ᒨᓯᓯ ᑕᓪᓕᒪᖏᑦ 24:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ “ᑎᓕᓯᒪᔭᕐᓂᒃ ᐱᔨᒥᒃ ᐊᔪᕐᓴᕐᑐᒥᒃ ᐃᑲᔪᕐᑕᐅᔭᕆᐊᖃᕐᑐᒥᒡᓗ ᓴᒡᓗᕿᑦᓯᓗᑎᑦ ᐱᔮᕆᔪᒃᓴᐅᓐᖏᓚᑎᑦ, ᐃᓴᕆᐊᓕᒥᐅᖑᖃᑎᒋᒍᕕᐅᒃ ᐅᕝᕙᓗ ᓄᓇᖃᑎᑐᖃᕆᖏᒃᑲᓗᐊᕈᕕᐅᒃ ᐃᒡᓗᒐᓴᒡᔪᐊᑦᓯᓐᓂ ᓇᓪᓕᐊᓐᓂ ᓄᓇᖃᖃᑕᐅᒃᐸᑦ.

ᒨᓯᓯ ᑕᓪᓕᒪᖏᑦ 24:14 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:16

ᐊᒃᓱᔪᓂᒃ ᐅᖁᒤᑦᑐᒦᑎᑦᓯᔪᖅ ᐊᒃᓱᐃᓕᕈᒪᓗᓂ, ᐊᒃᓱᐃᑦᑐᓄᓪᓗ ᑐᓂᓯᖃᑦᑕᕐᑐᖅ, ᐊᔪᕐᓴᕐᓇᕐᑐᒧᑦ ᑎᑭᓐᓂᐊᕐᐴᒃ.

ᐃᓯᑭᐊᓕᐅᑉ ᐊᒡᓚᖏᑦ 22:7

ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐅᐱᒍᓱᒃᑐᖃᓐᖏᓚᑦ ᓄᓇᑦᓯᓐᓂ; ᓄᓇᓕᑐᖃᐅᖏᑦᑐᑦ ᓯᓔᕐᕆᔭᐅᓪᓗᑎᒃ ᑎᒡᓕᒐᕐᕕᐅᕗᑦ ᑮᓇᐅᔭᓂᒃ; ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᓖᔭᕆᔭᐅᖃᑦᑕᕐᐳᑦ ᓄᓇᑦᓯᓐᓂ.

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᐂᒨᓯᐅᑉ ᐊᒡᓚᖏᑦ 2:7

ᑐᓪᓕᕋᕐᒪᑕ ᐊᔪᕐᓴᕐᑐᑦ ᓂᐊᖁᖏᓐᓂᒃ ᒪᓂᖅᑲᒥᒃ ᑐᓪᓕᕋᕐᑐᑎᑐᑦ, ᓵᓚᐅᓯᒪᔪᓪᓗ ᐱᑦᓯᐊᕐᓇᒋᑦ ᐊᒡᕖᕐᑎᓚᐅᕐᒪᒋᑦ; ᐊᑖᑕᒌᓪᓗ ᐊᕐᓇᒥᒃ ᑖᑦᓱᒥᖓᑦᓮᓐᓇᖅ ᐱᖃᑎᖃᖃᑦᑕᓚᐅᕐᒪᑕ, ᑕᒪᑐᒧᖓ ᐊᑎᕋ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᕐᑕᐅᕗᖅ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᐂᒨᓯᐅᑉ ᐊᒡᓚᖏᑦ 8:4

ᑐᓴᕐᓯᐅᒃ ᐃᓕᑦᓯ ᓱᒃᑯᔨᐊᖃᕐᑐᓯ ᐊᔪᕐᓴᕐᑐᓂᒃ, ᓄᓇᖁᑎᑦᓯᓐᓂᓗ ᐊᒃᓗᔪᓂᒃ ᐊᔪᓕᕐᑎᑦᓯᔪᓯ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᓘᑲᓯᐅᑉ ᐊᒡᓚᖏᑦ 10:7

ᐃᒡᓗᒥᑦ ᑕᕝᕙᓐᖓᑦ ᓅᓐᓂᐊᕋᓯ, ᓂᕆᕙᒡᓗᓯ ᐃᒥᕐᐸᒡᓗᓯᓗ ᒪᓂᔭᐅᔪᓂᒃ ᐃᓕᑦᓯᓐᓄᑦ, ᐱᓇᓱᐊᕐᑐᖅ ᐊᑭᓕᕐᑕᐅᔭᕆᐊᖃᕐᒪᑦ; ᓯᓂᒃᑕᕐᕕᒋᔭᑦᓯ ᐊᓯᐊᓄᑦ ᓄᒃᑎᕐᓂᐊᕋᓯ.

ᒨᓯᓯ ᑕᓪᓕᒪᖏᑦ 15:7

“ᓄᓇᓖᓪᓕ ᓇᓪᓕᐊᓐᓂᑐᐃᓐᓇᖅ ᓄᓇᒥ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᐃᓴᕆᐊᓕᒥᐅᖑᖃᑎᑦᓯᓐᓂᒃ ᐊᔪᕐᓴᕐᑐᖃᕐᐸᑦ, ᐃᒻᒥᓂᒃ ᑭᓯᐊᓂ ᐃᓱᒪᒋᓂᕐᒧᑦ ᐃᑲᔪᕐᑍᓕᒪᔪᒃᓴᐅᓐᖏᓚᑎᑦ.

ᑎᒧᑎᒧᑦ ᓯᕗᓪᓖᑦ 5:18

ᒎᑎᐅᑉ ᐅᖃᐅᓯᖏᑦ ᐅᖃᕐᒪᑕ, “ᐃᒻᒧᒃᓯᐅᒐᕐᒥᒃ ᐃᑦᔭᕈᓯᕐᓯᓂᐊᕐᓇᒃ ᓂᐊᖂᔭᒃᓴᓂᒃ ᑐᓪᓕᕋᕐᑎᑕᐅᔪᒥᒃ,” ᐊᒻᒪᓗ, “ᐱᓇᓱᐊᕐᑐᖅ ᐊᑭᓕᕐᑕᐅᔭᕆᐊᖃᕐᒪᑦ.”