ᒨᓯᓯ ᑕᓪᓕᒪᖏᑦ 14:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² “ᑕᓪᓕᒪᐅᔪᐃᕐᑐᒃᓴᐅᕗᓯ ᐱᕈᕐᓯᐊᒃᓴᑦᓯ ᐃᓕᐅᕋᓚᐅᕐᑕᓯ ᐱᕈᕐᑎᑕᓕᒫᖏᓐᓂᒃ, ᐱᕈᕐᓰᕕᖕᓂᑦ ᐊᕐᕌᒍᑕᒫᑦ ᐱᕈᕐᑎᑉᐸᒃᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 14:22 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 28:22

ᐅᓇ ᐅᔭᕋᒃ, ᓇᑉᐸᕐᑎᑕᕋ, ᒎᑎᐅᑉ ᐃᒡᓗᖃᕐᕕᒋᔪᒫᕐᐹ; ᑐᓂᓯᕕᒋᔪᒫᕐᐸᒋᓪᓗ ᕾᑕᓕᒫᕐᐱᑦ ᑕᓪᓕᒪᐅᔪᖏᓐᓂᒃ.”

ᒨᓯᓯ ᓯᕗᓪᓖᑦ 47:24

ᑲᑎᕐᓱᐃᕕᒃᓴᖅ ᓇᓪᓕᐅᑎᒃᐸᑦ ᐱᕈᕐᑎᑕᓯ ᐊᕕᒡᓗᒋᑦ ᑕᓪᓕᒪᖏᑦ ᑐᓂᔭᒃᓴᕆᕙᓯ ᐰᕉᒧᑦ, ᐊᕕᒃᑕᑦᓯ ᓯᑕᒪᖏᑦ ᓇᖕᒥᓂᕐᑖᕆᔭᒃᓴᕆᕙᓯ, ᐱᕈᕐᓰᕕᖕᒧᑦ ᑲᓐᖓᕐᓲᑎᐅᖁᓪᓗᒋᑦ ᐃᓕᑦᓯᓐᓄᓪᓗ ᐃᒡᓗᒥᐅᖃᑎᑦᓯᓐᓄᓪᓗ ᓂᕿᒃᓴᐅᖁᓪᓗᒋᑦ, ᕿᑐᕐᖓᑦᓯᓐᓄᓪᓗ ᑕᒤᓐᓄᑦ.”

ᒨᓯᓯ ᓯᕗᓪᓖᑦ 47:26

ᑕᕝᕙ ᔫᓯᐱ ᐱᖁᔭᓕᐅᓚᐅᕐᐳᖅ ᐄᑦᔨᑉᑎᒥᐅᑦ ᓄᓇᖁᑎᖏᑦ ᐱᓪᓗᒋᑦ, ᑕᒪᓐᓇᓗ ᓱᓕ ᐅᓪᓗᒥᒧᑦ ᐊᑐᕐᑕᐅᕗᖅ, ᓄᓇᐅᑉ ᐱᕈᕐᑎᑕᖏᑕ ᐊᕕᒡᓗᒋᑦ ᑕᓪᓕᒪᖏᑦ ᐰᕉᒧᑦ ᐱᒋᔭᐅᖁᓪᓗᒋᑦ; ᑭᓯᐊᓂ ᑐᓂᕐᕈᓯᕐᑎᑦᓯᔩᑦ ᓄᓇᖁᑎᖏᑦ ᐰᕉᒧᑦ ᐱᑖᕆᔭᐅᓚᐅᓐᖏᓚᑦ.

ᓂᕼᐃᒤᐊᐅᑉ ᐊᒡᓚᖏᑦ 10:37

ᓂᐊᖂᔭᒃᓴᖁᑎᑦᑕᓗ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᑐᓂᕐᕈᑎᒋᖃᑦᑕᕐᓂᐊᕐᐸᕗᑦ, ᓇᐹᕐᑐᐃᓪᓗ ᖃᓄᐃᑦᑐᑐᐃᓐᓁᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᓯᕗᓪᓕᕐᐹᒥᒡᓗ ᕔᓂᓐᖑᕐᑐᓂᒃ ᐅᕐᓱᒃᓴᓂᒡᓗ, ᑐᓂᕐᕈᓯᕐᑎᑦᓯᔨᓄᑦ ᑐᓂᓗᒋᑦ, ᒎᑎᑦᑕ ᐃᒡᓗᖓᑕ ᓱᓇᑐᐃᓐᓇᖃᐅᑎᖓᓄᑦ ᐃᓕᔭᐅᖁᓪᓗᒋᑦ. ᓄᓇᖁᑎᑦᑕᓗ ᑕᓪᓕᒪᐅᔪᖏᑦ ᑐᓂᓂᐊᕐᐸᕗᑦ ᓕᕔᑎᓄᑦ, ᓕᕔᑎᓪᓗ ᑎᒍᓯᖁᓪᓗᒋᑦ ᐱᕈᕐᓰᕕᖁᑎᑦᑕ ᐱᕈᕐᑎᑕᖏᑕ ᑕᓪᓕᒪᐅᔪᓕᒫᖏᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 10:38

ᑐᓂᕐᕈᓯᕐᑎᑦᓯᔨᕗᓪᓗ, ᐂᕉᓂᐅᑉ ᑭᖑᕚᖏᑦ, ᓕᕔᑎᓃᖃᑦᑕᕐᓂᐊᕐᐳᑦ ᓕᕔᑎᒃᑯᑦ ᑕᓪᓕᒪᐅᔪᐃᕈᑕᐅᔪᓂᒃ ᑐᓂᔭᐅᓕᕐᑎᓪᓗᒋᑦ; ᑖᒃᑯᐊ ᓕᕔᑏᑦ ᑐᓂᕐᕈᓯᐊᕆᔭᖏᑕ ᑕᓪᓕᒪᐅᔪᖏᓐᓂᒃ ᑐᓂᓯᖁᓪᓗᒋᑦ ᒎᑎᑦᑕ ᐃᒡᓗᖓᓄᑦ, ᑕᕝᕗᖓ ᓱᓇᑐᐃᓐᓇᖃᐅᑎᖓᓄᑦ.

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᒨᓯᓯ ᓯᑕᒪᖏᑦ 15:20

ᓂᐊᖂᔭᒥᒃ ᐆᓯᒪᔪᒥᒃ ᓯᖃᓪᓕᔭᕕᑦ ᓯᕗᓪᓕᕐᐹᖓᓂᒃ ᑐᓂᕐᕈᓯᕆᐊᖃᕐᐳᓯ ᐃᓵᒃᑕᕈᑎᒋᓗᒍ; ᓂᐊᖂᔭᒃᓴᓂᒃ ᐃᕖᔧᕕᖕᒥᑦ ᐱᔪᒥᒃ ᐃᓵᒃᑕᕈᑎᒋᓗᒍ, ᑍᒫᒃ ᖁᒻᒧᑦ ᑐᓂᕐᕈᑎᒋᔭᕆᐊᖃᕐᐸᑦ.

ᒨᓯᓯ ᓯᑕᒪᖏᑦ 18:21

“ᑕᑯᒋᑦ, ᓕᕔᑉ ᑭᖑᕚᖏᑦ ᑐᓂᓯᕕᒋᕙᒃᑲ ᐃᓴᕆᐊᓕᒥᐅᑦ ᑕᓪᓕᒪᐅᔪᐃᕈᑎᓕᒫᖏᓐᓂᒃ ᑖᒃᑯᓄᖓ ᐱᒃᓴᕆᔭᐅᖁᓪᓗᒋᑦ ᐱᓇᓱᐊᕐᓂᖏᓐᓄᑦ, ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑎᐅᓂᖏᑦ ᐱᓪᓗᒋᑦ.

ᒨᓯᓯ ᓯᑕᒪᖏᑦ 18:31

ᓇᓂᑐᐃᓐᓇᖅ ᓂᕆᔪᓐᓇᕐᐸᓯ, ᐃᕝᕕᑦ ᐃᒡᓗᒥᐅᖃᑎᓯᓗ, ᑐᓂᕐᕈᓯᐊᕆᒐᑦᓯᐅᒃ ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑎᐅᓂᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 12:17

ᐊᑕᓂᕐᒧᓪᓕ ᑐᓂᕐᕈᑎᒃᓴᕆᔭᓯ ᓄᓇᒥ ᓇᔪᕐᑕᑦᓯᓐᓂ ᓂᕆᔭᒃᓴᕆᓐᖏᓚᓯ: ᑕᓪᓕᒪᐅᔪᐃᕈᑎᒋᒍᑦᓯᐅᒃ ᐱᕈᕐᑐᕕᓂᐅᒃᐸᑦ ᓂᐊᖂᔭᒃᓴᖅ, ᕔᓂᒃᓴᖅ, ᓇᐹᕐᑑᓪᓗ ᐱᕈᕐᑐᖓ ᐅᕐᓱᒃᓴᐅᒃᐸᑦ, ᐃᒻᒧᒃᓯᐅᒐᖁᑎᑦᓯᓗ ᕿᑐᕐᖏᕐᖓᐅᑎᒋᒃᐸᒍ ᓰᐱᖁᑎᑦᓯᓘᓐᓃᑦ, ᐊᑕᓂᕐᒧᑦ ᐊᖏᕈᑎᒋᓯᒪᒍᕕᐅᒃ ᑐᓂᕐᕈᑎᒃᓴᕆᔪᒪᓗᒍ, ᐃᓱᒪᕐᓱᕐᓗᑎᑦ ᑐᓂᔪᒪᔭᕐᓂᒃ ᑐᓂᕐᕈᓯᕐᓂᐊᕈᕕᑦ, ᐊᓯᖏᓐᓂᒡᓘᓐᓃᑦ ᑐᓂᕐᕈᑎᒃᓴᕆᔭᕐᓂᒃ.

ᒨᓯᓯ ᑕᓪᓕᒪᖏᑦ 12:6

ᑕᕝᕙᓂ ᑐᓂᕐᕈᓯᕈᓐᓇᖁᓪᓗᓯ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᓯ ᑐᓂᕐᕈᑎᓯᓗ ᑮᓇᐅᔧᑦ ᑕᕝᕗᖓ ᑐᓂᖃᑦᑕᖁᓪᓗᓯᐅᒃ, ᑐᓂᕐᕈᑎᒃᓮᑦ ᐊᑕᓂᕐᒧᑦ ᑐᓂᕐᕈᑎᒋᔪᒪᓪᓗᒋᑦ ᐊᖏᕈᑎᒋᓯᒪᔭᓯ, ᐃᓱᒪᕐᓱᕐᓗᓯᓗ ᑐᓂᔪᒪᔭᑦᓯᓐᓂᒃ ᑐᓂᕐᕈᑎᒋᔪᒪᔭᓯ, ᓯᕗᓪᓕᕐᐹᒥᒡᓗ ᐃᕐᓂᐊᕆᔭᐅᓯᒪᔪᑦ ᐃᒻᒧᒃᓯᐅᒐᖁᑎᑦᓯ ᓰᐱᖁᑎᑦᓯᓗᑦᑕᐅᖅ;