ᒨᓯᓯ ᑕᓪᓕᒪᖏᑦ 17:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑖᒃᑯᐊᓗ ᑍᒪᓐᖓᑦ ᓇᔪᕐᑎᒋᑦᓮᓐᓇᕆᐊᖃᕐᐰᑦ ᐅᖃᓕᒫᖃᑦᑕᕐᓗᓂᒋᓪᓗ ᐃᓅᓯᓕᒫᒥᓂ, ᐊᑕᓂᕐᒥᒃ ᒎᑎᒥᓂᒃ ᓯᕘᕋᒋᔭᖃᓕᖁᓪᓗᒍ, ᐱᖁᔧᑦ ᒪᓕᒐᒃᓮᓪᓗ ᐅᑯᐊ ᐅᖃᐅᓯᖏᓐᓂᒃ ᒪᓕᑦᓯᐊᕐᓂᕐᒥᓄᑦ, ᐊᑐᑦᓯᐊᕐᓗᒋᓪᓗ.

ᒨᓯᓯ ᑕᓪᓕᒪᖏᑦ 17:19 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 22:10

ᓴᕙᓂᓗ ᐅᖃᒃᑲᓐᓂᕐᐳᖅ: “ᐊᒡᓚᖕᓂᒃ ᐱᓯᒪᒐᒪ ᑐᓂᕐᕈᓯᕐᑎᑦᓯᔨᐅᑉ ᕼᐃᓪᑬᐊᐅᑉ ᕾᑕᖏᓐᓂᒃ.” ᐅᖃᓕᒫᕐᐰᓪᓗ ᐊᖓᔪᖅᑳᕐᔪᐊᕐᒧᑦ.

ᐃᓐᖏᕈᑎᑦ 1:2

ᖁᕕᐊᒋᔭᖃᕐᑐᕐᓕ ᐊᑕᓂᐅᑉ ᐱᖁᔭᖏᓐᓂᒃ, ᑐᒃᓯᐊᕐᓂᒃᑯᓪᓗ ᐃᓱᒪᒃᓴᕐᓯᐅᕈᑎᖃᕐᑐᖅ ᐱᖁᔭᖏᓐᓂᒃ, ᐅᓪᓗᒃᑯᑦ ᐅᓐᓄᐊᒥᓗ.

ᔪᐊᓇᓯᐅᑉ ᐊᒡᓚᖏᑦ 5:39

ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;

ᒨᓯᓯ ᑕᓪᓕᒪᖏᑦ 11:18

“ᑕᒪᒃᑯᐊ ᐃᖅᑲᐅᒪᔭᒃᓴᕆᕙᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᒃᑲ ᑍᒧᖎᓐᓇᕆᐅᕐᓴᕐᓗᒋᓪᓗ ᐆᒻᒪᑎᑦᓯᒍᑦ. ᐊᒡᒐᐅᑎᑦᓯᓐᓄᑦ ᓂᒻᒪᐅᑎᓗᒋᑦ ᕿᓚᒃᑕᒃᓴᕆᕙᓯ ᖃᐅᕐᒥᐅᑕᕆᓗᒋᓪᓗ ᐊᑯᓕᐊᑦᓯᓐᓂ ᐃᓕᑦᓯᓐᓄᑦ ᓇᓗᓁᒃᑯᑕᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᒨᓯᓯ ᑕᓪᓕᒪᖏᑦ 5:1

ᒨᓯᓯᐅᑉ ᐃᓄᓕᒫᑦ ᑲᑎᖁᕔᑦ ᐅᖃᐅᑎᓪᓗᒋᓪᓗ, “ᐃᓴᕆᐊᓕᒥᐅᑦ ᐃᓄᖏᑦ, ᐅᓪᓗᒥ ᓈᓚᓚᐅᕐᓯᓐᖓ ᐱᖁᔭᓂᒃ ᐅᖃᐅᓯᖃᕐᑎᓪᓗᖓ ᐃᓕᑦᓯᓐᓄᑦ. ᑖᒃᑯᐊ ᐃᓕᓐᓂᐊᕐᑕᒃᓴᕆᕙᓯ ᓈᓚᑦᓯᐊᕐᓗᒋᓪᓗ.

ᔮᓱᐊᑉ ᐊᒡᓚᖏᑦ 1:8

ᐅᑯᐊ ᐱᖁᔭᑦ ᖃᓂᒃᑯᑦ ᐅᖃᐅᓯᕆᔪᓐᓃᕐᑍᓕᒃᑭᑦ, ᐃᓱᒪᒃᓴᕐᓯᐅᕈᑎᒋᖃᑦᑕᒃᑭᑦ ᐅᓪᓗᑯᑦ ᐅᓐᓄᒃᑯᓪᓗ, ᓈᓚᑦᓯᐊᕐᓗᒋᓪᓗ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ, ᑍᒤᒃᑯᕕᑦ ᐊᖅᑯᑎᒋᔭᕐᓂ ᖃᓄᐃᓕᐅᕐᑕᓕᒫᕐᓂᓗ ᐱᕙᓪᓕᐊᑎᑦᓯᖃᑦᑕᕐᓂᐊᕐᐳᑎᑦ.