ᒨᓯᓯ ᑕᓪᓕᒪᖏᑦ 18:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᑕᓂᕐᓕ ᒎᑎᓯ ᒪᑭᑎᑦᓯᔪᒫᕐᐳᖅ ᐱᔪᖃᓛᕐᑐᒥᒃ ᐅᖃᕐᑎᒥᓂᒃ ᐅᕙᑦᑐᑦ ᑍᒤᑦᑐᒥᒃ ᐃᓅᖃᑎᓪᓚᕆᑦᓯᓐᓂᑦ ᐱᓯᒪᔪᒥᒃ, ᑖᓐᓇᓗ ᓈᓚᒋᐊᖃᕈᒫᕐᐸᓯ.

ᒨᓯᓯ ᑕᓪᓕᒪᖏᑦ 18:15 ပူးပေါင်းရင်းမြစ်များ

ᕼᐆᓯᐊᑉ ᐊᒡᓚᖏᑦ 12:14

ᐃᕗᕅᒻ ᓂᓐᖓᒃᓴᕐᓗᓂᐅᒃ ᓂᓐᖓᒃᑎᓚᐅᕐᐹ; ᑍᒤᒻᒪᑦ ᐊᑕᓂᐅᑉ ᐸᓯᔭᒃᓴᐅᓂᖏᑦ ᐊᐅᓈᕐᑎᑦᓯᓂᒃᑯᑦ ᑖᑦᓱᒧᖓ ᐱᑎᑦᓱᒫᕐᐰᑦ, ᐊᑭᓂᐊᕈᒫᕐᐹᓗ ᐋᖅᑭᒋᐊᕐᑕᐅᔭᕆᐊᖃᕐᓂᖓ ᒪᓕᒡᓗᒍ.

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᒨᓯᓯ ᓯᑕᒪᖏᑦ 12:8

ᐅᖃᕐᕕᒋᕙᒃᐸᕋ ᖃᓂᕐᒥᑦ ᖃᓂᕐᒧᑦ, ᑐᑭᓯᓇᑦᓯᐊᕐᑐᓂ ᐃᔨᕐᓯᒪᖏᑦᑐᓂᒡᓗ; ᐊᑕᓂᐅᓪᓗ ᐊᒡᓛᑦ ᑐᓄᖓᓂᒃ ᑕᑯᓯᒪᕗᖅ. ᓱᖕᒪᑦ ᑲᑉᐱᐊᓱᓐᖏᓚᓰᒃ ᒨᓯᓯᒥᒃ ᐱᔨᒋᔭᓐᓂᒃ ᐊᑭᕋᕐᑐᕐᓗᓯᒃ?”

ᒫᑎᐅᓯᐅᑉ ᐊᒡᓚᖏᑦ 17:5

ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”

ᒫᑎᐅᓯᐅᑉ ᐊᒡᓚᖏᑦ 21:11

ᐃᓄᒐᓴᒡᔪᐊᑦ ᐅᖃᕐᐳᑦ, “ᐅᓇ ᓇᓚᐅᑦᑍᔨ ᔩᓱᓯ ᓈᓴᕇᑎᒥᑦ ᒐᓕᓕᐊᒦᑦᑐᒥᑦ ᐱᔪᖅ.”

ᓘᑲᓯᐅᑉ ᐊᒡᓚᖏᑦ 10:16

“ᐃᓕᑦᓯᓐᓂᒃ ᓈᓚᒃᑐᑦ, ᓈᓚᒃᑭᕚᖓ; ᐃᓕᑦᓯᓐᓂᒡᓗ ᓇᕐᕈᔫᑉ ᓇᕐᕈᒋᕚᖓ; ᐅᕙᓐᓂᒡᓕ ᓇᕐᕈᔫᑉ ᑎᓕᓯᓚᐅᕐᑐᖅ ᐅᕙᓐᓂᒃ ᓇᕐᕈᒋᕚ.”

ᓘᑲᓯᐅᑉ ᐊᒡᓚᖏᑦ 2:25

ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.

ᓘᑲᓯᐅᑉ ᐊᒡᓚᖏᑦ 2:32

ᖃᐅᒪᔪᖅ ᖃᐅᒻᒪᒃᓮᖁᓪᓗᒍ ᔫᑎᐅᖏᑦᑐᓂᒃ, ᐃᓄᖁᑎᕕᓪᓗ ᐃᓴᕆᐊᓕᒥᐅᑦ ᓂᕐᑐᕐᓇᕈᑎᒃᓴᖓᑦ.”

ᓘᑲᓯᐅᑉ ᐊᒡᓚᖏᑦ 24:19

ᔩᓱᓯᐅᑉ ᐊᐱᕆᕚ, “ᓱᓇᒥᒃ ᐱᔪᖃᓚᐅᕐᒪᑦ?” ᑖᒃᑯᐊᒃ ᐅᖃᕐᐴᒃ, “ᔩᓱᓯ ᓈᓴᕇᑎᒥᐅᖅ ᐱᓪᓗᒍ, ᑖᓐᓇ ᓇᓚᐅᑦᑍᔪᓚᐅᕐᐳᖅ ᐱᔪᓐᓇᕐᓂᖃᕐᓗᓂ ᐱᓂᐊᕐᓂᕐᒥᒍᑦ ᐅᖃᐅᓯᕐᒥᒍᓪᓗ ᒎᑎᐅᑉ ᐃᓄᐃᓪᓗ ᓵᖓᓂ.

ᓘᑲᓯᐅᑉ ᐊᒡᓚᖏᑦ 7:16

ᐃᓄᓕᒫᑦ ᓯᕘᕋᓕᕐᐳᑦ; ᒎᑎ ᓂᕐᑐᕐᐹᑦ ᐅᖃᕐᓗᑎᒃ, “ᓇᓚᐅᑦᑍᔪᓪᓚᕆᖕᒥᑦ ᑎᑭᑕᐅᕗᒍᑦ! ᒎᑎᐅᑉ ᐃᓄᖁᑎᓂ ᐅᐸᒃᐰᑦ.”

ᓘᑲᓯᐅᑉ ᐊᒡᓚᖏᑦ 9:35

ᓄᕗᔭᒥᑦ ᓂᐱ ᑐᓴᕐᓴᐅᓕᕐᐳᖅ ᐅᖃᕐᑐᖅ, “ᐅᓇ ᐃᕐᓂᕋ, ᓂᕈᐊᕐᓯᒪᔭᕋ; ᑖᓐᓇ ᓈᓚᒃᓯᐅᒃ!”

ᔪᐊᓇᓯᐅᑉ ᐊᒡᓚᖏᑦ 1:21

ᑖᒃᑯᐊ ᐊᐱᕆᕚᑦ, “ᑭᓇᐅᒐᕕᓪᓖ? ᐃᓔᑦᔭᐅᕖᑦ?” ᑭᐅᕗᖅ, “ᑍᓐᓇᐅᓐᖏᓚᖓ.” “ᓇᓚᐅᑦᑍᔫᕖᑦ?” ᑭᐅᕔᑦ, “ᐋᒃᑲ.”

ᔪᐊᓇᓯᐅᑉ ᐊᒡᓚᖏᑦ 1:25

ᐊᐱᕆᓕᕆᕗᑦ, “ᓱᖕᒪᓪᓕ ᐹᑉᑎᑦᓯᖃᑦᑕᕐᐲᑦ? ᙭ᔅᑑᓯᐅᓇᒃ, ᐃᓔᑦᔭᐅᓇᒡᓗ, ᓇᓚᐅᑦᑍᔫᓇᒡᓗ.”

ᔪᐊᓇᓯᐅᑉ ᐊᒡᓚᖏᑦ 1:45

ᐱᓕᑉᐴᓯᐅᑉ ᓈᑕᓁ ᑲᑎᒐᒥᐅᒃ ᐅᖃᐅᑎᕚ, “ᑲᑎᓯᕗᒍᑦ ᒨᓯᓯᐅᑉ ᐱᖁᔭᖏᓐᓂ ᓇᓚᐅᑦᑍᔪᓪᓗ ᑎᑎᕋᐅᓯᕆᓚᐅᕐᑕᖓᓂᒃ, ᔩᓱᓯ ᓈᓴᕇᑎᒥᐅᒥᒃ, ᔫᓯᐱᐅᑉ ᐃᕐᓂᖓᓂᒃ.”

ᔪᐊᓇᓯᐅᑉ ᐊᒡᓚᖏᑦ 4:19

ᐊᕐᓇᐅᑉ ᐅᖃᐅᑎᕚ, “ᖃᐅᔨᕗᖓ ᓇᓚᐅᑦᑍᔫᒐᕕᑦ.

ᔪᐊᓇᓯᐅᑉ ᐊᒡᓚᖏᑦ 6:29

ᔩᓱᓯᐅᑉ ᑭᐅᕔᑦ, “ᑕᕝᕙ ᒎᑎᐅᑉ ᐃᒫᒃ ᐱᖁᕚᓯ; ᐅᒃᐱᖁᓪᓗᓯ ᑎᓕᔭᖓᓄᑦ.”

ᔪᐊᓇᓯᐅᑉ ᐊᒡᓚᖏᑦ 9:17

ᑕᕝᕙ ᐹᕆᓯᑦ ᑖᓐᓇ ᑕᐅᑐᓚᐅᖏᑦᑐᖅ ᐊᐱᕆᒃᑲᓐᓂᓕᕐᐹᑦ, “ᖃᓄᕐᓕ ᑕᓐᓇ ᐅᖃᐅᓯᕆᔪᓐᓇᕐᐱᐅᒃ ᐃᓕᖕᓂᒃ ᑕᐅᑐᓕᕐᑎᑦᓯᓚᐅᕐᑐᖅ?” ᑖᑦᓱᒪ ᑭᐅᕔᑦ, “ᑖᓐᓇ ᓇᓚᐅᑦᑍᔫᕗᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:37

ᑖᓐᓇ ᒨᓯᓯ ᐃᓴᕆᐊᓕᒥᐅᓄᑦ ᐅᖃᓚᐅᕐᐳᖅ, ‘ᒎᑎᐅᑉ ᑎᓕᓯᕕᒋᔪᒫᕐᐹᓯ ᓇᓚᐅᑦᑍᔪᒥᒃ ᐃᓅᖃᑎᑦᓯ ᐃᓚᖓᓐᓂᒃ ᑍᒫᑦᓮᓐᓇᖅ ᑎᓕᓚᐅᕋᒥᖓ.’

ᒨᓯᓯ ᑕᓪᓕᒪᖏᑦ 34:10

ᐃᓴᕆᐊᓕᒥᐅᓂᓕ ᑍᒪᓐᖓᓂᑦ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᑕᖃᓚᐅᕐᓯᒪᓐᖏᓚᖅ ᒨᓯᓯᑐᑦ ᑍᒤᑦᑐᒥᒃ; ᐊᑕᓂᐅᑉ ᑮᓇᕐᒥᑦ ᑮᓇᕐᒧᑦ ᐅᖃᖃᑎᒋᖃᑦᑕᓚᐅᕐᒪᒍ.

ᒨᓯᓯ ᑕᓪᓕᒪᖏᑦ 5:5

ᑍᑦᓱᒪᓂᐅᑎᓪᓗᒍ ᐊᑕᓂᐅᓪᓗ ᐃᓕᑦᓯᓗ ᐊᑯᓐᓂᑦᓯᓐᓂ ᓇᖏᓚᐅᕐᐳᖓ ᐅᖄᓪᓗᖓ ᑖᑦᓱᒪ ᐅᖃᐅᓯᕆᔭᖏᓐᓂᒃ ᐃᓕᑦᓯᓐᓄᑦ, ᑲᑉᐱᐊᓱᓕᓚᐅᕋᑦᓯ ᐃᑯᒪᒥᒃ ᖃᖅᑲᒧᓪᓗ ᒪᔪᕋᕈᒪᔪᓐᓁᕐᓗᓯ. “ᐊᑕᓂᖅ ᐅᖃᓚᐅᕐᐳᖅ,

ᑎᒧᑎᒧᑦ ᓯᕗᓪᓖᑦ 2:5

ᒎᑎ ᐊᑕᐅᓯᐅᖕᒪᑦ; ᐊᑕᐅᓯᐅᒋᕗᕐᑕᐅᖅ ᐃᓚᒌᓕᕐᑎᑦᓯᔪᖅ ᒎᑎᒥᒃ ᐃᓄᖕᓂᒡᓗ, ᑖᓐᓇᐅᕗᖅ ᙭ᔅᑑᓯ ᔩᓱᓯ ᑎᒥᑖᓚᐅᕐᑐᖅ,

ᔪᐊᓇᓯ ᓯᕗᓪᓖᑦ 3:23

ᑖᑦᓱᒪᓗ ᐱᖁᔭᖓ ᐃᒤᑦᑑᕗᖅ: ᐃᕐᓂᖓᑕ ᐊᑎᖓᓄᑦ ᔩᓱᓯ ᙭ᔅᑑᓯᒧᑦ ᐅᒃᐱᖁᓪᓗᑕ, ᐅᕙᑦᑎᓐᓄᓪᓗ ᓇᒡᓕᒋᖃᑦᑕᐅᑎᓪᓗᑕ ᑖᑦᓱᒪ ᑍᒫᒃ ᐱᖁᓚᐅᕐᒪᑎᒍᑦ.