ᒨᓯᓯ ᑕᓪᓕᒪᖏᑦ 2:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᑍᑦᓱᒪᓂᑦᓮᓐᓇᕐᑕᐅᖅ ᓄᓇᓖᑦ ᖃᓂᒋᔮᓃᑦᑐᓕᒫᑦ ᓵᓚᒋᓚᐅᕐᐸᕗᑦ ᓄᖑᑦᓯᐊᕐᓗᒋᓪᓗ, ᐃᓄᓕᒫᖏᓪᓗ ᑐᖁᓪᓗᒋᑦ, ᐊᖑᑎᑦ, ᐊᕐᓁᑦ, ᓄᑕᖅᑲᓪᓗ. ᐊᒥᐊᒃᑯᖃᕐᑎᑦᓯᓚᐅᓐᖏᓚᒍᓪᓘᓐᓃᑦ.

ᒨᓯᓯ ᑕᓪᓕᒪᖏᑦ 2:34 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 3:6

ᐃᒡᓗᒐᓴᓕᒫᑦ ᓄᖑᑦᓯᐊᓚᐅᕐᐸᕗᑦ ᐃᓄᓕᒫᖏᓪᓗ ᑐᖁᕋᕐᓗᒋᑦ ᐊᖑᑎᑦ, ᐊᕐᓁᑦ, ᓄᑕᖅᑲᑦ, ᑍᒫᑦᓮᓐᓇᖅ ᑍᒤᓕᐅᓚᐅᕐᒥᒐᑦᑕ ᐊᖓᔪᖅᑳᕐᔪᐊᕐᒧᑦ ᓮᕼᐆᓂᒧᑦ ᕼᐃᓴᐸᓂᒥᐅᒧᑦ.

ᒨᓯᓯ ᑕᓪᓕᒪᖏᑦ 7:2

ᐊᑕᓂᐅᓪᓕ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᓵᓚᒋᒍᑦᓯᒋᒡᓗ, ᑕᕝᕙ ᓄᖑᓪᓚᕆᒋᐊᖃᕐᐸᓯ ᑐᖁᑍᓐᓇᕆᓗᒋᑦ; ᓇᓪᓕᐊᓪᓘᓐᓃᑦ ᐊᖏᖃᑎᒋᓇᓱᐊᕐᑕᒃᓴᕆᓐᖏᓚᓯ ᓂᑲᒋᔭᒃᓴᕆᓐᖏᓚᓯᓘᓐᓃᑦ.

ᒨᓯᓯ ᑕᓪᓕᒪᖏᑦ 7:26

ᒎᑎᓐᖑᐊᕆᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᐊᖏᕐᕋᑦᓯᓐᓄᑦ ᓇᒃᓴᕐᑐᒃᓴᐅᓐᖏᓚᓯ, ᑖᒃᑯᐊ ᓯᕗᓂᕐᓗᒃᑎᑕᐅᓂᖏᑎᑐᑦ ᑎᑭᕝᕕᐅᖁᓇᓯ. ᑍᒤᒻᒪᑦ ᒎᑎᓐᖑᐊᑦ ᐆᒥᒋᔭᒃᓴᕆᕙᓯ ᐱᐅᒋᖏᓪᓗᒋᓪᓗ, ᑕᒪᒃᑯᐊ ᑍᒤᑦᑐᑦ ᐊᑕᓂᐅᑉ ᓯᕗᓂᕐᓗᒃᑎᒻᒪᒋᑦ.”

ᔮᓱᐊᑉ ᐊᒡᓚᖏᑦ 10:28

ᔮᓱᐊᓗ ᐅᓇᑕᕆᐊᐳᖅ ᒪᑮᑕᒥᐅᓪᓗ ᓵᓚᒋᓪᓗᒋᑦ ᐅᓪᓗᒥ ᑕᕝᕙᓂ, ᐊᖓᔪᖅᑳᕐᔪᐊᖓᓪᓗ ᐃᒡᓗᒐᓴᖕᒥᐅᓕᒫᓪᓗ ᓄᖑᑦᓯᐊᕐᓗᒋᑦ ᑐᖁᕋᓚᐅᕐᐰᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑕᖃᓚᐅᓐᖏᓚᖅ; ᒪᑮᑕᒥᐅᑦ ᐊᖓᔪᖅᑳᕐᔪᐊᖓ ᐱᓂᐊᕐᕕᒋᓚᐅᕐᐹ ᔨᕆᑰᑉ ᐊᖓᔪᖅᑳᕐᔪᐊᖓᓄᑦ ᐱᓂᐊᕐᓂᕆᓚᐅᕐᑕᒥᑐᑦ.

ᔮᓱᐊᑉ ᐊᒡᓚᖏᑦ 10:40

ᑕᕝᕙ ᔮᓱᐊᑉ ᓄᓇᓕᓕᒫᑦ ᓵᓚᒋᓚᐅᕐᐰᑦ, ᐊᖓᔪᖅᑳᕐᔪᐊᑦ ᖃᖅᑲᓃᑦᑐᑦ ᓵᓚᒋᓪᓗᒋᑦ, ᓯᕿᓂᐅᓪᓗ ᓄᐃᕕᐊᓃᑦᑐᑦ ᓂᒋᑉᒥ ᓯᕕᖓᔪᓂ ᓄᓇᓖᑦ, ᓯᕿᓂᐅᓪᓗ ᓂᐱᕕᐊᓃᑦᑐᑦ ᖃᖅᑲᓃᑦᑐᑦ, ᐊᒡᓛᑦ ᓯᕿᓂᐅᑉ ᓇᓛᓃᑦᑐᑦ ᓄᓇᒥ ᐸᓂᕐᑐᒥ ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᓚᐅᓐᖏᓔᑦ; ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᑍᒤᓕᐅᖁᓚᐅᕐᒪᒍ.

ᔮᓱᐊᑉ ᐊᒡᓚᖏᑦ 11:14

ᐃᓴᕆᐊᓕᒥᐅᓪᓗ ᑎᒍᓯᓚᐅᕐᐳᑦ ᐃᒡᓗᒐᓴᖕᒥᐅᑦ ᐆᒪᔪᖁᑎᖏᓐᓂᒃ ᐱᖁᑎᖏᓐᓂᒡᓗ ᐱᑖᕆᓚᐅᕐᐰᑦ ᓵᓚᖃᐅᓯᐊᕆᓪᓗᒋᑦ; ᐃᓄᓕᒫᖏᓪᓕ ᑐᖁᓚᐅᕐᐰᑦ, ᐊᑕᖏᑦᓯᐊᕐᓗᒋᑦ ᐊᒥᐊᒃᑯᖃᕈᓐᓃᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 6:21

ᓴᕕᒡᔪᐊᒥᖕᓄᓪᓗ ᑐᖁᕅᕗᑦ ᐃᒡᓗᒐᓴᐅᑉ ᐃᓗᐊᓃᑦᑐᓂᒃ, ᐊᖑᑎᓂᒃ, ᐊᕐᓇᓂᒃ, ᐅᕕᒃᑲᓂᒃ ᐃᓄᑐᖃᕐᓂᒡᓗ, ᐃᒻᒧᒃᓯᐅᒐᕐᓂᒃ, ᓰᐱᓂᒃ ᓯᐅᑎᖅᑯᕐᑐᔪᓂᒡᓗ ᑐᖁᕅᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 7:11

ᐃᓴᕆᐊᓕᒥᐅᑦ ᐊᔪᕐᑐᓕᓯᒪᖕᒪᑕ! ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓚᐅᕐᑕᑦᑎᓐᓂᒃ ᑎᓕᓯᑦᔪᑎᒋᓚᐅᕐᑕᓐᓂᒃ ᑖᒃᑯᓄᖓ; ᑎᒍᓯᓯᒪᖕᒪᑕ ᐱᖁᔭᐅᓚᐅᖏᑦᑐᓂᒃ ᑎᒡᓕᒡᓯᒪᓪᓗᑎᒃ, ᓴᒡᓗᓯᒪᓪᓗᑎᒡᓗ, ᑎᒍᔭᒥᖕᓂᒃ ᐱᖁᑎᒥᖕᓄᑦ ᐃᓚᓕᐅᑦᔨᓯᒪᖕᒪᑕ.

ᔮᓱᐊᑉ ᐊᒡᓚᖏᑦ 9:24

ᑖᒃᑯᐊ ᔮᓱᐊᒧᑦ ᑭᐅᕗᑦ ᐅᖃᕐᓗᑎᒡᓗ, “ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᖓᔪᖅᑳᒃ, ᑐᓴᓚᐅᕋᑦᑕ ᐊᑕᓂᐅᑉ ᒎᑎᑦᓯ ᐱᔨᓂ ᒨᓯᓯ ᐱᖁᓚᐅᕐᒪᒍ ᓄᓇᓕᓕᒫᓂᒃ ᐃᓕᖕᓄᐊᕆᖁᓪᓗᒍ, ᑐᖁᑕᐅᖁᓪᓗᒋᓪᓗ ᐃᓄᓕᒫᑦ ᓄᓇᓖᑦ ᖃᓂᖏᔭᑦᓯᓐᓃᑦᑐᑦ; ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᒃᓱᐊᓗᒃ ᑲᑉᐱᐊᓱᓚᐅᕋᑦᑕ ᐃᓕᑦᓯᓐᓂᒃ, ᐃᓅᓯᕗᑦ ᓴᐳᑎᓇᓱᓚᐅᕐᐸᕗᑦ.

ᓴᒧᐃᓕ ᓯᕗᓪᓖᑦ 15:3

ᒫᓐᓇ ᐅᓇᑕᕆᐊᓕᕆᑦ ᐊᒪᓕᒃᒧᑦ, ᐱᖁᑎᓕᒫᖏᓪᓗ ᐊᓯᕈᕐᓗᒋᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑦᑍᓕᒃᑭᑦ, ᑐᖁᒃᑭᑦ ᐊᖑᑎᑦ ᐊᕐᓁᓪᓗ, ᓱᕈᓰᑦ ᐊᒫᒪᒃᑐᓪᓗ, ᑐᒃᑐᕙᖁᑎᖏᑦ ᓰᐱᖁᑎᖏᓪᓗ, ᑳᒥᓕᖁᑎᖏᑦ ᓯᐅᑎᖅᑯᕐᑐᔪᖁᑎᖏᓪᓗ.’”