ᒨᓯᓯ ᑕᓪᓕᒪᖏᑦ 17:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ “ᐃᓚᖏᓪᓕ ᓄᓇᓕᖕᓂᑦ ᐋᖅᑭᒃᓱᐃᔨᐅᔪᓂᑦ ᐃᓄᑑᑦᔭᐅᓗᑎᒃ ᐅᖁᒤᓗᐊᕐᐸᑕ ᐋᖅᑭᒃᑕᐅᔭᕆᐊᒃᓴᖅ, ᓄᓇᖁᑎᖃᕐᓂᖅ ᓇᓪᓕᐊᑦ ᐱᖃᕆᐊᖃᕐᒪᖔᑦ ᐅᕝᕙᓗ ᑎᒥᒃᑯᑦ ᐋᓐᓂᕐᑕᐅᓯᒪᔪᖃᕐᐸᑦ ᐅᕝᕙᓗ ᑲᒪᔪᖃᕆᐊᖃᕐᐸᑦ ᐱᔮᕆᓗᓂ ᐃᓄᐊᕐᓯᒪᔪᒥᒃ ᑐᖁᑦᓯᓯᒪᔪᒥᒡᓘᓐᓃᑦ. ᑕᒪᒃᑯᐊ ᓇᓪᓕᐊᑦ ᐊᑐᕐᑕᐅᓯᒪᒃᐸᑕ, ᑕᕝᕙ ᑐᒃᓯᐊᕐᕕᖕᒧᐊᕐᑐᒃᓴᐅᕗᓯ ᑲᑎᖃᑦᑕᕐᕕᖕᒧᑦ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓄᑦ,

ᒨᓯᓯ ᑕᓪᓕᒪᖏᑦ 17:8 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 15:2

ᐅᓪᓛᒃᑯᑦ ᒪᑭᖃᑦᑕᓚᐅᕐᐳᖅ ᐂᕙᒡᓗᓂᓗ ᐊᖅᑯᑎᐅᑉ ᓴᓂᐊᓄᑦ ᐃᒡᓗᒐᓮᑦ ᐃᑎᕐᑕᕐᕕᐊᓄᑦ ᑕᕝᕙᓂᓗ ᓇᖏᕐᐸᒡᓗᓂ; ᓇᓪᓕᐊᓪᓗ ᑕᒪᐅᓈᕋᖓᑦ ᐃᓱᐃᓪᓕᐅᕈᑎᖃᕐᓗᓂ ᐊᖓᔪᖅᑳᕐᔪᐊᒧᑦ ᐋᖅᑭᒃᑕᐅᖁᔭᒥᓂᒃ, ᐋᑉᓴᓚᐅᑉ ᕾᖁᓚᐅᕐᐹ ᓇᑭᓐᖔᕐᒪᖔᓪᓗ ᐊᐱᕆᓪᓗᒍ, ᐊᖑᑎᐅᓪᓗ ᐅᖃᐅᑎᑐᐊᕐᐸᒍ ᓇᓪᓕᐊᓐᓂᑦ ᑭᖑᕙᕇᓂᑦ ᐱᓯᒪᖕᒪᖔᑦ,

ᑯᕉᓂᑲ ᓯᕗᓪᓖᑦ 26:29

ᐃᔾᕼᐊᕅᑎᓂᑦ, ᓯᓇᓁᐊ ᐃᕐᓂᖏᓪᓗ ᐱᔭᒃᓴᖃᕐᐳᑦ ᐊᖓᔪᖅᑳᖑᓪᓗᑎᒃ ᐃᓱᐊᕐᓮᔨᐅᓪᓗᑎᒡᓗ ᐃᓴᕆᐊᓕᒥᐅᓄᑦ ᔨᕉᓴᓕᐅᑉ ᓯᓚᑖᓃᑦᑐᓄᑦ.

ᒨᓯᓯ ᐂᑉᐸᖏᑦ 18:15

ᒨᓯᓯᐅᑉ ᑭᐅᕚ, “ᑍᒤᓕᐅᕆᐊᖃᕋᒪ ᐃᓄᐃᑦ ᐅᕙᓐᓄᐊᖃᑦᑕᕐᒪᑕ ᖃᓄᖅ ᒎᑎᒧᑦ ᐱᖁᔭᐅᖕᒪᖔᕐᒥᒃ ᑐᑭᓯᔪᒪᓪᓗᑎᒃ;

ᒨᓯᓯ ᐂᑉᐸᖏᑦ 18:26

ᑖᒃᑯᐊᓗ ᐃᓄᖕᓄᑦ ᐋᖅᑭᒃᓱᐃᔨᒋᔭᐅᓕᓚᐅᕐᐳᑦ ᑍᒤᓕᐅᖏᓐᓇᓕᕐᓗᑎᒡᓗ ᑍᒪᓐᖓᑦ; ᐊᑲᐅᖏᑦᔪᑎᐅᔪᓪᓕ ᐱᔭᕐᓂᖏᑦᑐᑦ ᒨᓯᓯᒧᑦ ᑐᓂᖃᑦᑕᕐᐰᑦ, ᐱᔭᕆᐊᑭᓐᓂᕐᓮᓪᓕ ᐃᒻᒥᖕᓂᒃ ᐱᓇᓱᐊᖃᑦᑕᕐᓗᒋᑦ.

ᒨᓯᓯ ᐂᑉᐸᖏᑦ 21:20

“ᐃᓄᒡᓕ ᐊᓇᐅᓕᕐᓯᒃᐸᑦ ᓯᐊᓛᒥᓂᒃ, ᐊᖑᒻᒥᒃ ᐊᕐᓇᒥᒡᓘᓐᓃᑦ, ᑖᓐᓇᓗ ᓯᐊᓛᖓ ᑕᕝᕙᓂ ᑐᖁᑲᐅᑎᒋᒃᐸᑦ, ᑖᓐᓇ ᑍᒤᓕᐅᕆᔪᖅ ᓱᒋᐊᕐᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 21:22

“ᐊᖑᑏᒃ ᐅᓇᑕᕐᓗᑎᒃ, ᐊᕐᓇᒥᒃ ᓄᑕᕋᒃᓴᓕᖕᒥᒃ ᐋᓐᓃᑐᐊᕐᐸᑎᒃ ᐊᕐᓇᕐᓗ ᑖᓐᓇ ᑕᒪᐅᓁᓐᓇᖅ ᐃᕐᓂᓱᓕᕐᓗᓂ ᓄᑕᕋᒃᓴᖓ ᓱᕋᒃᑕᐅᒃᐸᑦ, ᐊᕐᓇᖅ ᓇᖕᒥᓂᖅ ᐋᓐᓂᖏᒃᑲᓗᐊᕐᓗᓂ, ᑖᓐᓇ ᐋᓐᓃᔪᖅ ᐊᑭᓖᑎᑕᐅᔭᕆᐊᖃᕐᐳᖅ ᐊᕐᓇᐅᑉ ᐅᐃᖓᑕ ᐊᑭᓕᐅᑎᒋᔭᐅᖁᔭᖓᓂᒃ; ᐃᓅᖃᑎᒥᖕᓂᒃ ᐋᖅᑭᒃᓱᐃᔨᐅᔪᓄᑦ ᓈᒻᒪᒋᔭᐅᑐᐊᕐᐸᑕ ᐊᑭᓕᐅᑎᒋᔭᐅᖁᔭᐅᔪᑦ.

ᒨᓯᓯ ᐂᑉᐸᖏᑦ 21:28

“ᐃᒻᒧᒃᓯᐅᒐᐅᑉ ᐊᖑᓴᓪᓗᖓᑕ ᐊᖑᑦ ᐊᕐᓇᕐᓘᓐᓃᑦ ᓇᒡᔪᖕᒥᒡᓗᓂᐅᒃ ᑐᖁᑉᐸᒍ, ᑕᕝᕙ ᐃᒻᒧᒃᓯᐅᒐᐅᑉ ᐊᖑᓴᓪᓗᖓ ᒥᓪᓗᕐᑕᐅᓗᓂ ᑐᖁᑕᐅᔭᕆᐊᖃᕐᐳᖅ, ᓂᕿᖓᓕ ᓂᕆᔭᐅᔭᕆᐊᖃᓐᖏᓚᖅ; ᑭᓯᐊᓂᓕ ᐊᖑᓴᓪᓗᕐᒥᒃ ᐱᖁᑎᓕᒃ ᑕᒪᑐᒧᖓ ᐸᓯᔭᒃᓴᐅᔪᒃᓴᐅᓐᖏᓚᖅ.

ᒨᓯᓯ ᐂᑉᐸᖏᑦ 22:2

ᐆᒪᔪᖅ ᑎᒡᓕᒑᕕᓂᖅ ᐆᒪᑎᓪᓗᒍ ᓇᓂᔭᐅᒃᐸᑦ ᑎᒡᓕᒃᑐᕕᓂᐅᑉ ᐱᖁᑎᖏᓐᓂᑦ, ᐃᒻᒧᒃᓯᐅᒐᐅᑉ ᐊᖑᓴᓪᓗᕆᒃᐸᒍ ᐅᕝᕙᓗ ᓯᐅᑎᖅᑯᕐᑐᔫᒃᐸᑦ ᐅᕝᕙᓗ ᓰᐱᐅᒃᐸᑦ, ᑕᕝᕙ ᐊᑭᓖᔭᕆᐊᖃᕋᔭᕐᐳᖅ ᑎᒡᓕᒃᑕᕕᓂᖏᑕ ᒪᕐᕈᕕᓪᓗᐊᕐᑕᖏᓐᓂᒃ.

ᒨᓯᓯ ᐂᑉᐸᖏᑦ 22:8

ᑎᒡᓕᒃᑐᕕᓂᕐᓕ ᖃᐅᔨᔭᐅᖏᑉᐸᑦ, ᑕᕝᕙ ᐊᖏᕐᕋᓕᒃ ᐱᖁᑎᓂᒃ ᐱᓯᒪᑎᑕᐅᔪᕕᓂᖅ ᒎᑎᒧᑦ ᐂᑎᑕᐅᔪᒃᓴᐅᕗᖅ, ᑕᕝᕙᓂ ᓇᓗᓁᕐᓯᖁᓪᓗᒍ ᓱᓕᓪᓗᓂ ᐱᓯᒪᔭᒥᓂᒃ ᑎᒡᓕᓚᐅᖏᓐᓂᕐᒥᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 44:24

ᑲᒪᒋᔭᐅᔭᕆᐊᖃᕐᑐᒥᒃ ᐃᓱᐊᖏᑦᔪᑎᒃᓴᖃᕐᑐᖃᓕᕐᐸᑦ ᐃᖅᑲᕐᑐᐃᔪᓐᓇᕐᐳᑦ, ᑲᒪᔪᒃᓴᐅᕗᓪᓗ ᐃᖅᑲᕐᑐᐃᓂᕋ ᒪᓕᒡᓗᒍ. ᐱᖁᔭᒃᑲ ᒪᓕᒃᑕᐅᖁᔭᒃᑲᓗ ᓇᓪᓕᐅᓐᓂᕐᓯᐅᕕᐅᑎᑕᒃᑲᓗ ᒪᓕᑦᓯᐊᕐᑕᒃᓴᕆᕔᑦ, ᓴᐸᑎᖁᑎᒃᑲᓗ ᐃᑦᔪᕐᓁᑎᑕᒃᓴᕆᕔᑦ.

ᕼᐊᒊᑉ ᐊᒡᓚᖏᑦ 2:11

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᑐᓂᕐᕈᓯᕐᑎᑦᓯᔩᑦ ᐊᐱᕐᓱᓚᐅᒃᑭᑦ ᐱᖁᔧᑦ ᐅᖃᕐᓯᒪᓂᖏᓐᓂᒃ ᐃᒤᓕᔪᓂᒃ,

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᒨᓯᓯ ᓯᑕᒪᖏᑦ 35:11

ᓇᓗᓁᕐᓯᔭᕆᐊᖃᕐᐳᓯ ᐃᒡᓗᒐᓴᒡᔪᐊᓂᒃ ᕿᒫᕕᒃᓴᐅᔪᓐᓇᕋᔭᕐᑐᓂᒃ, ᓇᓪᓕᐊᑦ ᐃᓄᖕᒥᒃ ᑐᖁᑦᓯᒃᐸᑦ ᐱᔮᕆᖏᓪᓗᓂ ᕿᒫᕕᒋᒐᔭᕐᑕᖓᓂᒃ.

ᒨᓯᓯ ᓯᑕᒪᖏᑦ 35:16

“‘ᐃᓄᒡᓕ ᓴᕕᕋᔭᖕᒧᑦ ᐊᓇᐅᓯᒃᐸᑦ, ᑐᖁᑦᓯᓗᓂᓗ, ᑖᓐᓇ ᐃᓄᐊᕐᑑᕗ; ᐃᓄᐊᕐᑐᕐᓗ ᑐᖁᑕᐅᓪᓚᕆᒋᐊᖃᕐᐳᖅ.

ᒨᓯᓯ ᑕᓪᓕᒪᖏᑦ 1:17

ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 19:17

ᑕᕝᕙ ᑕᒪᕐᒥᒃ ᑖᒃᑯᐊᒃ ᑲᑎᕕᐅᓲᒧᑦ ᑐᒃᓯᐊᕐᕕᖕᒧᐊᕐᑐᒃᓴᐅᕘᒃ ᖃᐅᔨᓇᓱᐊᕐᑕᐅᓗᑎᒡᓗ ᑐᑭᑖᕈᑕᐅᔪᒃᓴᐅᕘᒃ ᑐᓂᕐᕈᓯᕐᑎᑦᓯᔨᓄᑦ ᐋᖅᑭᒃᓱᐃᔨᓄᓪᓗ ᐱᓇᓱᐊᕐᕕᒃᓴᖏᑕ ᓇᓪᓕᐅᑎᓯᒪᓂᖏᑦ ᒪᓕᒡᓗᒋᑦ.

ᒨᓯᓯ ᑕᓪᓕᒪᖏᑦ 19:4

ᐃᓄᒡᓕ ᐃᓅᖃᑎᒥᓂᒃ ᐱᔭᕆᐊᖃᕐᐳᖅ, ᑖᒃᑯᓄᖓ ᓇᓪᓕᐊᓐᓄᑦ ᕿᒫᒃᐸᑦ ᐃᒻᒥᓂᒃ ᓴᐳᑎᔪᓐᓇᕐᐳᖅ. ᐃᓅᖃᑎᒥᓂᒃ ᐱᔮᕆᖏᓪᓗᓂ ᑐᖁᑦᓯᒃᐸᑦ ᓯᕗᓂᖓᓂ ᐊᑭᕋᕆᓯᒪᖏᓪᓗᒍ.

ᒨᓯᓯ ᑕᓪᓕᒪᖏᑦ 21:5

ᑕᕝᕙ ᓕᕔᑉ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ ᓯᕗᒧᐊᒃᑐᒃᓴᐅᕗᑦ, ᑖᒃᑯᐊ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᒋᑦ ᐱᔨᑦᓯᖁᓪᓗᒋᑦ ᐃᒻᒥᓄᑦ ᓮᒻᒪᕐᑎᑦᓯᔨᐅᖁᓪᓗᒋᓪᓗ ᐊᑕᓂᐅᑉ ᐊᑎᖓᓂ, ᑖᒃᑯᐊ ᐅᖃᐅᓯᖏᑎᒍᑦ ᐊᑭᕋᕐᑑᑎᑦᔪᑎᓕᒫᑦ ᐋᓐᓂᕐᓯᓇᓱᐊᕐᓂᓕᒫᓪᓗ ᑖᒃᑯᓇᓐᖓᑦ ᐃᓱᐊᕐᓯᑎᑕᐅᔪᓐᓇᕐᒪᑕ.

ᒨᓯᓯ ᑕᓪᓕᒪᖏᑦ 25:1

“ᐃᓅᒃ ᒪᕐᕉᒃ ᐃᖅᑲᕐᑐᐃᕕᖕᒧᐊᕋᔭᕐᐸᑎᒃ ᐊᑲᐅᖏᑦᔪᑎᒋᔭᒥᖕᓂᒃ ᐋᖅᑭᒃᑕᐅᖁᔨᓗᑎᒃ, ᐃᖅᑲᕐᑐᐃᔨᐅᑉ ᐃᓱᒪᓕᐅᕈᑎᒃᐸᒋᒃ, ᐂᑉᐸᖓ ᐸᓯᔭᒃᓴᐅᖏᓐᓂᕋᕐᓗᒍ ᐂᑉᐸᖓᓗ ᐸᓯᔭᒃᓴᐅᓂᕋᕐᓗᒍ.