ᒨᓯᓯ ᑕᓪᓕᒪᖏᑦ 16:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᑐᓂᕐᕈᓯᕐᕕᖕᒥᒃ ᐊᑕᓂᕐᒧᑦ ᒎᑎᑦᓯᓐᓄᑦ ᓴᓇᓕᕈᕕᑦ, ᓴᓂᐊᓄᑦ ᓇᑉᐸᕐᓯᔪᒃᓴᐅᓐᖏᓚᑎᑦ ᕿᔪᖕᒥᒃ ᐊᕐᓇᓐᖑᐊᒥᒃ ᐊᓯᕋᒥᒃ ᐊᑎᓕᖕᒥᒃ.

ᒨᓯᓯ ᑕᓪᓕᒪᖏᑦ 16:21 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:15

ᐊᑕᓂᐅᑉ ᓱᒋᐊᕈᒫᕐᒪᒋᑦ ᐃᓴᕆᐊᓕᒥᐅᑦ, ᐃᕕᒃᑎᑐᑦ ᐃᒫᓂ ᐊᐅᓚᑎᑕᐅᔪᑎᑐᑦ, ᐃᓴᕆᐊᓕᒥᐅᑦ ᐊᒫᖏᑎᒍᑦ ᐊᒧᔪᒫᕐᐰᑦ ᓄᓇᒥᑦ ᐱᐅᔪᒥᑦ ᑐᓂᓚᐅᕐᑕᒥᓂᑦ ᓯᕗᓕᖏᓐᓄᑦ, ᓯᐊᒻᒪᕐᑎᑦᓱᒫᕐᐰᓪᓗ ᑰᑉ ᐃᕗᕅᑎᐅᑉ ᐅᖓᑖᓄᑦ, ᐃᓄᓐᖑᐊᓕᐅᕐᓗᑎᒃ ᒎᑎᓐᖑᐊᓕᐅᓚᐅᕐᒪᑕ ᐊᓯᕆᒻᒥᒃ, ᑕᒪᑐᒧᖓ ᐊᑕᓂᕐᒥᒃ ᓂᓐᖓᒃᓮᓚᐅᕐᒪᑕ.

ᐊᑕᓃᑦ ᓯᕗᓪᓖᑦ 16:33

ᐂᕼᐊᑉᓗ ᕿᔪᖕᒥᒃ ᐊᓯᕆᒥᒃ ᐊᑎᓕᖕᒥᒃ ᒎᑎᓐᖑᐊᓕᐅᕐᐳᖅ. ᐂᕼᐊᑉ ᓂᓐᖓᒃᓮᓂᕐᓴᐅᓚᐅᕐᐳᖅ ᐊᑕᓂᕐᒥᒃ, ᐃᓴᕆᐊᓕᒥᐅᑉ ᒎᑎᖓᓂᒃ, ᐊᖓᔪᖅᑳᕐᔪᐊᖑᓚᐅᕐᑐᓂᑦ ᐃᓴᕆᐊᓕᒥᐅᓄᑦ ᓯᕗᓕᕐᒥᓂᑦ.

ᐊᑕᓃᑦ ᐂᑉᐸᖏᑦ 17:16

ᐊᑕᓂᐅᑉ ᒎᑎᖓᑦᑕ ᐱᖁᔭᖏᓐᓂᒃ ᒪᓕᒍᓐᓁᓚᐅᕐᐳᑦ, ᓴᓇᓚᐅᕐᐳᑦ ᒪᕐᕉᖕᓂᒃ ᑐᒃᑐᕙᓐᖑᐊᖕᓂᒃ ᑐᒃᓯᐊᕐᕕᒋᔭᒃᓴᒥᖕᓂᒃ, ᓴᓇᓚᐅᕆᕗᑦ ᐊᕐᓇᐅᑉ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ, ᐅᓪᓗᕆᐊᓄᓪᓗ ᑐᒃᓯᐊᕐᐸᒃᑭᓪᓗᑎᒃ ᒪᓕᒐᖃᕐᓗᑎᒡᓗ ᒎᑎᓐᖑᐊᒥᒃ ᐰᓕᒥᒃ.

ᐊᑕᓃᑦ ᐂᑉᐸᖏᑦ 21:3

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᓴᓇᔭᐅᑎᒋᐊᓪᓚᓚᐅᕐᐰᑦ ᐊᑖᑕᖓᑕ ᕼᐃᓯᑬᐊᐅᑉ ᓯᖁᑦᑎᓚᐅᕐᑕᖏᑦ; ᑐᓂᕐᕈᓯᕐᕕᒡᓂᒡᓗ ᓴᓇᔭᐅᑎᑦᓯᕗᖅ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᕕᐅᕙᒃᑐᓂᒃ, ᒎᑎᓐᖑᐊᓪᓗ ᐊᓯᕋᐅᑉ ᐊᑦᔨᖓᓂᒃ ᓴᓇᔭᐅᑎᑦᓯᒋᓪᓗᓂ, ᐊᖓᔪᖅᑳᕐᔪᐊᑉ ᐂᕼᐊᐱᐅᑉ ᓴᓇᔭᐅᑎᓯᒪᔭᖓᑕ ᐊᑦᔨᖓᓂᒃ, ᒫᓇᓯ ᑐᒃᓯᐊᕐᕕᖃᖃᑦᑕᓕᓚᐅᕆᕗᖅ ᐅᓪᓗᕆᐊᓕᒫᓂᒃ, ᐱᓇᓱᐊᕐᕕᒋᓪᓗᒋᓪᓗ.

ᐊᑕᓃᑦ ᐂᑉᐸᖏᑦ 21:7

ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓯᒪᔪᒥᒃ ᐋᖅᑭᒃᑕᐅᑎᑦᓯᓯᒪᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᑍᕕᑎᒥᒃ ᐃᕐᓂᖓᓂᒡᓗ ᓲᓗᒨᓂᒥᒃ ᐅᖃᐅᑦᔨᑦᔪᑎᒋᓚᐅᕐᑕᖓᓂᒃ ᐅᖃᕐᓗᓂ, “ᐅᕙᓂ ᐃᒡᓗᒥ ᔨᕉᓴᓕᒻᒥᓗ ᓂᕈᐊᕐᓯᒪᔭᓐᓂ ᐃᓴᕆᐊᓕᒥᐅᑦ ᑭᖑᕚᕇᖏᑕ ᓄᓇᒋᔭᓕᒫᖏᓐᓂᑦ, ᐊᑎᕋ ᐃᓂᖃᕐᑎᓐᓂᐊᕐᐸᕋ ᐃᓱᖃᖏᑦᑐᒧᑦ;

ᑯᕉᓂᑲ ᐂᑉᐸᖏᑦ 33:3

ᓴᓇᒋᐊᓪᓚᓚᐅᕐᒪᑦ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᐊᑖᑕᖓᑕ ᕼᐃᓯᑬᐊᐅᑉ ᓱᕋᓚᐅᕐᑕᖏᓐᓂᒃ, ᑐᓂᕐᕈᓯᕐᕖᓪᓗ ᐰᓕᒧᑦ ᐋᖅᑭᒃᓱᕆᐊᓪᓚᒃᓗᒋᑦ, ᕿᔪᖕᓂᒡᓗ ᒎᑎᓐᖑᐊᓂ ᐊᓯᕋᓂᒃ ᐊᑎᓕᖕᓂᒃ ᓴᓇᕗᖅ, ᑐᒃᓯᐊᕐᕕᒋᖃᑦᑕᕐᐰᓪᓗ ᒎᑎᒋᔭᐅᔪᑦ ᐅᓪᓗᕆᐊᑦ ᕿᓚᖕᒦᑦᑐᑦ ᐱᔨᑦᓯᕐᓗᒋᓪᓗ.

ᒨᓯᓯ ᐂᑉᐸᖏᑦ 34:13

ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.

ᒨᓯᓯ ᐱᖓᔪᖏᑦ 26:1

“ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᕐᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᕐᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᑕᓪᓕᒪᖏᑦ 7:5

ᑍᒤᒻᒪᑦ ᐃᒫᒃ ᐱᓇᓱᐊᕐᕕᒋᔭᒃᓴᕆᕙᓯ, ᒎᑎᓐᖑᐊᓄᑦ ᑐᓂᕐᕈᓯᕐᕕᖏᑦ ᓱᕋᒃᑎᒐᒃᓴᕆᕙᓯ, ᓱᑲᖁᑎᒋᔭᖏᓪᓗ ᓇᐸᔪᑦ ᐱᓪᓚᕆᖁᑎᒋᔭᖏᑦ ᓯᖃᓪᓕᓗᒋᑦ, ᐊᕐᓇᓐᖑᐊᓪᓗ ᒎᑎᓐᖑᐊᖏᑦ ᐊᓯᕋᒥᒃ ᐊᑎᓖᑦ ᐅᕐᕈᑎᑕᒃᓴᕆᕙᓯ, ᒎᑎᓐᖑᐊᖏᓪᓗ ᐃᑯᐊᓪᓚᒃᑎᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 3:7

ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ.