ᒨᓯᓯ ᑕᓪᓕᒪᖏᑦ 27:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ “‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᒎᑎᐅᑉ ᐱᖁᔭᖏᓐᓂᒃ ᓈᓚᖏᑦᑐᖅ ᐊᔪᕆᕐᑐᐃᑦᔪᑎᖏᓐᓂᒡᓗ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’”

ᒨᓯᓯ ᑕᓪᓕᒪᖏᑦ 27:26 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 22:13

“ᐊᑕᓂᕐᒥᒃ ᖃᐅᔨᒋᐊᕈᑦᔭᐅᔪᒪᓕᕐᐳᖓ ᐃᓄᖏᓪᓗ ᐱᓪᓗᒋᑦ, ᔫᑕᒥᐅᓪᓗ ᐱᑦᔪᑎᒋᓪᓗᒋᑦ, ᐊᒡᓔᑦ ᑖᒃᑯᐊ ᓇᓂᔭᐅᔪᕕᓃᑦ ᐊᔪᕆᕐᑐᐃᑦᔪᑎᒋᔭᖏᓐᓂᒃ; ᐊᑕᓂᐅᑉ ᐊᖏᔪᒥᒃ ᓂᓐᖓᒡᕕᒋᓯᒪᕚᑎᒍᑦ ᓯᕗᓕᑦᑕ ᑖᒃᑯᐊ ᐊᒡᓔᑦ ᐊᔪᕆᕐᑐᐃᑦᔪᑎᒋᔭᖏᑦ ᒪᓕᓚᐅᖏᒻᒪᑦᔪᒃ, ᐱᓂᐊᕐᓂᖃᓚᐅᕋᑎᒡᓗ ᑎᑎᕋᕐᓯᒪᔪᑦ ᒪᓕᒡᓗᒋᑦ.”

ᐄᓱᕋᐅᑉ ᐊᒡᓚᖏᑦ 7:26

ᓇᓪᓕᐊᑦ ᒎᑎᑦᓯ ᐱᖁᔭᖓᓂᒃ ᓈᓚᖏᑦᑐᖅ ᐊᖓᔪᖅᑳᐅᕕᑦᑕᓘᓐᓃᑦ ᐱᖁᔭᖏᓐᓂᒃ, ᑖᓐᓇ ᓱᒋᐊᕐᑕᐅᑦᓴᐅᑎᒋᔪᒃᓴᐅᕗᖅ: ᑐᖁᑕᐅᓗᓂ ᐊᐅᓪᓚᕈᑦᔭᐅᓪᓗᓂᓘᓐᓃᑦ ᐅᕝᕙᓗ ᐱᖁᑎᖏᓐᓂᒃ ᐊᕐᓵᕐᑕᐅᓪᓗᓂ ᑎᒍᔭᐅᓗᓂᓘᓐᓃ.”

ᐃᓐᖏᕈᑎᑦ 119:21

ᐱᐅᔪᕆᔪᑦ ᓱᒋᐊᕐᐸᑎᑦ; ᓯᕗᓂᕐᓗᒃᑎᑕᐅᓕᑦ ᐱᖁᔭᕐᓂᒃ ᓈᓚᒍᓐᓃᕐᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 18:24

“ᐊᖑᓪᓕ ᓈᒻᒪᓈᕐᑐᒥᒃ ᐃᓅᓯᖃᓚᐅᕐᑐᖅ, ᓈᒻᒪᓈᕐᑐᒥᒃ ᐃᓅᔪᓐᓁᕐᐸᑦ, ᐊᔪᕐᑐᓕᓂᕐᒥᒡᓗ ᐃᓅᓯᖃᓕᕐᓗᓂ, ᐊᔪᕐᑐᓕᔪᑦ ᐊᑐᕐᐸᒃᑕᖏᓐᓂᒃ ᓇᕐᕈᓇᕐᑐᓂᒃ ᐊᑐᖃᑕᐅᓕᕐᐸᑦ, ᐃᓅᔪᒃᓴᐅᕚ? ᓈᒻᒪᓈᕐᑐᒥᒃ ᐃᓅᓯᖃᓚᐅᕐᓂᖓ ᐃᖅᑲᐅᒪᔭᐅᓂᐊᓐᖏᓚᖅ; ᓱᖁᓯᔪᐃᑦᑑᓚᐅᖏᓐᓂᕐᒥᓄᑦ ᐸᓯᔭᒃᓴᐅᓕᕋᒥ ᐊᔪᕐᑐᓕᓂᕐᒥᓄᓪᓗ ᐱᓂᐊᕐᓂᕆᔭᒥᓄᑦ, ᑖᓐᓇ ᑐᖁᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᕉᒪᒥᐅᓄᑦ 10:5

ᒨᓯᓯ ᑎᑎᕋᓚᐅᕐᒪᑦ ᐃᓄᒃ ᒎᑎᒧᑦ ᐃᓗᐊᓂᕋᕐᑕᐅᔪᒪᓗᓂ ᐃᓅᓯᖃᕋᓱᐊᕐᑐᖅ ᐱᖁᔭᑎᒍᑦ, “ᑍᒤᓕᐅᕈᓂ ᒪᓕᑦᑎᐊᕋᓱᐊᕐᓂᕆᔭᓂ ᐃᓅᑦᔪᑎᒋᓂᐊᕐᐹ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:22

ᐊᑕᓂᕐᒥᒃ ᐱᓐᓇᕆᔭᖃᖏᑦᑐᖅ ᑖᓐᓇ ᓇᕐᕈᓇᕐᓯᓕᕐᓕ! ᒪᕋᓈ-ᑕ ᐃᒫᒃ; ᐊᑕᓂᕗᑦ ᕾᓕᕆᑦ!

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:9

ᐃᓄᖕᓂᒃ ᐃᖅᑲᕐᑐᒐᒃᓴᓐᖑᕐᑎᑦᓯᔪᖅ ᑕᑯᒥᓇᕐᓂᖃᓚᐅᕐᐸᑦ; ᐊᖏᓂᕐᓴᒻᒪᕆᖕᒥᒃ ᑕᑯᒥᓇᕐᓂᖃᕐᑐᒃᓴᐅᕗᖅ ᒎᑎᒧᑦ ᐃᖅᑲᕐᑐᒐᒃᓴᐅᔪᓐᓃᕐᓂᕐᒥᒃ ᐱᑎᑦᓯᔪᖅ.

ᒐᓔᑎᐊᒥᐅᓄᑦ 3:10

ᐱᖁᔧᓪᓕ ᒪᓕᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᑕᑎᖃᕐᓗᑎᒃ ᐃᓅᔪᑦ ᐃᓅᓯᖃᕐᐳᑦ ᒎᑎᒧᑦ ᓇᕐᕈᒋᔭᐅᔪᒦᑦᑐᒥᒃ; ᑎᑎᕋᕐᓯᒪᔪᖃᕐᒪᑦ, “ᐱᖁᔧᑦ ᒪᓕᒃᑕᐅᖁᔭᖏᓐᓂᒃ ᑎᑎᕋᕐᓯᒪᔪᓂᒃ ᒪᓕᑦᓯᐊᕈᓐᓇᖏᑦᑐᑦ ᑕᒪᕐᒥᒃ ᒎᑎᒧᑦ ᓇᕐᕈᓇᕐᑐᒦᑉᐳᑦ.”

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’