ᒨᓯᓯ ᑕᓪᓕᒪᖏᑦ 23:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᐄᑐᒥᒥᐅᓪᓕ ᓇᕐᕈᒋᔭᒃᓴᕆᓐᖏᓚᓯ ᑖᒃᑯᐊ ᐃᓚᑦᓯᓐᓂᑦ ᐱᓯᒪᖕᒪᑕ; ᐄᑦᔨᑉᑎᒥᐅᓪᓗᑦᑕᐅᖅ ᓇᕐᕈᒋᔭᒃᓴᕆᖏᓐᓂᕙᓯ, ᑖᒃᑯᐊ ᓄᓇᖏᓐᓂ ᓄᓇᖃᓚᐅᕐᓯᒪᒐᑦᓯ.

ᒨᓯᓯ ᑕᓪᓕᒪᖏᑦ 23:7 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 25:30

ᐄᓴᓗ ᔧᑯᒧᑦ ᐅᖃᕐᐳᖅ, “ᑳᒃᑐᐊᓘᒐᒪ; ᑕᕝᕙᓐᖓᑦ ᐊᐅᐸᕐᑐᒥᑦ ᓂᕆᑎᓚᐅᓐᖓ.” (ᑍᒤᒻᒪᑦ ᐄᓴ ᐊᑎᖃᕐᑎᑕᐅᓕᓚᐅᕐᐳᖅ ᐄᑐᒥᒥᒃ.)

ᒨᓯᓯ ᓯᕗᓪᓖᑦ 46:7

ᐃᕐᓂᖏᑦ, ᐃᕐᖑᑕᖏᓪᓗ ᐊᖑᑎᑦ ᐸᓂᖏᓪᓗ ᐃᕐᖑᑕᖏᓪᓗ ᐊᕐᓁᑦ; ᑭᖑᕚᓕᒫᓂ ᑕᒪᕐᒥᒃ ᐃᓚᒋᓪᓗᒋᑦ ᐄᑦᔨᑉᑎᒧᐊᓚᐅᕐᐳᖅ.

ᒨᓯᓯ ᓯᕗᓪᓖᑦ 47:12

ᔫᓯᐱᐅᓪᓗ ᐊᑖᑕᓂ ᑲᒪᒋᓚᐅᕐᐹ, ᖃᑕᓐᖑᑎᓂᓗ ᐊᑖᑕᖓᑕᓗ ᐃᒡᓗᒥᐅᖃᑎᖏᑦ ᑕᒪᕐᒥᒃ ᓂᕿᒃᓴᖃᕐᑎᓪᓗᒋᑦ, ᑭᖑᕚᖏᑕ ᐅᓄᕐᓂᖏᑦ ᒪᓕᒡᓗᒋᑦ.

ᒨᓯᓯ ᓯᕗᓪᓖᑦ 47:27

ᑕᕝᕙ ᐃᓴᕆᐊᓕ ᓄᓇᖃᓚᐅᕐᐳᖅ ᐄᑦᔨᑉᑎᐅᑉ ᓄᓇᖓᓂ, ᓄᓇᒥ ᒎᓯᓂᒥ; ᑖᓐᓇᓗ ᓄᓇᒋᔭᖓᑦ ᐊᖏᒡᓕᕙᓪᓕᐊᓚᐅᕐᐳᖅ, ᐊᔪᕐᓴᖏᑦᑐᕐᔪᐊᖑᓕᕐᓗᑎᒃ ᐃᓄᒋᐊᒃᓯᕙᓪᓕᐊᓪᓗᑎᒡᓗ ᓱᒃᑲᔪᒥᒃ.

ᒨᓯᓯ ᓯᕗᓪᓖᑦ 47:6

ᑕᕝᕙ ᐄᑦᔨᑉᑎᐅᑉ ᓄᓇᖓ ᐃᓕᖕᓄᑦ ᒪᓂᕗᖅ; ᐊᑖᑍᑦ ᐊᖓᔪᑎᓪᓗ ᓄᓇᑖᕐᑎᓚᐅᒃᑭᑦ ᓄᓇᐅᑉ ᐱᐅᓂᕐᐹᖓᓂ; ᓄᓇᒥ ᒎᓯᓂᒥ ᓄᓇᑖᕐᑎᓚᐅᒃᑭᑦ; ᖃᐅᔨᒪᔭᖃᕈᕕᓪᓗ ᑖᒃᑯᓇᓂ ᐱᔪᓐᓇᑦᓯᐊᕐᑐᓂᒃ, ᐆᒪᔪᖁᑎᓐᓄᑦ ᑲᒪᔨᐅᔪᓄᑦ ᐊᖓᔪᖅᑳᓐᖑᕐᑎᑦᓯᓂᐊᕐᐳᑎᑦ.”

ᐊᑕᓃᑦ ᓯᕗᓪᓖᑦ 11:25

ᑖᓐᓇ ᐃᓴᕆᐊᓕᓄᑦ ᐊᑭᕋᕆᔭᐅᓚᐅᕐᐳᖅ ᓲᓗᒨᓂᐅᑉ ᐃᓅᓂᓕᒫᖓᓂ, ᐅᐃᒪᓵᕆᓂᕐᓂᒃ ᐱᓂᐊᕐᓂᖃᕐᓗᓂ ᕼᐊᑖᑉ ᐱᓇᓱᐊᓚᐅᕐᓂᖓᑐᑦ; ᐃᓴᕆᐊᓕᒥᐅᑦ ᐊᑭᕋᕆᓚᐅᕐᐰᑦ, ᓯᕆᐊᒥ ᐊᖓᔪᖅᑳᕐᔪᐊᖑᓪᓗᓂ.

ᐄᓱᕋᐅᑉ ᐊᒡᓚᖏᑦ 9:12

ᐅᖃᐅᑦᔭᐅᓚᐅᕐᐳᒍᑦ ᐂᑉᐸᕐᑖᓚᐅᕐᓯᒪᖁᔭᐅᓇᑕ ᕿᑐᕐᖓᕗᓪᓗ ᑖᒃᑯᓇᖓ ᐃᓄᖕᓂᑦ, ᐊᒻᒪᓗ ᑖᒃᑯᓂᖓ ᐂᑉᐸᕐᑖᕐᑎᑦᓯᖁᔭᐅᓇᑕ ᕿᑐᕐᖓᑦᑎᓐᓂᒡᓗ; ᐃᓅᖃᑎᒋᓇᓱᐊᕐᑕᐅᖁᓇᒋᓪᓗ ᐱᕙᓪᓕᕐᑎᑕᐅᖁᓇᒋᓪᓗ, ᓲᖑᔫᔪᓐᓇᖁᓪᓗᑕ ᓄᓇᐅᑉ ᐱᐅᓂᖓ ᓂᕿᖏᓪᓗ ᓂᕿᒋᑦᓯᐊᕐᓗᒋᑦ ᐱᔪᓐᓇᖁᓪᓗᑕ, ᑭᖑᕚᑦᑎᓐᓄᓪᓗ ᑭᖑᕐᖑᑎᔭᐅᖁᑐᐊᕈᑦᑎᒍ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 105:23

ᑕᕝᕙ ᔧᑯ ᐄᑦᔨᑉᑎᒧᐊᓚᐅᕆᕗᖅ; ᓄᓇᑖᕐᓗᓂᓗ ᕼᐋᒥᐅᑉ ᓄᓇᖓᓂ.

ᒨᓯᓯ ᐂᑉᐸᖏᑦ 22:21

“ᓂᐅᕐᕈᐊᒥᒃ ᐱᑦᓯᐊᖏᑦᑐᒃᓴᐅᓐᖏᓚᓯ ᐅᑯᒤᒃᓴᕐᑎᑦᓯᓇᓯᓗ; ᐃᓕᑦᓯᑦᑕᐅᖅ ᓂᐅᕐᕈᐊᖑᓚᐅᕐᒥᒐᑦᓯ ᐄᑦᔨᑉᑎᒥ.

ᒨᓯᓯ ᐂᑉᐸᖏᑦ 23:9

“ᓄᓇᒋᓐᖏᑕᒥᓃᑦᑐᒥᒃ ᐅᖁᒤᒃᓴᕐᑎᑦᓯᔪᒃᓴᐅᓐᖏᓚᓯ; ᐃᒃᐱᒋᔭᖓᓂᒃ ᖃᐅᔨᒪᒐᑦᓯ, ᓄᓇᒋᓐᖏᑕᑦᓯᓐᓃᓚᐅᕐᒥᒐᑦᓯ ᓄᓇᒥ ᐄᑦᔨᑉᑎᒥ.”

ᒨᓯᓯ ᐱᖓᔪᖏᑦ 19:34

ᐃᓴᕆᐊᓕᒥᐅᖑᖏᑦᑐᑦ ᓄᓇᑦᓯᓐᓂ ᓄᓇᖃᕐᐸᑕ, ᐃᓴᕆᐊᓕᒥᐅᖑᖃᑎᑦᓯᑐᑦ ᐱᔭᐅᔭᕆᐊᖃᕐᐳᑦ, ᓇᒡᓕᒋᓗᒋᑦ ᐃᓕᑦᓯᑐᑦ ᐃᓕᑦᓯᑦᑕᐅᖅ ᓄᓇᒋᓐᖏᑕᑦᓯᓐᓃᓚᐅᕋᑦᓯ ᐄᑦᔨᑉᑎᒥ; ᐅᕙᖓ ᐊᑕᓂᐅᒐᒪ ᒎᑎᓯ.

ᒪᓚᑬᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᓇᒡᓕᒋᓚᐅᕐᐸᑦᓯ.” ᐅᖃᕐᐳᓯᓕ, “ᖃᓄᐃᓕᐅᕐᓗᑎᑦ ᓇᒡᓕᒋᕕᒋᑎᒍᑦ?” ᐊᑕᓂᖅ ᐅᖃᕐᐳᖅ, “ᐄᓴ ᔧᑰᑉ ᖃᑕᓐᖑᑎᒋᓚᐅᓐᖏᓛ? ᔧᑯᓕ ᓇᒡᓕᒋᓚᐅᕐᐸᕋ.

ᒨᓯᓯ ᓯᑕᒪᖏᑦ 20:14

ᒨᓯᓯᓗ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᓄᓇᒥᑦ ᑲᑎᓯᒥᑦ ᐄᑐᒥᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᒫᒃ, “ᐃᓴᕆᐊᓕᒥᐅᑦ ᖃᑕᓐᖑᑎᑎᑦ ᐃᒫᒃ ᐅᖃᕐᐳᑦ: ‘ᖃᐅᔨᒪᕗᓯ ᐅᖁᒤᑦᑐᑎᒍᑦ ᐊᑐᕐᓯᒪᒐᑦᑕ,

ᒨᓯᓯ ᑕᓪᓕᒪᖏᑦ 10:19

ᑍᒤᒻᒪᑦ, ᓄᓇᖃᕐᑐᑐᖃᐅᖏᑦᑐᓂᒃ ᓄᓇᑦᓯᓐᓃᑦᑐᓂᒃ ᓇᒡᓕᒍᓱᒃᑐᒃᓴᐅᕗᓯ, ᐃᓕᑦᓯᑦᑕᐅᖅ ᓄᓇᑐᖃᕆᓐᖏᑕᑦᓯᓐᓃᓚᐅᕋᑦᓯ ᐄᑦᔨᑉᑎᒥ.

ᒨᓯᓯ ᑕᓪᓕᒪᖏᑦ 23:8

ᑖᒃᑯᐊ ᑭᖑᕚᖏᑕ ᐱᖓᔪᖏᓐᓂᑦ ᐃᕐᓂᐊᖑᓯᒪᔪᑦ ᐱᒋᐊᕐᓗᑎᒃ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᐅᓕᕈᓐᓇᕐᐳᑦ.”