ᒨᓯᓯ ᑕᓪᓕᒪᖏᑦ 14:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ “ᓕᕔᑉ ᑭᖑᕚᖏᑦ ᒥᓂᑕᒃᓴᕆᓐᖏᓚᓯ ᓄᓇᖅᑲᑎᒋᔭᓯ, ᑖᒃᑯᐊ ᓇᖕᒥᓂᖅ ᓄᓇᖁᑎᖃᖏᒻᒪᑕ ᑭᖑᕐᖑᑎᔭᒃᓴᖃᕋᑎᒡᓗ.

ᒨᓯᓯ ᑕᓪᓕᒪᖏᑦ 14:27 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 14:29

ᓕᕔᑉ ᑭᖑᕚᖓ, ᑖᓐᓇ ᓇᖕᒥᓂᕐᑕᕐᓯᒪᖏᒻᒪᑦ ᓄᓇᖁᑎᒃᓴᒥᓂᒃ, ᓄᓇᖃᑎᑐᖃᕆᓐᖏᑕᓯ ᐱᖃᑕᐅᔭᕆᐊᖃᕆᕗᑦ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᖃᑎᒋᔭᓯ. ᑖᒃᑯᐊᓗ ᕾᔪᒃᓴᐅᕗᑦ ᓂᕆᓗᑎᒃ ᐊᕿᐊᑦᑐᕐᓗᑎᒡᓗ; ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᖃᓄᓕᒫᖅ ᐱᓇᓱᐊᕐᓂᕆᔭᑦᓯᓐᓂ.”

ᒨᓯᓯ ᓯᑕᒪᖏᑦ 18:20

ᐊᑕᓂᐅᓪᓗ ᐂᕉᓂ ᐅᖃᐅᑎᕚ, “ᓄᓇᒥᒃ ᐱᒋᓂᐊᕐᑕᕐᓂᒃ ᐱᓂᐊᖏᑦᑐᑎᑦ ᓄᓇᖁᑎᖏᓐᓂᑦ, ᓄᓇᖁᑎᖏᑕᓘᓐᓃᑦ ᐃᓚᖓᓂᒃ; ᐅᕙᖓ ᐱᖃᕈᑎᒋᕙᕐᒪ ᓇᖕᒥᓂᖃᕈᑎᒋᓪᓗᖓᓗ ᐃᓴᕆᐊᓕᒥᐅᑦ ᐊᑯᕐᖓᓐᓂ.”

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᑎᒧᑎᒧᑦ ᓯᕗᓪᓖᑦ 5:17

ᐅᒃᐱᕐᑑᖃᑎᒌᓄᑦ ᓈᒻᒪᒃᑐᒥᒃ ᓯᕗᓕᕐᑏᑦ ᐱᔭᒃᓴᒥᖕᓂᒃ ᐱᓇᓱᐊᑦᓯᐊᕐᑐᑦ ᐅᐱᒋᔭᐅᔭᕆᐊᖃᕐᓂᖏᑕ ᐅᖓᑖᓄᑦ ᐊᑭᓕᕐᑕᐅᖃᑦᑕᕐᑐᓴᐅᕗᑦ, ᐱᓗᐊᕐᑐᒥᒃ ᐊᒃᓱᕈᕐᓗᑎᒃ ᐊᔪᕆᕐᑐᐃᖃᑦᑕᕐᑐᑦ ᐃᓕᓮᖃᑦᑕᕐᑐᓪᓗ;

ᒐᓔᑎᐊᒥᐅᓄᑦ 6:6

ᐅᒃᐱᕐᓂᕐᒥᒃ ᐊᔪᕆᕐᑐᕐᑕᐅᔪᖅ ᐃᓕᓮᔨᒥᓂᒃ ᑲᑐᑦᔨᖃᑎᖃᕐᑐᒃᓴᐅᕗᖅ ᐱᐅᔪᓂᒃ ᐱᓯᒪᔭᓕᒫᒥᓂᒃ.

ᒨᓯᓯ ᑕᓪᓕᒪᖏᑦ 10:9

ᑍᒤᒻᒪᑦ ᑕᕝᕙ ᑖᒃᑯᐊ ᓕᕔᒃᑯᑦ ᑭᖑᕚᖏᑦ ᓄᓇᖁᑎᑖᕐᓯᒪᖏᑦᑐᑑᕗᑦ ᐊᓯᖏᑎᑐᑦ ᑭᖑᕚᕇᑎᑐᑦ; ᑭᓯᐊᓂᓕ ᐱᑎᑕᐅᖔᓚᐅᕐᐳᑦ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ, ᑍᒫᒃ ᐊᑕᓂᖅ ᒎᑎᓯ ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.)

ᒨᓯᓯ ᑕᓪᓕᒪᖏᑦ 18:12

ᐊᑕᓂᖅ ᒎᑎᓯ ᐃᓄᖕᓂᒃ ᑍᒤᓕᐅᕐᑐᓂᒃ ᓈᒻᒪᖏᑦᑐᓕᔪᓂᒃ ᐆᒥᒋᔭᖃᕐᒪᑦ, ᑍᒤᒻᒪᑦ ᑕᕝᕙ ᐃᓄᐃᑦ ᑕᒫᓂ ᓄᓇᖃᕐᑐᑦ ᓄᓇᒥᖕᓂᑦ ᐊᐅᓪᓚᕐᑎᓚᐅᕐᐰᑦ ᓯᕗᓂᑦᓯᓐᓂ.