ᒨᓯᓯ ᑕᓪᓕᒪᖏᑦ 17:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᓄᓇᒋᔭᑦᓯ ᐊᓯᐊᓂ ᑐᓴᕋᔭᕈᑦᓯ ᐊᖑᑎᑦ ᐃᓚᖏᑦ ᐊᕐᓁᓪᓘᓐᓃᑦ ᐊᑕᓂᕐᒧᑦ ᐊᔪᕐᑐᓕᓂᕋᕐᑕᐅᔪᓂᒃ ᐊᖏᖃᑎᒌᒍᑎᒋᓯᒪᔭᖓᓂᒡᓗ ᓯᖁᒥᑦᓯᔪᖃᕐᓂᕅᔪᖃᕐᐸᑦ,

ᒨᓯᓯ ᑕᓪᓕᒪᖏᑦ 17:2 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 18:12

ᐊᑕᓂᕐᒥᒃ ᒎᑎᒥᒃᑕ ᓂᐱᖓᓂᒃ ᓈᓚᓚᐅᖏᒻᒪᑕ, ᐊᖏᖃᑎᒌᒍᑎᒋᓯᒪᔭᒥᖕᓂᒃ ᓯᖁᒥᑦᓯᓚᐅᕐᒪᑕ, ᐱᖁᔭᓕᒫᓂᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᐊᑕᓂᐅᑉ ᐱᔨᖓᒍᑦ; ᓈᓚᒍᓐᓃᓚᐅᕐᒪᑕ ᐊᑕᓂᐅᑉ ᓂᐱᖓᓂᒃ ᒪᓕᒐᑎᒡᓗ ᐱᖁᔭᖏᓐᓂᒃ.

ᐊᑕᓃᑦ ᐂᑉᐸᖏᑦ 21:3

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᓴᓇᔭᐅᑎᒋᐊᓪᓚᓚᐅᕐᐰᑦ ᐊᑖᑕᖓᑕ ᕼᐃᓯᑬᐊᐅᑉ ᓯᖁᑦᑎᓚᐅᕐᑕᖏᑦ; ᑐᓂᕐᕈᓯᕐᕕᒡᓂᒡᓗ ᓴᓇᔭᐅᑎᑦᓯᕗᖅ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᕕᐅᕙᒃᑐᓂᒃ, ᒎᑎᓐᖑᐊᓪᓗ ᐊᓯᕋᐅᑉ ᐊᑦᔨᖓᓂᒃ ᓴᓇᔭᐅᑎᑦᓯᒋᓪᓗᓂ, ᐊᖓᔪᖅᑳᕐᔪᐊᑉ ᐂᕼᐊᐱᐅᑉ ᓴᓇᔭᐅᑎᓯᒪᔭᖓᑕ ᐊᑦᔨᖓᓂᒃ, ᒫᓇᓯ ᑐᒃᓯᐊᕐᕕᖃᖃᑦᑕᓕᓚᐅᕆᕗᖅ ᐅᓪᓗᕆᐊᓕᒫᓂᒃ, ᐱᓇᓱᐊᕐᕕᒋᓪᓗᒋᓪᓗ.

ᔫᐱᐅᑉ ᐊᒡᓚᖏᑦ 31:28

ᑕᒪᓐᓇ ᐊᔪᕐᓂᐅᒐᔭᕐᐳᖅ ᓱᒋᐊᕐᑕᐅᑦᔪᑎᒃᓴᐅᓗᓂ ᐃᖅᑲᕐᑐᐃᔨᒧᑦ, ᒎᑎᒧᑦ ᕿᓚᖕᒦᑦᑐᒧᑦ ᓱᓕᖏᑦᑐᒥᒃ ᐱᓇᓱᐊᕐᓂᐅᖕᒪᑦ.

ᒨᓯᓯ ᐂᑉᐸᖏᑦ 22:19

“ᐊᖑᑎᑦ ᓇᓪᓕᐊᓐᓂᒃ ᐆᒪᔪᒥᒃ ᓄᓕᐊᕐᑐᖃᕐᐸᑦ ᑖᓐᓇ ᐊᖑᑦ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 22:20

“ᓇᓪᓕᐊᑦ ᐊᑕᓂᐅᑉ ᐊᓯᐊᓄᑦ, ᒎᑎᒋᔭᐅᔪᓄᑦ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᖅ, ᑖᓐᓇ ᑐᖁᑕᐅᓪᓚᕆᒋᒋᐊᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:32

ᑖᓐᓇ ᐊᖏᖃᑎᒌᒍᑎᒋᔭᕋ ᐊᑦᔨᖃᕈᒫᓐᖏᓚᖅ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᓐᓄᑦ, ᑎᒍᓪᓗᒋᑦ ᑕᓯᐅᓚᐅᕋᒃᑭᑦ ᐄᑦᔨᑉᑎᒥᑦ, ᐊᖏᖃᑎᒌᒃᓯᒪᓂᑦᑎᓐᓂᒃ ᓯᖁᒥᑦᓯᓚᐅᕐᒪᑕ, ᐅᐃᒋᔭᐅᔪᑎᑐᑦ ᑖᒃᑯᓄᖓ ᑍᒤᒃᑲᓗᐊᕐᑎᓪᓗᖓ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 34:18

ᐊᖏᖃᑎᒌᒍᑎᓕᐊᕆᓚᐅᕐᑕᓐᓂᒃ ᒪᓕᖏᑦᑐᑦ ᓈᓚᖏᑦᑐᓪᓗ ᐊᖏᖃᑎᒌᖕᓂᐅᑉ ᒪᓕᒐᒃᓴᕐᑕᖏᓐᓂᒃ ᐋᖅᑭᓚᐅᕐᑕᑦᑎᓐᓂᒃ ᓵᓐᓂ, ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᒪᕐᕉᓕᓗᒍ ᐊᕕᒃᓯᑦᔪᓯᖓᑦᑎᑐᑦ ᐱᓂᐊᕐᐸᒃᑲ ᒪᕐᕉᓕᓗᒋᓪᓗ ᓇᑲᒌᕈᒃᑭᑦ ᐊᑯᓐᓂᖓᒍᑦ ᐱᓱᖕᓂᐊᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 16:38

ᐃᖅᑲᕐᑐᕈᒫᕐᐸᑦᓯ ᐊᕐᓁᑦ ᓄᓕᐊᕇᖕᓂᕐᒥᒃ ᐊᓯᕈᐃᓯᒪᔪᑦ ᐃᓄᐊᕐᑏᓪᓗ ᐃᖅᑲᕐᑐᕐᑕᐅᓂᖏᑎᑐᑦ, ᑎᑭᑕᐅᑎᑦᓱᒫᕐᐸᑦᓯ ᐊᐅᖕᒧᑦ ᓂᓐᖓᕕᒡᔪᐊᕐᓂᕐᒧᑦ ᓯᖕᓇᓂᕐᒧᓪᓗ.

ᕼᐆᓯᐊᑉ ᐊᒡᓚᖏᑦ 6:7

“ᐋᑕᒥᑐᓪᓕ ᐊᖏᖃᑎᒌᖕᓂᕆᓚᐅᕐᑕᕗᑦ ᓯᖁᒥᓚᐅᕐᐹᑦ; ᑕᕝᕙᓂᓗ ᐅᕙᓐᓄᑦ ᐅᒃᐱᕐᓂᕐᒥᓂᒃ ᑲᔪᓯᔪᓐᓃᓚᐅᕐᐳᑦ.

ᕼᐆᓯᐊᑉ ᐊᒡᓚᖏᑦ 8:1

“ᐅᓇᑕᕐᑐᕐᓯᐅᑏᑦ ᑎᑦᑐᓚᐅᑏᑦ ᐊᑐᐃᓐᓇᕈᓕᕐᓯᐅᒃ, ᑎᖕᒥᐊᑦ ᑎᒥᕕᓂᕐᑐᓲᑦ ᐊᐅᕐᓵᓕᕐᒪᑕ ᐊᑕᓂᐅᑉ ᐃᒡᓗᖓᑕ ᖁᓛᓂ, ᐃᓄᖁᑎᒪ ᐊᖏᖃᑎᒌᒍᑎᒃᑲ ᓯᖁᒥᓚᐅᕐᒪᒋᑦ, ᐊᑭᕋᕐᑐᓕᕐᓗᑎᒡᓗ ᐱᖁᔭᓐᓂᒃ.

ᒨᓯᓯ ᐱᖓᔪᖏᑦ 20:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.

ᒨᓯᓯ ᐱᖓᔪᖏᑦ 26:15

ᐱᖁᔭᓐᓂᒡᓗ ᒪᓕᒍᒪᖏᒃᑯᑦᓯ, ᐃᓕᑦᓯᓐᓄᓪᓗ ᐊᖏᕈᑎᒋᓯᒪᔭᓐᓂᒃ ᓯᖁᒥᑦᓯᒍᑦᓯ,

ᒨᓯᓯ ᐱᖓᔪᖏᑦ 26:25

ᐅᓇᑕᕐᓂᕐᒥᑦ ᑎᑭᑕᐅᑎᓐᓂᐊᕐᐸᑦᓯ ᓱᒋᐊᕐᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᕐᑐᓂᑦ ᐱᔪᓐᓁᕐᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᕐᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᕐᓗᓯ.

ᒨᓯᓯ ᑕᓪᓕᒪᖏᑦ 17:5

ᑕᕝᕙ ᐃᓅᒃ ᐊᖑᓪᓘᓐᓃᑦ ᐊᕐᓇᕐᓘᓐᓃᑦ ᓄᓇᓖᑦ ᓯᓚᑖᓄᐊᕈᑎᓗᒍ ᒥᓪᓗᕐᑕᐅᓗᓂ ᑐᖁᑕᐅᔪᒃᓴᐅᕗᖅ.

ᒨᓯᓯ ᑕᓪᓕᒪᖏᑦ 29:18

ᐅᓗᕆᐊᓱᒋᑦᓯ ᐃᓕᑦᓯᓐᓃᑦᑐᖃᖁᓇᒍ ᐊᖑᒻᒥᒃ, ᐊᕐᓇᒥᒡᓘᓐᓃᑦ, ᕿᑐᕐᖓᕇᓂᒡᓘᓐᓃᑦ, ᑭᖑᕚᕇᓂᒡᓘᓐᓃᑦ, ᐅᓪᓗᒥ ᐆᒻᒪᑎᒥᒍᑦ ᐊᑕᓂᕐᒥᑦ ᒎᑎᑦᑎᓐᓂᑦ ᓴᖑᓯᒪᔪᒥᒃ ᐃᓅᖃᑎᒌᒡᔪᐊᓪᓗ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᕈᒪᓕᕐᑐᓂᒃ; ᑕᒪᓐᓇ ᑍᒤᑦᑐᖅ ᐱᕈᕐᓯᐊᒃᓴᐅᑉ ᓄᓇᒧᑦ ᒪᖒᒪᓂᖓᑐᑦ ᑍᒤᑉᐳᖅ ᐱᕈᕐᑐᖃᕈᒫᕐᓗᓂ ᖃᓯᓕᓇᕐᑐᒥᒃ ᑐᖁᓐᓇᕐᑐᒥᒡᓗ.

ᒨᓯᓯ ᑕᓪᓕᒪᖏᑦ 29:25

ᑕᒪᓐᓇ ᐃᒤᓕᖓᔪᒥᒃ, ‘ᐱᑦᔪᑎᖃᕐᐳᖅ ᐊᑕᓂᐅᑉ ᐃᓄᖁᑎᖏᑕ ᑖᑦᓱᒧᖓ ᐊᖏᖃᑎᒌᒍᑎᒋᓚᐅᕐᑕᓂ ᓯᖁᓯᒥᒪᖕᒪᒋᑦ, ᓯᕗᓕᕕᓂᖏᑕ ᒎᑎᖓᓄᑦ, ᐊᖏᖃᑎᒌᒍᑎᓕᐊᕆᓚᐅᕐᑕᖓᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᒨᓯᓯ ᑕᓪᓕᒪᖏᑦ 4:23

ᑲᒪᑦᓯᐊᕐᓂᐊᕐᐳᓯᓕ ᐳᐃᒍᖁᓇᓯ ᐊᖏᖃᑎᒌᒍᑎᐅᓯᒪᔪᒥᒃ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᖏᕈᑎᒋᓚᐅᕐᑕᖓᓂᒃ. ᑖᑦᓱᒪᓗ ᐱᖁᔨᓂᖓ ᓈᓚᒡᓗᒍ ᒎᑎᓐᖑᐊᒥᒃ ᖃᓄᐃᑦᑐᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ.

ᐄᑉᕈᐃᓄᑦ 10:28

ᓇᓪᓕᐊᑦ ᒨᓯᓯᐅᑉ ᐱᖁᔭᖏᓐᓂᒃ ᒪᓕᖏᑦᑐᖅ ᓂᑲᒋᔭᐅᓇᓂ ᑐᖁᑕᐅᖁᔭᐅᕗᖅ ᖃᐅᔨᓯᒪᔫᒃ ᒪᕐᕉᒃ ᐱᖓᓱᓪᓘᓐᓃᑦ ᓇᓗᓁᕐᓯᓂᖏᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 23:16

ᐊᖏᖃᑎᒌᒍᑎᒋᓚᐅᕐᑕᓯ ᑲᔪᓯᑎᖏᒃᑯᑦᓯᐅᒃ, ᐊᑕᓂᐅᑉ ᒎᑎᑦᓯ ᑎᓕᓯᑦᔪᑎᒋᓚᐅᕐᑕᖓ ᐃᓕᑦᓯᓐᓄᑦ, ᐱᔨᑦᓯᓕᕈᑦᓯᓗ ᒎᑎᐅᑉ ᐊᓯᐊᓂᒃ ᐹᒻᒪᒃᑎᕐᕕᒋᓕᕐᓗᒋᓪᓗ. ᑕᕝᕙ ᐊᑕᓂᐅᑉ ᓂᓐᖓᐅᓯᕐᒥᓄᑦ ᓱᒋᐊᕈᒫᕐᐹᓯ, ᐊᑯᓂᐅᖏᑦᑐᕐᓗ ᑕᒫᓃᑦᓱᓐᓁᕈᒫᕐᐳᓯ ᓄᓇᒥ ᐱᐅᔪᒥ ᑐᓂᓚᐅᕐᑕᖓᓂ ᐃᓕᑦᓯᓐᓄᑦ.”

ᔮᓱᐊᑉ ᐊᒡᓚᖏᑦ 7:11

ᐃᓴᕆᐊᓕᒥᐅᑦ ᐊᔪᕐᑐᓕᓯᒪᖕᒪᑕ! ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓚᐅᕐᑕᑦᑎᓐᓂᒃ ᑎᓕᓯᑦᔪᑎᒋᓚᐅᕐᑕᓐᓂᒃ ᑖᒃᑯᓄᖓ; ᑎᒍᓯᓯᒪᖕᒪᑕ ᐱᖁᔭᐅᓚᐅᖏᑦᑐᓂᒃ ᑎᒡᓕᒡᓯᒪᓪᓗᑎᒃ, ᓴᒡᓗᓯᒪᓪᓗᑎᒡᓗ, ᑎᒍᔭᒥᖕᓂᒃ ᐱᖁᑎᒥᖕᓄᑦ ᐃᓚᓕᐅᑦᔨᓯᒪᖕᒪᑕ.

ᔮᓱᐊᑉ ᐊᒡᓚᖏᑦ 7:15

ᑖᓐᓇᓗ ᓇᓗᓁᕐᑕᐅᔪᖅ ᐱᐅᖏᑦᑐᒥᒃ ᐱᖁᑎᓂᒃ ᐱᓯᒪᔪᖅ ᐃᑭᑕᐅᔪᒃᓴᐅᕗᖅ, ᐃᓚᒌᑦ ᐃᓚᒋᓗᒋᑦ ᐱᖁᑎᓕᒫᖏᓪᓗ, ᑖᓐᓇ ᐊᔪᕐᑐᓕᑎᑦᓯᖕᒪᑦ ᐃᓴᕆᐊᓕᒥᐅᓂᒃ ᓯᖁᒥᑦᑎᓯᒪᓪᓗᓂᓗ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖓᓂᒃ, ᑲᓐᖑᓇᕐᑐᒦᑎᑦᓯᓪᓗᓂᓗ ᐃᓴᕆᐊᓕᒥᐅᓂᒃ.’”

ᐃᓗᐊᕐᓮᔩᑦ ᐊᒡᓚᖏᑦ 2:20

ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐅᖃᕐᓗᓂᓗ, “ᐃᓅᖃᑎᒌᑦ ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓯᒪᔭᓐᓂᒃ ᐱᖁᔨᑦᔪᑎᒋᓚᐅᕐᑕᓐᓂᒃ ᓯᕗᓕᖏᓐᓄᑦ. ᓈᓚᒃᓯᒪᖏᓐᓂᖏᓐᓄᑦ ᐅᕙᓐᓂᒃ,

ᐃᓗᐊᕐᓮᔩᑦ ᐊᒡᓚᖏᑦ 6:31

ᔪᐊᓯᐅᓪᓕ ᐅᐸᒃᑎᓂ ᐅᖃᐅᑎᕔᑦ, “ᐱᑦᔪᑦᔨᒐᓱᐊᕐᐱᓰ ᐰᓕᒥᒃ? ᓴᐳᑦᔨᓇᓱᐊᕐᐱᓯᓗ ᑖᑦᓱᒥᖓ? ᐱᑦᔪᑦᔨᒐᓱᐊᕐᑐᖅ ᑖᑦᓱᒥᖓ ᑐᖁᑕᐅᓂᐊᕐᐳᖅ ᐅᓪᓛᓐᖑᓚᐅᕐᑎᓐᓇᒍ. ᐰᓕ ᒎᑎᐅᒍᓂ, ᐃᒻᒥᓂᒃ ᓴᐳᑎᓕᕐᓕ, ᑖᑦᓱᒪ ᑐᓂᕐᕈᓯᕐᕕᖓ ᐅᕐᕈᑎᑕᐅᓯᒪᖕᒪᑦ.”