ᒨᓯᓯ ᑕᓪᓕᒪᖏᑦ 25:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐃᓅᒃ ᒪᕐᕉᒃ ᐃᖅᑲᕐᑐᐃᕕᖕᒧᐊᕋᔭᕐᐸᑎᒃ ᐊᑲᐅᖏᑦᔪᑎᒋᔭᒥᖕᓂᒃ ᐋᖅᑭᒃᑕᐅᖁᔨᓗᑎᒃ, ᐃᖅᑲᕐᑐᐃᔨᐅᑉ ᐃᓱᒪᓕᐅᕈᑎᒃᐸᒋᒃ, ᐂᑉᐸᖓ ᐸᓯᔭᒃᓴᐅᖏᓐᓂᕋᕐᓗᒍ ᐂᑉᐸᖓᓗ ᐸᓯᔭᒃᓴᐅᓂᕋᕐᓗᒍ.

ᒨᓯᓯ ᑕᓪᓕᒪᖏᑦ 25:1 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 23:3

ᐃᓴᕆᐊᓕᐅᑉ ᒎᑎᖓ ᐅᖃᓚᐅᕐᐳᖅ; ᐃᓴᕆᐊᓕᐅᑉ ᓴᐳᑦᔨᔨᖓ ᐅᕙᓐᓄᑦ ᐅᖃᓚᐅᕐᐳᖅ: ᐊᖓᔪᖅᑳᕐᔪᐊᖅ ᐊᐅᓚᑦᓯᔪᖅ ᓱᓕᑦᓯᐊᕐᑐᒥᒃ, ᐊᐅᓚᑦᓯᔪᖅ ᓈᓚᑦᓯᐊᕐᓗᓂ ᒎᑎᒥᒃ,

ᐊᑕᓃᑦ ᓯᕗᓪᓖᑦ 8:32

ᕿᓚᖕᒥᑦ ᑐᓴᓚᐅᕆᑦ, ᐱᓇᓱᐊᕐᓗᑎᓪᓗ, ᐋᖅᑭᒃᓱᕐᓗᒋᓪᓗ ᐱᔨᑎᑦ, ᐸᓯᔭᒃᓴᐅᔪᑦ ᓱᒋᐊᕐᓗᒋᑦ ᐱᓂᐊᕐᓂᕆᓯᒪᔭᖏᓐᓄᑦ, ᐸᓯᔭᒃᓴᐅᔪᓐᓁᕐᑎᓪᓗᒋᓪᓗ ᐃᓱᐊᕐᑐᒥᒃ ᐃᓅᔪᑦ ᐊᑭᓕᕐᓗᒋᑦ ᐸᓯᔭᒃᓴᐅᖏᓐᓂᖏᑦ ᒪᓕᒡᓗᒋᑦ.

ᒨᓯᓯ ᐂᑉᐸᖏᑦ 22:9

“ᑲᒪᑎᑕᐅᒍᑎᒥᓂᒡᓕ ᑲᒪᑦᓯᐊᖏᓐᓂᕅᔪᖃᕐᓗᓂ ᐂᕙᐅᑎᔪᖃᓕᕐᐸᑦ, ᓇᓪᓕᐊᓐᓄᑐᐃᓐᓇᖅ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓄᑦ, ᐅᕝᕙᓗ ᓯᐅᑎᖅᑯᕐᑐᔪᒧᑦ, ᐅᕝᕙᓗ ᓰᐱᒧᑦ, ᐅᕝᕙᓗ ᐊᓐᓄᕌᓄᑦ, ᐅᕝᕙᓗ ᓱᓇᑐᐃᓐᓇᕐᒧᑦ ᐊᓯᐅᔨᔭᐅᓯᒪᔪᒧᑦ, ᐃᓅᒃ ᒪᕐᕉᒃ ᐊᑐᓂᑦ ᐱᖃᕐᑐᐃᓐᓇᐅᓂᕋᕐᐸᑎᒃ ᑕᕝᕙ ᑖᒃᑯᐊᒃ ᒎᑎᒧᑦ ᐱᑎᑕᐅᔪᒃᓴᐅᕘᒃ. ᑕᕝᕙᓂᓗ ᒎᑎᐅᑉ ᐊᖑᑦ ᐸᓯᔭᒃᓴᐅᓂᕋᕐᑕᖓ ᑖᓐᓇ ᐊᑭᓖᔪᒃᓴᐅᕗᖅ ᒪᕐᕈᕕᓪᓗᐊᕐᑐᓂᒃ ᐂᕙᖃᑎᒋᓚᐅᕐᑕᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:15

ᐱᐅᖏᑦᑐᒥᒃ ᓈᒻᒪᖕᓂᕅᓂᖅ ᓇᓛᒎᕐᑐᓂᒡᓗ ᐱᐅᖏᓐᓂᕅᓂᖅ ᑖᒃᑯᐊᒃ ᑕᒪᖏᒃ ᐊᑕᓂᕐᒧᑦ ᓇᕐᕈᓇᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 5:20

ᑲᑉᐱᐊᓐᓇᒦᒃ ᐱᐅᖏᑦᑐᒥᒃ ᐱᐅᓂᕅᔪᑦ ᐱᐅᔪᒥᒡᓗ ᐱᐅᖏᓐᓂᕅᔪᑦ, ᑖᕐᑐᒥᒃ ᖃᐅᒪᓂᕅᔪᑦ ᖃᐅᒪᔪᒥᒡᓗ ᑖᕐᓂᕅᔪᑦ, ᓰᕐᓇᖏᑦᑐᒥᒃ ᓰᕐᓇᕐᓂᕅᔪᑦ, ᓰᕐᓇᕐᑐᒥᒡᓗ ᓰᕐᓇᖏᓐᓂᕅᔪᑦ!

ᐂᓮᐊᓯᐅᑉ ᐊᒡᓚᖏᑦ 5:23

ᓇᓪᓕᐊᑦ ᐱᐅᖏᑦᑐᒥᒃ ᐊᑭᓕᕐᑕᐅᓂᒃᑯᑦ ᐸᓯᔭᒃᓴᐅᖏᓐᓂᕅᔪᑦ, ᐸᓯᔭᒃᓴᐅᖏᑦᑐᒥᒡᓗ ᐊᕐᓵᕐᓯᔪᑦ ᐱᔪᓐᓇᕐᑎᑕᐅᑦᔪᑎᖓᓂᒃ!

ᔨᕆᒤᐊᐅᑉ ᐊᒡᓚᖏᑦ 21:12

ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑭᖑᕚᖑᔪᓯ, ᐊᑕᓂᖅ ᐃᒫᒃ ᐅᖃᕐᐳᖅ: “ᓈᒻᒪᓈᕐᓯᒪᔪᒥᒃ ᐱᓇᓱᐊᖃᑦᑕᕆᑦᓯ ᖃᐅᑕᒫᑦ, ᓴᐳᑦᔨᓯᒪᓇᓱᐊᖃᑦᑕᕐᓗᓯᓗ ᑎᒡᓕᒡᕕᐅᓯᒪᔪᓂᒃ, ᓂᓐᖓᒡᓗᖓ ᐊᑭᓂᐊᖁᓇᖓ ᐃᑯᐊᓚᔪᑎᑐᑦ, ᐱᐅᖏᑦᑐᓕᓂᓯ ᐃᑯᐊᓚᒃᑕᐅᖁᓪᓗᒋᑦ, ᖃᒥᑕᐅᓂᐊᓐᖏᓚᕐᓗ ᓇᓪᓕᐊᓐᓄᓪᓘᓐᓃᑦ.”’

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:35

ᖃᐅᔨᒪᖕᒪᑦ ᐱᔪᓐᓇᕐᓂᕐᑖᕐᑎᑕᐅᓯᒪᓂᕗᑦ ᒪᓕᒡᓗᒍ ᐱᓇᓱᐊᕈᓐᓇᕐᑎᑕᐅᖏᑦᑕᕌᖓᑦᑕ ᖁᑦᓯᖕᓂᕐᐹᖑᔪᒧᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:36

ᖃᐅᔨᒪᕗᕐᓗ ᓇᓛᒎᕐᑐᒥᒃ ᐃᖅᑲᕐᑐᕐᑕᐅᖏᑦᑕᕌᖓᑦᑕ, ᐊᑕᓂᐅᑉ ᐊᖏᕐᓯᒪᖏᑕᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 44:24

ᑲᒪᒋᔭᐅᔭᕆᐊᖃᕐᑐᒥᒃ ᐃᓱᐊᖏᑦᔪᑎᒃᓴᖃᕐᑐᖃᓕᕐᐸᑦ ᐃᖅᑲᕐᑐᐃᔪᓐᓇᕐᐳᑦ, ᑲᒪᔪᒃᓴᐅᕗᓪᓗ ᐃᖅᑲᕐᑐᐃᓂᕋ ᒪᓕᒡᓗᒍ. ᐱᖁᔭᒃᑲ ᒪᓕᒃᑕᐅᖁᔭᒃᑲᓗ ᓇᓪᓕᐅᓐᓂᕐᓯᐅᕕᐅᑎᑕᒃᑲᓗ ᒪᓕᑦᓯᐊᕐᑕᒃᓴᕆᕔᑦ, ᓴᐸᑎᖁᑎᒃᑲᓗ ᐃᑦᔪᕐᓁᑎᑕᒃᓴᕆᕔᑦ.

ᕼᐊᐸᑲᐅᑉ ᐊᒡᓚᖏᑦ 1:13

ᐃᔩᒃᑭᒃ ᐃᑦᔪᕐᓁᓗᐊᕐᐴᒃ ᐱᐅᖏᑦᑐᒥᒃ ᑕᑯᓐᓇᕆᐊᒃᓴᖅ, ᐱᐅᖏᑦᑐᓕᔪᓂᒡᓗ ᑕᑯᓐᓇᕈᓐᓇᕐᓇᒃ. ᓱᖕᒪᓪᓕ ᐅᒃᐱᓂᖃᖏᑦᑐᑦ ᑕᑯᓐᓇᕐᐱᒌᑦ, ᓱᖕᒪᓪᓗ ᓂᐱᖃᓐᖏᓚᑎᑦ ᐱᐅᖏᑦᑐᓕᔪᑦ ᓵᓚᖃᓕᕐᑎᓪᓗᒋᑦ ᐃᒻᒥᖕᓂᑦ ᐃᓱᐊᕐᓂᕐᓴᐅᔪᓂᒃ?

ᕼᐊᐸᑲᐅᑉ ᐊᒡᓚᖏᑦ 1:4

ᐱᖁᔭᖅ ᐱᔪᓐᓇᕐᓂᖃᓐᖏᓚᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᑐᕐᑕᐅᔪᓐᓇᕋᓂ. ᐃᓱᐊᕐᓂᕐᒥ ᐃᓅᓯᖃᕐᑐᑦ ᐊᕙᓗᔭᐅᓯᒪᖕᒪᑕ ᐱᐅᖏᑦᑐᓕᔪᓂᑦ, ᑍᒤᒻᒪᑦ ᐋᖅᑭᒃᓱᐃᑦᓯᐊᕐᓂᐅᑉ ᐱᐅᓂᖓ ᐱᐅᔪᓐᓃᕐᑎᑕᐅᕗᖅ.”

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”

ᒫᑎᐅᓯᐅᑉ ᐊᒡᓚᖏᑦ 3:10

ᐅᓕᒪᐅᑦ ᐊᑐᐃᓐᓇᐅᓕᕐᐳᖅ ᓇᐹᕐᑐᑦ ᐊᒫᖏᑎᒍᑦ ᓇᑲᑎᕆᓂᐊᕐᑐᖅ; ᓇᐹᕐᑐᓕᒫᑦ ᐱᐅᔪᒥᒃ ᐱᕈᕐᕕᐅᖏᑦᑐᑦ ᓇᑲᑕᐅᓂᐊᕐᐳᑦ ᐃᒋᑕᐅᓗᑎᒃ ᐃᑯᒪᒧᑦ.

ᒨᓯᓯ ᑕᓪᓕᒪᖏᑦ 17:11

ᐊᑐᕐᑕᐅᖁᔭᐅᔪᒥᒃ ᖃᓄᐃᓕᐅᖁᔭᐅᑦᔪᑎᓕᒫᓪᓗ ᑍᒪᓐᓇᓪᓗᐊᖅ ᒪᓕᒡᓗᒋᑦ ᐱᓇᓱᐊᕐᑐᒃᓴᐅᕗᓯ; ᓴᖑᑎᖏᑦᓯᐊᕐᓗᒋᑦ ᑕᓕᕐᐱᒧᑦ ᓴᐅᒥᖕᒧᓪᓘᓐᓃᑦ.

ᒨᓯᓯ ᑕᓪᓕᒪᖏᑦ 24:22

ᑍᒪᓐᖓᑦ ᐳᐃᒍᕐᑐᒃᓴᐅᓐᖏᓚᓯ ᓯᐊᓛᕆᔭᐅᓚᐅᕐᒥᖓᑦᓯ ᐄᑦᔨᑉᑎᒥ; ᑕᒪᓐᓇ ᐱᑦᔪᑎᒋᓪᓗᒍ ᑕᒪᑐᒥᖓ ᐱᖁᔭᒥᒃ ᑐᓂᓯᕕᒋᕙᑦᓯ.”