᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 28:31 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 20:28

ᐃᒡᓗᒥᐅᑕᕆᔭᖏᑦ ᐊᓐᓂᑦᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᐅᓂᐊᕐᑕᐅᔪᒫᕐᐳᑦ ᒎᑎᐅᑉ ᓂᓐᖓᐅᓯᖓᑕ ᐅᓪᓗᖓᓂ.

ᐂᓮᐊᓯᐅᑉ ᐊᒡᓚᖏᑦ 62:8

ᐊᑕᓂᖅ ᐅᖃᕕᒃᓯᒪᖕᒪᑦ ᓯᖁᒥᑦᔮᓐᖏᑕᒥᓂᒃ ᑕᓕᕐᐱᖕᒥᓄᑦ ᓇᓗᓁᒃᑯᑦᓯᕐᓗᒍ, ᑕᓕᕐᒥᓗ ᐱᔪᓐᓇᕐᓂᖓᒍ ᐅᖃᕐᓗᓂ: “ᓂᐊᖂᔭᒃᓴᑦ ᐱᕈᕐᑎᑕᕕᓂᓯ ᐊᑭᕋᑦᓯᓐᓄᑦ ᓂᕿᒃᓴᐅᑎᒃᑲᓐᓂᕐᓂᐊᕈᓐᓃᕐᐸᒃᑲ, ᐸᐅᕐᖎᓪᓗ ᐃᑦᑎᖓ ᓄᑖᖅ ᓄᓇᖃᑎᒃᓴᔭᕆᓐᖏᑕᑦᓯᓐᓄᑦ ᐃᒥᒃᓴᐅᑎᓐᓂᐊᕈᓐᓃᕐᐸᕋ ᐊᒃᓱᕉᑎᒋᓪᓗᒍ ᓴᖅᑭᑎᓚᐅᕐᑕᓯ.

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᒨᓯᓯ ᑕᓪᓕᒪᖏᑦ 28:30

“ᓄᓕᐊᒃᓴᕐᑖᕈᒫᕐᐳᓯ, ᐊᓯᕕᓪᓕ ᐃᓐᓇᖓᖃᑎᒋᔪᒫᕐᐹ; ᐃᒡᓗᓕᐅᕈᒫᕐᐳᓯ ᐊᖏᕐᕋᕆᔪᒫᓐᖏᓚᓪᓕ; ᕔᓂᒃᓴᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᔪᒫᕐᐳᓯ, ᐸᐅᕐᖓᖏᓐᓂᒡᓕ ᑲᑎᕐᓱᐃᔪᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 28:32

ᑕᑯᓐᓇᕐᑎᓪᓗᓯ ᐃᕐᓂᓯ ᐸᓂᓯᓗ ᑐᓂᔭᐅᔪᒫᕐᐳᑦ ᐃᓄᖕᓄᑦ ᐊᓯᑦᓯᓐᓄᑦ, ᕿᑐᕐᖏᕆᔪᒫᕐᐳᓯ ᐅᓪᓗᓕᒫᖅ ᐅᖓᒋᓗᒋᑦ; ᕿᓂᕋᓱᖕᓂᕐᒧᑦ ᕿᑐᕐᖓᑎᑦ ᐅᑎᓕᕐᒪᖔᑕ ᐅᑎᕈᒫᓐᖏᓚᓪᓕ.

ᐃᓗᐊᕐᓮᔩᑦ ᐊᒡᓚᖏᑦ 6:1

ᐃᓴᕆᐊᓕᐅᑉ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᐅᑉ ᓵᖓᓂ, ᑍᒤᒻᒪᑦ ᒥᑎᐊᓂᒥᐅᓄᑦ ᐊᐅᓚᑕᐅᑎᓚᐅᕐᐰᑦ ᐊᕐᕌᒍᓂᒃ 7ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:4

ᑕᖕᒫᕐᓯᒪᖃᑦᑕᓚᐅᕐᐳᑦ ᓄᓇᖓᓂ ᐅᑕᖅᑭᓪᓗᑎᒃ ᐱᕈᕐᓯᐊᖏᓪᓗ ᓱᕋᒃᑎᕐᐸᒡᓗᒋᑦ, ᒑᓴᐅᑉ ᓄᓇᖓ ᑎᑭᓪᓗᒍ. ᐃᓴᕆᐊᓕᒥᐅᑦ ᕿᒤᕕᒋᓇᒋᑦ ᐃᓅᒡᒍᑎᒃᓴᖏᓐᓂᒃ ᐊᕐᓵᕐᓯᕙᓚᐅᕐᐳᑦ, ᓰᐱᓂᒃ, ᐃᒻᒧᒃᓯᐅᒐᖁᑎᖏᓐᓂᒃ, ᓯᐅᑎᖅᑯᕐᑐᔪᖁᑎᖏᓐᓂᒡᓗ.