ᒨᓯᓯ ᑕᓪᓕᒪᖏᑦ 16:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᕝᕙ ᐱᕈᕐᑐᓂᒃ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐱᓇᓱᐊᕈᓰᑦ 7ᖓᓐᓂ, ᐊᑕᓂᖅ ᒎᑎᓯ ᐅᐱᓐᓇᕐᓯᑎᑕᐅᖁᓪᓗᒍ, ᑐᓂᕐᕈᓯᕐᕕᐅᓂᖓᒍᑦ ᐃᓱᒪᕐᓱᕐᓗᑎᒃ ᑐᓂᔪᒪᔭᒥᖕᓂᒃ ᑐᓂᓯᓂᒃᑯᑦ ᐱᕈᕐᑎᑕᕕᓂᕐᒥᖕᓂᑦ ᓮᒻᒪᕐᑎᑕᐅᑦᔪᑎᒋᔭᒥᖕᓂᑦ ᑖᑦᓱᒪᓐᖓᑦ.

ᒨᓯᓯ ᑕᓪᓕᒪᖏᑦ 16:10 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:2

ᐱᓇᓱᐊᕈᓯᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ ᑕᒫᑦ, ᐊᑐᓂᑦ ᑮᓇᐅᔭᓂᒃ ᓴᓂᕐᕔᖃᑦᑕᕐᑐᒃᓴᐅᕗᓯ ᑮᓇᐅᔭᕐᑖᕆᓯᒪᔭᓯ ᒪᓕᒡᓗᒋᑦ ᑐᓂᔭᐅᔪᒃᓴᓂᒃ, ᐱᕙᓪᓕᐊᔪᓐᓇᖁᓪᓗᓯ, ᑎᑭᒃᑯᒪ ᑲᑎᕐᓱᐃᓇᓱᐊᕈᒪᖏᓐᓇᒪ ᑐᓂᕐᕈᑎᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:10

ᐃᓱᒪᒋᔭᕋᓕ ᓴᖅᑭᑉᐸᕋ ᑕᒪᑐᒧᖓ: ᐊᕐᕌᓂ ᐱᒋᐊᓚᐅᕐᑕᓯ ᒫᓐᓇ ᐱᔭᕇᕈᑦᓯᐅᒃ ᐊᑲᐅᓂᕐᓴᐅᕗᖅ ᐱᒋᐊᑐᐃᓐᓇᓚᐅᓐᖏᓚᓯ ᑐᓂᓯᔪᒪᓂᖃᖅᑳᓚᐅᕐᐳᓯᓕ.

ᔪᐃᓕᐅᑉ ᐊᒡᓚᖏᑦ 2:14

ᐃᒻᒪᖄᓕ ᐃᓱᒪᓂ ᐊᓯᑦᔨᕐᓂᐊᕐᐹ ᓮᒻᒪᕐᑎᓪᓗᓯᓗ, ᓂᐊᖂᔭᒃᓴᒥᒃ ᕔᓂᒥᒡᓗ ᑐᓂᕐᕈᓯᕈᑎᒃᓴᖃᓕᕐᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:22

ᐊᑕᓂᐅᑉ ᓮᒻᒪᕐᑎᑦᓯᓂᖓ ᐊᒃᓗᐃᑎᑦᓯᕗᑦ, ᕿᒃᓵᖕᓇᕐᑐᓂᒡᓗ ᐃᓚᓯᒪᓇᓂ.

ᒨᓯᓯ ᓯᑕᒪᖏᑦ 31:37

ᑖᒃᑯᓇᓐᖓᑦ ᐊᑕᓂᕐᒧᑦ ᑐᓂᔭᐅᔪᑦ, 675ᖑᓚᐅᕐᐳᑦ;

ᒨᓯᓯ ᓯᑕᒪᖏᑦ 31:28

ᐅᓇᑕᕆᐊᕐᓯᒪᓚᐅᕐᑐᑦ, ᑐᓂᔭᒃᓴᒥᖕᓂᒃ ᐊᑕᓂᕐᒧᑦ ᓴᓂᕐᕔᔭᕆᐊᖃᕐᐳᑦ, ᐱᑖᒥᖕᓂᑦ 500ᓂᑦ ᐊᑕᐅᓯᕐᒥᒃ, ᐃᓄᖕᓂᒃ, ᐃᒻᒧᕐᓯᐅᒐᓂᒡᓗ, ᓯᐅᑎᖅᑯᕐᑐᔪᓂᒡᓗ, ᓰᐱᓂᒡᓗ, ᒎᑦᓯᓂᒡᓗ ᐆᒪᔪᓂᒡᓗ ᐊᓯᖏᓐᓂᒃ.

ᒨᓯᓯ ᐱᖓᔪᖏᑦ 25:26

ᐃᓄᒡᓕ ᐃᓚᖃᖏᑉᐸᑦ ᓄᓇᒥᒃ ᓴᑐᕐᑎᑦᓯᔪᒃᓴᒥᒃ, ᑭᖑᓂᖓᒍᑦ ᐊᔪᕐᓴᕈᓐᓁᕈᓂ ᓴᑐᕈᓐᓇᕆᕚ.

ᒨᓯᓯ ᐱᖓᔪᖏᑦ 12:8

“ᐊᕐᓇᕐᓕ ᑐᓂᕐᕈᑎᒃᓴᖃᖏᑉᐸᑦ ᓰᐱᐅᑉ ᓄᕐᕋᖓᓂᒃ, ᒪᕐᕉᖕᓂᒃ ᑑᕖᖕᓂᒃ ᐊᖅᑭᒡᒋᐅᔮᕐᑑᖕᓂᒃ, ᐱᑦᔭᓐᓂᒡᓘᓐᓃᑦ ᐱᐊᕋᕕᓃᖕᓂᒃ ᒪᕐᕉᖕᓂᒃ ᐋᑦᓯᔪᒃᓴᐅᕗᖅ, ᐱᖃᑖ ᐃᑯᐊᓪᓚᒡᓗᒍ ᑐᓂᕐᕈᑎᒃᓴᒥᒃ, ᐂᑉᐸᖓᓗ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ. ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ, ᓴᓗᒻᒪᕐᓂᐊᕐᐳᕐᓗ.”

ᒨᓯᓯ ᐱᖓᔪᖏᑦ 5:7

“ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᓯᕆᐊᒃᓴᖅ ᐊᔪᕈᓂ ᒪᕐᕉᖕᓂᒃ ᑑᕖᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔨᐊᓐᓂᒡᓘᓐᓃᑦ ᐱᐊᕋᕕᓂᕐᓂᒃ ᑐᓂᕐᕈᑎᖃᕐᑐᒃᓴᐅᕗᖅ ᐊᔪᕐᓂᓂ ᐱᓪᓗᒋᑦ, ᐂᑉᐸᖓ ᑐᓂᕐᕈᑎᒋᓗᒍ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᐃᑯᐊᓚᒐᒃᓴᐅᑎᓪᓗᒍ ᑐᓂᕐᕈᑎᒋᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᒨᓯᓯ ᐂᑉᐸᖏᑦ 35:29

ᐃᓴᕆᐊᓕᒥᐅᓪᓗ ᐃᓄᖏᑦ ᑕᒪᕐᒥᒃ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᓕᒫᑦ ᑐᓂᕐᕈᓯᕆᐊᕐᑐᓚᐅᕐᐳᑦ ᓴᓇᔭᒃᓴᐅᒐᔭᕐᑐᓂᒃ ᐊᑕᓂᐅᑉ ᒨᓯᓯᒧᑦ ᓴᓇᔭᐅᖁᓚᐅᕐᑕᖏᑦ ᒪᓕᒡᓗᒋᑦ.

ᒨᓯᓯ ᑕᓪᓕᒪᖏᑦ 16:9

“ᓂᐊᖂᔭᒃᓴᓂᒃ ᑲᑎᕐᓱᐃᒋᐊᓕᕐᓂᑦᓯᓐᓂᑦ ᐱᒋᐊᕐᓗᓯ ᐱᓇᓱᐊᕈᓯᕐᓂᒃ ᓈᓮᒋᐊᓯᔪᒃᓴᐅᕗᓯ ᐱᓇᓱᐊᕈᓯᕐᓄᑦ 7ᓄᑦ ᑎᑭᓪᓗᒋᑦ,

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᐱᖓᔪᖏᑦ 23:15

“ᐅᓪᓗᒥᒃ ᐊᑕᐅᓯᕐᒥᑦ ᓴᐸᑎᐅᑉ ᑭᖑᓂᖓᓂ, ᑐᓂᕐᕈᓯᓚᐅᕐᑎᓪᓗᓯ ᐱᕈᕐᑐᓂᒃ ᓂᕿᒃᓴᓂᒃ, ᐱᓇᓱᐊᕈᓯᕐᓂᒃ 7ᓗᐊᑦᓯᐊᓂᒃ ᓈᓴᐃᔪᒃᓴᐅᕗᓯ.

ᒨᓯᓯ ᓯᑕᒪᖏᑦ 28:26

“ᐊᒻᒪ ᐱᕈᕐᑐᑦ ᓯᕗᓪᓕᕐᐹᑦ ᑲᑎᑕᐅᓂᖏᓐᓂ, ᐱᕈᕐᑐᓂᒃ ᓄᑖᓂᒃ ᐊᑕᓂᕐᒧᑦ ᑐᓂᕐᕈᓯᓕᕈᑦᓯ ᐱᓇᓱᐊᕈᓯᕐᓂ ᐱᕈᕐᑐᑦ ᐱᓗᒋᑦ ᓇᓪᓕᐅᓐᓂᕐᓯᐅᕐᕕᖕᒥ, ᑲᑎᒪᓗᓯ ᑐᒃᓯᐊᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕝᕙᓂ ᓴᓇᕙᒃᑕᑦᓯᓂᒃ ᐱᓇᓱᐊᕐᑐᒃᓴᐅᓐᖏᓚᓯ.

ᑯᕉᓂᑲ ᓯᕗᓪᓖᑦ 29:14

ᐅᕙᖓᓕ, ᐃᓅᖃᑎᒃᑲᓗ ᖃᓄᖅ ᐱᔪᒪᓂᑦᑎᓐᓄ ᑐᓂᓯᔪᓐᓇᕐᐱᑖ? ᐃᓘᓐᓇᑦᓯᐊᑎᒃ ᐃᓕᖕᓂᑦ ᐱᖕᒪᑕ, ᓇᖕᒥᓂᑎᓪᓗ ᑕᕝᕙ ᑐᓂᕙᕗᑦ ᐃᓕᖕᓄᑦ.

ᑯᕉᓂᑲ ᐂᑉᐸᖏᑦ 31:14

ᑯᕆᓗ ᐃᒻᓇᐅᑉ ᐃᕐᓂᖓ ᓕᕔᑎ, ᐃᑎᕐᑕᕐᕕᖕᒥᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ ᑲᒪᔨᐅᔪᖅ, ᑖᓐᓇ ᑲᒪᔨᐅᕗᖅ ᑐᓂᕐᕈᓯᕈᒪᑐᐃᓐᓇᕐᓂᕐᒧᑦ ᑐᓂᕐᕈᑎᐅᔪᓂᒃ ᒎᑎᒧᑦ, ᑐᓂᓯᔨᐅᖁᓪᓗᒍ ᑐᓂᕐᕈᑎᓂᒃ ᐃᑦᔪᕐᓁᓐᓂᕐᐹᓂᒃ ᐊᑕᓂᕐᒧᑦ.