ᒨᓯᓯ ᑕᓪᓕᒪᖏᑦ 25:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐸᓯᔭᒃᓴᐅᔪᕐᓕ ᓇᓗᓁᕐᑕᐅᒃᐸᑦ ᑏᒐᕐᑐᕐᑕᐅᑦᔪᑎᒃᓴᖃᕐᐸᑦ, ᑕᕝᕙ ᐃᖅᑲᕐᑐᐃᔨᐅᑉ ᐹᒻᒪᒃᑎᑕᐅᖁᔭᒃᓴᕆᕚ ᑏᒐᕐᑐᕐᑕᐅᖁᓗᒍ, ᑏᒐᕐᑐᕐᑕᐅᓂᖓᑕᓕ ᐅᓄᕐᑐᐃᕐᓱᑕᐅᔭᕆᐊᖃᕐᓂᖓ ᓇᓗᓁᕐᑕᐅᒐᔭᕐᐳᖅ ᐱᑦᓯᐊᓐᖏᓯᒪᓂᖓ ᒪᓕᒡᓗᒍ.

ᒨᓯᓯ ᑕᓪᓕᒪᖏᑦ 25:2 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 13:25

ᓱᐊᓚᐅᕐᐸᒃᑲᓕ ᐅᖃᕐᓂᕐᓗᒡᕕᒋᓪᓗᒋᓪᓗ, ᐃᓚᖏᓪᓗ ᐋᓐᓂᕐᓯᓚᐅᕐᐸᒃᑲ ᓄᔮᕐᑐᕐᓗᒋᓪᓗ; ᐊᖏᒻᒪᕆᒃᑎᓚᐅᕐᐸᒃᑲ ᒎᑎᐅᑉ ᐊᑎᖓᓂ, ᐅᖃᐅᑎᓪᓗᒋᓪᓗ, “ᐸᓂᓯ ᑐᓂᔭᒃᓴᕆᓐᖏᓚᓯ ᑍᒃᑯᐊ ᐃᕐᓂᖏᓐᓄᑦ, ᐅᕝᕙᓗ ᑍᒃᑯᐊ ᐸᓂᖏᓐᓂᒃ ᑎᒍᓯᔪᒃᓴᐅᓐᖏᓚᓯ ᐃᕐᓂᑦᓯᓐᓄᑦ, ᓇᖕᒥᓂᑦᓯᓐᓄᓪᓘᓐᓃᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:29

ᓱᒋᐊᕐᑕᐅᓃᑦ ᒥᑕᐅᑎᖃᕐᐸᒃᑐᑦ ᐱᓪᓗᒋᑦ ᐊᑐᐃᓐᓇᐅᕗᑦ, ᐊᓇᐅᓕᕐᑕᐅᓃᓪᓗ ᓯᓔᑦᑐᑦ ᐱᓪᓗᒋᑦ ᐊᑐᐃᓐᓇᐅᒋᕗᑦ.

ᒫᑎᐅᓯᐅᑉ ᐊᒡᓚᖏᑦ 10:17

ᖃᐅᔨᓴᑦᓯᐊᕆᑦᓯ, ᐊᖑᑏᑦ ᐃᓚᖏᓐᓄᑦ ᑎᒍᔭᐅᔪᒫᕐᐳᓯ ᐃᖅᑲᕐᑐᕐᑕᐅᕕᖕᒧᓪᓗ ᐋᑕᐅᓗᓯ, ᐃᓯᖁᔭᐅᔪᓐᓃᕈᒫᕐᐳᓯᓗ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 27:26

ᑕᕝᕙ ᐰᓛᑑᓯᐅᑉ ᐸᕋᐹᓯ ᐊᓂᑎᑉᐹ ᑖᒃᑯᓄᖓ; ᔩᓱᓯ ᑏᒐᕐᑐᕐᑕᐅᑎᑦᑕᕇᕋᒥᐅᒃ, ᐂᑦᑑᑎᒋᕚ ᑭᑭᐊᒃᑐᕐᑕᐅᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 23:3

ᐸᐅᓗᓯᐅᑉ ᐅᖃᐅᑎᕚ, “ᒎᑎᐅᑦᑕᐅᖅ ᐊᓇᐅᓂᐊᕆᕚᑎᑦ, ᓱᓕᓐᖑᐊᕐᑐᐊᓘᔪᑎᑦ! ᑕᕝᕙᓂ ᐃᒃᓯᕙᔪᑎᑦ ᐱᖁᔧᑦ ᒪᓕᒡᓗᒋᑦ ᐅᕙᓐᓂᒃ ᐃᖅᑲᕐᑐᐃᔭᕆᐊᖃᕋᕕᑦ, ᐱᖁᔧᑦ ᒪᓕᖕᓇᒋᑦ ᖃᓂᕈᕐᑕᐅᖁᕙᕐᒪ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:40

ᑲᑎᒪᔨᕐᔪᐊᑦ ᒐᒤᓕᐊᓕᐅᑉ ᐅᖃᐅᓯᖏᓐᓂᒃ ᓈᓚᓚᐅᕐᐳᑦ, ᐋᐴᓯᑕᓖᑦ ᐃᑎᖁᒐᒥᑦᔪᒃ, ᑏᒐᕐᑐᕐᑕᐅᑎᑉᐰᑦ ᐃᓂᕐᑎᒻᒪᕆᒡᓗᒋᑦ ᐊᔪᕆᕐᑐᐃᑦᔪᑎᖃᖃᑦᑕᖁᓇᒋᑦ ᔩᓱᓯᒥᒃ, ᑕᕝᕙᓐᖓᑦ ᐊᓂᖁᕔᑦ.

ᐲᑦᑐᕉᓯ ᓯᕗᓪᓖᑦ 2:20

ᓱᓇᒥᒃ ᐱᕙᓪᓕᕈᑎᒃᓴᖃᕋᔭᕐᐱᓰ ᑕᒪᕐᓂᑦᓯᓐᓄᑦ ᐋᓐᓂᕐᓯᑕᐅᔪᑎᖃᕈᑦᓯ ᕿᓄᐃᓵᕈᑎᒋᒍᑦᓯᐅᒡᓗ; ᐊᒃᓱᕈᕐᑎᑕᐅᒍᑦᓯᓕ ᐱᐅᔪᒥᒃ ᐱᓇᓱᐊᕐᑎᓪᓗᓯ ᕿᓄᐃᓵᕈᑎᒋᒍᑦᓯᐅᒃ? ᑕᒪᑐᒨᓇ ᒎᑎᐅᑉ ᓮᒻᒪᕐᑎᓐᓂᐊᕐᐹᓯ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.