ᒨᓯᓯ ᑕᓪᓕᒪᖏᑦ 16:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.

ᒨᓯᓯ ᑕᓪᓕᒪᖏᑦ 16:14 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 9:22

ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 30:29

ᐃᓕᑦᓯᓕ ᐃᓐᖏᕈᒫᕐᐳᓯ ᐅᓐᓄᒃᑯᑦ ᐃᑦᔪᕐᓁᑦᑐᒥᒃ ᓇᓪᓕᐅᓐᓂᕐᓯᐅᕐᓂᕐᒧᑦ ᓂᕆᕕᒡᔪᐊᕐᓂᐊᕐᑐᓃᑦᑐᑎᑐᑦ, ᖁᕕᐊᓱᖃᕐᑎᒋᒍᒫᕐᐳᓯ ᓱᐴᒐᕐᑎᓄᑦ ᐅᐸᒍᑎᓕᕐᑐᑎᑐᑦ ᐊᑕᓂᐅᑉ ᖃᖅᑲᖁᑎᖓᓄᑦ, ᐃᓴᕆᐊᓕᒥᐅᑦ ᕾᕐᑐᖓᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᔪᐃᓕᐅᑉ ᐊᒡᓚᖏᑦ 1:16

ᓂᕿᒃᓴᕗᑦ ᐊᓯᕈᕐᑕᐅᕗᑦ ᑕᑯᓐᓇᑐᐃᓐᓇᕐᑎᓪᓗᑕ, ᖁᕕᐊᓱᖕᓂᕐᑕᖃᕉᓐᓁᕐᐳᖅ ᒎᑎᑦᑕ ᐃᒡᓗᖓᓂ.

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 14:29

ᓕᕔᑉ ᑭᖑᕚᖓ, ᑖᓐᓇ ᓇᖕᒥᓂᕐᑕᕐᓯᒪᖏᒻᒪᑦ ᓄᓇᖁᑎᒃᓴᒥᓂᒃ, ᓄᓇᖃᑎᑐᖃᕆᓐᖏᑕᓯ ᐱᖃᑕᐅᔭᕆᐊᖃᕆᕗᑦ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᖃᑎᒋᔭᓯ. ᑖᒃᑯᐊᓗ ᕾᔪᒃᓴᐅᕗᑦ ᓂᕆᓗᑎᒃ ᐊᕿᐊᑦᑐᕐᓗᑎᒡᓗ; ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᖃᓄᓕᒫᖅ ᐱᓇᓱᐊᕐᓂᕆᔭᑦᓯᓐᓂ.”

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 16:15

ᐊᑕᓂᖅ ᒎᑎᓯ ᐅᐱᓐᓇᕐᓯᑎᑕᒃᓴᕆᕙᓯ ᓇᓪᓕᐅᕐᓂᕐᓯᐅᕐᓗᓯ ᐅᓪᓗᓂᒃ 7ᓂᒃ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ. ᖁᕕᐊᓱᒃᑐᒃᓴᐅᕗᓯ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᕈᕐᑎᑕᑦᓯᒍᑦ ᐃᖅᑲᓁᔭᕐᓂᑦᓯᒍᓪᓗ.

ᒨᓯᓯ ᑕᓪᓕᒪᖏᑦ 26:11

ᐊᑕᓂᕐᒧᑦ ᒎᑎᖕᓄᑦ ᖁᔭᓕᔪᒃᓴᐅᕗᓯ ᐱᐅᔪᓂᒃ ᐊᑕᓂᐅᑉ ᒎᑎᑦᓯ ᑐᓂᓯᕕᒋᖕᒪᓯ ᐃᓚᑎᓪᓗ, ᑕᕝᕙ ᖁᕕᐊᓱᖃᑎᒌᒃᑐᒃᓴᐅᕗᓯ ᓕᕔᑎᓪᓗ ᓄᓇᖃᕐᑐᑐᖃᐅᖏᑦᑐᓪᓗ ᑕᕝᕙᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:16

ᖁᕕᐊᓱᑦᓮᓐᓇᕆᑦᓯ,