ᒨᓯᓯ ᑕᓪᓕᒪᖏᑦ 2:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᑭᓯᐊᓂᓕ ᓄᓇᓖᑦ ᐊᒧᓁᑎᒥᐅᑦ ᖃᓂᒋᔮᓄᐊᓚᐅᓐᖏᓚᒍᑦ ᑰᓪᓗ ᐊᑎᓕᐅᑉ ᔭᐴᒃᒥᒃ ᐅᕝᕙᓗ ᖃᖅᑲᓃᑦᑐᓄᑦ ᐃᒡᓗᒐᓴᖕᓄᑦ ᐅᕝᕙᓗ ᐊᓯᖏᓐᓄᓪᓘᓐᓃᑦ ᓄᓇᓕᖕᓄᑦ ᐊᑕᓂᐅᑉ ᒎᑎᑦᑕ ᐅᐸᒃᑕᐅᖁᓚᐅᓐᖏᑕᖏᓐᓄ ᐅᐸᒍᑎᓚᐅᓐᖏᓚᒍᑦ.”

ᒨᓯᓯ ᑕᓪᓕᒪᖏᑦ 2:37 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 32:22

ᑕᒪᑐᒪᓂ ᐅᓐᓄᐊᒥ ᔧᑯ ᒪᑭᑉᐳᖅ, ᓄᓕᐊᖕᓂᓗ ᒪᕐᕉᒃ, ᐱᔩᖕᓂᓗ ᐊᕐᓈᒃ ᒪᕐᕉᒃ, ᕿᑐᕐᖓᓂᓗ 11ᐅᔪᑦ, ᑰᖕᒥᒃ ᔭᐴᑉ ᑰᖓᓂᒃ ᐃᑳᕐᓯᕗᑦ ᐃᑳᕐᑎᕐᕕᖓᒍᑦ.

ᒨᓯᓯ ᓯᑕᒪᖏᑦ 21:24

ᐃᓴᕆᐊᓕᒥᐅᓪᓕ ᓴᕕᒡᔪᐊᒧᑦ ᓵᓚᒋᕚᑦ, ᓄᓇᖁᑎᖓᓂᒡᓗ ᐊᕐᓵᕐᓗᒋᑦ ᐋᕐᓄᓂᒥᑦ ᔭᐴᒃ ᑎᑭᓪᓗᒍ, ᐊᒧᓁᑎᒥ ᓄᓇᖃᕐᑐᑦ ᑭᒡᓕᖓᓄᑦ ᑕᒪᓐᓇ ᓴᐴᓗᑕᖃᓚᐅᕐᒪᑦ.

ᒨᓯᓯ ᑕᓪᓕᒪᖏᑦ 2:19

ᑕᕝᕙ ᐊᒧᓁᑎᒃᑯᑦ ᓄᓇᖓᓐᓄᑦ ᖃᓂᑦᑑᓕᕐᓂᐊᕐᐳᓯ, ᓘᑎᐅᑉ ᑭᖑᕚᖏᓐᓄᑦ. ᑖᒃᑯᐊ ᐸᒡᕕᓴᕐᓂᐊᕐᓇᓯᒋᒃ ᐅᓇᑕᕋᓱᐊᕐᓂᐊᕐᓇᒋᓪᓗ, ᑖᒃᑯᐊ ᓄᓇᖓᑕ ᐃᓚᖓᓐᓂᒃ ᒥᑭᔪᒥᒡᓘᓐᓃᑦ ᑐᓂᓯᓂᐊᖏᓐᓇᒪ ᐃᓕᑦᓯᓐᓄᑦ; ᓄᓇ ᑖᒃᑯᓄᖓ ᑐᓂᔭᕇᕐᓯᒪᒐᒃᑯ.’”

ᒨᓯᓯ ᑕᓪᓕᒪᖏᑦ 2:5

ᑖᒃᑯᐊ ᐅᓇᑕᕋᓱᐊᕐᑕᒃᓴᕆᓐᖏᓚᓯ, ᑖᒃᑯᐊ ᓄᓇᖓᓐᓂᒃ ᒥᑭᔪᒥᒡᓘᓐᓃᑦ ᐃᑎᒐᒃᑎᑐᑦ ᐊᖏᑎᒋᔪᒥᒡᓘᓐᓃᑦ ᑐᓂᓯᕕᒋᓂᐊᖏᓐᓇᑦᓯ. ᑕᒪᓐᓇ ᓄᓇᒋᔭᖓᑦ ᓰᐊᕆ; ᐄᓴᐅᑉ ᑭᖑᕚᖏᓐᓄᑦ ᓄᓇᒋᔭᐅᖁᓪᓗᒍ ᑐᓂᓯᒪᒐᒃᑯ.

ᒨᓯᓯ ᑕᓪᓕᒪᖏᑦ 2:9

ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐃᓄᐃᑦ ᒧᐊᐱᒥᐅᑦ ᐸᒡᕕᓴᕐᓂᐊᕐᓇᒋᑦ, ᓘᑎᐅᑉ ᑭᖑᕚᕆᖕᒪᒋᑦ, ᐅᓇᑕᕋᓱᐊᕐᓂᐊᕐᓇᒋᓪᓗ. ᓄᓇᒥᒃ ᐋᕆᒥᒃ ᐃᒡᓗᒐᓴᒡᑖᕐᑎᓯᒪᒐᒃᑭᑦ, ᑖᒃᑯᐊᓕ ᓄᓇᖓᓐᓂᒃ ᒥᑭᔪᒥᒡᓘᓐᓃᑦ ᑐᓂᓯᕕᒋᓂᐊᓐᖏᓚᑦᓯ.’”

ᒨᓯᓯ ᑕᓪᓕᒪᖏᑦ 3:16

ᕉᐱᓂᐅᑉ ᒑᑎᐅᓪᓗ ᑭᖑᕚᖏᓐᓄᑦ ᓄᓇᑖᕆᔭᐅᑎᓚᐅᕆᕙᕋ ᓄᓇᒥᑦ ᒋᓕᐊᑎᒥᑦ ᐱᒋᐊᕐᓗᒍ ᐋᕐᓄᓂᐅᑉ ᑰᖓᓄᑦ ᑎᑭᓪᓗᒍ. ᑕᒪᑐᒪ ᑰᑉ ᕿᑎᖓᓂᑦ ᐱᒋᐊᕐᓗᒍ ᑕᒪᓐᓇ ᓯᕿᓂᐅᑉ ᓇᓛᓃᓐᓂᕐᐹᑉ ᑭᒡᓕᒋᔭᐅᓚᐅᕐᐳᖅ, ᑕᒫᓐᖓᓪᓗ ᐱᒋᐊᕐᓗᒍ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐃᓱᒋᓚᐅᕆᕚ ᔭᐴᑭᐅᑉ ᑰᖓ ᑎᑭᓪᓗᒍ, ᑕᒪᓐᓇ ᐊᒧᓁᑎᒃᑯᑦ ᓄᓇᖁᑎᖓᑕ ᑭᒡᓕᒋᓚᐅᕐᑕᖓᑕ ᐃᓚᖓᓄᑦ ᑎᑭᐅᒪᓪᓗᓂ.

ᔮᓱᐊᑉ ᐊᒡᓚᖏᑦ 12:2

ᐊᖓᔪᖅᑳᕐᔪᐊᖅ ᓮᕼᐆᓂᒥᒃ ᐊᒧᕅᑎᑦ ᐊᖓᔪᖅᑳᕐᔪᐊᖓᑦ ᐊᐅᓚᑦᓯᔪᖅ ᕼᐃᓴᐸᓂᒥᒃ, ᐊᖓᔪᖅᑲᐅᓂᖓ ᐊᐅᓚᑦᓯᕕᖃᓚᐅᕐᐳᖅ ᐊᕈᐃᕆᒥ, ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓂᑦ ᐃᒡᓗᒐᓴᖕᓂᑦ ᓇᕐᓴᐅᑉ ᕿᑎᐊᓃᑦᑐᒥᑦ, ᔭᐴᑉ ᑰᖓ ᑎᑭᓪᓗᒍ, ᑕᒪᓐᓇ ᐊᒧᓁᑎᒃᑯᑦ ᓄᓇᖁᑎᒋᓚᐅᕐᒪᒍ, ᒋᓕᐊᑎᐅᑉ ᕿᑎᖅᑲᓕᒫᖓ,

ᐃᓗᐊᕐᓮᔩᑦ ᐊᒡᓚᖏᑦ 11:15

ᐃᒫᒃ ᐅᖃᐅᑎᓪᓗᒋᑦ, “ᐃᒫᒃ ᔨᑉᑕ ᐅᖃᕐᐳᖅ; ᐃᓴᕆᐊᓕᒥᐅᑦ ᐊᕐᓵᕐᓯᓚᐅᓐᖏᓚᑦ ᒧᐊᐱᐅᑉ ᓄᓇᖓᓂᒃ ᐅᕝᕙᓘᓐᓃᑦ ᐊᒧᓁᑎᑦ ᓄᓇᖓᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 11:22

ᓄᓇᖁᑎᑖᕆᓚᐅᕐᐹᓪᓗ ᐊᒧᕅᑎᒥᐅᑦ ᓄᓇᖁᑎᖓ ᐋᕐᓄᓂᒥᑦ ᐱᒋᐊᕐᓗᒍ ᔭᐴᒃ ᑎᑭᓪᓗᒍ, ᐃᓄᖃᖏᑦᑐᒥᓪᓗ ᐱᒋᐊᕐᓗᒍ ᔪᐊᕐᑕᓂᐅᑦ ᑰᖓ ᑎᑭᓪᓗᒍ.