ᒨᓯᓯ ᑕᓪᓕᒪᖏᑦ 15:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᒪᒃᑯᐊᓕ ᐊᕐᕌᒍᑕᒫᑦ ᑍᒤᑦᑐᑦ ᓂᕆᔭᒃᓴᕆᕙᓯ, ᐃᓚᓯ ᐃᓚᒋᓗᒋᑦ ᐊᑕᓂᐅᑉ ᒎᑎᑦᓯ ᓵᖓᓂ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 15:20 ပူးပေါင်းရင်းမြစ်များ

ᒨᓯᓯ ᐱᖓᔪᖏᑦ 7:15

ᓂᕿ ᑐᓂᕐᕈᑕᐅᓯᒪᔪᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᖁᔭᓕᓂᕐᒧᓪᓗ ᓂᕆᔭᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ ᑐᓂᕐᕈᓯᕐᕕᐅᔪᒥ. ᐊᒥᐊᒃᑯᖃᕆᐊᖃᕋᓂᓗ ᐅᓪᓛᒥ ᐅᓪᓘᑉ ᐂᑉᐸᖓᓂ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:17

ᐊᑕᓂᕐᒧᓪᓕ ᑐᓂᕐᕈᑎᒃᓴᕆᔭᓯ ᓄᓇᒥ ᓇᔪᕐᑕᑦᓯᓐᓂ ᓂᕆᔭᒃᓴᕆᓐᖏᓚᓯ: ᑕᓪᓕᒪᐅᔪᐃᕈᑎᒋᒍᑦᓯᐅᒃ ᐱᕈᕐᑐᕕᓂᐅᒃᐸᑦ ᓂᐊᖂᔭᒃᓴᖅ, ᕔᓂᒃᓴᖅ, ᓇᐹᕐᑑᓪᓗ ᐱᕈᕐᑐᖓ ᐅᕐᓱᒃᓴᐅᒃᐸᑦ, ᐃᒻᒧᒃᓯᐅᒐᖁᑎᑦᓯᓗ ᕿᑐᕐᖏᕐᖓᐅᑎᒋᒃᐸᒍ ᓰᐱᖁᑎᑦᓯᓘᓐᓃᑦ, ᐊᑕᓂᕐᒧᑦ ᐊᖏᕈᑎᒋᓯᒪᒍᕕᐅᒃ ᑐᓂᕐᕈᑎᒃᓴᕆᔪᒪᓗᒍ, ᐃᓱᒪᕐᓱᕐᓗᑎᑦ ᑐᓂᔪᒪᔭᕐᓂᒃ ᑐᓂᕐᕈᓯᕐᓂᐊᕈᕕᑦ, ᐊᓯᖏᓐᓂᒡᓘᓐᓃᑦ ᑐᓂᕐᕈᑎᒃᓴᕆᔭᕐᓂᒃ.

ᒨᓯᓯ ᑕᓪᓕᒪᖏᑦ 14:23

ᑕᕝᕙ ᐊᑕᓂᐅᑉ ᒎᑎᑦᓯ ᓵᖓᓂ, ᑐᒃᓯᐊᕐᕕᒃᓴᐅᖁᓪᓗᒍ ᓂᕈᐊᕐᓯᒪᔭᖓᓄᐊᕐᑐᒃᓴᐅᕗᓯ; ᑕᓪᓕᒪᐅᔪᐃᕈᑎᓯ ᓂᕆᔭᒃᓴᕆᕙᓯ ᓂᐊᖂᔭᒃᓮᑦ, ᐅᐂᓃᓪᓗ, ᓇᐹᕐᑐᐃᓪᓗ ᐸᐅᕐᖓᖏᑕ ᐅᕐᓱᖏᑦ, ᐃᒻᒧᒃᓯᐅᒐᖁᑎᑦᓯᓪᓗ ᓰᐱᖁᑎᑦᓯᓗ ᓯᕗᓪᓕᕐᐹᒥᒃ ᐃᕐᓂᐊᕆᓯᒪᔭᖏᑦ. ᑐᑭᓯᕙᓪᓕᐊᖁᓪᓗᓯ ᐊᑕᓂᕐᒥᒃ ᒎᑎᑦᓯᓐᓂᒃ ᑍᒪᓐᖓᓕᒫᖅ ᐃᓕᕋᓱᒋᐊᖃᕐᓂᕐᒥᒃ.