ᒨᓯᓯ ᑕᓪᓕᒪᖏᑦ 2:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐊᑕᓂᐅᑉ ᒎᑎᑦᑕ ᓵᓚᖃᕐᑎᓚᐅᕐᒪᑎᒍᑦ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᓂᑦ ᐱᒋᐊᕐᓗᒍ, ᑕᕝᕙᓂᓗ ᓇᕐᓴᒥ ᐃᒡᓗᒐᓮᑦ ᐊᑯᓐᓂᖓᓃᑦᑐᑦ, ᓄᓇᒧᑦ ᒋᓕᐊᑎᒧᑦ ᑎᑭᓪᓗᒋᑦ. ᐃᒡᓗᒐᓮᓪᓕ ᐊᕙᓗᕐᔪᐊᖏᑦ ᐊᔪᕐᓇᓗᐊᕐᑐᖃᓚᐅᓐᖏᓚᑦ ᐅᕙᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 2:36 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 24:5

ᔪᐊᕐᑕᓂᐅᑉ ᑰᖓᓂᒃ ᐃᑳᕋᒥᒃ ᑕᖕᒫᓚᐅᕐᐳᑦ ᐊᕈᐃᕆᐅᑉ ᓯᕿᓂᖓᓂ, ᐃᒡᓗᒐᓴᒡᔪᐊᓂ ᓇᕐᓴᐅᑉ ᕿᑎᐊᓃᑦᑐᒥ, ᒑᑦ ᓄᓇᖓᓂᑦ ᑍᑲᓐᖓᑦ ᐱᓪᓗᑎᒃ ᔧᔨᕆᒧᐊᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 10:33

ᔪᐊᕐᑕᓂᐅᑉ ᓯᕿᓐᓂᓕᕐᕕᐊᑕ ᓇᓛᓃᑦᑐᑦ ᒋᓕᐊᒥᐅᓕᒫᑦ ᒑᑎᐅᓪᓗ ᑭᖑᕚᖏᑕ ᓄᓇᖏᑕ ᐃᓗᐊᓃᑦᑐᑦ ᕉᐱᓂᒥᐅᑦ ᒫᓇᓯᒥᐅᓪᓗ ᐊᕈᐃᕆᒥᑦ ᐋᕐᓄᓂᒥᐅᓄᑦ ᒋᓕᐊᑎᒥᑦ ᐹᓴᓂᒧᑦ.

ᐃᓐᖏᕈᑎᑦ 44:3

ᓄᓇᒥᒃ ᑎᒍᓯᓚᐅᖏᒻᒪᑕ ᓇᖕᒥᓂᖅ ᓴᕕᒡᔪᐊᖏᑕ ᐱᔪᓐᓇᕐᓂᖏᓐᓄᑦ, ᓇᖕᒥᓂᕐᓘᓐᓃᑦ ᐊᒡᒐᖕᒥᖕᓄᑦ ᓴᐳᑎᓚᐅᓐᖏᓚᑦ; ᐃᕝᕕᓪᓕ ᑭᓯᐊᓂ ᐊᒡᒐᖕᓄᑦ ᑕᓕᕐᐱᖕᓄᑦ, ᑮᓇᕐᐱᓪᓗ ᖃᐅᒪᓂᖓᓄᑦ, ᖁᕕᐊᒋᓚᐅᕋᕕᒋᑦ.

ᒨᓯᓯ ᐂᑉᐸᖏᑦ 23:31

ᓄᓇᒋᓂᐊᕐᑕᑦᓯᓗ ᑭᒡᓕᖃᕐᑎᓐᓂᐊᕐᐸᕋ ᐃᒪᕐᒥᑦ ᐊᐅᐸᓗᒃᑕᒥᑦ ᐱᒋᐊᕐᓗᒍ ᐱᓕᔅᑍᓂᐅᑉ ᐃᒪᖓᓄᑦ ᑎᑭᓪᓗᒍ, ᐃᓄᖃᖏᑦᑐᒥᓪᓗ ᐱᒋᐊᕐᓗᒍ ᐃᕗᕅᑎᐅᑉ ᑰᖓᓄᑦ ᑎᑭᓪᓗᒍ; ᑕᒫᓂᓗ ᓄᓇᖃᕐᑐᑦ ᐃᓕᑦᓯᓐᓄᑦ ᑐᓂᓂᐊᕐᐸᒃᑲ, ᐃᓕᑦᓯᓪᓗ ᑕᒫᓐᖓᑦ ᓄᓇᒥᑦ ᐊᓂᑎᓐᓂᐊᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 17:2

ᐃᒡᓗᒐᓴᒡᔪᐊᖏᑦ ᐃᓄᐃᕈᑎᔪᒫᕐᐳᑦ ᕿᒤᓐᓇᕐᑕᐅᓗᑎᒃ; ᓰᐱᓄᑦ ᓂᕆᓇᓱᒡᕕᑐᐃᓐᓇᐅᓕᕈᒫᕐᐳᑦ, ᐊᖁᐱᕕᐅᓗᑎᒃ, ᕿᒫᑎᑦᓯᔨᒃᓴᖃᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 48:19

ᐊᕈᐃᕆᒥ ᓄᓇᖃᕐᑐᓯ ᐊᖅᑯᑎᐅᑉ ᓯᓚᑖᓂ ᖃᐅᔨᓴᕆᑦᓯ, ᐊᖑᑎᑦ ᕿᒫᔪᑦ ᐊᕐᓇᓪᓗ ᐊᓐᓇᒋᐊᕋᓱᒃᑐᑦ, ᖃᓄᐃᑦᑐᖃᓕᕐᒪᖔᑦ ᐊᐱᕐᓱᕐᓯᒋᒃ.

ᒨᓯᓯ ᓯᑕᒪᖏᑦ 32:34

ᒑᑎᐅᑉ ᑭᖑᕚᖏᑦ ᐃᒡᓗᒐᓴᒡᔪᐊᑦ ᓴᓇᒋᐊᒃᑲᓐᓂᕐᐰᑦ ᓄᓇᓂ ᑎᐴᓂᒥ ᐊᑕᕉᑎᒥᓗ ᐊᕈᐃᕆᒥᓗ,

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᒨᓯᓯ ᑕᓪᓕᒪᖏᑦ 3:12

“ᑍᑦᓱᒪᓂᐅᑎᓪᓗᒍᓕ ᓄᓇᑖᕋᑦᑕ ᑕᒪᑐᒥᖓ, ᑕᒪᓐᓇ ᓄᓇᑖᕆᔭᐅᑎᓚᐅᕐᐸᕋ ᐊᒡᒍᕐᑕᐅᑎᓪᓗᒍ ᕉᐱᓂᐅᑉ ᒑᑎᐅᓪᓗ ᑭᖑᕚᖏᓐᓄᑦ ᓄᓇᑖᕆᔭᐅᓚᐅᕐᐳᖅ ᓄᓇᓕᖕᓂᑦ ᐊᕈᐃᕆᒥᐅᓂᑦ ᐱᒋᐊᕐᓗᒍ ᐋᕐᓄᓂᐅᑉ ᑰᖓᑕ ᖃᓂᒋᔮᓄᑦ ᑎᑭᓯᒪᓪᓗᓂ ᓄᓇᓖᓪᓗ ᒋᓕᐊᑎᐅᑉ ᖃᖅᑲᖏᑦ ᐱᖃᓯᐅᑎᒐᓚᒃᓱᒋᑦ, ᐃᒡᓗᒐᓴᖏᓪᓗ ᐱᖃᓯᐅᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 4:48

ᑕᒪᓐᓇ ᓄᓇ ᐊᕈᐃᕆᒥᑦ ᓄᓇᒥᑦ ᐱᒋᐊᕐᓯᒪᓚᐅᕐᐳᖅ, ᐋᕐᓄᓂᐅᑉ ᑰᖓᑕ ᑭᒡᓕᖓᓄᑦ ᑎᑭᓯᒪᓪᓗᓂ, ᑕᑉᐸᐅᖓᓕᒫᖅ ᓮᕆᐅᓂᐅᑉ ᖃᖅᑲᖓᓄᑦ ᑎᑭᓪᓗᒍ, ᑍᔭᐅᔪᒧᑦ ᕼᐊᕐᒪᓂᐅᑉ ᖃᖅᑲᖓᓂᒃ.

ᔮᓱᐊᑉ ᐊᒡᓚᖏᑦ 1:5

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.

ᔮᓱᐊᑉ ᐊᒡᓚᖏᑦ 12:2

ᐊᖓᔪᖅᑳᕐᔪᐊᖅ ᓮᕼᐆᓂᒥᒃ ᐊᒧᕅᑎᑦ ᐊᖓᔪᖅᑳᕐᔪᐊᖓᑦ ᐊᐅᓚᑦᓯᔪᖅ ᕼᐃᓴᐸᓂᒥᒃ, ᐊᖓᔪᖅᑲᐅᓂᖓ ᐊᐅᓚᑦᓯᕕᖃᓚᐅᕐᐳᖅ ᐊᕈᐃᕆᒥ, ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓂᑦ ᐃᒡᓗᒐᓴᖕᓂᑦ ᓇᕐᓴᐅᑉ ᕿᑎᐊᓃᑦᑐᒥᑦ, ᔭᐴᑉ ᑰᖓ ᑎᑭᓪᓗᒍ, ᑕᒪᓐᓇ ᐊᒧᓁᑎᒃᑯᑦ ᓄᓇᖁᑎᒋᓚᐅᕐᒪᒍ, ᒋᓕᐊᑎᐅᑉ ᕿᑎᖅᑲᓕᒫᖓ,

ᔮᓱᐊᑉ ᐊᒡᓚᖏᑦ 13:16

ᓄᓇᑖᕆᔭᖓ ᑎᑭᐅᒪᓚᐅᕐᐳᖅ ᐊᕈᐃᕆᒥᑦ, ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓃᑦᑐᒥᑦ, ᐃᒡᓗᒐᓮᓪᓗ ᓇᕐᓴᐅᑉ ᕿᑎᐊᓃᑦᑐᑦ, ᐃᓚᑲᕐᓗᑎᒃ ᒪᓂᕅᓐᓇᕐᒦᑦᑐᓂᒃ ᒥᑎᐸᒦᑦᑐᓂᒃ.

ᔮᓱᐊᑉ ᐊᒡᓚᖏᑦ 13:9

ᓄᓇᖁᑎᖓ ᑎᑭᐅᒪᓚᐅᕐᐳᖅ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓂᑦ, ᐃᒡᓗᒐᓮᓪᓗ ᓇᕐᓴᐅᑉ ᕿᑎᐊᓃᑦᑐᖅ ᐃᓚᒋᔭᐅᓪᓗᓂ ᒪᓂᕅᓐᓇᕐᒥᐅᑦ ᒥᑎᐸᒥᑦ ᐱᒋᐊᕐᓗᓂ ᑎᐴᓂᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 21:44

ᐊᑕᓂᐅᑉ ᒥᕐᖑᐃᕐᓯᕐᑎᓕᓚᐅᕐᐰᑦ ᓄᓇᒥ ᐊᕙᑎᓕᒫᒥᖕᓂᑦ ᐸᕕᓴᒃᑕᐅᔪᓐᓃᕐᓗᑎᒃ ᑍᒫᒃ ᑕᒪᓐᓇ ᓯᕗᓕᖏᓐᓄᑦ ᐊᖏᒻᒪᕆᒍᑎᒋᓚᐅᕋᒥᐅᒃ; ᐊᑭᕋᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᓄᖅᑲᕐᑎᑕᐅᔪᓐᓇᓚᐅᓐᖏᓚᑦ; ᐊᑕᓂᐅᑉ ᓵᓚᖃᕐᑎᖃᑦᑕᓚᐅᕐᒪᒋᑦ ᐊᑭᕋᓕᒫᖏᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 11:22

ᓄᓇᖁᑎᑖᕆᓚᐅᕐᐹᓪᓗ ᐊᒧᕅᑎᒥᐅᑦ ᓄᓇᖁᑎᖓ ᐋᕐᓄᓂᒥᑦ ᐱᒋᐊᕐᓗᒍ ᔭᐴᒃ ᑎᑭᓪᓗᒍ, ᐃᓄᖃᖏᑦᑐᒥᓪᓗ ᐱᒋᐊᕐᓗᒍ ᔪᐊᕐᑕᓂᐅᑦ ᑰᖓ ᑎᑭᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 11:26

ᐊᕐᕌᒍᓂᒃ 300ᓂᒃ ᐃᓴᕆᐊᓕᒥᐅᑦ ᓄᓇᖃᓕᕐᒪᑕ ᕼᐃᓴᐸᓂᒥᒃ ᐊᕈᐃᕆᒥᓗ ᓄᓇᓕᖁᑎᖏᓐᓂᓗ, ᐃᒡᓗᒐᓴᓕᒫᓂᓗ ᐋᕐᓄᓂᐅᑉ ᑰᖓᑕ ᑭᒡᓕᖓᓃᑦᑐᓂᒃ, ᓱᖕᒪᓪᓕ ᐅᑎᕐᑎᑦᓯᓚᐅᕐᓯᒪᓐᖏᓚᓯ ᑍᒪᓐᖓᓂᑦ?