16 “ᐊᑕᓂᐅᑉ ᓈᒻᒪᖏᑦᔪᑎᖃᓕᕐᑎᓐᓂᐊᐰᑦ ᓄᓇᒋᔭᓯ ᐱᕈᕐᓰᕕᖁᑎᓯᓗ.
ᐊᑎᖃᕐᑎᓪᓗᒍᓗ ᓄᐊᒥᒃ, ᐅᖃᕐᓗᓂ, “ᑕᒫᓐᖓᑦ ᓄᓇᒥᑦ ᐊᑕᓂᐅᑉ ᓇᕐᕈᓇᕐᓯᑎᓚᐅᕐᑕᖓᓂᑦ, ᑖᓐᓇ ᓄᑕᕋᖅ ᐅᖁᒤᒃᓴᕐᓂᑦᑎᓐᓂᑦ ᓴᐳᑦᔨᔪᒫᕐᐳᖅ ᑕᒤᓐᓂᑦ ᐊᒃᓱᕈᕐᓗᑕ ᐱᓇᓱᐊᕐᓂᕆᕙᒃᑕᑦᑎᓐᓂᑦ.”
ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”
ᑖᓐᓇᓗ ᑭᐅᕗᖅ, “ᐊᑕᓃᖅ ᒎᑏᑦ ᐃᓅᖕᒪᑦ, ᓂᐅᖂᔭᒥᒃ ᐆᑕᒃᓴᖃᓐᖏᓚᖓ, ᐃᑎᒪᓐᓄᑦ ᑭᓯᐊᓂ ᓈᒻᒪᒃᑐᒥᒃ ᓂᐊᖂᔭᒃᓴᖃᕐᐳᖓ ᐴᒍᑕᕐᒦᑦᑐᒥᒃ, ᐅᕐᓱᒥᒡᓗ ᒥᑭᔪᒥᒃ; ᒫᓐᓇᓗ, ᕿᔪᖕᓂᒃ ᐃᑯᐊᓪᓚᖅᑯᑎᒃᓴᓂᒃ ᑲᑎᕐᓱᐃᕗᖓ ᓂᐊᖂᔭᓕᐅᕈᒪᓪᓗᖓ ᐃᕐᓂᕋᓗ ᓂᕆᐊᕐᔪᒍᓐᓇᖁᓪᓗᓄᒃ, ᑭᖑᓂᐊᒍᓪᓗ ᑐᖁᓗᓄᒃ.”
ᑕᕝᕙ ᑕᕝᕙᓐᖓᑦ ᐊᐅᓪᓚᕐᐳᖅ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ; ᐂᓪᓗᓂᓗ ᑰᖕᒧᑦ ᓯᐊᕆᔅᒧᑦ, ᔪᐊᕐᑕᓂᒧᑦ ᑰᒃᑐᒧᑦ.
“ᐅᖃᖅᑲᐅᒐᕕᑦ, ‘ᐱᐅᖏᑦᑐᓕᔪᑦ ᐅᓕᕕᒡᔪᐊᒧᑦ ᐊᐅᓪᓚᕈᑦᔭᐅᕗᑦ; ᓄᓇᖁᑎᖏᓪᓗ ᒎᑎᐅᑉ ᓱᒋᐊᕈᒪᔭᖓᓃᓪᓗᑎᒃ; ᐱᕈᕐᓰᕕᖁᑎᒥᖕᓄᓪᓗ ᐱᓇᓱᐊᕆᐊᕐᑐᕐᑐᖃᓚᐅᕐᓯᒪᔪᓐᓃᕐᓗᑎᒃ.
ᐱᐅᖏᑦᑐᑦ ᐃᒡᓗᖏᑦ ᐊᑕᓂᐅᑉ ᓯᕗᓂᕐᓗᒃᑎᑉᐰᑦ, ᐃᓱᐊᕐᑑᓪᓕ ᐃᒡᓗᖏᑦ ᓮᒻᒪᕐᑎᓪᓗᒋᑦ.
ᑍᒤᒻᒪᑦ ᐊᖓᔪᖅᑳᓯ ᓇᕐᕈᓇᕐᓯᑎᑦᓯᓚᐅᕐᒪᑕ ᑐᒃᓯᐊᕐᕕᒡᔪᐊᖁᑎᓐᓂᒃ: ᔧᑰᑉ ᑭᖑᕚᖏᑦ ᓄᖑᕋᕐᑕᐅᔪᒃᓴᓐᖑᕐᑎᓚᐅᕐᐸᒃᑲ, ᐃᓴᕆᐊᓕᒥᐅᓪᓗ ᐆᒥᒋᔭᒃᓴᓐᖑᕐᑎᓪᓗᒋᑦ.”
ᐱᕈᕐᓰᕕᖕᒧᐊᕈᒪ, ᑕᑯᒋᑦ, ᓇᓂᑐᐃᓐᓇᖅ ᓴᕕᒡᔪᐊᒧᑦ ᑐᖁᑕᕕᓂᕐᓂᒃ ᑕᑯᕗᖓ, ᐃᒡᓗᒐᓴᖕᓄᐊᕋᒪᓗ, ᑕᑯᒋᑦ, ᐱᕐᓕᕋᕐᑐᕕᓂᕐᓂᒃ ᑕᑯᒋᕗᖓ, ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᑕᒪᕐᒥᒃ, ᑲᔪᓯᕗᑦ ᐱᓇᓱᐊᕐᑕᒥᖕᓂᒃ ᖃᐅᔨᒪᓇᑎᒃ.”
ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”
ᐊᑕᓂᖅ ᕿᓄᐃᓵᕈᓐᓁᓪᓕᒐᒥ ᐱᐅᖏᑦᑐᓂᒃ ᐃᓕᖅᑯᓯᖃᕐᓂᑦᓯᓐᓄᑦ, ᓈᒻᒪᒋᓐᖏᑕᖏᓐᓂᒡᓗ ᐱᓇᓱᐊᖃᑦᑕᕐᓂᑦᓯᓐᓄᑦ ᓄᓇᒋᔭᓯ ᐅᖃᐅᓯᕐᓘᑎᒃᓴᓐᖑᓚᐅᕐᐳᖅ, ᓱᓁᕈᑎᓪᓗᓂᓗ ᐃᓄᖃᕈᓐᓃᕐᓗᓂᓗ ᒫᓐᓇ ᑍᒤᑦᑑᓕᕐᐳᖅ.
ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.
ᐃᒡᓗᒐᓴᒡᔪᐊᑦ ᐃᓄᒋᐊᒃᑑᕙᓚᐅᕐᑐᑦ ᐃᓄᖃᓚᐅᕐᓯᒪᖏᑦᑐᑎᑐᑦ ᑍᒤᓕᕐᐳᑦ! ᐃᓅᖃᑎᒌᒡᔪᐊᓪᓗ ᐅᐱᒋᔭᐅᑦᓯᐊᓚᐅᕐᑐᑦ, ᒫᓐᓇ ᐅᐃᒡᒐᕐᓂᕐᑎᑐᑦ ᑍᒤᓕᕐᐳᑦ; ᓄᓇᓖᑦ ᐊᕕᒃᑐᕐᓯᒪᓂᖏᓐᓄᑦ ᐊᖓᔪᖅᑳᕆᔭᐅᓚᐅᕐᑐᑦ, ᒫᓐᓇ ᓯᐊᓛᕆᔭᐅᓕᕐᐳᑦ.
ᑳᓗᐊᕐᓂᑯᒧᑦ ᐆᑎᕐᓇᕐᓯᖃᑦᑕᕐᐳᒍᑦ ᐅᕕᓂᕗᑦ ᐆᑎᕐᓇᕐᓂᑯᒧᑦ ᐃᒐᕕᒃᑎᑐᑦ ᐆᓇᕐᑎᒋᕙᒃᐳᑦ.
ᐅᓄᕐᑐᕐᔪᐊᑦ ᓂᕆᔩᑦ ᐱᒡᓕᕐᑕᐅᔮᕐᑐᑦ ᓂᕆᓂᐊᕐᐳᑦ ᐱᕈᕐᑐᓂᒃ, ᐊᒥᐊᒃᑯᖏᑦ ᓂᕆᔭᐅᓂᐊᕐᐳᑦ ᐱᒡᓕᕐᑕᐅᔮᕐᑐᓄᑦ ᐹᕐᖑᕐᑐᓄᑦ ᐅᓄᕐᑐᕐᔪᐊᓄᑦ, ᐱᒡᓕᕐᑕᐅᔮᕐᑐᓪᓗ ᐹᕐᖑᕐᑐᑦ ᐊᒥᐊᒃᑯᖏᑦ, ᓂᕆᔭᐅᓂᐊᕐᐳᑦ ᓄᖑᕅᔨᓄᑦ ᐱᒡᓕᕐᑕᐅᔮᕐᑐᓄᑦ.
ᐃᑯᒪᒧᑦ ᓄᖑᑕᐅᕗᑦ ᓯᕗᓂᐊᓃᑦᑐᑦ ᑭᖑᓂᐊᓃᑦᑐᓪᓗ ᐃᑯᐊᓚᕗᑦ; ᓄᓇᓗ ᓯᕗᓂᐊᓃᑦᑐᖅ ᐱᕈᕐᓰᕕᒃ ᐄᑕᓂᒥᐅᖑᔮᕐᑐᖅ, ᑭᖑᓂᐊᓂᓗ ᓄᓇ ᐃᓄᖃᔪᐃᑦᑐᑐᑦ ᑍᒤᓕᕐᐳᖅ, ᑭᓇᓘᓐᓃᑦ ᕿᒫᔪᓐᓇᕐᓂᐊᓐᖏᓚᖅ.
ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᒪᑦ, ᓱᒋᐊᕐᑕᐅᑦᔪᑎᒃᓮᑦ ᑖᒃᑯᐊ ᐊᐅᓪᓚᕐᑎᓐᓂᐊᕐᓂᕋᕐᓗᒋᑦ, ᐃᑎᕐᓂᐊᕐᐳᓪᓗ ᑎᒡᓕᒃᐸᒃᑐᓕᒫᑦ ᐃᒡᓗᖏᓐᓄᑦ, ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᓪᓗ ᐃᒡᓗᖏᓐᓄᑦ. ᐅᐸᒃᑕᒥᓂᓗ ᐃᒡᓗᒥ ᑕᕝᕙᓃᖏᓐᓇᕐᓂᐊᕐᐳᖅ ᓯᖁᒥᓐᓂᐊᕐᐹᓗ, ᕿᔪᐃᓪᓗ ᐅᔭᕋᖏᓪᓗ.”
ᑐᓴᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᓪᓗ ᐱᔪᒥᒃ ᐊᑎᕋ ᐱᓐᓇᕐᓇᕐᓯᑎᓐᓂᐊᖏᒃᑯᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᕝᕙ ᓱᒋᐊᕐᑕᐅᓂᕐᒧᑦ ᑎᑭᑕᐅᑎᑦᓱᒫᕐᐸᑦᓯ, ᓮᒻᒪᕐᑕᐅᓂᒃᓴᓯᓗ ᓱᒋᐊᕐᑕᐅᓂᓐᖑᕐᑎᓪᓗᒋᑦ; ᐃᓛᒃ ᓱᒋᐊᕐᓯᒪᓕᕇᕐᐸᒃᑲ, ᐆᒻᒪᑎᑦᓯᓐᓂ ᐃᓂᖃᕐᑎᖏᓐᓇᑦᓯᐅᒃ.
ᐊᑖᑕᐅᔪᓪᓗ ᐆᒻᒪᑎᖏᑦ ᕿᑐᕐᖓᒥᓄᑦ ᓵᑎᑦᓱᒫᕐᐰᑦ, ᕿᑐᕐᖓᐅᔪᓪᓗ ᐆᒻᒪᑎᖏᑦ ᐊᑖᑕᖏᓐᓄᑦ ᓵᑎᓪᓗᒋᑦ, ᑍᒤᓐᓂᐊᖏᑉᐸᑕ ᑎᑭᓪᓗᖓ ᓄᓇᓯ ᓱᒋᐊᕈᒫᕐᐸᕋ.”
ᐊᒡᓛᑦ ᖃᑕᓐᖑᑎᒥᖕᓄᑦ ᓂᕆᔭᖏᑕ ᐃᓚᖓᓂᒃ ᐂᑦᑐᐃᔪᒫᓐᖏᓚᑦ ᓄᓕᐊᒥᖕᓄᓪᓘᓐᓃᑦ ᓇᒡᓕᒋᔭᒥᖕᓄᑦ ᕿᑐᕐᖓᖏᑕᓘᓐᓃᑦ ᐃᓚᖏᓐᓄᑦ ᐊᒥᐊᒃᑰᔪᓄᑦ.
