ᒨᓯᓯ ᑕᓪᓕᒪᖏᑦ 28:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ “ᐊᑕᓂᐅᑉ ᓈᒻᒪᖏᑦᔪᑎᖃᓕᕐᑎᓐᓂᐊᕐᐹᓯ ᐅᓄᖏᑦᑐᓂᒃ ᕿᑐᕐᖓᕐᑖᕐᑎᓪᓗᓂᓯ, ᐱᕈᕐᓰᕕᖁᑎᓯ ᓂᐊᖂᔭᒃᓴᓂᒃ ᐱᕈᕐᕕᐅᑎᑦᓯᐊᖏᓪᓗᓂᐅᒃ, ᐅᓄᖏᑦᑐᓂᒡᓗ ᐃᒻᒧᒃᓯᐅᒐᕐᓂᒃ ᓰᐱᓂᒡᓗ ᐱᖃᕐᑎᓪᓗᓂᓯ.

ᒨᓯᓯ ᑕᓪᓕᒪᖏᑦ 28:18 ပူးပေါင်းရင်းမြစ်များ

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:20

ᐊᑕᓃᖅ! ᖃᓄᐃᒻᒪᑦ ᑍᒫᕌᓗᒃ ᓱᒋᐊᕐᐱᑎᒎᑦ? ᐊᕐᓁᑦ ᕿᑐᕐᖓᒥ ᓇᒡᓕᒋᓚᐅᕐᑕᒥ ᑎᒥᕕᓂᖏᓐᓂᒃ ᓂᕿᖃᕐᑐᒃᓴᐅᕚᑦ! ᑐᓂᕐᕈᓯᕐᑎᑦᓯᔩᑦ ᒎᑎᐅᓪᓗ ᐅᖃᕐᑎᖏᑦ ᑐᖁᕋᕐᑕᐅᕙᓕᕐᐳᑦ ᑐᒃᓯᐊᕐᕕᒃᔪᐊᕐᒥ.

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.

ᕼᐊᐸᑲᐅᑉ ᐊᒡᓚᖏᑦ 3:17

ᓇᐹᕐᑐᐃᑦ ᐱᒋᓕᖕᓂᒃ ᐸᐅᕐᖓᖃᕐᐸᒃᑐᑦ ᐱᕈᕐᕕᐅᖏᒃᑲᓗᐊᕐᐸᑕ ᐸᐅᕐᖓᓂᒡᓗ ᕔᓂᒃᓴᓂᒃ ᐱᕈᕐᑐᖃᖏᒃᑲᓗᐊᕐᐸᑦ, ᓇᐹᕐᑐᓪᓗ ᐅᕐᓱᒃᓴᓖᑦ ᐱᕈᕐᕕᐅᖏᒃᑲᓗᐊᕐᐸᑕ ᐱᕈᕐᓰᕖᓪᓗ ᓂᐊᖂᔭᒃᓴᓂᒃ ᐱᕈᕐᕕᐅᖏᒃᑲᓗᐊᕐᐸᑕ, ᓰᐱᓕᒫᓪᓗ ᑐᖁᒐᓗᐊᕐᐸᑕ ᐃᒻᒧᒃᓯᐅᒊᓪᓗ ᐃᓂᒋᕙᒃᑕᖏᑦ ᐆᒪᔪᕐᑕᖃᕈᓐᓁᕋᓗᐊᕐᐸᑕ,

ᒪᓚᑬᑉ ᐊᒡᓚᖏᑦ 2:3

ᑕᑯᒋᑦ, ᑭᖑᕚᒃᓴᓯ ᐃᓂᕐᑎᕈᒫᕐᐸᒃᑲ, ᑮᓇᓯᓗ ᐊᓇᕐᒥᒃ ᒥᖑᐊᕐᓗᒋᑦ, ᑐᓂᕐᕈᑎᓯ ᐊᓇᖏᓐᓂᒃ, ᐊᓂᑎᓪᓗᓯᓗ ᓇᔪᒐᓐᓂᑦ.

ᒨᓯᓯ ᑕᓪᓕᒪᖏᑦ 28:16

“ᐊᑕᓂᐅᑉ ᓈᒻᒪᖏᑦᔪᑎᖃᓕᕐᑎᓐᓂᐊᐰᑦ ᓄᓇᒋᔭᓯ ᐱᕈᕐᓰᕕᖁᑎᓯᓗ.

ᒨᓯᓯ ᑕᓪᓕᒪᖏᑦ 28:19

“ᐊᑕᓂᐅᓪᓗ ᓈᒻᒪᖏᑦᔪᑎᖃᓕᕐᑎᓐᓂᐊᕐᐹᓯ ᑕᒤᑎᒍᑦ ᐅᖃᕐᓂᕐᓘᑕᐅᖃᑦᑕᓕᕐᓗᓯ ᐃᑎᕈᑦᓯ ᐊᓂᒍᑦᓯᓗ.

ᒨᓯᓯ ᑕᓪᓕᒪᖏᑦ 28:4

“ᓮᒻᒪᕐᑎᓐᓂᐊᕐᐹᓯᓗ ᐅᓄᕐᑐᓂᒃ ᕿᑐᕐᖓᖃᕐᑎᓪᓗᓂᓯ, ᓂᐊᖂᔭᒃᓴᓂᒡᓗ ᐱᕈᕐᓰᕕᖁᑎᓯ ᐱᕈᕐᕕᐅᕙᓪᓕᐊᖏᓐᓇᕐᓂᐊᕐᐳᑦ, ᐅᓄᕐᑐᓂᒡᓗ ᐃᒻᒧᒃᓯᐅᒐᖁᑎᖃᓕᕐᓗᓯ ᓰᐱᖁᑎᖃᓕᕐᓗᓯᓗ.

ᒨᓯᓯ ᑕᓪᓕᒪᖏᑦ 5:9

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᖀᒥᒍᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.