ᒨᓯᓯ ᑕᓪᓕᒪᖏᑦ 14:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᓕᕔᑉ ᑭᖑᕚᖓ, ᑖᓐᓇ ᓇᖕᒥᓂᕐᑕᕐᓯᒪᖏᒻᒪᑦ ᓄᓇᖁᑎᒃᓴᒥᓂᒃ, ᓄᓇᖃᑎᑐᖃᕆᓐᖏᑕᓯ ᐱᖃᑕᐅᔭᕆᐊᖃᕆᕗᑦ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᖃᑎᒋᔭᓯ. ᑖᒃᑯᐊᓗ ᕾᔪᒃᓴᐅᕗᑦ ᓂᕆᓗᑎᒃ ᐊᕿᐊᑦᑐᕐᓗᑎᒡᓗ; ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᖃᓄᓕᒫᖅ ᐱᓇᓱᐊᕐᓂᕆᔭᑦᓯᓐᓂ.”

ᒨᓯᓯ ᑕᓪᓕᒪᖏᑦ 14:29 ပူးပေါင်းရင်းမြစ်များ

ᐃᓐᖏᕈᑎᑦ 41:1

ᖁᕕᐊᓱᑦᓯᐊᕐᐳᖅ ᐊᔪᕐᓴᕐᑐᓂᒃ ᐃᓱᒪᒋᔭᖃᕐᑐᖅ; ᐊᑕᓂᐅᑉ ᓴᐳᑎᔪᒫᕐᒪᒍ ᐊᔪᕐᓇᕐᑐᖃᓕᕐᐸᑦ.

ᐃᓐᖏᕈᑎᑦ 41:2

ᐊᑕᓂᐅᑉ ᓴᐳᑎᓯᒪᓂᐊᕐᒪᒍ ᐆᒪᑎᓐᓂᐊᕐᓗᒍᓗ; ᓮᒻᒪᕐᑎᓐᓂᐊᕐᐹᓗ ᓄᓇᒥ; ᐊᑭᕋᕐᑐᕐᑎᖏᑕᓗ ᐃᓱᒪᒋᔭᖏᓐᓄᑦ ᑐᓂᓂᐊᓐᖏᓛ.

ᐃᓐᖏᕈᑎᑦ 94:6

ᐅᐃᒡᒐᕐᓃᑦ ᓄᓇᖃᕐᑐᑐᖃᐅᖏᑦᑐᓪᓗ ᑐᖁᑉᐰᑦ, ᐃᓕᐊᕐᔪᐃᓪᓗ ᐃᓄᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:24

ᑐᓂᐅᖅᑬᖃᑦᑕᕐᑐᖅ ᐊᓐᓂᕈᓱᒐᓂ ᐊᔪᕐᓴᕈᓐᓃᕐᐸᓪᓕᐊᕗᖅ, ᐊᓯᐊᓕ ᐱᓯᒪᓇᓱᐊᕐᑐᖅ ᑐᓂᔭᕆᐊᖃᕐᑕᒥᓂᒃ, ᐊᔪᕐᓴᓕᕈᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᒨᓯᓯ ᐱᖓᔪᖏᑦ 19:34

ᐃᓴᕆᐊᓕᒥᐅᖑᖏᑦᑐᑦ ᓄᓇᑦᓯᓐᓂ ᓄᓇᖃᕐᐸᑕ, ᐃᓴᕆᐊᓕᒥᐅᖑᖃᑎᑦᓯᑐᑦ ᐱᔭᐅᔭᕆᐊᖃᕐᐳᑦ, ᓇᒡᓕᒋᓗᒋᑦ ᐃᓕᑦᓯᑐᑦ ᐃᓕᑦᓯᑦᑕᐅᖅ ᓄᓇᒋᓐᖏᑕᑦᓯᓐᓃᓚᐅᕋᑦᓯ ᐄᑦᔨᑉᑎᒥ; ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᓯᑕᒪᖏᑦ 18:20

ᐊᑕᓂᐅᓪᓗ ᐂᕉᓂ ᐅᖃᐅᑎᕚ, “ᓄᓇᒥᒃ ᐱᒋᓂᐊᕐᑕᕐᓂᒃ ᐱᓂᐊᖏᑦᑐᑎᑦ ᓄᓇᖁᑎᖏᓐᓂᑦ, ᓄᓇᖁᑎᖏᑕᓘᓐᓃᑦ ᐃᓚᖓᓂᒃ; ᐅᕙᖓ ᐱᖃᕈᑎᒋᕙᕐᒪ ᓇᖕᒥᓂᖃᕈᑎᒋᓪᓗᖓᓗ ᐃᓴᕆᐊᓕᒥᐅᑦ ᐊᑯᕐᖓᓐᓂ.”

ᓘᑲᓯᐅᑉ ᐊᒡᓚᖏᑦ 11:41

ᑏᑑᑎᐅᑉ ᓂᕐᕆᓰᓪᓗ ᐃᓗᐊᓃᑦᑐᑦ ᑐᓂᓯᒋᒃ ᐊᒃᖢᔪᓄᑦ; ᑕᑯᒋᑦ, ᑕᕝᕙ ᓴᓗᒻᒪᑦᓯᐊᓕᕐᓂᐊᕐᐳᓯ ᐃᓘᓐᓇᖓᒍᑦ.

ᓘᑲᓯᐅᑉ ᐊᒡᓚᖏᑦ 6:35

ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

ᒨᓯᓯ ᑕᓪᓕᒪᖏᑦ 10:9

ᑍᒤᒻᒪᑦ ᑕᕝᕙ ᑖᒃᑯᐊ ᓕᕔᒃᑯᑦ ᑭᖑᕚᖏᑦ ᓄᓇᖁᑎᑖᕐᓯᒪᖏᑦᑐᑑᕗᑦ ᐊᓯᖏᑎᑐᑦ ᑭᖑᕚᕇᑎᑐᑦ; ᑭᓯᐊᓂᓕ ᐱᑎᑕᐅᖔᓚᐅᕐᐳᑦ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ, ᑍᒫᒃ ᐊᑕᓂᖅ ᒎᑎᓯ ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.)

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 14:27

“ᓕᕔᑉ ᑭᖑᕚᖏᑦ ᒥᓂᑕᒃᓴᕆᓐᖏᓚᓯ ᓄᓇᖅᑲᑎᒋᔭᓯ, ᑖᒃᑯᐊ ᓇᖕᒥᓂᖅ ᓄᓇᖁᑎᖃᖏᒻᒪᑕ ᑭᖑᕐᖑᑎᔭᒃᓴᖃᕋᑎᒡᓗ.

ᒨᓯᓯ ᑕᓪᓕᒪᖏᑦ 15:10

ᑐᓂᓯᕕᒋᔭᒃᓴᕆᕙᑦ ᐊᓐᓂᕈᓱᖏᓪᓗᑎᑦ ᐱᐅᖏᑦᑐᒥᒡᓗ ᐃᓱᒪᖃᖏᓪᓗᑎᑦ ᑐᓂᓯᓕᕈᕕᑦ ᑖᑦᓱᒧᖓ; ᑕᕝᕙ ᐊᑕᓂᐅᑉ ᓮᒻᒪᕐᑎᓐᓂᐊᕐᐹᑎᑦ ᐱᓇᓱᐊᕐᑕᓕᒫᕐᓂ.

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 16:14

ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.

ᒨᓯᓯ ᑕᓪᓕᒪᖏᑦ 23:21

“ᐊᑕᓂᕐᒧᑦ ᒎᑎᑦᓯᓐᓄᑦ ᐅᖃᕕᒍᑎᓕᐅᕈᑦᓯ, ᐊᑐᕐᓂᐊᕐᓂᕋᕐᓯᒪᔭᑦᓯᓐᓂᒃ, ᐱᓐᖏᓮᓐᓇᕐᑎᑦᓯᔪᒃᓴᐅᓐᖏᓚᓯ; ᐊᑕᓂᐅᑉ ᒎᑎᑦᓯ ᐅᖃᕕᒍᑎᒋᓯᒪᔧᑦ ᑲᔪᓯᑏᓐᓇᕐᓂᐊᕐᒪᒍ, ᐊᔪᕐᓂᐅᓕᕋᔭᕐᐳᖅ ᐅᖃᕕᒍᑎᒋᓯᒪᔭᕐᓂᒃ ᑲᔪᓯᑎᑦᓯᓐᖏᑐᐊᕈᕕᑦ.

ᒨᓯᓯ ᑕᓪᓕᒪᖏᑦ 28:8

“ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᐱᓇᓱᐊᕐᓂᑦᓯᓐᓂ ᓯᕐᓗᐊᖁᑎᓯᓗ ᓂᐊᖂᔭᒃᓴᓂᒃ ᑕᑕᑎᓐᓂᐊᕐᐰᑦ, ᓮᒻᒪᕐᑎᓐᓂᐊᕐᐹᓯ ᓄᓇᒋᔭᑦᓯᓐᓂ ᓄᓇᖃᕐᑎᓪᓗᓯ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 6:11

ᐃᒡᓗᐃᓪᓗ ᑖᒃᑯᐊ ᐱᐅᔫᑎᐊᓗᖕᓂᒃ ᑕᑕᓐᓂᐊᕐᐳᑦ ᑕᕝᕗᖓ ᐃᓕᐅᕋᓚᐅᓐᖏᑕᑦᓯᓐᓂᒃ, ᐃᒥᕐᑕᕐᕕᖃᐅᕐᓂᐊᕐᐳᓪᓗ ᐃᑎᕐᓴᓕᐊᕆᓚᐅᓐᖏᑕᑦᓯᓐᓂᒃ, ᕔᓂᒃᓴᓂᒃ ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕐᕕᖏᓐᓂᒃ ᐱᑕᖃᕈᒫᕐᐳᖅ ᑲᓐᖓᕐᓱᓚᐅᓐᖏᑕᑦᓯᓐᓂᒃ. ᐊᑕᓂᐅᑉ ᑕᕝᕗᖓ ᓄᓇᒧᑦ ᑎᑭᐅᑎᑎᒍᓂᓯ ᓂᕆᔪᒪᔪᓐᓇᕐᑕᓕᒫᑦᓯᓐᓂᒃ ᑕᒪᓐᓇ ᓄᓇ ᐱᑕᖃᕈᒫᕐᐳᖅ,

ᐄᑉᕈᐃᓄᑦ 13:2

ᓯᓂᒃᑕᕐᕕᐅᔪᒪᓗᓯ ᑐᓐᖓᓮᖃᑦᑕᕆᑦᓯ ᓂᐅᕐᕈᐊᓂᒃ, ᐃᓚᖏᑦ ᑍᒤᓕᐅᕋᒥᒃ ᖃᐅᔨᒪᓇᑎᒃ ᐂᖏᓕᓂᒃ ᑐᓐᖓᓱᒃᑎᑦᓯᓯᒪᖕᒪᑕ.

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.