ᒨᓯᓯ ᑕᓪᓕᒪᖏᑦ 26:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐅᓪᓗᒥ ᓇᓗᓁᕐᓯᓯᒪᖓᑦᓯ ᐊᑕᓂᕐᒥᒃ ᒎᑎᖃᕐᓂᑦᓯᓐᓂᒃ; ᐊᖏᕐᕕᒋᓯᒪᓪᓗᒍᓗ ᓈᓚᖕᓂᐊᕐᓂᕋᕐᓗᒍ, ᐱᖁᔭᓕᒫᖏᓪᓗ ᒪᓕᖕᓂᐊᕐᓂᕋᕐᓗᒋᑦ, ᐱᖁᔨᑦᔪᑎᒋᓯᒪᔭᓕᒫᖏᓪᓗ ᐊᑐᕐᓂᐊᕐᓂᕋᕐᓗᒋᑦ.

ᒨᓯᓯ ᑕᓪᓕᒪᖏᑦ 26:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 28:21

ᐅᑎᕐᒥᒍᒪᓗ ᖃᓄᐃᖏᓪᓗᖓ ᐊᑕᑕᒪ ᐊᖏᕐᕋᖓᓄᑦ, ᑕᕝᕙ ᐊᑕᓂᖅ ᒎᑎᒋᔪᒫᕐᐸᕋ.

ᑯᕉᓂᑲ ᐂᑉᐸᖏᑦ 34:31

ᐊᖓᔪᖅᑳᕐᔪᐊᕐᓗ ᓇᖏᕐᐳᖅ ᐃᓂᒥᓂ ᐊᖏᖃᑎᒌᒍᑎᓕᐅᕐᓗᓂ ᐊᑕᓂᐅᑉ ᓵᖓᓂ, ᐊᑕᓂᕐᒥᒃ ᒪᓕᒍᒪᓪᓗᓂ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒍᑕᐅᓯᒪᔪᑦ ᐅᖃᐅᓯᖏᑦ ᐊᒡᓚᖕᓂ ᐊᒡᓚᒃᓯᒪᔪᑦ ᒪᓕᒡᓗᒋᑦ.

ᐃᓐᖏᕈᑎᑦ 48:14

ᑖᓐᓇ ᒎᑎ, ᒎᑎᒋᒐᑦᑎᒍ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᑖᓐᓇᓗ ᑕᓯᐅᕐᑎᒋᓂᐊᕐᐸᕗᑦ ᑐᖁ ᑎᑭᓪᓗᒍ.

ᒨᓯᓯ ᐂᑉᐸᖏᑦ 15:2

ᐊᑕᓂᖅ ᐱᔪᓐᓇᐅᑎᒋᕙᕋ ᐃᓐᖏᕈᑎᒋᓪᓗᒍᓗ, ᐱᐅᓕᔨᒋᓕᕐᓗᒍᓗ; ᑖᓐᓇ ᒎᑎᒋᕙᕋ, ᓂᕐᑐᕐᓂᐊᕐᐸᕋᓗ, ᐊᑖᑕᒪ ᒎᑎᖓ, ᑖᓐᓇ ᐊᖏᔪᕈᕐᑎᓐᓂᐊᕐᐸᕋ.

ᒨᓯᓯ ᐂᑉᐸᖏᑦ 19:8

ᐃᓄᐃᑦ ᑕᕝᕙ ᐊᑕᐅᑦᓯᒃᑯᑦ ᑭᐅᕗᑦ ᐅᖃᕐᓗᑎᒡᓗ, “ᐊᑕᓂᐅᑉ ᐅᖃᐅᓯᕆᔭᓕᒫᖏᑦ ᐱᓇᓱᐊᕐᓂᐊᕐᐸᕗᑦ.” ᒨᓯᓯᐅᓪᓗ ᐃᓄᐃᑦ ᐅᖃᐅᓯᕆᔭᖏᑦ ᐊᑕᓂᕐᒧᑦ ᐅᖃᐅᓯᕆᕔᑦ.

ᒨᓯᓯ ᐂᑉᐸᖏᑦ 20:19

ᒨᓯᓯᒧᓪᓗ ᐅᖃᕐᐳᑦ, “ᐅᕙᑦᑎᓐᓄᑦ ᐅᖃᕈᕕᑦ ᓈᓚᖕᓂᐊᕐᐳᒍᑦ, ᑭᓯᐊᓂᓕ ᓯᕘᕋᕗᒍᑦ ᒎᑎᐅᑉ ᐅᖃᕐᕕᒋᒃᐸᑎᒍᑦ ᑐᖁᑐᐃᓐᓇᕆᐊᖃᕋᑦᑕ.”

ᒨᓯᓯ ᐂᑉᐸᖏᑦ 24:7

ᐊᖏᖃᑎᒌᖕᓂᐅᓪᓗ ᑎᑎᕋᕐᓯᒪᔪᖁᑎᖏᑦ ᒨᓯᓯᐅᑉ ᐱᕔᑦ, ᑖᒃᑯᓇᓂ ᒎᑎᐅᑉ ᐱᓂᐊᕐᑕᐅᖁᔭᖏᑦ ᑎᑎᕋᕐᓯᒪᖕᒪᑕ. ᓂᐱᖃᕐᓗᓂᓗ ᐃᓄᖕᓄᑦ ᐅᖃᓕᒫᕐᐰᑦ, ᐃᓄᐃᓪᓗ ᐅᖃᕐᐳᑦ, “ᐊᑕᓂᖅ ᓈᓚᖕᓂᐊᕐᐸᕗᑦ ᐱᖁᔭᓕᒫᖏᓪᓗ ᐊᑐᕐᓗᑎᒍ.”

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 44:5

ᐃᓚᖓᑦ ᐅᖃᕈᒫᕐᐳᑦ, ‘ᐊᑕᓂᐅᑉ ᐱᒋᕚᖓ,’ ᐊᓯᐊᓗ ᔧᑰᑉ ᐊᑎᖓᓂᒃ ᐊᑎᖃᖃᑕᐅᓂᕋᕐᓗᓂ; ᐊᓯᐊᓗ ᑎᑎᕋᕈᒫᕐᐳᖅ, ‘ᐊᑕᓂᐅᑉ ᐱᖓ,’ ᐃᓴᕆᐊᓕᒥᐅᑕᐅᓂᕋᕐᓗᓂᓗ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 27:23

ᐅᓐᓄᐊᖅ ᒎᑎᐅᑉ ᐱᔨᑦᓯᕐᑕᒪ ᐂᖏᓕᖓ ᓴᓂᓐᓂ ᓇᖏᓚᐅᕐᐳᖅ,

ᕉᒪᒥᐅᓄᑦ 6:13

ᐊᕙᑎᓯᓗ ᐊᔪᕐᑐᓕᑦᑍᓕᑦᔪᑎᒋᓕᕐᓯᐅᒃ ᐱᐅᖏᑦᑐᒧᑦ ᐊᖅᑯᑕᐅᖁᓇᒋᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᒎᑎᒧᑦ ᑕᓯᐅᕐᑕᐅᓯᒪᔪᑎᑐᑦ ᑐᖁᒥᑦ ᐃᓅᓯᕐᒧᑦ, ᐊᕙᑎᓯᓗ ᑐᓂᓯᒋᒃ ᒎᑎᒧᑦ ᐊᑐᕐᑕᐅᖁᓪᓗᒋᑦ ᐃᓗᐊᕐᑐᓕᓂᕐᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:5

ᑕᒪᑐᒥᖓ ᓂᕆᐅᒋᓐᖏᑕᑦᑎᓐᓂᒃ ᐱᓚᐅᕐᐳᑦ, ᓯᕗᓪᓕᕐᒥᒡᓕ ᐊᑕᓂᕐᒧᑦ ᑐᓂᖅᑳᕐᐳᑦ ᑭᖑᓂᖓᒍᓪᓗ ᐅᕙᑦᑎᓐᓄᑦ ᑐᓂᕗᑦ ᒎᑎᐅᑉ ᐱᖁᔨᓂᖓ ᒪᓕᒡᓗᒍ.

ᒨᓯᓯ ᑕᓪᓕᒪᖏᑦ 13:18

ᐊᑕᓂᐅᑉ ᒎᑎᑦᓯ ᓂᐱᖓ ᓈᓚᖕᓂᐊᕈᑦᓯᐅᒃ, ᐱᖁᔨᑦᔪᑎᖏᓪᓗ ᒪᓕᑦᓯᐊᕐᓂᐊᕈᑦᓯᒋᒃ ᐅᓪᓗᒥ, ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᐱᓂᐊᕐᓂᖃᖁᓪᓗᓯ ᓈᒻᒪᒋᔭᐅᔪᒥᒃ ᐊᑕᓂᐅᑉ ᒎᑎᑦᓯ ᓵᖓᓂ.”

ᒨᓯᓯ ᑕᓪᓕᒪᖏᑦ 15:5

ᑖᓐᓇ ᓈᓚᖕᓂᐊᕈᑦᓯᐅᒃ ᐊᑐᕐᑕᐅᖁᔭᓕᒫᖏᓐᓂᒡᓗ ᐊᑐᕋᓱᑦᓯᐊᕈᑦᓯ ᐅᓪᓗᒥ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᓐᓂᒃ.

ᒨᓯᓯ ᑕᓪᓕᒪᖏᑦ 27:10

ᑍᒤᒻᒪᑦ ᑖᓐᓇ ᓈᓚᒃᑕᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᑦᓯᐊᕐᓗᒋᑦ, ᐅᓪᓗᒥ ᐃᓕᑦᓯᓐᓄᑦ ᑐᓂᔭᒃᑲ.”

ᒨᓯᓯ ᑕᓪᓕᒪᖏᑦ 29:12

ᐅᓪᓗᒥ ᐅᕙᓃᑉᐳᓯ ᐅᖃᒻᒪᕆᖕᓂᒃᑯᑦ ᐊᖏᖃᑎᒌᒍᑎᐅᔪᒧᑦ ᐃᑎᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐋᖅᑭᒃᑕᖓᓄᑦ.

ᒨᓯᓯ ᑕᓪᓕᒪᖏᑦ 30:16

ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᓈᓚᖕᓂᐊᕈᑦᓯᒋᒃ, ᑖᒃᑯᐊ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ, ᐊᑕᓂᕐᒥᒃ ᒎᑎᑦᓯᓐᓂᒃ ᐅᖓᒋᔭᖃᕐᓂᐊᕈᑦᓯ, ᐃᓅᓗᓯᓗ, ᐃᓅᓯᐅᖁᔭᖓᓂ, ᐱᖁᔭᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᒡᓗᒋᑦ, ᑕᕝᕙ ᐃᓅᓂᐊᕐᐳᓯ ᐅᓄᕐᓯᕙᓪᓕᐊᓗᓯ, ᐊᑕᓂᐅᓪᓗ ᒎᑎᑦᓯ ᓮᒻᒪᕐᑎᑦᓱᒫᕐᐹᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ.

ᔮᓱᐊᑉ ᐊᒡᓚᖏᑦ 22:5

ᑲᒪᑦᓯᐊᕐᓗᓯ ᓈᓚᑦᓯᐊᕐᑐᒃᓴᐅᕗᓯ ᐱᖁᔭᓂᒃ ᒨᓯᓯᐅᑉ ᑎᓕᓯᑦᔪᑎᒋᓚᐅᕐᑕᖓᓂ ᐃᓕᑦᓯᓐᓄᑦ, ᐊᑕᓂᖅ ᒎᑎᓯ ᐅᖓᒋᔭᒃᓴᕆᕙᓯ, ᐊᑐᕐᑕᐅᖁᔭᓕᒫᖏᓪᓗ ᐊᑐᕐᓗᒋᑦ, ᐱᖁᔭᖏᓪᓗ ᓈᓚᒡᓗᒋᑦ, ᑎᒍᒥᐊᕐᓗᒍ ᓴᒃᑯᑦᑍᓕᓗᒍᓗ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᑕᕐᓂᓕᒫᕐᓄᓪᓗ.”

ᔮᓱᐊᑉ ᐊᒡᓚᖏᑦ 24:22

ᑕᕝᕙ ᔮᓱᐊᑉ ᐃᓄᐃᑦ ᐅᖃᐅᑎᕔᑦ, “ᐊᓯᑦᓯᓐᓂᒃ ᓵᑕᒃᓴᖃᕐᓂᐊᖏᓐᓚᓯ ᖃᐅᔨᒪᓂᐊᕐᐳᓯ ᓇᖕᒥᓂᖅ ᓂᕈᐊᓚᐅᕋᑦᓯ ᐊᑕᓂᖅ ᐱᔨᑦᓯᕈᒪᓪᓗᒍ.” ᑖᒃᑯᐊ ᑭᐅᕗᑦ, “ᖃᐅᔨᒪᓂᐊᕐᐳᒍᑦ ᐊᓯᑦᑎᓐᓂᒃ ᓵᑕᒃᓴᖃᑦᔮᖏᓐᓇᑦᑕ.”