12 ᐊᕐᕌᒍᓕᒫᕐᓗ ᓯᓚᓗᒃᑎᑦᓯᖃᑦᑕᕈᒫᕐᐳᖅ ᓄᓇᒋᔭᑦᓯᓐᓄᑦ ᓯᕐᓗᐊᕐᔪᐊᒥᓂᑦ ᕿᓚᖕᒥᑦ ᓮᒻᒪᕐᑎᓪᓗᓂᓯᓗ ᑕᒤᑎᒍᑦ ᐱᓇᓱᐊᕐᓂᑦᓯᒍᑦ, ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᐅᓄᕐᑐᓄᑦ, ᐊᑐᕐᑎᑦᓯᔪᓐᓇᖁᓪᓗᓯ, ᐊᓯᑦᓯᓐᓂᓪᓕ ᐊᑐᕐᑐᐊᕆᐊᖃᖃᑦᑕᕈᒫᓐᖏᓚᓯ.
ᑕᒪᑐᒪ ᑭᖑᕐᖓᒍᑦ ᐅᓪᓗᐃᑦ ᐅᓄᕐᑐᑦ ᐊᓂᒍᕐᑎᓪᓗᒋᑦ ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᐃᓔᑦᔭᒧᑦ, ᐊᕐᕌᒍᐃᑦ ᐱᖓᔪᐊᓐᓂ, ᐅᖃᕐᓗᓂ, “ᐂᓕᕆᑦ, ᐂᕼᐊᑉᒧᑦ ᐅᐸᒍᑎᓗᑎᑦ; ᓯᓚᓗᒃᑎᑦᓯᓂᐊᓕᕋᒪ ᓄᓇᒧᑦ.”
ᖃᓐᓂᒃᓮᑦ ᐊᐳᑎᑦ ᐃᓂᖏᓐᓄᑦ ᐃᑎᓚᐅᕐᓯᒪᕖᑦ, ᐅᕝᕙᓗ ᓇᑕᖅᑯᕐᓁᑦ ᐃᓂᖏᓐᓂᒃ ᑕᑯᓚᐅᕐᓯᒪᕕᑦ?
ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.
ᐊᒃᓱᐃᑦᑐᑦ ᐊᐅᓚᑦᓯᕗᑦ ᐊᒃᓱᔪᓂᒃ, ᐊᑦᑕᑐᕐᑎᓗ ᑭᒡᒐᕆᔭᐅᕗᖅ ᐊᑦᑕᑐᕐᑎᑦᓯᔨᒧᑦ.
ᓮᒻᒪᕐᑎᓪᓗᒋᓪᓗ ᓄᓇᖃᕐᑎᑦᓱᒫᕐᐸᒃᑲ ᖃᖅᑲᖁᑎᒪ ᐃᑦᔪᕐᓁᑦᑑᑉ ᐊᕙᑖᓂ; ᓮᒻᒪᕐᑎᑦᓯᓂᓐᓄᑦ ᓯᓚᓗᒃᑕᐅᑎᖃᑦᑕᕈᒫᕐᐸᒃᑲ ᓇᓪᓕᐅᓐᓂᖅ ᓈᒻᒪᒃᓯᔭᕌᖓᑦ; ᑕᒪᓐᓇ ᓯᓚᓗᒡᕕᐅᓂᖅ ᓮᒻᒪᕐᑎᑕᐅᓂᐅᔪᒫᕐᐳᖅ.
ᓯᓚ ᓯᓚᓗᒃᑎᖃᑦᑕᕐᓂᐊᕐᐸᕋ ᓈᒻᒪᒃᓯᔭᕌᖓᑦ, ᓄᓇ ᐱᕈᕐᑐᒥᓂᒃ ᓴᖅᑭᑎᑦᓯᖃᑕᕐᓂᐊᕐᐳᖅ ᓂᕿᒃᓴᓂᒃ ᓇᐹᕐᑐᓂᒡᓗ ᐸᐅᕐᖓᓕᖕᓂᒃ.
ᑍᒤᑐᐊᕈᕕᑦ ᑕᕝᕙ, ᓄᓇᒋᔭᕐᓄᑦ ᓯᓚᓗᒃᑕᐅᑎᑦᓯᖃᑦᑕᕐᓂᐊᕐᐳᖅ ᐱᔭᕆᐊᖃᓕᕌᖓᑦ, ᐅᑭᐊᒃᓵᒃᑯᑦ ᐅᐱᕐᖔᒃᑯᓪᓗ, ᓂᕿᒃᓴᖃᑦᓯᐊᖁᓪᓗᑎᑦ ᓂᐊᖂᔭᒃᓴᓂᒃ, ᕔᓂᒃᓴᓂᒃ, ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ.
ᓕᕔᑉ ᑭᖑᕚᖓ, ᑖᓐᓇ ᓇᖕᒥᓂᕐᑕᕐᓯᒪᖏᒻᒪᑦ ᓄᓇᖁᑎᒃᓴᒥᓂᒃ, ᓄᓇᖃᑎᑐᖃᕆᓐᖏᑕᓯ ᐱᖃᑕᐅᔭᕆᐊᖃᕆᕗᑦ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᖃᑎᒋᔭᓯ. ᑖᒃᑯᐊᓗ ᕾᔪᒃᓴᐅᕗᑦ ᓂᕆᓗᑎᒃ ᐊᕿᐊᑦᑐᕐᓗᑎᒡᓗ; ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᖃᓄᓕᒫᖅ ᐱᓇᓱᐊᕐᓂᕆᔭᑦᓯᓐᓂ.”
ᑐᓂᓯᕕᒋᔭᒃᓴᕆᕙᑦ ᐊᓐᓂᕈᓱᖏᓪᓗᑎᑦ ᐱᐅᖏᑦᑐᒥᒡᓗ ᐃᓱᒪᖃᖏᓪᓗᑎᑦ ᑐᓂᓯᓕᕈᕕᑦ ᑖᑦᓱᒧᖓ; ᑕᕝᕙ ᐊᑕᓂᐅᑉ ᓮᒻᒪᕐᑎᓐᓂᐊᕐᐹᑎᑦ ᐱᓇᓱᐊᕐᑕᓕᒫᕐᓂ.
ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ, ᑕᒪᓐᓇ ᐊᖏᕈᑎᒋᓯᒪᖕᒪᒍ. ᐃᓅᖃᑎᒌᒡᔪᐊᓄᑦ ᐅᓄᕐᑐᓄᑦ ᑮᓇᐅᔭᑦᓯᓐᓂᒃ ᐊᑐᕐᑕᐅᑎᑦᓯᔪᒫᕐᐳᓯ, ᑭᓯᐊᓂᓕ ᓇᓪᓕᐊᓐᓂᓪᓘᓐᓃᑦ ᐊᑐᕐᑐᐊᕆᐊᖃᕈᒫᓐᖏᓚᓯ; ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᐊᐅᓚᑦᓯᔪᒫᕐᐳᓯ, ᑭᓯᐊᓂᓕ ᐃᓅᖃᑎᒌᒡᔪᐊᓄᑦ ᓇᓪᓕᐊᓐᓄᓪᓘᓐᓃᑦ ᐊᐅᓚᑕᐅᔪᒫᓐᖏᓚᓯ.
ᐃᓚᓯᔪᓐᓇᕐᐳᑎᓪᓕ ᓄᓇᖃᑎᑐᖃᕆᓐᖏᑕᕐᓄᑦ ᐊᑐᕐᑕᐅᑎᑦᓯᒍᕕᑦ, ᐃᓴᕆᐊᓕᒥᐅᖑᖃᑎᕕᓪᓕ ᐊᑐᕐᓯᒪᓂᖓᓄᑦ ᐃᓚᓯᔪᒃᓴᐅᓐᖏᓚᑎᑦ; ᑕᒪᓐᓇ ᐱᖁᔭᖅ ᓈᓚᒃᑕᒃᓴᑕᕆᕚᓯ, ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᑕᒤᑎᒍᑦ ᐱᓂᐊᕐᓂᕆᔭᑦᓯᒍᑦ ᑕᒫᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.
ᓯᓚᓗᓐᖏᖔᕐᓗᓂ ᐊᑕᓂᖅ ᑎᑭᑎᑦᓯᔪᒫᕐᐳᖅ ᐳᔪᕐᓗᖕᒥᒃ ᐱᕐᓯᓕᕐᓗᓂ ᓯᐅᕋᕐᒥᒡᓗ ᐱᕐᓯᕐᓗᓂ ᑐᖁᑕᐅᓗᓯ ᓄᖑᑕᐅᓚᐅᖏᓐᓂᑦᓯᓐᓂ.
ᑖᒃᑯᐊᓗ ᐃᓕᑦᓯᓐᓂᒃ ᑮᓇᐅᔭᓂᒃ ᐊᑐᕐᑐᐊᕐᑎᑦᓯᕙᒍᒫᕐᐳᑦ, ᐃᓕᑦᓯᓗ ᑖᒃᑯᓄᖓ ᐊᑐᕐᑐᐊᕐᑎᑦᓯᕙᓕᕐᓗᓯ; ᑭᖑᓂᖓᒍᑦ ᑖᒃᑯᐊ ᓂᐊᖂᓕᕈᒫᕐᐳᑦ ᐃᓕᑦᓯᓗ ᐸᒥᐅᖑᓕᕐᓗᓯ.