ᒨᓯᓯ ᑕᓪᓕᒪᖏᑦ 18:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᓇᓪᓕᐊᓪᓕ ᐅᖃᓪᓚᒐᓱᐊᕐᐸᑦ ᐅᕙᓐᓄᑦ ᐅᖃᖁᔭᐅᓯᒪᖏᓪᓗᓂ, ᑖᓐᓇ ᑍᒫᑦᓮᓐᓇᕐᑕᐅᖅ ᒎᑎᒋᔭᐅᔪᓂᒃ ᐱᑦᔪᑎᖃᕐᓗᓂ ᐅᖃᓪᓚᒐᓱᐊᕐᑐᖅ ᑍᒫᑦᓮᓐᓇᖅ ᑖᓐᓇ ᑐᖁᔪᒪᕐᐳᖅ.’

ᒨᓯᓯ ᑕᓪᓕᒪᖏᑦ 18:20 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:19

ᑍᒤᒻᒪᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᔫᑕᒥᐅᑕᖅ ᑖᑦᓱᒪ ᐊᖏᕐᕋᖓᓄᑦ ᒪᓕᒃᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖄᖓᓄᑦ, ᓂᕆᖃᑎᒋᓪᓗᒍᓗ.

ᐊᑕᓃᑦ ᓯᕗᓪᓖᑦ 18:19

ᒫᓐᓇᓕ ᑍᒤᒻᒪᑦ ᐃᓴᕆᐊᓕᒥᐅᓕᒫᑦ ᑲᑎᓯᖁᓗᒋᑦ ᐅᕙᓐᓂᒃ ᑎᓕᓯᓕᕆᑦ ᖃᖅᑲᒧᑦ ᑳᕐᒥᐅᑉ ᖄᖓᓄᑦ, ᐰᓕᐅᓪᓗ ᐅᖃᕐᑎᖏᑦ 450, ᐊᓯᕋᐅᓪᓗ ᐅᖃᕐᑎᖏᑦ 400, ᓂᕆᕙᒃᑐᑦ ᔨᔨᐱᐊᓕᐅᑉ ᓂᕆᕕᖓᓂ ᕾᖃᑕᐅᓗᑎᒃ.”

ᐊᑕᓃᑦ ᓯᕗᓪᓖᑦ 18:27

ᑍᒤᓕᐅᕐᑎᓪᓗᒋᑦ, ᐅᓪᓗᖅ ᕿᑎᕋᓕᕐᒪᑦ, ᐃᓔᑦᔭᐅᑉ ᒥᑕᐅᑎᒋᓕᕐᐰᑦ ᐅᖃᐅᑎᓪᓗᒋᑦ, “ᕾᒐᓛᕐᓗᓯ ᓂᐱᖅᑯᕐᑐᒋᐊᓚᐅᕆᑦᓯ, ᒎᑎᐅᒃᐸᑦ; ᐃᒻᒪᖄ ᐊᓕᐊᓁᒍᓱᑐᐃᓐᓇᕐᐳᖅ, ᐊᓯᐊᓂᒡᓘᓐᓃᑦ ᐱᔭᒃᓴᖃᕐᒪᑦ, ᐅᕝᕙᓗ ᐊᐅᓪᓚᕐᓯᒪᕗᖅ, ᐅᕝᕙᓘᓐᓃᑦ ᓯᓂᖕᒪᑦ ᑐᐹᕐᓴᕐᑕᐅᔭᕆᐊᖃᕐᒪᑦ.”

ᐊᑕᓃᑦ ᓯᕗᓪᓖᑦ 18:40

ᐃᓔᑦᔭᐅᓪᓗ ᐅᖃᐅᑎᕔᑦ, “ᐰᓕᐅᑉ ᐅᖃᕐᑎᖏᑦ ᑎᒍᓯᐅᒃ! ᐊᑕᐅᓯᕐᒥᒡᓘᓐᓃᑦ ᕿᒫᓯᔪᖃᖁᓇᒍ!” ᑕᕝᕙ ᑎᒍᕔᑦ, ᐃᓔᑦᔭᐅᓪᓗ ᑭᓲᓂ ᑰᒐᓛᖓᓄᐊᕈᑎᕔᑦ, ᑕᕝᕙᓂᓗ ᑐᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 2:8

ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:30

ᑍᒤᒻᒪᑦ ᑕᑯᒋᑦ, ᐊᑕᓂᖅ ᐅᖃᕐᐳᖅ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ, ᐅᖃᐅᓯᒃᓴᕐᑖᖃᑦᑕᕐᑐᑦ ᐊᓯᒥᖕᓂᑦ ᐅᖃᐅᓯᕆᔭᐅᓂᕋᕐᓗᒋᓪᓗ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 23:31

ᑕᑯᒋᑦ, ᐊᑕᓂᖅ ᐅᖃᕐᐳᖅ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ, ᓇᖕᒥᓂᖅ ᐱᔪᓂᒃ ᐅᖃᕐᑍᓕᓐᖏᓗᐊᕐᑐᑦ ᐅᖃᕐᓗᑎᒃ, ‘ᐊᑕᓂᖅ ᐅᖃᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 26:11

ᑐᓂᕐᕈᓯᕐᑎᑦᓯᔩᓪᓗ, ᓇᓚᐅᑦᑍᔪᓪᓗ, ᐊᖓᔪᖅᑳᓄᑦ ᐃᓄᖕᓄᓪᓗ ᐅᖃᕐᐳᑦ, “ᐅᓇ ᐊᖑᑦ ᑐᖁᑕᒃᓴᓐᖑᕐᑐᒃᓴᐅᕗᖅ, ᓄᓇᓕᖁᑎᕗᑦ ᐊᓯᕈᕐᑕᐅᓂᐊᕐᓂᕋᕐᓗᒋᑦ ᐅᖃᐅᓯᖃᕐᒪᑦ, ᓇᖕᒥᓂᕐᓗ ᐅᖃᐅᓯᕆᔭᖏᑦ ᑐᓴᕐᐸᓯ.”

ᔨᕆᒤᐊᐅᑉ ᐊᒡᓚᖏᑦ 27:15

ᑖᒃᑯᐊ ᑎᓕᓯᒪᓐᖏᓚᒃᑲ ᐃᓕᑦᓯᓐᓄᑦ, ᐊᑕᓂᖅ ᐅᖃᕐᐳᖅ, ᓱᓕᖏᑦᑐᒥᒃ ᐊᑎᕋ ᐊᑐᕐᓗᒍ ᐅᖃᖃᑦᑕᕐᐳᑦ, ᑍᒤᒻᒪᑦ ᖁᔭᓈᕈᑦᓯ ᐊᓯᕈᕐᑕᐅᔪᒫᕐᐳᓯ, ᓇᓚᐅᑦᑍᔪᖁᑎᓯᓗ ᐃᓕᑦᓯᓐᓂᒃ ᐅᖃᐅᑦᔪᐃᖃᑦᑕᕐᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 13:6

ᓱᓕᖏᑦᑐᒥᒃ ᐅᖃᖃᑦᑕᕐᒪᑕ ᓴᒡᓗᓪᓚᕆᒃᓗᑎᒃ; ᐅᖃᖃᑦᑕᕐᐳᑦ, ‘ᐊᑕᓂᖅ ᐅᖃᕐᐳᖅ,’ ᐊᑕᓂᕐᒧᑦ ᑎᓕᔭᐅᓯᒪᓇᑎᒃ, ᐅᖃᐅᓯᕆᔭᒥᖕᓂᒃ ᓂᕆᐅᒋᔭᖃᕋᓱᖃᑦᑕᕐᐳᑦ ᓇᓚᐅᑦᓯᑎᑕᐅᓂᐊᕋᓱᒋᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 13:2

ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.

ᓴᑲᕅᐊᐅᑉ ᐊᒡᓚᖏᑦ 13:3

ᐃᒫ ᐱᔪᖃᕈᒫᕐᐳᖅ, ᓇᓚᐅᑦᑍᔪᖃᒃᑲᓐᓂᕋᓱᐊᕐᐸᑦ, ᓇᖕᒥᓂᖅ ᐊᑖᑕᖓᑕ ᐊᓈᓇᖓᑕᓗ ᐊᓂᕕᒋᓚᐅᕐᑕᖏᑕ ᐅᖃᐅᑎᔪᒫᕐᐹ, ‘ᐆᒪᔭᕆᐊᖃᓐᖏᓚᑎᑦ, ᐊᑕᓂᐅᑉ ᐊᑎᖓᓂ ᓱᓕᖏᑦᑐᓂᒃ ᐅᖃᐅᓯᖃᕋᕕᑦ’; ᐊᖓᔪᖅᑳᖏᒃᑕᓗ ᑲᐱᔪᒫᕐᐹ ᓇᓚᐅᑦᑍᑎᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 17:12

ᓇᓪᓕᐊᓪᓕ ᓈᓚᖏᑦᑐᖅ ᒪᓕᖏᓪᓗᓂ ᐋᖅᑭᒃᓱᐃᔨᒥᒃ ᑐᓂᕐᕈᓯᕐᑎᑦᓯᔨᒥᒡᓘᓐᓃᑦ ᐱᓇᓱᐊᕆᐊᖃᕐᑕᒥᓂᒃ ᐱᓇᓱᐊᕐᑐᒥᒃ ᑖᓐᓇ ᑐᖁᑕᐅᔪᒃᓴᐅᕗᖅ; ᑍᒫᒃ ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᐲᕐᑎᒐᔭᕐᐸᓯ ᐃᓴᕆᐊᓕᒥᑦ.

ᒨᓯᓯ ᑕᓪᓕᒪᖏᑦ 18:21

“ᐃᓱᒪᒐᔭᕐᑐᒃᓴᐅᕗᓯ, ‘ᖃᓄᕐᓕ ᖃᐅᔨᒪᔪᓐᓇᕋᑦᑕ ᓇᓪᓕᐊᑦ ᐅᖃᐅᓯᖅ ᐊᑕᓂᕐᒥᑦ ᐅᖃᐅᓯᐅᖁᔭᐅᓯᒪᖏᓐᓂᖓᓂᒃ?’

ᒨᓯᓯ ᑕᓪᓕᒪᖏᑦ 18:22

ᐱᔪᖃᓛᕐᑐᒥᒡᓕ ᐅᖃᕐᑎ ᐊᑕᓂᐅᑉ ᐊᑎᖓᓂ ᐅᖃᓪᓚᒃᐸᑦ, ᐅᖃᓪᓚᐅᓯᖏᓪᓗ ᓇᓚᐅᑦᓯᖏᑉᐸᑕ, ᓱᓕᓂᖏᓪᓗ ᓴᖅᑭᖏᑉᐸᑕ, ᑖᓐᓇ ᑕᕝᕙ ᐊᑕᓂᕐᒧᑦ ᑎᓕᔭᐅᓯᒪᓐᖏᓚᖅ. ᐃᒻᒥᓃᓐᓇᕐᓕ ᐅᖃᓪᓚᒃᐳᖅ ᐃᓱᒪᑐᐃᓐᓇᕐᒥᓂᒃ, ᑍᒤᑦᑐᑦ ᓯᕘᕋᒋᔭᒃᓴᕆᓐᖏᓚᓯ.”

ᐲᑦᑐᕉᓯ ᐂᑉᐸᖏᑦ 2:12

ᑖᒃᑯᐊᓕ ᐃᓄᐃᑦ ᐅᖃᕐᓂᕐᓘᑎᖃᕐᐸᒃᐳᑦ ᑐᑭᓯᓐᖏᑕᕋᓗᐊᒥᖕᓂᒃ, ᐆᒪᔪᑎᑐᑦ ᓄᔪᐊᕐᑐᑎᑐᑦ ᑍᒤᑉᐳᑦ, ᐃᕐᓂᐊᖑᓯᒪᔪᑎᑐᑦ ᑕᑯᔭᐅᓗᑎᒃ ᑐᖁᑕᐅᔪᒃᓴᑎᑐᑦ, ᐆᒪᔪᑎᑐᓪᓗ ᓄᔪᐊᕐᑐᑎᑐᑦ ᐊᓯᕈᕐᑕᐅᔪᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 2:15

ᐅᓇᑕᕆᐊᑐᐊᕌᖓᑕᓗ, ᐊᑕᓂᐅᑉ ᐅᓇᑕᖃᑦᑕᓕᓚᐅᕐᐰᑦ, ᓲᕐᓗ ᑍᒫᒃ ᓯᕗᓂᖓᒍᑦ ᐅᖃᐅᑎᓚᐅᕋᒥᒋᑦ. ᑍᒫᒡᓗ ᐊᖏᕐᕕᒋᓚᐅᕋᒥᒋᑦ; ᕿᒃᓵᖕᓂᖃᒻᒪᕆᓚᐅᕐᐳᓪᓗ.