ᒨᓯᓯ ᑕᓪᓕᒪᖏᑦ 28:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᐊᑕᓂᐅᓪᓕ ᒎᑎᑦᓯ ᓂᐱᖓ ᓈᓚᖕᓂᐊᖏᒃᑯᑦᓯᐅᒃ ᑖᑦᓱᒪᓗ ᐊᑐᕐᑕᐅᖁᓯᒪᔭᖏᑦ ᐱᖁᔭᓕᒫᖏᓪᓗ ᑲᒪᒋᑦᓯᐊᕐᓂᐊᖏᒃᑯᑦᓯᐅᒃ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᒪᑯᐊ ᑕᕝᕙ ᓯᕗᓂᑦᓯᐊᖃᕐᓇᖏᑦᑐᑦ ᐃᓕᑦᓯᓐᓄᑦ ᑎᑭᓐᓂᐊᕐᐳᑦ ᓵᓚᒋᓗᓯᓗ:

ᒨᓯᓯ ᑕᓪᓕᒪᖏᑦ 28:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 3:14

ᐊᑕᓂᕐᓗ ᒎᑎ ᐅᖃᕐᐳᖅ ᖁᒡᓗᒋᐊᒧᑦ, “ᑍᒤᑎᑦᓯᓂᕐᓄᑦ, ᓇᕐᕈᓇᕐᓂᕐᐹᖑᓕᕐᐳᑎᑦ ᓂᕐᔪᑎᓕᒫᓂᑦ ᓄᔪᐃᑦᑐᓂᑦ ᓄᔪᐊᕐᑐᓂᓪᓗ; ᓈᕐᓄᑦ ᐹᕐᖑᕐᐸᖕᓂᐊᓕᕐᐳᑎᑦ, ᐃᑦᔪᕐᒥᒡᓗ ᓂᕿᖃᕐᓂᐊᓕᕐᓗᑎᑦ ᐃᓅᓂᓕᒫᕐᓂ.

ᒨᓯᓯ ᓯᕗᓪᓖᑦ 4:11

ᓇᕐᕈᓇᕐᓯᑎᑕᐅᕗᑎᑦ ᓄᓇᒥᑦ, ᐂᑦᑕᕐᓗᓂ ᐄᓯᖕᒪᑦ ᓄᑲᕐᐱᑦ ᐊᐅᖓᓂᒃ ᐊᒡᒐᐱᑦ ᑍᒤᑎᑕᖓᓄᑦ.

ᒨᓯᓯ ᓯᕗᓪᓖᑦ 4:12

ᐱᕈᕐᓯᐊᒃᓴᓂᒃ ᐱᕈᕐᑎᑦᓯᓇᓱᒃᑲᓗᐊᕈᕕᑦ, ᓄᓇᐅᑉ ᐱᕈᕐᑎᑦᓯᔪᓐᓇᕐᓂᓕᒫᖓ ᐃᓚᑰᖃᑦᑕᕐᓂᐊᓕᕐᐳᖅ; ᕿᒫᖏᓐᓇᐅᔭᕐᓗᑎᑦ ᐃᓂᓪᓚᔪᐃᑦᑑᓂᐊᓕᕐᐳᑎᑦ ᓄᓇᕐᔪᐊᒥ.”

ᑯᕉᓂᑲ ᐂᑉᐸᖏᑦ 12:5

ᑕᕝᕙ ᓯᒤᐊ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᕆᕼᐅᐳᐊᒧᐊᕐᐳᖅ ᔫᑕᐅᓪᓗ ᐊᖓᔪᖅᑳᖏᓐᓄᑦ, ᑲᑎᒪᑎᓪᓗᒋᑦ ᔨᕉᓴᓕᒥ ᓰᓵᒃ ᐱᑦᔪᑎᒋᓪᓗᒍ, ᐅᖃᐅᑎᕔᓪᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᕿᒪᓚᐅᕋᑦᓯᓐᖓ, ᑍᒤᒻᒪᑦ ᕿᒪᓚᐅᕐᐸᑦᓯ ᑐᓂᕙᑦᓯᓗ ᓰᓵᒃ ᐱᔪᓐᓇᕐᓂᖓᓄᑦ.’”

ᑯᕉᓂᑲ ᐂᑉᐸᖏᑦ 34:24

ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᓱᒋᐊᕐᑕᐅᓂᕐᒥᒃ ᑕᒪᓐᓇ ᑎᑭᑕᐅᑎᑦᓱᒫᕐᐸᕋ ᓄᓇᖃᕐᑐᓪᓗ ᑕᒫᓂ, ᐊᒡᓚᒃᓯᒪᔪᑦ ᐊᒡᓚᖕᓂ ᐃᖅᑲᕐᑐᕐᑕᐅᑦᔪᑎᒃᓴᑦ ᒪᓕᒡᓗᒋᑦ ᐅᖃᓕᒫᕐᑕᐅᓚᐅᕐᑐᑦ ᔫᑕᐅᑉ ᐊᖓᔪᖅᑳᕐᔪᐊᖓᑕ ᓵᖓᓂ.

ᑯᕉᓂᑲ ᐂᑉᐸᖏᑦ 7:19

ᐊᓚᕐᓂᐊᕈᕕᓪᓕ ᕿᒤᓗᑎᓪᓗ ᐱᓂᐊᕐᓂᐅᖁᔭᓐᓂᒃ ᐱᖁᔭᓐᓂᒡᓗ ᐃᓕᖕᓄᑦ ᑐᓂᓯᒪᔭᓐᓂᒃ, ᒎᑎᓐᖑᐊᓄᓪᓗ ᓵᓪᓗᑎᑦ ᑐᒃᓯᐊᕐᕕᖃᓕᕐᓂᐊᕈᕕᑦ,

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 11:8

ᑐᓴᓚᐅᓐᖏᓚᓪᓕ ᓈᓚᒐᓱᐊᓚᐅᓐᖏᓚᓪᓘᓐᓃᑦ ᒪᓕᖔᓚᐅᕐᐳᓪᓕ ᐆᒻᒪᑎᒥ ᓯᑎᔫᑦᔪᑎᒋᔭᖏᓐᓂᒃ ᐱᐅᖏᑦᑐᓂᒃ. ᑍᒤᒻᒪᑦ ᑐᓂᓚᐅᕐᐸᒃᑲ ᐊᖏᖃᑎᒌᖕᓂᐅᑉ ᐅᖃᐅᓯᖏᓐᓂᒃ, ᒪᓕᒃᑕᐅᖁᓪᓗᒋᑦ ᑖᒃᑯᓄᖓ, ᒪᓕᒍᒪᓚᐅᓐᖏᓚᓪᓕ.”

ᔨᕆᒤᐊᐅᑉ ᐊᒡᓚᖏᑦ 26:4

ᐅᖃᐅᑎᔭᒃᓴᕆᕙᑎᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᓈᓚᖏᒃᑯᑦᓯᓐᖓ ᐱᖁᔭᒃᑲᓗ ᒪᓕᖏᒃᑯᑦᓯᐅᒃ ᐃᓕᑦᓯᓐᓄᑦ ᒪᓕᒐᒃᓴᓕᐊᕆᓚᐅᕐᑕᒃᑲ.

ᔨᕆᒤᐊᐅᑉ ᐊᒡᓚᖏᑦ 32:23

ᓄᓇᒧᓪᓗ ᑕᒪᐅᖓ ᑎᑭᓐᓇᒥᒃ ᓄᓇᖃᓕᓚᐅᕐᐳᑦ. ᓂᐱᖕᓂᒡᓕ ᓈᓚᓚᐅᓐᖏᓚᑦ ᐱᖁᔭᑎᓪᓗ ᒪᓕᒍᒪᓇᒋᑦ, ᑍᒤᒻᒪᑦ ᐱᖁᔭᕐᓂᒃ ᒪᓕᒍᒪᖏᒻᒪᑕ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᓚᐅᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 36:31

ᐱᐅᖏᑦᑐᓕᓂᓯ ᐱᓪᓗᒋᑦ ᓱᒋᐊᕐᓂᐊᕐᐸᒋᑦ ᑭᖑᕚᑎᓪᓗ ᐊᖓᔪᖅᑳᖁᑎᑎᓪᓗ: ᔨᕉᓴᓕᒥᐅᓄᑦ ᔫᑕᒥᐅᓄᓪᓗ ᑕᒤᓐᓄᑦ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᓇᓪᓕᐅᑎᔪᒫᕐᓂᕋᕐᑕᓐᓂᒃ ᑕᒤᓐᓂᒃ ᐅᕙᓐᓂᒃ ᓈᓚᓚᐅᖏᓐᓂᖏᑦ ᐱᑦᔪᑎᒋᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 36:7

ᐃᒻᒪᖄ ᐊᑕᓂᕐᒧᑦ ᕿᓄᔪᓐᓇᕐᓯᒐᔭᕐᒪᑕ, ᐊᑐᓂᓪᓗ ᓵᒋᐊᕐᓗᑎᒃ ᐱᐅᖏᑦᑐᓕᓂᕐᒥᖕᓂᑦ, ᐊᑕᓂᐅᑉ ᓂᓐᖓᕕᒃᔪᐊᕐᓂᕐᒥᓄᑦ ᓱᒋᐊᕐᓯᔪᒪᓂᖓ ᐊᖏᔪᐊᓘᖕᒪᑦ ᑖᒃᑯᓄᖓ.”

ᔨᕆᒤᐊᐅᑉ ᐊᒡᓚᖏᑦ 40:2

ᐊᖓᔪᖅᑳᖑᓂᕐᐹᕆᔭᐅᔫᑉ ᔨᕆᒤᐊ ᑕᑯᓕᕋᒥᐅᒃ ᐅᖃᐅᑎᕚ, “ᐊᑕᓂᐅᑉ ᒎᑎᕕᑦ ᐅᖃᐅᓯᕆᖃᑦᑕᓚᐅᕐᑕᖓ ᑲᑉᐱᐊᓇᕐᑐᖅ ᓇᓪᓕᐅᑎᔪᒫᕐᑐᖅ ᓄᓇᓕᖕᓄᑦ ᑖᒃᑯᓄᖓ,

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:17

ᐊᑕᓂᐅᑉ ᐊᓯᕈᐃᓂᐊᕐᓂᕋᕐᓯᒪᓂᓂ ᐊᑑᑎᑎᓕᑍᓐᓇᕐᐹ, ᐊᓯᕈᕐᑕᐅᑎᒻᒪᒍ ᓂᑲᒍᓱᖕᓂᖃᖏᑦᑐᒥᒃ, ᑍᒤᒍᒪᓂᐊᕐᓂᕋᕐᓯᒪᓂᓂ ᒪᓕᒡᓗᒍ ᐊᑭᕋᕗᑦ ᓵᓚᖃᕐᑎᒻᒪᒋᑦ ᑲᑕᒃᓯᒪᓂᑦᑎᓐᓂᒡᓗ ᖁᕕᐊᓲᑎᖃᕐᑎᑉᐰᑦ.

ᕼᐆᓯᐊᑉ ᐊᒡᓚᖏᑦ 7:12

ᐃᖏᕐᕋᑎᓪᓗᒋᑦ ᓄᓗᐊᒃᑲ ᐃᓯᕕᑦᓱᒫᕐᐸᒃᑲ ᑖᒃᑯᓄᖓ; ᓄᓗᐊᕐᑎᓪᓗᒋᑦ ᑎᖕᒥᐊᑎᑐᑦ ᖃᖓᑕᑎᓪᓗᒋᑦ ᑲᑕᒃᑎᑕᐅᔪᑎᑐᑦ; ᓱᒋᐊᕈᒫᕐᐸᒃᑲ ᐱᐅᖏᑦᑐᓕᓂᖏᑦ ᐱᓪᓗᒋᑦ.

ᒪᓚᑬᑉ ᐊᒡᓚᖏᑦ 2:2

ᑐᓴᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᓪᓗ ᐱᔪᒥᒃ ᐊᑎᕋ ᐱᓐᓇᕐᓇᕐᓯᑎᓐᓂᐊᖏᒃᑯᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᕝᕙ ᓱᒋᐊᕐᑕᐅᓂᕐᒧᑦ ᑎᑭᑕᐅᑎᑦᓱᒫᕐᐸᑦᓯ, ᓮᒻᒪᕐᑕᐅᓂᒃᓴᓯᓗ ᓱᒋᐊᕐᑕᐅᓂᓐᖑᕐᑎᓪᓗᒋᑦ; ᐃᓛᒃ ᓱᒋᐊᕐᓯᒪᓕᕇᕐᐸᒃᑲ, ᐆᒻᒪᑎᑦᓯᓐᓂ ᐃᓂᖃᕐᑎᖏᓐᓇᑦᓯᐅᒃ.

ᒐᓔᑎᐊᒥᐅᓄᑦ 3:10

ᐱᖁᔧᓪᓕ ᒪᓕᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᑕᑎᖃᕐᓗᑎᒃ ᐃᓅᔪᑦ ᐃᓅᓯᖃᕐᐳᑦ ᒎᑎᒧᑦ ᓇᕐᕈᒋᔭᐅᔪᒦᑦᑐᒥᒃ; ᑎᑎᕋᕐᓯᒪᔪᖃᕐᒪᑦ, “ᐱᖁᔧᑦ ᒪᓕᒃᑕᐅᖁᔭᖏᓐᓂᒃ ᑎᑎᕋᕐᓯᒪᔪᓂᒃ ᒪᓕᑦᓯᐊᕈᓐᓇᖏᑦᑐᑦ ᑕᒪᕐᒥᒃ ᒎᑎᒧᑦ ᓇᕐᕈᓇᕐᑐᒦᑉᐳᑦ.”

ᒨᓯᓯ ᑕᓪᓕᒪᖏᑦ 11:28

ᓱᒋᐊᕐᑕᐅᓂᕐᓕ, ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᖏᑦ ᓈᓚᖏᒃᑯᑦᓯᒋᒃ, ᓴᖑᒍᑦᓯᓗ ᐊᖅᑯᒻᒥᑦ ᐅᓪᓗᒥ ᐊᑐᕐᑕᐅᖁᓪᓗᒍ ᐅᖃᐅᓯᕆᔭᓐᓂᑦ, ᒎᑎᓐᖑᐊᓄᓪᓗ ᑐᒃᓯᐊᖃᑦᑕᖔᓕᕈᑦᓯ ᑕᒪᑐᒪ ᓯᕗᕐᖓᒍᑦ ᖃᐅᔨᒪᓚᐅᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 28:2

ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᒃᑯᑦᓯ ᒪᑯᐊ ᑕᕝᕙ ᓮᒻᒪᕐᑕᑎᐅᑦᔪᑎᒃᓮᑦ ᐱᓂᐊᕐᐸᓯ:

ᒨᓯᓯ ᑕᓪᓕᒪᖏᑦ 28:45

“ᑕᒪᒃᑯᐊ ᐱᓂᕐᓗᖕᓇᕐᑐᑦ ᑎᑭᑦᓱᒫᕐᐳᑦ ᐃᓕᑦᓯᓐᓄᑦ ᐃᓕᑦᓯᓐᓃᖏᓐᓇᕈᒫᕐᐳᓪᓗ ᓄᖑᑕᐅᓚᐅᖏᓐᓂᓕᒫᑦᓯᓐᓂ, ᐊᑕᓂᐅᑉ ᒎᑎᑦᓯ ᓂᐱᖓᓂᒃ, ᓈᓚᓚᐅᖏᓐᓇᑦᓯ ᐱᖁᔭᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᓚᐅᖏᓐᓇᑦᓯᒋᒃ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖏᑦ.

ᒨᓯᓯ ᑕᓪᓕᒪᖏᑦ 29:19

ᐅᓪᓗᒥ ᐅᕙᓃᑦᑐᒥᒃ ᐱᖁᔨᑦᔪᑎᐅᓪᓚᕆᒃᑐᓂᒃ ᑐᓵᔪᒥᒃ ᐃᓱᒪᔪᖃᕐᑍᓕᓕ ᑍᒤᑦᑐᓅᓕᕋᓗᐊᕈᓂ ᖃᓄᐃᓐᓂᐊᕋᓱᒋᖏᑦᑐᒥᒃ, ᓈᓚᒍᒪᖏᓪᓗᓂ ᐊᓯᒥᓂᒃ ᐃᓱᒪᒋᔭᑐᐃᓐᓇᕐᒥᓂᒃ ᐃᓅᔪᓐᓇᕋᓱᒋᔪᒥᒃ. ᑕᒪᓐᓇ ᑍᒤᓕᖓᓂᖅ ᑕᒪᑦᓯᓐᓂᒃ ᓄᖑᑎᑦᓯᔪᒫᕐᐳᖅ, ᐱᐅᔪᓂᒃ ᐱᐅᖏᑦᑐᓂᒡᓗ.

ᒨᓯᓯ ᑕᓪᓕᒪᖏᑦ 29:20

ᐊᑕᓂᐅᑉ ᐊᖑᑦ ᑍᒤᑦᑐᖅ ᐃᓱᒪᒋᔪᓐᓁᕐᕕᒋᓂᐊᓐᖏᓛ. ᐊᑕᓂᐅᓪᓕ ᓂᓐᖓᕕᒃᔪᐊᕐᓂᖓ ᐃᑯᒪᔪᑎᑐᑦ ᐃᑯᐊᓪᓚᖕᓂᐊᕐᐳᖅ ᑖᑦᓱᒧᖓ, ᑕᒪᒃᑯᐊᓗ ᐅᕙᓂ ᐊᒡᓚᖕᓂ ᑎᑎᕋᐅᓯᐅᓯᒪᔪᑦ ᐊᔪᓕᕈᑕᐅᔪᓐᓇᕐᑐᓕᒫᑦᓯᐊᑦ ᑖᑦᓱᒧᖓ ᑎᑭᓐᓂᐊᕐᐳᑦ, ᑖᑦᓱᒪᓗ ᐊᑎᖓ ᐊᑕᓂᐅᑉ ᐲᕐᓂᐊᕐᐹ ᕿᓚᐅᑉ ᐊᑖᓂᑦ.

ᒨᓯᓯ ᑕᓪᓕᒪᖏᑦ 5:1

ᒨᓯᓯᐅᑉ ᐃᓄᓕᒫᑦ ᑲᑎᖁᕔᑦ ᐅᖃᐅᑎᓪᓗᒋᓪᓗ, “ᐃᓴᕆᐊᓕᒥᐅᑦ ᐃᓄᖏᑦ, ᐅᓪᓗᒥ ᓈᓚᓚᐅᕐᓯᓐᖓ ᐱᖁᔭᓂᒃ ᐅᖃᐅᓯᖃᕐᑎᓪᓗᖓ ᐃᓕᑦᓯᓐᓄᑦ. ᑖᒃᑯᐊ ᐃᓕᓐᓂᐊᕐᑕᒃᓴᕆᕙᓯ ᓈᓚᑦᓯᐊᕐᓗᒋᓪᓗ.

ᔮᓱᐊᑉ ᐊᒡᓚᖏᑦ 23:15

ᑍᒤᒻᒪᑦ ᑍᒫᒃ ᐊᖏᕈᑎᒥᓂᒃ ᑲᔪᓯᑎᑦᓯᓚᐅᕐᒪᑦ ᐃᓕᑦᓯᓐᓄᑦ ᐱᐅᔪᓂᒃ ᐱᓂᐊᕐᓂᕋᕐᑕᓕᒫᒥᓂᒃ, ᑍᒤᒻᒪᑦ ᐊᑕᓂᖅ ᑲᔪᓯᑎᑦᓯᒐᔭᕆᕗᖅ ᐃᓕᑦᓯᓐᓄᑦ ᐱᐅᖏᑦᑐᓂᒃ ᐋᓐᓂᕐᓇᕐᑐᓂᒡᓗ, ᓄᖒᑦᓯᓚᐅᖏᓐᓂᓕᒫᒥᓂ ᐃᓕᑦᓯᓐᓂᒃ ᑕᒫᓐᖓᑦ ᓄᓇᑦᓯᐊᕙᖕᒥᑦ ᐊᑕᓂᐅᑉ ᒎᑎᓯ ᑐᓂᓚᐅᕐᑕᖓᓂᒃ ᐃᓕᑦᓯᓐᓄᑦ.

ᔮᓱᐊᑉ ᐊᒡᓚᖏᑦ 23:16

ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 2:15

ᐅᓇᑕᕆᐊᑐᐊᕌᖓᑕᓗ, ᐊᑕᓂᐅᑉ ᐅᓇᑕᖃᑦᑕᓕᓚᐅᕐᐰᑦ, ᓲᕐᓗ ᑍᒫᒃ ᓯᕗᓂᖓᒍᑦ ᐅᖃᐅᑎᓚᐅᕋᒥᒋᑦ. ᑍᒫᒡᓗ ᐊᖏᕐᕕᒋᓚᐅᕋᒥᒋᑦ; ᕿᒃᓵᖕᓂᖃᒻᒪᕆᓚᐅᕐᐳᓪᓗ.

ᓴᒧᐃᓕ ᓯᕗᓪᓖᑦ 4:10

ᑕᕝᕙ ᐱᓕᔅᑍᓂᒥᐅᑦ ᐅᓇᑕᓚᐅᕐᐳᑦ ᐊᒃᓱᕈᕐᓗᑎᒃ, ᐃᓴᕆᐊᓕᒥᐅᓪᓗ ᓵᓚᒋᓚᐅᕐᐰᑦ, ᑖᒃᑯᐊᓗ ᕿᒫᕗᑦ, ᐅᓪᓚᒡᓗᑎᒃ ᐊᖏᕐᕋᒥᖕᓄᑦ; ᑐᖁᕋᕐᑕᐅᓂᕐᔪᐊᕐᑕᖃᓚᐅᕐᐳᕐᓗ: ᐃᓴᕆᐊᓕᒥᐅᑦ 30,000 ᐅᓇᑕᕐᑏᑦ ᑕᕝᕙᓂ ᑐᖁᑕᐅᓚᐅᕐᐳᑦ.