ᒨᓯᓯ ᑕᓪᓕᒪᖏᑦ 22:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᕝᕙ ᑖᒃᑯᓇᓐᖓᑦ ᑕᕝᕙᓐᖓᑦ ᐊᓐᓂᓯᔭᐅᓗᓂ ᐊᑖᑕᖓᑕ ᐃᒡᓗᖓᑕ ᐃᑎᕐᑕᕐᕕᖓᓄᐊᕈᑦᔭᐅᔪᒃᓴᐅᕗᖅ, ᑖᑦᓱᒪᓗ ᐊᕐᓇᐅᑉ ᓄᓇᖓᑕ ᐃᒡᓗᒐᓴᒡᔪᐊᕐᒥᐅᑦ ᐊᖑᑎᖏᑕ ᒥᓪᓗᕐᓗᒍ ᑐᖁᑕᒃᓴᕆᕚᑦ, ᑖᓐᓇ ᐊᕐᓇᖅ ᑲᓐᖑᓇᕐᑐᒥᒃ ᐃᓴᕆᐊᓕᒥᐅᓄᑦ ᑎᑭᑎᑦᓯᖕᒪᑦ ᐃᓐᓇᖓᖃᑎᖃᕐᓯᒪᓂᕐᒥᓄᑦ ᐅᐃᓂᓚᐅᖅᑳᕋᓂ, ᓱᓕ ᐊᑖᑕᖓᑕ ᐃᒡᓗᖓᓂ ᐊᖏᕐᕋᖃᕐᑎᓪᓗᒍ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 22:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 34:7

ᔧᑰᓪᓕ ᐃᕐᓂᖏᑦ ᐱᕈᕐᓰᕕᖕᒥᓐᖔᕐᓗᑎᒃ ᑕᕝᕗᓐᖓᕋᒥᒃ ᑕᒪᑐᒥᖓᓗ ᑐᓴᓕᕋᒥᒃ; ᐃᓗᐃᓪᓕᕐᐳᑦ ᓂᓐᖓᒻᒪᕆᒃᓗᑎᒡᓗ, ᓯᑭᒥ ᑍᒤᓕᐅᕐᓯᒪᖕᒪᑦ ᓈᒻᒪᖏᑦᑐᒥᒃ ᐃᓴᕆᐊᓕᒥᐅᓂᒡᓗ ᒥᑕᐅᑎᖃᕐᓗᓂ ᔧᑰᑉ ᐸᓂᖓᓂᒃ ᐃᓐᓇᖓᖃᑎᖃᕐᓂᕐᒥᓄᑦ, ᑍᒤᓕᐅᕐᑐᖃᕆᐊᖃᕐᑎᓐᓇᒍ.

ᒨᓯᓯ ᓯᕗᓪᓖᑦ 38:24

ᑕᖅᑮᓪᓕ ᐱᖓᓱᐸᓗᐃᑦ ᓈᓯᒪᓕᕐᑎᓪᓗᒋᑦ ᔫᑕ ᐅᖃᐅᑦᔭᐅᕗᖅ, “ᑕᒫᕆ ᐅᑯᐊᑦ ᐊᖑᓐᓂᐊᕐᑎᐅᓐᖑᐊᕐᑐᕕᓂᐅᕗᖅ; ᓄᑕᕋᒃᓴᕐᑖᕐᑐᕕᓂᐅᓪᓗᓂᓗ ᐊᖑᓐᓂᐊᕐᓂᒃᑯᑦ.” ᑕᕝᕙ ᔫᑕ ᐅᖃᕐᐳᖅ, “ᕾᑎᑕᐅᓗᓂ, ᐃᑯᐊᓪᓚᒃᑎᑕᐅᓕ.”

ᒨᓯᓯ ᐱᖓᔪᖏᑦ 19:29

“ᐸᓂᓯ ᓇᕐᕈᓇᕐᓯᑎᓐᓂᐊᕐᓇᒋᑦ ᒎᑎᓐᖑᐊᖃᕐᕕᖕᒥ ᓄᓕᐊᒐᓐᖑᕐᑎᓪᓗᒋᑦ; ᑍᒤᓕᐅᕈᑦᓯ ᓄᓇ ᓄᓕᐊᒐᕐᓂᒃ ᓂᐅᕕᐊᒃᓴᓂᒃ ᐃᓄᖃᓕᕐᓂᐊᕐᒪᑦ ᐱᐅᖏᑦᑐᓕᓂᐊᓗᖕᒥᒡᓗ ᑕᑕᓕᕐᓗᓂ.

ᒨᓯᓯ ᐱᖓᔪᖏᑦ 20:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.

ᒨᓯᓯ ᐱᖓᔪᖏᑦ 21:9

ᑐᓂᕐᕈᓯᕐᑎᑦᓯᔨᐅᑉ ᐸᓂᖓ ᐃᒻᒥᓂᒃ ᓇᕐᕈᓇᕐᓯᑎᑉᐸᑦ ᓂᐅᕕᐊᖑᓗᓂ ᓄᓕᐊᒐᐅᓕᕐᐸᑦ, ᐊᑖᑕᓂ ᑕᕝᕙ ᐅᐱᓐᓇᕈᓐᓃᕐᑎᑉᐹ; ᑖᓐᓇ ᐃᑯᐊᓪᓚᒃᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 24:16

ᓇᓪᓕᐊᑦ ᐊᑕᓂᐅᑉ ᐊᑎᖓᓂᒃ ᐅᖃᕐᓂᕐᓘᑎᖃᕐᑐᖅ ᑐᖁᑕᒃᓴᐅᕗᖅ ᓄᓇᖃᑎᒌᓪᓗ ᐅᔭᖅᑲᓄᑦ ᒥᓪᓗᕐᑕᒃᓴᕆᕚᑦ. ᐃᓴᕆᐊᓕᒥᐅᖑᒃᐸᓪᓘᓐᓃᑦ ᐃᓴᕆᐊᓕᒥᐅᖑᖏᑉᐸᓪᓘᓐᓃᑦ, ᐊᑕᓂᐅᑉ ᐊᑎᖓᓂᒃ ᐅᖃᕐᓂᕐᓘᑎᖃᕐᐸᑦ ᑐᖁᑕᒃᓴᐅᕗᖅ.

ᒨᓯᓯ ᐱᖓᔪᖏᑦ 24:23

ᒨᓯᓯ ᑕᒪᑐᒥᖓ ᐅᖃᐅᓯᖃᓚᐅᕐᑎᓪᓗᒍ ᐃᓴᕆᐊᓕᒥᐅᓄᑦ, ᑍᓐᓇ ᒎᑎᒥᒃ ᐅᖃᕐᓂᕐᓘᑎᖃᕐᓯᒪᔪᖅ ᓄᓇᓕᖕᓂᑦ ᐊᓂᑎᓚᐅᕐᐹᑦ, ᐅᔭᖅᑲᓄᓪᓗ ᒥᓪᓗᕐᓗᒍ ᑐᖁᑉᐹᑦ. ᑍᒫᒃ ᐃᓴᕆᐊᓕᒥᐅᑦ ᐊᑕᓂᐅᑉ ᐱᖁᔭᖓᓂᒃ ᐊᑑᑎᑦᓯᐊᓚᐅᕐᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:13

ᐊᒡᓔᑦ ᐅᖃᕐᒪᑕ, “ᐃᓄᒃ ᐊᔪᕐᑐᓕᔪᖅ ᐃᓚᒌᖕᓂᑦᓯᓐᓂᑦ ᐊᓂᑎᓯᐅᒃ.”

ᒨᓯᓯ ᑕᓪᓕᒪᖏᑦ 13:10

ᐅᔭᖅᑲᓄᑦ ᒥᓪᓗᕐᑕᒃᓴᕆᕙᓯ ᑐᖁᓪᓗᒍ, ᑖᑦᓱᒪ ᓴᖑᑎᓐᓇᓱᐊᓚᐅᕐᒪᓯ ᐊᑕᓂᕐᒥᑦ ᒎᑎᑦᓯᓐᓂᑦ, ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᒥᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᕿᓚᒃᓱᕐᑕᐅᓯᒪᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 17:5

ᑕᕝᕙ ᐃᓅᒃ ᐊᖑᓪᓘᓐᓃᑦ ᐊᕐᓇᕐᓘᓐᓃᑦ ᓄᓇᓖᑦ ᓯᓚᑖᓄᐊᕈᑎᓗᒍ ᒥᓪᓗᕐᑕᐅᓗᓂ ᑐᖁᑕᐅᔪᒃᓴᐅᕗᖅ.

ᒨᓯᓯ ᑕᓪᓕᒪᖏᑦ 17:7

ᖃᐅᔨᓯᒪᔪᓪᓕ ᓯᕗᓪᓕᕐᐸᐅᓗᑎᒃ ᒥᓗᕆᐊᖅᑳᕐᑐᒃᓴᐅᕗᑦ ᐅᔭᖅᑲᓄᑦ ᑐᖁᖁᓪᓗᒍ, ᑕᕝᕙ ᑭᖑᓂᖓᒍᑦ ᐃᓄᓕᒫᑦ ᒥᓪᓗᓕᕋᔭᕐᐳᑦ ᑖᑦᓱᒥᖓ; ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᑍᒤᑦᑐᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 19:19

ᑕᕝᕙ ᓱᒋᐊᕐᑕᐅᔪᒃᓴᐅᕗᖅ ᑖᑦᓱᒪ ᐸᓯᔭᒃᓴᐅᓂᕋᕐᑕᐅᔫᑉ ᓱᒋᐊᕐᑕᐅᑦᔪᑎᒋᒐᔭᓐᖑᐊᓚᐅᕐᑕᖓᓂᒃ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 21:21

ᑕᕝᕙ ᐊᖑᑎᓕᒫᑦ ᐃᒡᓗᒐᓴᒡᔪᐊᓃᑦᑐᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ; ᑍᒫᒃ ᑕᕝᕙ ᐱᐅᖏᑦᑐᓕᓂᖅ ᐲᕋᔭᕐᐸᓯ ᐊᑯᓐᓇᑦᓯᓐᓂᑦ. ᐃᓴᕆᐊᓕᒥᐅᓕᒫᑦ ᖃᓄᐃᑦᑐᖃᕐᓂᕕᓂᖓᓂᒃ ᑐᓴᕋᔭᕐᐳᑦ, ᓯᕘᕋᓕᕐᓗᑎᒡᓗ.”

ᒨᓯᓯ ᑕᓪᓕᒪᖏᑦ 22:22

“ᐊᖑᓪᓕ ᐊᖑᔭᐅᒃᐸᑦ ᓄᓕᐊᕆᔭᐅᔪᒥᒃ ᐃᓐᓇᖓᖃᑎᖃᕐᑎᓪᓗᒍ, ᑖᒃᑯᐊᒃ ᑕᕝᕙ ᑕᒪᕐᒥᒃ ᑐᖁᑕᐅᔪᒃᓴᐅᕘᒃ, ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᐃᓴᕆᐊᓕᒥᐅᓂ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 22:24

ᑕᕝᕙ ᑖᒃᑯᐊᒃ ᓄᓇᓖᑦ ᓯᓚᑖᓄᐊᕈᑎᓗᒋᒃ ᒥᓪᓗᕐᑕᐅᓗᑎᒃ ᑐᖁᑕᐅᔪᒃᓴᐅᕘᒃ. ᐊᕐᓇᖅ ᑐᖁᑕᐅᔭᕆᐊᖃᕐᐳᖅ ᐃᑲᔪᕐᑕᐅᔪᒪᓗᓂ ᓂᓪᓕᐊᓚᐅᖏᓐᓂᖓ ᐱᓪᓗᒍ, ᑕᕝᕙᓂ ᓄᓇᓕᖕᓃᒃᑲᓗᐊᕐᓗᓂ, ᓂᓪᓕᑐᐊᕐᐸᑦ ᑐᓴᕐᑕᐅᔪᓐᓇᕋᔭᓚᐅᕋᓗᐊᕐᒪᑦ. ᐊᖑᑦᑕᐅᖅ ᑐᖁᑕᐅᔭᕆᐊᖃᕆᕗᖅ ᐊᕐᓇᒥᒃ ᐃᓐᓇᖓᖃᑎᖃᕐᒪᑦ ᐊᓯᐊᓄᑦ ᓄᓕᐊᒃᓴᕆᔭᐅᔪᒥᒃ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᐃᓗᐊᕐᓮᔩᑦ ᐊᒡᓚᖏᑦ 19:23

ᑖᓐᓇᓕ ᐊᖑᑦ ᐃᑦᑐᖅ ᐃᒡᓗᖃᕐᑐᖅ ᐊᓂᕗᖅ ᐅᖃᐅᑎᓪᓗᒋᓪᓗ, “ᑍᒤᓕᐅᕋᓯ, ᖃᑕᓐᖑᑎᒃᑳ! ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕋᓯ, ᑖᓐᓇ ᐊᖑᑦ ᐃᒡᓗᒥᐅᑕᕆᒐᒃᑯ.

ᐃᓗᐊᕐᓮᔩᑦ ᐊᒡᓚᖏᑦ 20:10

ᐃᓚᖏᑦ 100ᐃᑦ ᑕᓪᓕᒪᐅᔪᕐᑐᖏᑦ ᐃᓴᕆᐊᓕᒥᐅᑦ ᑭᖑᕚᓕᒫᖏᓐᓂᑦ, 100ᐃᓪᓗ 1,000ᓂᑦ, 1,000ᓗ 10,000ᓂᑦ ᓂᕈᐊᕐᓂᐊᕐᐸᕗᑦ ᓂᕿᖃᕐᑎᑦᓯᓂᐊᕐᐳᑦ ᐅᓇᑕᕐᑐᒃᓴᓂᒃ, ᐊᓯᖏᓪᓗ ᓱᒋᐊᕆᐊᕐᑐᕐᓂᐊᕐᐳᑦ ᒋᐱᐊᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ; ᐱᐅᖏᑦᑐᒥᒃ ᐱᓂᐊᕐᓂᕆᓚᐅᕐᑕᖏᑦ ᐱᓪᓗᒋᑦ ᐃᓴᕆᐊᓕᐅᑦ ᐃᓗᐊᓂ.”

ᐃᓗᐊᕐᓮᔩᑦ ᐊᒡᓚᖏᑦ 20:5

ᒋᐱᐊᒥᐅᑦ ᐊᖑᑎᖏᑦ ᕾᓚᐅᕐᐳᑦ ᐅᕙᓐᓂᒃ ᐂᓯᕐᓗᑎᒃ, ᐃᒡᓗᓗ ᐊᕙᑕᖏᕐᓗᒍ. ᐅᕙᓐᓂᒃ ᑐᖁᑦᓯᔪᒪᓚᐅᕐᐳᑦ; ᓄᓕᐊᒃᑲᓐᓂᕋᓕ ᖁᓄᔪᕐᓂᐊᕐᑕᐅᓚᐅᕐᐳᖅ, ᑐᖁᑕᐅᓪᓗᓂᓗ.

ᐃᓗᐊᕐᓮᔩᑦ ᐊᒡᓚᖏᑦ 20:6

ᑎᒥᖓ ᐱᓚᐅᕐᐸᕋ ᐊᒡᒍᕐᓗᒍ, ᐂᑦᑐᕐᑑᑎᒋᓚᐅᕐᐸᕋᓗ ᐃᓴᕆᐊᓕᒥᐅᑦ ᑭᖑᕚᖏᓐᓄ 12ᓄᑦ; ᑖᒃᑯᐊ ᐃᓄᐃᑦ ᐱᐅᖏᑦᑐᒻᒪᕆᐊᓗᖕᒥᒃ ᐱᓇᓱᐊᕐᒪᑕ ᐊᑐᕆᐊᖃᖏᒻᒪᕆᒃᑐᒥᒃ ᐊᑯᓐᓇᑦᑎᓐᓂ.