ᒨᓯᓯ ᑕᓪᓕᒪᖏᑦ 28:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑕᑦᓯᑲᒍᒫᕐᐳᓯ ᐅᓪᓗᒃᑯᑦ ᖃᐅᒪᑎᓪᓗᒍ ᑕᐅᑐᖏᑦᑐᑎᑐᑦ, ᓇᒧᓐᖓᐅᔭᕆᐊᒃᓴᕐᓗ ᖃᐅᔨᔪᓐᓇᕈᒫᓐᖏᓚᓯ; ᐱᓇᓱᐊᕋᓱᒃᑕᓕᒫᓯ ᐱᔪᓐᓇᕈᒫᓐᖏᓚᓯ ᑍᒪᓐᖓᑦ ᐅᖁᒤᒃᓴᕐᑎᑕᐅᔪᒫᕐᐳᓯ ᑎᒡᓕᒐᕐᕕᐅᖃᑦᑕᕐᓗᓯ, ᓇᓪᓕᐊᓐᓂᒡᓘᓐᓃᑦ ᐃᑲᔪᕐᑎᒃᓴᖃᕈᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 28:29 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 19:11

ᐊᖑᑎᓪᓗ ᑕᐅᑐᒍᓐᓃᕐᑎᑉᐰᑦ, ᐹᖓᑕ ᓯᓚᑖᓃᑦᑐᑦ, ᐃᓅᓱᒃᑐᑦ ᐃᓄᑐᕾᓪᓗ, ᐃᒡᓘᑉ ᒪᑐᐊᓂᒃ ᓇᓂᓯᓇᓱᒡᓗᑎᒃ ᓴᐱᓕᖁᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 9:37

ᓄᓇᐅᓪᓗ ᐱᕈᕐᑎᑕᖏᑦ ᐊᖓᔪᖅᑳᕐᔪᐊᓄᐊᕐᑕᐅᕗᑦ ᐅᕙᑦᑎᓐᓂᒃ ᐊᐅᓚᑦᓯᔪᓂᒃ ᐊᔪᕐᑐᓕᓂᕗᑦ ᐱᓪᓗᒋᑦ, ᐊᑐᕈᒪᔭᒥᖕᓂᒡᓗ ᐊᑐᕐᐳᑦ ᐅᕙᑦᑎᓐᓂᑦ ᐆᒪᔪᖁᑎᑦᑎᓐᓂᒡᓗ, ᐅᕙᒍᓪᓗ ᐊᔪᓕᕐᓯᒪᓕᕐᐳᒍᑦ ᐃᑎᔪᒥᒃ!”

ᔫᐱᐅᑉ ᐊᒡᓚᖏᑦ 12:25

ᑖᕐᑐᒥ ᑲᑎᓐᖓᓪᓗᑎᒃ ᖃᐅᒪᖃᖏᑦᑐᒦᑉᐳᑦ; ᑕᕝᕙᓂᓗ ᐅᕐᕈᔮᕐᑎᑉᐰᑦ ᐋᖓᔮᕐᑐᑎᑐᑦ.”

ᔫᐱᐅᑉ ᐊᒡᓚᖏᑦ 5:14

ᑖᕐᑐᒥ ᑲᑎᖃᑦᑕᕐᐳᑦ ᐅᓪᓘᑎᓪᓗᒍ, ᐅᓪᓗᓪᓗᐊᖑᑎᓪᓗᒍᓗ ᑲᑎᕙᒃᓱᑎᒃ ᐅᓐᓄᐊᕐᓯᐅᕐᑐᑎᑐᑦ.

ᒨᓯᓯ ᐂᑉᐸᖏᑦ 10:21

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑕᓖᑦ ᐃᓵᓚᐅᕈᒃ ᕿᓚᖕᒧᑦ ᐄᑦᔨᑉᑎᒧᑦ ᑖᕐᑐᕐᔪᐊᖅ ᑎᑭᖁᓪᓗᒍ, ᐃᓄᖏᓐᓄᓪᓗ ᑖᕐᑐᕐᔪᐊᑉ ᑖᕐᑑᓂᖓ ᐃᒃᐱᒋᔭᐅᔪᓐᓇᖁᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 59:10

ᑕᐅᑐᖏᑦᑐᑎᑐᑦ ᐃᒡᓘᑉ ᐊᑭᓐᓇᖓᓂᒃ ᑕᑦᓯᑲᓗᒃᐳᒍᑦ, ᐊᑐᕐᓂᐊᕐᑕᕗᑦ ᑕᑦᓯᑲᒡᓗᒍ ᐃᔨᖃᖏᑦᑐᑎᑐᑦ, ᐅᓪᓗᓪᓗᐊᒃᑯᑦ ᑐᑦᔭᐱᖃᑦᑕᕐᐳᒍᑦ ᑖᕐᓯᑦᔪᑦᔭᐅᔪᑎᑐᑦ; ᐱᔪᓐᓇᑦᓯᐊᕐᑐᑦ ᐊᑯᓐᓂᖓᓐᓂ ᑐᖁᖓᔪᑎᑐᑦ ᑍᒤᑉᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 9:19

ᓮᐅᓂᒥᐅᓂᑦ ᕿᐊᔪᑦ ᑐᓴᕐᓴᐅᕗᑦ, “ᓱᕋᑦᓯᐊᕐᐳᒍᑦ, ᑲᓐᖑᓇᕐᑐᕐᔪᐊᒥᒃ ᐊᑐᓕᕐᐳᒍᑦ, ᓄᓇᕗᑦ ᕿᒪᒡᓗᒍ ᑭᓯᐊᓂᐅᓕᕐᐳᖅ ᐃᒡᓗᕕᓂᕋᓗᐊᕗᑦ ᓱᕋᒃᑎᕐᑕᐅᖕᒪᑕ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:14

ᔨᕉᓴᓕᒥᐅᑦ ᓯᕗᓕᕐᑎᖏᑦ ᐊᖅᑯᑎᑎᒎᖃᑦᑕᕐᐳᑦ ᑕᐅᑐᖏᑦᑐᑎᑐᑦ, ᐊᐅᖕᒥᑦ ᐊᓐᓄᕌᖏᑦ ᐃᑦᓴᒃᓯᒪᖕᒪᑕ ᓇᕐᕈᓇᕐᓯᓪᓗᑎᒃ ᓇᓪᓕᐊᓐᓄᓪᓘᓐᓃᑦ ᐊᒃᑐᕈᒥᓇᕆᔭᐅᓐᖏᓚᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:17

ᑍᒤᒻᒪᑦ ᐆᒻᒪᑎᕗᑦ ᖃᓂᒪᕗᑦ, ᐃᔨᕗᓪᓗ ᑕᐅᑐᑦᓯᐊᕈᓐᓃᕐᓗᑎᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:8

ᐊᐅᓚᑕᐅᕗᒍᑦ ᓯᐊᓛᓂᑦ ᐱᐅᓂᕐᓴᐅᖏᑦᑐᓂᑦ, ᑖᒃᑯᐊᓗ ᐊᐅᓚᑦᓯᓂᖓᓐᓂᑦ ᓴᐳᑦᔨᔨᒃᓴᖃᕋᑕ.

ᔨᐸᓁᐊᐅᑉ ᐊᒡᓚᖏᑦ 1:17

ᐃᓄᐃᑦ ᐃᓱᒪᔮᕐᓇᕐᑐᓄᑦ ᑎᑭᑕᐅᑎᑦᓱᒫᕐᐸᒃᑲ, ᐱᓱᓕᕈᒫᕐᐳᑦ ᑕᐅᑐᖏᑦᑐᑎᑐᑦ, ᐊᔪᕐᑐᓕᓚᐅᕐᒪᑕ ᐊᑕᓂᕐᒧᑦ; ᐊᐅᖏᑦ ᑯᕕᔭᐅᔪᒫᕐᐳᑦ ᐃᒥᕐᑎᑐᑦ, ᑎᒥᖏᓪᓗ ᐊᓇᕐᑎᑐᑦ ᑍᒤᓕᕈᒫᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:24

ᑖᒃᑯᐊ ᐃᓚᒋᓚᐅᒃᑭᑦ ᐅᒃᐱᕐᓂᒃᑯᑦ ᓴᓗᒻᒪᕐᓴᕐᑕᐅᓂᕐᒥᒃ ᐱᖃᑕᐅᓕᕆᑦ, ᐊᑭᓕᕆᐊᖃᕐᑕᖏᑦ ᐃᕝᕕᑦ ᐊᑭᓕᕐᓗᒋᑦ; ᓄᔭᖏᑦ ᕿᐅᕐᑕᕐᑕᐅᖁᓪᓗᒋᑦ. ᑍᒤᓕᐅᕐᓂᒃᑯᑦ ᐃᓄᐃᑦ ᖃᐅᔨᓕᖁᓪᓗᒋᑦ ᐅᓂᒃᑲᐅᓯᐅᖃᑦᑕᕐᓂᕐᕕᑦ ᓱᓕᖏᓐᓂᖏᓐᓂᒃ, ᒨᓯᓯᐅᑉ ᐱᖁᔭᖏᓐᓂᒃ ᒪᓕᑦᓯᐊᕐᓂᕐᓂᒃ.

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᒨᓯᓯ ᑕᓪᓕᒪᖏᑦ 28:28

ᐊᑕᓂᐅᑉ ᐃᓱᒤᕈᑎᑎᑦᓱᒫᕐᐹᓯ; ᐊᓇᐅᔪᒫᕐᐹᓯᓗ ᑕᐅᑐᒍᓐᓁᕐᑎᓪᓗᓯ ᓇᓗᓕᕐᑎᓪᓗᓂᓯᓗ.

ᐃᓗᐊᕐᓮᔩᑦ ᐊᒡᓚᖏᑦ 10:8

ᐊᕐᕌᒍᓂᒃ 18ᓂᒃ ᐊᒃᓱᕈᕐᑎᑉᐰᑦ ᐊᑭᕋᕐᑐᕐᓗᒋᓪᓗ ᐃᓴᕆᐊᓕᒥᐅᑦ ᓄᓇᖃᕐᑐᓕᒫᑦ ᐊᒧᕅᑎᑦ ᓄᓇᖏᓐᓂ ᔪᐊᕐᑕᓂᐅᑉ ᑰᖓᓂᑦ ᓯᕿᓂᐅᑉ ᓂᐱᕕᐊᑕ ᓇᓛᓂ ᓄᓇᖃᕐᑐᑦ ᒋᓕᐊᑎᒥ.

ᐃᓗᐊᕐᓮᔩᑦ ᐊᒡᓚᖏᑦ 13:1

ᓱᓕ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᑕᒃᑯᐊᓂ, ᐊᑕᓂᐅᓪᓗ ᑐᓂᓚᐅᕐᐰᑦ ᐱᓕᔅᑍᓂᒥᐅᓄᑦ ᐊᕐᕌᒍᓄᑦ 40ᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 3:14

ᐃᓴᕆᐊᓕᒥᐅᑦ ᐃᓄᖏᑦ ᐃᒡᓚᓂᒧᑦ ᓯᐊᓛᖑᓕᓚᐅᕐᐳᑦ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᓄᑦ ᐊᕐᕌᒍᓂᒃ 18ᓂᒃ.