ᒨᓯᓯ ᑕᓪᓕᒪᖏᑦ 21:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᕝᕙ ᐊᖑᑎᓕᒫᑦ ᐃᒡᓗᒐᓴᒡᔪᐊᓃᑦᑐᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ; ᑍᒫᒃ ᑕᕝᕙ ᐱᐅᖏᑦᑐᓕᓂᖅ ᐲᕋᔭᕐᐸᓯ ᐊᑯᓐᓇᑦᓯᓐᓂᑦ. ᐃᓴᕆᐊᓕᒥᐅᓕᒫᑦ ᖃᓄᐃᑦᑐᖃᕐᓂᕕᓂᖓᓂᒃ ᑐᓴᕋᔭᕐᐳᑦ, ᓯᕘᕋᓕᕐᓗᑎᒡᓗ.”

ᒨᓯᓯ ᑕᓪᓕᒪᖏᑦ 21:21 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 18:17

ᐋᑉᓴᓚᐅᓪᓗ ᑎᒥᖓ ᑎᒍᕚᑦ, ᐃᒋᓪᓗᒍᓗ ᐃᑎᕐᓵᓗᖕᒧᑦ ᓇᐹᕐᑐᓕᖕᓃᑦᑐᒧᑦ, ᕿᖕᓂᕚᓪᓗ ᐅᔭᕋᒡᔪᐊᓄᑦ; ᐃᓴᕆᐊᓕᒥᐅᓕᒫᓪᓗ ᕿᒪᒃᓯᕗᑦ ᐊᖏᕐᕋᒥᖕᓄᑦ.

ᒨᓯᓯ ᐂᑉᐸᖏᑦ 21:17

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᓯᕗᓂᕐᓗᖁᔨᓗᓂ ᐅᖃᕐᓂᕐᓘᑎᓕᒃ ᑖᓐᓇ ᑐᖁᑕᐅᔪᒃᓴᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:17

ᐃᔨ ᐊᑖᑕᒥᓂᒃ ᒥᑕᐅᑎᖃᕐᐸᒃᑐᖅ, ᐊᓈᓇᒥᓂᒡᓗ ᓈᓚᒍᒪᓇᓂ ᓱᐊᖓᕙᒃᑐᖅ, ᑐᓗᒐᕐᓄᑦ ᓇᕐᓴᒦᑦᑐᓄᑦ ᐃᔩᕐᑕᐅᔪᒫᕐᐳᖅ, ᑎᖕᒥᐊᓄᓪᓗ ᑎᒥᕕᓂᕐᑐᕐᑎᓄᑦ ᓂᕆᔭᐅᔪᒫᕐᐳᖅ.

ᒨᓯᓯ ᐱᖓᔪᖏᑦ 20:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.

ᒨᓯᓯ ᐱᖓᔪᖏᑦ 20:27

“ᐊᖑᑦ ᐊᕐᓇᕐᓘᓐᓃᑦ ᑐᖁᖓᔪᓂᒃ ᐅᖃᖃᑎᖃᕈᓐᓇᕋᓱᐊᕐᑐᖅ ᓇᓗᓇᕐᑐᓂᒡᓘᓐᓃᑦ ᖃᐅᔨᒪᑦᔪᑎᖃᕋᓱᐊᕐᑐᖅ ᓄᓇᑦᓯᓐᓃᑦᑐᖅ, ᑐᖁᑕᐅᔭᕆᐊᖃᕐᐳᖅ ᐅᔭᖅᑲᓄᑦ ᒥᓪᓗᕐᑕᐅᓗᓂ ᑐᖁᑕᐅᓕ. ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓇᓱᐊᕐᒪᑦ.”

ᒨᓯᓯ ᐱᖓᔪᖏᑦ 24:14

“ᐅᖃᕐᓂᕐᓗᒃᓯᒪᔪᖅ ᓄᓇᓖᑦ ᓯᓚᑖᓄᐊᓯᐅᒃ. ᑐᓵᓚᐅᕐᑐᓕᒫᑦ ᓱᐊᒃᑎᓪᓗᒍ ᐅᖃᕐᓂᕐᓗᒃᑎᓪᓗᒍᓗ ᒎᑎᒥᒃ, ᓂᐊᖁᐊᒍᑦ ᐸᑎᒻᒥᔭᒃᓴᕆᕙᑦ ᐸᓯᔭᒃᓴᐅᓂᖓ ᓇᓗᓁᕐᓗᒍ, ᓄᓇᖃᑎᒌᓪᓗ ᐅᔭᖅᑲᓄᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.”

ᒨᓯᓯ ᐱᖓᔪᖏᑦ 24:16

ᓇᓪᓕᐊᑦ ᐊᑕᓂᐅᑉ ᐊᑎᖓᓂᒃ ᐅᖃᕐᓂᕐᓘᑎᖃᕐᑐᖅ ᑐᖁᑕᒃᓴᐅᕗᖅ ᓄᓇᖃᑎᒌᓪᓗ ᐅᔭᖅᑲᓄᑦ ᒥᓪᓗᕐᑕᒃᓴᕆᕚᑦ. ᐃᓴᕆᐊᓕᒥᐅᖑᒃᐸᓪᓘᓐᓃᑦ ᐃᓴᕆᐊᓕᒥᐅᖑᖏᑉᐸᓪᓘᓐᓃᑦ, ᐊᑕᓂᐅᑉ ᐊᑎᖓᓂᒃ ᐅᖃᕐᓂᕐᓘᑎᖃᕐᐸᑦ ᑐᖁᑕᒃᓴᐅᕗᖅ.

ᒨᓯᓯ ᓯᑕᒪᖏᑦ 15:25

ᑍᒫᒃ ᑐᓂᕐᕈᓯᕐᑎᑦᓯᔨ ᐃᓅᖃᑎᒌᒡᔪᐊᓂᒃ ᐃᓴᕆᐊᓕᒥᐅᓂᒃ ᐃᓱᒪᒋᔪᓐᓁᕐᕕᐅᑎᑦᓯᒐᔭᕐᐳᖅ, ᑖᒃᑯᐊ ᐃᓱᒪᒋᔪᓐᓁᕐᕕᐅᒐᔭᕐᐳᑦ ᐲᔮᕆᓂᐅᖏᒻᒪᑦ; ᑐᓂᕐᕈᑎᒃᓴᒥᒃ ᓇᒃᓴᕐᓗᑎᒃ, ᑐᓂᕐᕈᑎᒃᓴᒥᒃ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ, ᐊᔪᕐᑐᓕᓂᖅ ᐱᑦᔪᑎᒋᓗᒍ ᐊᑕᓂᐅᑉ ᓵᖓᓂ, ᐱᔮᕆᓇᑎᒃ ᐊᔪᕐᑐᓕᓂᖏᓐᓄᑦ.

ᒨᓯᓯ ᓯᑕᒪᖏᑦ 15:35

ᐊᑕᓂᐅᓪᓕ ᒨᓯᓯ ᐅᖃᐅᑎᕚ, “ᐊᖑᑦ ᑖᓐᓇ ᑐᖁᑕᐅᔭᕆᐊᖃᓪᓚᕆᒃᐳᖅ; ᐃᓅᖃᑎᒌᒡᔪᐊᑦ ᑕᖕᒫᕐᓯᒪᕕᐅᑉ ᓯᓚᑖᓂ ᐅᔭᕋᖕᓄᑦ ᒥᓪᓗᕐᑕᒃᓴᕆᕚᑦ.”

ᒨᓯᓯ ᓯᑕᒪᖏᑦ 15:36

ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ, ᐃᓅᖃᑎᒌᒡᔪᐊᑦ ᑕᖕᒫᕐᓯᒪᔪᑦ ᓯᓚᑖᓅᕐᑎᑉᐹᑦ ᐅᔭᖅᑲᓄᓪᓗ ᒥᓪᓗᕐᓗᒍ, ᑐᖁᑉᐹᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:13

ᐊᒡᓔᑦ ᐅᖃᕐᒪᑕ, “ᐃᓄᒃ ᐊᔪᕐᑐᓕᔪᖅ ᐃᓚᒌᖕᓂᑦᓯᓐᓂᑦ ᐊᓂᑎᓯᐅᒃ.”

ᒨᓯᓯ ᑕᓪᓕᒪᖏᑦ 13:12

“ᑐᓴᕈᑦᓯ ᐃᒡᓗᒐᓴᒡᔪᐊᑦ ᐃᓚᖓᓐᓂ, ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᑐᓂᓯᒪᔭᖓᓂᒃ ᓄᓇᒋᖁᓪᓗᒍ,

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 17:5

ᑕᕝᕙ ᐃᓅᒃ ᐊᖑᓪᓘᓐᓃᑦ ᐊᕐᓇᕐᓘᓐᓃᑦ ᓄᓇᓖᑦ ᓯᓚᑖᓄᐊᕈᑎᓗᒍ ᒥᓪᓗᕐᑕᐅᓗᓂ ᑐᖁᑕᐅᔪᒃᓴᐅᕗᖅ.

ᒨᓯᓯ ᑕᓪᓕᒪᖏᑦ 17:7

ᖃᐅᔨᓯᒪᔪᓪᓕ ᓯᕗᓪᓕᕐᐸᐅᓗᑎᒃ ᒥᓗᕆᐊᖅᑳᕐᑐᒃᓴᐅᕗᑦ ᐅᔭᖅᑲᓄᑦ ᑐᖁᖁᓪᓗᒍ, ᑕᕝᕙ ᑭᖑᓂᖓᒍᑦ ᐃᓄᓕᒫᑦ ᒥᓪᓗᓕᕋᔭᕐᐳᑦ ᑖᑦᓱᒥᖓ; ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᑍᒤᑦᑐᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 21:20

ᐅᖃᕐᓗᑎᒡᓗ ᐃᒡᓗᒐᓴᖕᓂ ᐊᖓᔪᖅᑳᓄᑦ, ‘ᐃᕐᓂᕗᑦ ᑐᓴᕈᓐᓇᖏᒻᒪᑦ ᐊᑭᕋᕐᑐᖃᑦᑕᕐᓗᓂᓗ, ᐅᕙᑦᑎᓐᓂᒡᓗ ᓈᓚᒍᒪᓇᓂ; ᓂᕆᑐᔫᓪᓗᓂᓗ ᐋᖓᔮᕐᑎᐅᓪᓗᓂᓗ.’

ᒨᓯᓯ ᑕᓪᓕᒪᖏᑦ 22:21

ᑕᕝᕙ ᑖᒃᑯᓇᓐᖓᑦ ᑕᕝᕙᓐᖓᑦ ᐊᓐᓂᓯᔭᐅᓗᓂ ᐊᑖᑕᖓᑕ ᐃᒡᓗᖓᑕ ᐃᑎᕐᑕᕐᕕᖓᓄᐊᕈᑦᔭᐅᔪᒃᓴᐅᕗᖅ, ᑖᑦᓱᒪᓗ ᐊᕐᓇᐅᑉ ᓄᓇᖓᑕ ᐃᒡᓗᒐᓴᒡᔪᐊᕐᒥᐅᑦ ᐊᖑᑎᖏᑕ ᒥᓪᓗᕐᓗᒍ ᑐᖁᑕᒃᓴᕆᕚᑦ, ᑖᓐᓇ ᐊᕐᓇᖅ ᑲᓐᖑᓇᕐᑐᒥᒃ ᐃᓴᕆᐊᓕᒥᐅᓄᑦ ᑎᑭᑎᑦᓯᖕᒪᑦ ᐃᓐᓇᖓᖃᑎᖃᕐᓯᒪᓂᕐᒥᓄᑦ ᐅᐃᓂᓚᐅᖅᑳᕋᓂ, ᓱᓕ ᐊᑖᑕᖓᑕ ᐃᒡᓗᖓᓂ ᐊᖏᕐᕋᖃᕐᑎᓪᓗᒍ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 22:24

ᑕᕝᕙ ᑖᒃᑯᐊᒃ ᓄᓇᓖᑦ ᓯᓚᑖᓄᐊᕈᑎᓗᒋᒃ ᒥᓪᓗᕐᑕᐅᓗᑎᒃ ᑐᖁᑕᐅᔪᒃᓴᐅᕘᒃ. ᐊᕐᓇᖅ ᑐᖁᑕᐅᔭᕆᐊᖃᕐᐳᖅ ᐃᑲᔪᕐᑕᐅᔪᒪᓗᓂ ᓂᓪᓕᐊᓚᐅᖏᓐᓂᖓ ᐱᓪᓗᒍ, ᑕᕝᕙᓂ ᓄᓇᓕᖕᓃᒃᑲᓗᐊᕐᓗᓂ, ᓂᓪᓕᑐᐊᕐᐸᑦ ᑐᓴᕐᑕᐅᔪᓐᓇᕋᔭᓚᐅᕋᓗᐊᕐᒪᑦ. ᐊᖑᑦᑕᐅᖅ ᑐᖁᑕᐅᔭᕆᐊᖃᕆᕗᖅ ᐊᕐᓇᒥᒃ ᐃᓐᓇᖓᖃᑎᖃᕐᒪᑦ ᐊᓯᐊᓄᑦ ᓄᓕᐊᒃᓴᕆᔭᐅᔪᒥᒃ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.