ᒨᓯᓯ ᑕᓪᓕᒪᖏᑦ 24:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᖃᐅᑕᒫᓪᓕ ᓯᕿᓂᖅ ᓂᐱᓚᐅᕐᑎᓐᓇᒍ ᐊᑭᓕᖃᑦᑕᕐᑕᒃᓴᕆᕙᓯ ᐅᓪᓗᒥ ᐱᓇᓱᐊᕐᓂᖓᓄᑦ ᐊᑭᓕᐅᑎᐅᔪᓂᒃ ᐱᔭᕆᐊᖃᕐᒪᒋᑦ, ᓯᕿᓂᖅ ᓂᐱᓚᐅᖏᓐᓂᖓᓂ; ᑮᓇᐅᔭᕐᑖᕆᐊᖃᕐᒪᑦ ᐊᒃᓱᕈᕐᓗᓂᓗ ᐱᓇᓱᐊᕐᒪᑦ ᓂᕆᐅᒃᓱᓂᓗ. ᐊᑭᓕᓐᖏᑐᐊᕈᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐃᓕᑦᓯᓐᓂᒃ ᓂᓪᓕᐊᑦᔪᑎᖃᕐᓗᓂ, ᑍᒤᑉᐸᑦ ᐸᓯᔭᒃᓴᐅᓕᕋᔭᕐᐳᓯ ᐊᔪᕐᑐᓕᓗᓯᓗ ᑕᒪᑐᒧᖓ.

ᒨᓯᓯ ᑕᓪᓕᒪᖏᑦ 24:15 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 31:13

ᓇᓪᓕᐊᓐᓄᑦ ᐱᔨᓐᓄᑦ ᓈᒻᒪᒃᓴᖏᑦᑐᓄᑦ ᐅᖃᐅᑦᔭᐅᓗᖓ, ᓈᓚᓚᐅᕐᓂᖏᒃᑯᒪ ᑲᒪᒋᔪᒪᓚᐅᕐᓂᖏᒃᑯᒃᑭᓪᓗ.

ᔫᐱᐅᑉ ᐊᒡᓚᖏᑦ 31:38

ᓄᓇᒥᒃ ᐱᕈᕐᓰᕕᒋᔭᓐᓂᒃ ᑎᒡᓕᓚᐅᕐᓯᒪᓐᓂᕈᒪ, ᓄᓇᖁᑎᓖᓪᓗ ᐅᕙᓐᓂᒃ ᖁᕕᐊᓲᑎᖃᖏᓐᓂᕐᒧᑦ ᕿᐊᓕᕐᐸᑕ;

ᔫᐱᐅᑉ ᐊᒡᓚᖏᑦ 34:28

ᐊᒃᓱᔪᑦ ᐃᑲᔪᕐᑕᐅᔪᒪᓕᖁᓪᓗᒋᑦ ᑖᑦᓱᒧᖓ, ᐋᓐᓂᐊᓇᕐᑐᒦᑦᑐᑦ ᓂᓪᓕᐊᓕᕐᒪᑕ ᑕᕝᕙ ᑐᓴᓚᐅᕐᐰᑦ.

ᔫᐱᐅᑉ ᐊᒡᓚᖏᑦ 35:9

ᐃᓄᐃᑦ ᐅᖁᒤᒃᓴᕐᓂᖏᑦ ᐅᓄᕐᓯᔭᕌᖓᑕ ᓂᐹᓕᕐᐸᒃᐳᑦ; ᐊᔪᒐᖃᖏᑦᑐᒧᑦ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓕᖃᑦᑕᕐᐳᑦ.

ᔫᐱᐅᑉ ᐊᒡᓚᖏᑦ 7:2

ᓯᐊᓛᕆᔭᐅᔪᑐᑦ ᑖᓪᓕᓂᐅᑉ ᓂᒡᓚᑖᕐᓇᕐᑑᑉ ᓴᓂᐊᓃᑦᓱᒪᔪᑎᑐᑦ, ᐱᓇᓱᐊᕐᑎᑕᐅᔪᑎᑐᓪᓗ ᐊᑭᓕᕐᑕᐅᓂᐊᕐᓂᕐᒥᓂᒃ ᐅᑕᖅᑭᔪᑎᑐᑦ,

ᐃᓐᖏᕈᑎᑦ 24:4

ᑖᓐᓇ ᓴᓗᒪᔪᓂᒃ ᐊᒡᒐᖃᕐᑐᖅ, ᓴᓗᒪᑦᓯᐊᕐᑐᒥᒡᓗ ᐆᒻᒪᑎᖃᕐᑐᖅ; ᑕᕐᓂᕐᒥᓂᒡᓗ ᖁᕝᕙᕐᑎᑦᓯᖏᑦᑐᖅ ᐱᐅᔪᕆᓂᕐᒧᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᖏᑦᑐᖅ.

ᐃᓐᖏᕈᑎᑦ 25:1

ᐃᓕᖕᓄᑦ ᐊᑕᓃᖅ, ᑕᕐᓂᕋ ᖁᒻᒧᐊᒃᑎᑉᐸᕋ;

ᐃᓐᖏᕈᑎᑦ 86:4

ᐱᔨᕕᑦ ᑕᕐᓂᖓ ᖁᕕᐊᓱᓕᕐᑎᓚᐅᕈᒃ, ᐊᑕᓃᖅ, ᑕᕐᓂᓐᓂᒃ ᐂᑦᑐᐃᕕᒋᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᔨᕆᒤᐊᐅᑉ ᐊᒡᓚᖏᑦ 22:13

“ᑲᑉᐱᐊᓇᕐᑐᒦᑉᐳᖅ ᐃᓱᐊᕐᑐᓕᓂᒃᑰᖏᑦᑐᖅ ᐊᖓᔪᖅᑲᐅᕕᒃᑖᕐᑐᖅ, ᓈᒻᒪᓈᕐᓯᒪᑦᓯᐊᕐᓂᕐᓗ ᐊᑐᕐᓇᒍ, ᐃᒡᓗᓕᐅᕐᑐᕐᓗ ᖁᓕᕇᒥᒃ ᐃᒡᓗᕈᓯᖃᐅᕐᑐᒥᒃ; ᐃᓅᖃᑎᒥᓂᒃ ᓴᓇᑎᑦᓯᓯᒪᔪᖅ ᐊᑭᖃᖏᑦᑐᒥᒃ, ᐊᑭᓖᓚᐅᕋᓂᓗ ᓴᓇᑎᑕᒥᓂᒃ;

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒨᓯᓯ ᐱᖓᔪᖏᑦ 25:35

“ᐃᓴᕆᐊᓕᒥᐅᖑᖃᑎᓯ ᐊᔪᕐᓴᓕᕐᐸᑦ ᐃᓅᑦᔪᑎᒃᓴᒥᓂᒡᓗ ᓇᖕᒥᓂᖅ ᐊᔪᓕᕐᓗᓂ, ᐃᑲᔪᕆᐊᖃᕐᐸᓯ ᓲᕐᓗ ᓂᐅᕐᕈᐊᑎᑐᑦ ᐃᖅᑲᓁᔭᕐᑎᑐᓪᓘᓐᓃᑦ ᑲᒪᒋᑎᒋᓗᒍ, ᓄᓇᑦᓯᓐᓂ ᐃᓂᖃᓯᐊᑦᓮᓐᓇᖁᓪᓗᒍ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 20:8

“ᐅᓐᓄᖕᒪᑦ ᐱᕈᕐᓰᕕᖁᑎᓕᒃ ᐱᓇᓱᐊᕐᑎᓄᑦ ᐊᖓᔪᖅᑲᐅᑎᑕᒥᓄᑦ ᐅᖃᕐᐳᖅ, ‘ᐱᓇᓱᐊᕐᑏᑦ ᕾᖁᓗᒋᑦ ᐊᑭᓕᓕᒃᑭᑦ ᐊᑭᓕᐅᑕᐅᓲᒥᒃ, ᑭᖑᓪᓕᕐᐸᐅᓪᓗᑎᒃ ᐱᓇᓱᐊᓯᒋᐊᖅᑲᐅᔪᓂᑦ ᐱᒋᐊᖅᑳᕐᓗᑎᑦ ᓯᕗᓪᓕᕐᐸᐅᖅᑲᐅᔪᓄᑦ ᑎᑭᓪᓗᒋᑦ.’

ᒫᑯᓯᐅᑉ ᐊᒡᓚᖏᑦ 10:19

ᐱᖁᔭᓂᒃ ᖃᐅᔨᒪᕗᑎᑦ: ‘ᐃᓄᐊᕐᑐᒃᓴᐅᓐᖏᓚᑎᑦ, ᓄᓕᐊᕆᔭᕐᓂᒃ ᐅᐃᒋᔭᕐᓂᒃᓘᓐᓃᑦ ᐊᓯᓐᓂᐊᕐᑐᒃᓴᐅᓐᖏᓚᑎᑦ, ᑎᒡᓕᒃᑐᒃᓴᐅᓐᖏᓚᑎᑦ, ᐸᓯᔭᒃᓴᕈᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ ᓱᓕᖏᑦᑐᒧᑦ, ᐅᐃᕖᕐᕆᒃᓯᔪᒃᓴᐅᓐᖏᓚᑎᑦ, ᐊᑖᑕᖕᓂᒃ ᐊᓈᓇᖕᓂᒃᓗ ᐅᐱᒍᓱᑦᓯᐊᕐᑐᒃᓴᐅᕗᑎᑦ.’”

ᒨᓯᓯ ᑕᓪᓕᒪᖏᑦ 15:9

ᐅᑦᔨᕐᑐᑦᓯᐊᕆᑦᓯ, ᐱᐅᖏᑦᑐᒥᒃ ᐆᒻᒪᑎᑦᓯᓐᓂ ᐃᓱᒪᖁᓇᓯ, ᐅᖃᕐᓗᓯ, ‘ᐊᕐᕌᒍᑦ 7ᖓ, ᐊᑭᓕᒃᓴᓂᒃ ᓴᒃᑯᐃᕕᒃ ᖃᓂᓗᐊᓕᕐᒪᑦ,’ ᓈᒻᒪᒋᖏᓪᓗᒍᓗ ᖃᑕᓐᖑᑏᑦ ᑕᑯᓐᓇᕐᓗᒍ, ᑐᓂᓯᕕᒋᖏᒃᑯᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐱᑦᔪᑎᒋᓗᑎᑦ, ᑕᕝᕙ ᐊᔪᕐᑐᓕᓯᒪᓕᕋᔭᕐᐳᑎᑦ.

ᑎᒧᑎᒧᑦ ᓯᕗᓪᓖᑦ 5:18

ᒎᑎᐅᑉ ᐅᖃᐅᓯᖏᑦ ᐅᖃᕐᒪᑕ, “ᐃᒻᒧᒃᓯᐅᒐᕐᒥᒃ ᐃᑦᔭᕈᓯᕐᓯᓂᐊᕐᓇᒃ ᓂᐊᖂᔭᒃᓴᓂᒃ ᑐᓪᓕᕋᕐᑎᑕᐅᔪᒥᒃ,” ᐊᒻᒪᓗ, “ᐱᓇᓱᐊᕐᑐᖅ ᐊᑭᓕᕐᑕᐅᔭᕆᐊᖃᕐᒪᑦ.”

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.