ᒨᓯᓯ ᑕᓪᓕᒪᖏᑦ 16:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓄᖕᓂᒃ ᐋᖅᑭᒃᓱᐃᓂᖅ ᐱᑦᓯᐊᕆᐊᖃᕐᐳᖅ; ᐃᓔᓐᓇᕐᓯᐅᕐᓗᑎᒃ ᐋᖅᑭᒃᓱᐃᔪᒃᓴᐅᓐᖏᓚᑦ; ᓯᓔᕐᕆᒃᓯᓇᓱᐊᕐᑐᓂᒡᓗ ᒪᓕᒃᓴᕐᑐᒃᓴᐅᓐᖏᓚᑦ, ᑐᓂᕐᕈᑎᒋᔭᐅᔪᑦ ᓯᓔᕐᕆᒃᓯᕈᑕᐅᓇᓱᐊᕐᓗᑎᒃ ᑕᑯᓐᓇᕈᓐᓃᕐᑎᑦᓯᔪᓐᓇᕐᒪᑕ ᐊᒡᓛᑦ ᓯᓚᑐᔪᓂᒃ ᐱᑦᓯᐊᕋᓱᒃᑐᓂᒡᓗ ᐊᒡᓛᑦ, ᓈᒻᒪᓈᖏᑦᑐᓂᒡᓗ ᐃᓱᒪᑖᕐᑎᑦᓯᓕᕈᓐᓇᕐᓗᑎᒃ.

ᒨᓯᓯ ᑕᓪᓕᒪᖏᑦ 16:19 ပူးပေါင်းရင်းမြစ်များ

ᐃᓐᖏᕈᑎᑦ 15:5

ᑮᓇᐅᔭᒥᓂᒡᓗ ᐊᑐᕐᑎᑦᓯᒍᓂ ᐃᓚᕙᓪᓕᐊᑎᑦᓯᕙᖏᓪᓗᓂ, ᓯᓔᕐᕆᒃᓯᕙᖏᑦᑐᕐᓗ ᐸᓯᔭᒃᓴᐅᖏᑦᑐᓂᒃ. ᑕᒪᒃᑯᓂᖓ ᑍᒤᓕᐅᕐᑐᖅ ᐊᐅᓚᑕᐅᓂᐊᓐᖏᓚᖅ.

ᒨᓯᓯ ᐂᑉᐸᖏᑦ 18:21

ᐃᓄᖕᓂᓪᓕ ᓂᕈᐊᕐᑐᒃᓴᐅᕗᑎᑦ ᐱᔪᓐᓇᑦᓯᐊᕐᑐᓂᒃ, ᒎᑎᒥᒡᓗ ᓈᓚᑦᓯᐊᕐᑐᓂᒃ, ᐅᒃᐱᕆᔭᒃᓴᐅᑦᓯᐊᕐᑐᓂᒃ ᓯᓔᕐᕆᔭᐅᔭᖏᑦᑐᓂᒡᓗ; ᑍᒤᑦᑐᑦ ᑕᓯᐅᕐᑎᓐᖑᕐᑎᓚᐅᒃᑭᑦ ᐃᓄᖕᓄᑦ 1,000ᓄᑦ, ᐃᓚᖏᑦ 100ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ.

ᒨᓯᓯ ᐂᑉᐸᖏᑦ 23:2

ᐃᓄᒋᐊᖕᓂᕐᓮᑦ ᐅᓄᕐᓂᕐᓴᐅᓂᑐᐃᓐᓇᖏᓐᓄᑦ ᒪᓕᒃᓴᕐᑐᒃᓴᐅᓐᖏᓚᓯ ᓈᒻᒪᖏᑦᑐᒧᑦ ᐱᓇᓱᐊᕐᐸᑕ; ᐅᕝᕙᓘᓐᓃᑦ ᓇᓗᓁᕐᓯᓕᕐᐸᑕ ᐃᓅᖃᑎᒧᑦ ᓈᒻᒪᓈᖏᑦᑐᒥᒃ ᐱᓇᓱᐊᓕᕐᓗᑎᒃ;

ᒨᓯᓯ ᐂᑉᐸᖏᑦ 23:3

ᐅᕝᕙᓗ ᐃᓔᓐᓇᕐᓯᐅᕐᓂᕐᒧᑦ ᐃᑲᔪᕐᑐᖏᓐᓂᕐᓴᐅᔪᒃᓴᐅᓐᖏᓚᓯ ᐊᖑᑦ ᐊᔪᕐᓴᕐᑐᖅ ᐃᖅᑲᕐᑐᕐᑕᐅᓕᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:27

ᓂᐊᖂᔭᒃᓴᓂᒃ ᒥᖕᓂᑐᔫᑉ ᐱᕋᔭᖕᓂᒃᑯᑦ ᑮᓇᐅᔭᕐᑖᕈᒪᓂᕐᒧᑦ ᐃᒡᓗᒥᐅᖃᑎᓂ ᐃᓱᐊᖏᑦᑐᒦᑎᑉᐰᑦ, ᐅᐃᕕᕆᒃᓯᓂᕐᒥᒃᓕ ᐱᐅᒋᔭᖃᕐᖏᑦᑐᖅ ᐃᓅᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:23

ᐱᐅᖏᑦᑐᒥᒃ ᐃᓱᒪᓕᒃ ᐃᔨᕋᕐᑐᕐᓗᓂ ᐃᓚᓐᓂᕐᓴᐅᒻᒥᒃ ᐊᖏᕐᐳᖅ, ᑭᖑᓂᖓᒍᓪᓗ ᓈᒻᒪᑦᓯᐊᕐᑐᖅ ᐊᑐᕐᑕᐅᓕᕐᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:5

ᐱᐅᖏᑦᑐᓂᒃ ᐊᑦᔨᒌᓐᖏᑎᑦᓯᓂᖅ ᐱᐅᓐᖏᓚᖅ, ᐃᓱᐊᕐᑐᕐᓗ ᐊᑦᔨᒌᒃᑎᑦᓯᑦᑍᓕᑎᓪᓗᒍ ᐱᐅᖏᓐᓂᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:23

ᒪᑯᐊᑦᑕᐅᖅ ᓯᓚᑐᔫᑉ ᐱᒋᒋᕔᑦ: ᐃᓔᓐᓇᕐᓯᐅᕐᓂᖅ ᐊᑦᔨᒌᒃᑎᑦᓯᓂᐅᖏᓐᓇᒥ ᐱᐅᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:28

ᐃᖅᑲᕐᑐᐃᕕᖕᒥ ᖃᐅᔨᓚᐅᕐᑐᑐᑦ ᐃᓚᐅᓂᐊᕐᓇᒃ ᐃᓅᖃᑎᖕᓄᑦ ᐱᑦᔪᑎᖃᖏᑦᑐᒧᑦ, ᐅᐃᕕᕆᒃᓯᒐᔭᕋᕕᑦ ᓱᓕᖏᑦᑐᒥᒃ ᐅᖃᕈᕕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:5

ᐃᒥᕐᓯᒪᓕᕈᑎᒃ ᐊᖏᕈᑕᐅᓯᒪᔪᒥᒃ ᐳᐃᒍᖁᓇᒋᑦ, ᐃᓄᐃᓪᓗ ᐊᔪᕐᓴᕐᑐᑦ ᐃᒃᐱᒋᔭᐅᑦᓯᐊᕆᐊᖃᕐᓂᖏᓐᓂᒃ ᑲᒪᔪᓐᓃᖁᓇᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:7

ᐅᖁᒤᒃᓴᕐᑎᑕᐅᓂᕐᒧᑦ ᓯᓚᑐᔪᖅ ᓯᓔᑦᑐᓐᖑᕐᑎᑕᐅᖕᒪᑦ, ᓯᓔᕆᒃᓯᕐᓂᐅᓪᓗ ᐆᒻᒪᑎ ᐋᓐᓂᐊᕐᑖᕐᑎᑉᐹ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 33:15

ᓇᓪᓕᐊᑦ ᓇᓛᒎᕐᑐᒥᒃ ᐃᓅᓯᖃᕐᑐᖅ ᓱᓕᔪᓂᒃ ᐅᖃᐅᓯᖃᕐᐳᖅ, ᐆᒥᓱᒡᓗᓂᓗ ᓵᓚᓯᐊᖃᕐᓂᒃᑯᑦ ᐱᕙᓪᓕᐅᑎᖃᕋᓱᐊᕐᑐᓂᒃ, ᐅᐃᕕᕆᒃᓯᓂᒃᑯᑦ ᐱᓯᒪᔪᓂᒃ ᓱᓇᒥᒃ ᑎᒍᓯᔪᒪᓐᖏᓚᖅ, ᑐᖁᑦᓯᓂᕐᒥᒡᓗ ᑐᓴᕈᒪᓐᖏᓚᖅ ᐊᔪᕐᑐᓕᓂᕐᒥᒃ ᑕᑯᔪᒪᖏᓐᓇᒥ:

ᔨᕆᒤᐊᐅᑉ ᐊᒡᓚᖏᑦ 5:28

ᓂᕆᓂᕐᒧᓪᓗ ᖁᐃᓂᔫᓕᕐᐳᑦ, ᐱᐅᖏᑦᑐᓂᒡᓗ ᐱᓇᓱᐊᕐᓂᖏᑦ ᐃᓱᓕᑦᑐᓐᓇᓐᖏᓚᑦ, ᐊᑖᑕᖃᖏᑦᑐᓄᑦ ᐱᓇᓱᐊᕐᓂᖏᑦ ᓈᒻᒪᓐᖏᓚᑦ, ᐊᔪᕐᓴᕐᑐᓂᒡᓗ ᐃᑲᔪᕐᑐᐃᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 18:8

ᑮᓇᐅᔭᓂᒃ ᐊᑐᕐᑎᑦᓯᔭᕌᖓᒥ ᑮᓇᐅᔭᓕᐅᕈᑎᖃᒃᑲᓐᓂᕋᓱᒃᐸᖏᓪᓗᓂ, ᐱᐅᖏᑦᑐᒥᒡᓗ ᐊᑐᕐᑍᓕᒪᔪᓐᓇᕐᓗᓂ, ᐊᑦᔨᒌᒃᑎᑦᓯᓂᕐᒥᒃ ᐱᓂᐊᕐᕕᖃᕐᐸᒡᓗᓂ ᐃᓅᖃᑎᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᕼᐊᐸᑲᐅᑉ ᐊᒡᓚᖏᑦ 1:4

ᐱᖁᔭᖅ ᐱᔪᓐᓇᕐᓂᖃᓐᖏᓚᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᑐᕐᑕᐅᔪᓐᓇᕋᓂ. ᐃᓱᐊᕐᓂᕐᒥ ᐃᓅᓯᖃᕐᑐᑦ ᐊᕙᓗᔭᐅᓯᒪᖕᒪᑕ ᐱᐅᖏᑦᑐᓕᔪᓂᑦ, ᑍᒤᒻᒪᑦ ᐋᖅᑭᒃᓱᐃᑦᓯᐊᕐᓂᐅᑉ ᐱᐅᓂᖓ ᐱᐅᔪᓐᓃᕐᑎᑕᐅᕗᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:34

ᐲᑦᑐᕉᓯ ᐅᖃᓯᕗᖅ: “ᒫᓐᓇ ᑐᑭᓯᕗᖓ ᒎᑎ ᐃᓔᓐᓇᕐᓯᐅᖏᒻᒪᑦ, ᐃᓄᓕᒫᓪᓕ ᐊᑦᔨᒌᒃᑎᒻᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:37

ᐸᐅᓗᓯᐅᑉ ᐅᖃᐅᑎᕔᑦ, “ᐃᓄᐃᑦ ᑕᑯᓐᓈᕐᑎᓪᓗᒋᑦ ᑏᒐᕐᑐᕐᑕᐅᓚᐅᕋᓐᓄᒃ, ᐃᖅᑲᕐᑐᕐᑕᐅᓇᓄᒡᓘᓐᓃᑦ ᑎᒍᔭᐅᓯᒪᕕᖕᒧᑦ ᐃᑎᕐᑎᑕᐅᓚᐅᕐᑐᒍᒃ ᕉᒪᒥᐅᖑᒐᓗᐅᕐᑐᒍᒃ, ᐃᓄᐃᑦ ᖃᐅᔨᑎᓐᓇᒋᑦ ᐊᓂᑎᑕᐅᔪᒪᓕᕐᐱᓅᒃ? ᑍᒤᑦᓴᕆᐊᖃᓐᖏᓚᑦ ᑍᒃᑯᐊ ᐊᐅᓚᑦᓯᔩᑦ ᕾᓕᕐᓕᑦ ᓇᖕᒥᓂᖅ ᐊᓂᑎᓪᓗᓂᑎᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 23:3

ᐸᐅᓗᓯᐅᑉ ᐅᖃᐅᑎᕚ, “ᒎᑎᐅᑦᑕᐅᖅ ᐊᓇᐅᓂᐊᕆᕚᑎᑦ, ᓱᓕᓐᖑᐊᕐᑐᐊᓘᔪᑎᑦ! ᑕᕝᕙᓂ ᐃᒃᓯᕙᔪᑎᑦ ᐱᖁᔧᑦ ᒪᓕᒡᓗᒋᑦ ᐅᕙᓐᓂᒃ ᐃᖅᑲᕐᑐᐃᔭᕆᐊᖃᕋᕕᑦ, ᐱᖁᔧᑦ ᒪᓕᖕᓇᒋᑦ ᖃᓂᕈᕐᑕᐅᖁᕙᕐᒪ.”

ᒨᓯᓯ ᑕᓪᓕᒪᖏᑦ 10:17

ᐊᑕᓂᖅ ᒎᑎᒋᔭᓯ ᒎᑎᒋᔭᐅᔪᓕᒫᓂᑦ ᐊᖏᓂᕐᓴᐅᖕᒪᑦ ᐱᔪᓐᓇᕐᓂᕐᐹᖑᓪᓗᓂᓗ. ᐱᔪᓐᓇᕐᑐᕐᔪᐊᖑᕗᖅ ᐊᔪᒐᖃᖏᑦᑐᕐᔪᐊᖑᓪᓗᓂᓗ, ᓯᕘᕋᒋᔭᐅᔪᒃᓴᐅᕗᕐᓗ. ᐃᓄᖕᓂᒡᓗ ᐃᓔᓐᓇᕐᓯᐅᓐᖏᓚᖅ, ᓯᓔᕐᕆᔭᐅᔪᓐᓇᕋᓂᓗ.

ᒨᓯᓯ ᑕᓪᓕᒪᖏᑦ 16:18

“ᐋᖅᑭᒃᓱᐃᔨᒃᓴᓂᒃ ᑎᓕᓯᔪᒃᓴᐅᕗᓯ ᐊᖓᔪᖅᑳᖑᓂᐊᕐᑐᓂᒡᓗ ᐊᑕᓂᐅᑉ ᑐᓂᓯᒪᔭᖏᓐᓂ ᓄᓇᑦᓯᓐᓂ, ᑭᖑᕚᖑᖃᑎᒌᑦ ᒪᓕᒡᓗᒋᑦ; ᑖᒃᑯᐊᓗ ᐋᖅᑭᒃᓱᐃᔨᐅᔪᒃᓴᐅᕗᑦ ᐃᓄᖕᓂᒃ ᐊᑦᔨᒌᒃᑎᑦᓯᓗᑎᒃ.

ᒨᓯᓯ ᑕᓪᓕᒪᖏᑦ 24:17

“ᓄᓇᖅᑲᑎᑐᖃᕆᓐᖏᑕᕕᑦ ᐃᓕᐊᕐᔪᐃᓪᓗ ᐱᔪᓐᓇᕐᓂᕆᔭᕆᐊᖃᕐᑕᖏᓐᓂᒃ ᓄᖅᑲᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ; ᐅᐃᒡᒐᕐᓃᓪᓗ ᐊᓐᓄᕌᖏᓐᓂᒃ ᐱᔪᒃᓴᐅᓐᖏᓚᑎᑦ ᐊᑐᕐᑕᖏᓐᓄᑦ ᐅᑎᕐᑎᑦᓯᔭᕆᐊᖃᕐᓂᖓᓂᒃ ᓇᓗᓁᒃᑯᑕᐅᑎᓐᓇᓱᐊᕐᓗᒍ.

ᒨᓯᓯ ᑕᓪᓕᒪᖏᑦ 27:19

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐊᑦᔨᒌᒃᑎᑦᓯᓂᕐᒥᒃ ᐊᑐᖏᑦᑐᖅ ᐱᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᓄᓇᓕᑐᖃᐅᖏᑦᑐᑦ, ᐃᓕᐊᕐᔪᐃᑦ, ᐅᐃᒡᒐᕐᓃᓪᓗ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 27:25

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᑮᓇᐅᔭᓂᒃ ᐊᑭᓕᕐᑕᐅᔪᒪᓂᕐᒧᑦ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑎᑕᐅᔪᖅ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᓴᒧᐃᓕ ᓯᕗᓪᓖᑦ 12:3

ᒫᓐᓇ ᑕᒫᓃᑉᐳᖓ; ᑕᒻᒪᓚᐅᕈᒪ ᐸᓯᔭᐅᓕᕐᓚᖓ ᐊᑕᓂᐅᑉ ᓵᖓᓂ ᐅᕐᓱᕐᑎᓚᐅᕐᑕᖓᑕᓗ ᓵᖓᓂ. ᑎᒍᓯᓚᐅᐳᖔ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ? ᓯᐅᑎᖅᑯᕐᑐᔪᒥᒡᓘᓐᓃᑦ ᐱᒋᔭᐅᔪᒥᒃ? ᑭᓇᑐᐃᓐᓇᒥᑦ ᐊᑭᓕᕐᑕᐅᓗᖓ ᓴᒡᓗᓂᒃᑯᑦ ᐱᓇᓱᐊᓚᐅᕐᐳᖔ? ᓇᓪᓕᐊᓐᓂᒃ ᐅᑯᒤᒃᓴᕐᑎᑦᓯᓚᐅᕐᐳᖔ? ᑕᒪᒃᑯᓂᖓ ᐱᓇᓱᐊᓚᐅᕈᒪ ᑎᒍᓯᓚᐅᕈᒪᓘᓐᓃᑦ ᐃᓕᑦᓯᓐᓄᑦ ᐅᑎᕐᑎᑦᓱᒪᕙᒃᑲ.”

ᓴᒧᐃᓕ ᓯᕗᓪᓖᑦ 8:1

ᓴᒧᐃᓕ ᐃᑦᑑᓕᕐᓗᓂ, ᐃᕐᓂᓂ ᑎᓕᕔᑦ ᐃᓱᒪᓕᐅᕐᑎᐅᖁᓪᓗᒋᑦ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 8:3

ᐃᕐᓂᖏᒡᓕ ᐃᓅᓚᐅᓐᖏᓛᒃ ᑖᑦᓱᑐᓇᖅ; ᓴᖑᓚᐅᕐᐴᒡᓕ ᑮᓇᐅᔭᓕᐅᕈᒪᓂᕐᒧᑦ ᐱᓕᕆᓕᕐᓗᑎᒃ; ᓯᓔᕐᕆᒃᓯᓪᓗᑎᒃ ᐱᓇᓱᐊᖃᑦᑕᓚᐅᕐᒪᑎᒃ ᓱᓕᖏᑦᑐᒥᒃ ᐱᓂᐊᕐᓂᖃᓕᕐᓗᑎᒃ.