ᒨᓯᓯ ᑕᓪᓕᒪᖏᑦ 14:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᓂᕐᔪᑎᓂᒃ ᐃᒻᒥᖕᓂᒃ ᑐᖁᔪᕕᓂᕐᓂᒃ ᓂᕆᔪᒃᓴᐅᓐᖏᓚᓯ; ᓄᓇᖃᑎᑐᖃᕆᓐᖏᑕᑦᓯᓐᓄᑦ ᓄᓇᑦᓯᓐᓃᑦᑐᒧᑦ ᑐᓂᔪᓐᓇᕐᐸᓯ ᓂᕆᔭᐅᖁᓪᓗᒋᑦ ᑖᒃᑯᓄᖓ, ᐅᕝᕙᓗ ᓄᓇᖃᑎᒋᓐᖏᑕᑦᓯᓐᓄᑦ ᐊᓯᑦᓯᓐᓃᑦᑐᓄᑦ ᓂᐅᕐᕈᑎᒋᔪᓐᓇᕐᐸᓯ; ᐃᓕᑦᓯᓕ ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑕᐅᕗᓯ ᐃᑦᔪᕐᓁᑦᑑᓪᓗᓯ. “ᒎᑦᓰᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᓯ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᑕᓪᓕᒪᖏᑦ 14:21 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 19:6

ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.”

ᒨᓯᓯ ᐂᑉᐸᖏᑦ 22:30

ᑍᒫᑦᓮᓐᓇᕐᑕᐅᖅ ᐱᔪᒃᓴᐅᕗᓯ ᐃᒻᒧᒃᓯᐅᒐᐅᑉ ᐊᖑᓴᓪᓗᖏᓐᓂᒃ ᓰᐱᖁᑎᑦᓯᓐᓂᒡᓗ: ᐊᖑᑎᑦ ᐃᕐᓂᐊᖑᖅᑳᕐᑐᑦ ᐅᓪᓗᓂᒃ 7ᓂᒃ ᐊᓈᓇᒥᓂᑦ ᐊᒫᒪᒃᑐᒃᓴᐅᕗᑦ; ᐅᓪᓗᓪᓕ 8ᖓᓐᓂ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐂᑉᐸᖏᑦ 23:19

“ᐱᕈᕐᓰᕕᖁᑎᕕᑦ ᐱᕈᕐᑎᑕᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᔪᒃᓴᐅᕗᑎᑦ ᐊᑕᓂᕐᒧᑦ ᒎᑎᖕᓄᑦ. “ᓰᐱᐅᑉ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᐂᑉᐸᖏᑦ 34:26

“ᐱᕈᕐᓰᕕᖁᑎᕕᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᑲᑎᕐᓱᓕᕈᕕᖏᑦ ᐊᕐᕌᒍᑕᒫᑦ ᐊᑕᓂᐅᑉ ᒎᑎᕕᑦ ᐃᒡᓗᖓᓄᑦ ᑐᓂᕐᕈᑎᒋᔭᒃᓴᕆᕙᑎᑦ. “ᓰᐱᐅᑉ ᓄᕐᕋᖓᓂᒃ ᐅᕝᕙᓗ ᒎᑦᓯᒥᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᐃᓯᑭᐊᓕᐅᑉ ᐊᒡᓚᖏᑦ 4:14

ᑕᕝᕙ ᑭᐅᕙᕋ, “ᐊᑕᓃᖅ ᒎᑏ! ᑕᑯᒋᑦ, ᓇᖕᒥᓂᖅ ᓇᕐᕈᓇᕐᓯᑎᓚᐅᕐᓯᒪᓐᖏᓚᖓ; ᓄᑕᕋᐅᓂᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐆᒪᔪᕕᓂᕐᒥᒃ ᐃᒻᒥᓃᓐᓇᖅ ᑐᖁᔪᕕᓂᕐᒥᒃ ᓂᕆᓚᐅᕐᓯᒪᓐᖏᓚᖓ ᐆᒪᔪᓄᓪᓗ ᑐᖁᑕᕕᓂᕐᒥᒃ, ᓂᕿᒥᒡᓗ ᒪᒪᖏᑦᑐᒥᒃ ᐅᖁᒻᒦᓚᐅᕐᓯᒪᓇᖓ.”

ᐃᓯᑭᐊᓕᐅᑉ ᐊᒡᓚᖏᑦ 44:31

ᑐᓂᕐᕈᓯᕐᑎᑦᓯᔩᑦ ᓂᕆᔪᒃᓴᐅᓐᖏᓚᑦ ᖃᓄᐃᑦᑐᑐᐃᓐᓇᓂᒃ, ᑎᖕᒥᐊᕕᓂᕐᒥᒃ ᐆᒪᔪᕕᓂᕐᒥᒡᓘᓐᓃᑦ ᓇᖕᒥᓂᖅ ᑐᖁᑐᐃᓐᓇᕐᑐᕕᓂᕐᒥᒃ, ᐅᕝᕙᓗ ᐆᒪᔫᖃᑎᖓᓄᑦ ᑐᖁᑕᕕᓂᕐᒥᒃ.”

ᑖᓂᐊᓕᐅᑉ ᐊᒡᓚᖏᑦ 12:7

ᐊᖑᑎᐅᑉ ᖃᓪᓗᓈᕐᑕᓂᒃ ᐊᓐᓄᕌᓕᐅᑉ, ᑰᑉ ᖁᓛᓂ ᓇᖏᕐᑑᑉ, ᑕᓕᕐᐱᓂ ᐃᓴᒃᐹ ᓴᐅᒥᓂᓗ ᕿᓚᖕᒧᑦ ᐃᓴᓪᓗᒍ, ᑐᓴᕐᐸᕋᓗ ᐊᖏᕈᑎᒥᒃ ᐅᖃᕐᑐᖅ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒧᑦ ᐊᖏᕈᑎᒋᓪᓗᒍ, ᐅᖃᕐᓗᓂ, “ᓇᓪᓕᐅᓐᓂᖅ ᓇᓪᓕᐅᓐᓂᒃᑲᓐᓂᕐᓗ ᓇᑉᐸᕐᓗ ᐊᓂᒍᕐᐸᑕ, ᐃᓄᐃᑦ ᐃᑦᔪᕐᓁᑦᑐᑦ ᐱᔪᓐᓇᕐᓂᖃᕐᕕᐅᓂᖏᑦ ᐃᓱᓕᑉᐸᑕ, ᑕᒪᒃᑯᐊ ᑕᕝᕙ ᓇᓪᓕᐅᑎᔭᕇᕈᒫᕐᐳᑦ.”

ᑖᓂᐊᓕᐅᑉ ᐊᒡᓚᖏᑦ 8:24

ᑖᑦᓱᒪ ᐱᔪᓐᓇᕐᓂᖓ ᓴᓐᖏᔪᕐᔪᐊᖑᓕᕈᒫᕐᐳᖅ, ᓇᖕᒥᓂᖅ ᐱᔪᓐᓇᕐᓂᕐᒥᓅᖏᑦᑐᖅ: ᑖᓐᓇ ᐊᖏᔪᐊᓗᖕᒥᒃ ᓵᓚᖃᕈᒫᕐᐳᖅ, ᖃᓄᐃᓕᐅᕋᓱᐊᕐᑕᒥᓂᒃ ᑕᒤᓐᓂᒃ ᑲᔪᓯᓗᓂ, ᓱᓇᐅᔪᓐᓁᕐᑎᑦᓯᔪᒫᕐᐳᖅ ᐊᔪᖏᑦᑐᕐᔪᐊᖁᑕᐅᔪᓂᒃ ᐃᓄᖕᓂᒡᓗ ᐃᑦᔪᕐᓁᑦᑐᓂᒃ.

ᒨᓯᓯ ᐱᖓᔪᖏᑦ 11:40

ᓇᓪᓕᐊᓪᓗ ᓂᕆᔪᖅ ᑖᑦᓱᒪ ᐃᓚᖓᓂᒃ ᐊᓐᓄᕌᓂ ᐃᕐᕈᕐᑐᕆᐊᖃᕐᐰᑦ, ᓴᓗᒤᑦᑑᓂᐊᕐᐳᕐᓗ ᐅᓐᓄᒃ ᑎᑭᓪᓗᒍ. ᓇᓪᓕᐊᓪᓗ ᑐᖁᖓᔪᒥᒃ ᑖᑦᓱᒥᖓ ᐊᒡᔭᕐᓯᔪᖅ ᐊᓐᓄᕌᓂ ᐃᕐᕈᕐᑐᕆᐊᖃᕐᐰᑦ, ᓴᓗᒤᑦᑑᓂᐊᕐᐳᕐᓗ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 17:15

“ᓇᓪᓕᐊᑦ ᐃᓴᕆᐊᓕᒥᐅᖅ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᓄᓇᖃᖃᑕᐅᔪᖅ ᓂᕆᒃᐸᑦ ᐆᒪᔪᕕᓂᕐᒥᒃ ᑐᖁᖓᔪᕐᓯᐊᕕᓂᕐᒥᓂᒃ ᐆᒪᔪᒧᑦ ᑐᖁᑕᐅᔪᕕᓂᕐᒥᒡᓘᓐᓃᑦ, ᐊᓐᓄᕌᓂ ᐅᐊᓴᕆᐊᖃᕐᐰᑦ ᐃᒥᕐᒧᓪᓗ ᑎᒥᓕᒫᓂ ᐅᐊᓴᕐᓗᒍ, ᐃᓕᖅᑯᓯᖅ ᒪᓕᒡᓗᒍ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ, ᑭᖑᕐᖓᓂ ᓴᓗᒻᒪᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 22:8

ᓂᕆᔭᕆᐊᖃᓐᖏᓚᕐᓕ ᓂᕐᔪᑎᒥᒃ ᐃᒻᒥᓂᒃ ᑐᖁᔪᕕᓂᕐᒥᒃ, ᓂᕐᔪᑎᐅᖃᑎᒥᓂᓪᓘᓐᓃᑦ ᑐᖁᑕᐅᔪᕕᓂᕐᒥᒃ; ᑍᒤᑦᑐᒥᒃ ᓂᕆᒃᐸᑦ ᑕᕝᕙ ᓴᓗᒤᓕᓂᐊᕐᐳᖅ. ᐅᕙᖓ ᐊᑕᓂᐅᒐᒪ.

ᐋᐴᓯᑕᓖᑦ ᐱᓂᐊᕐᓂᖏᑦ 15:20

ᑎᑎᕋᕐᕕᒋᔭᒃᓴᕆᕙᕗᓪᓕ ᐅᖃᐅᑎᓗᒋᑦ ᓂᕆᖃᑕᐅᖁᖏᓪᓗᒋᑦ ᐆᒪᔪᕕᓂᕐᓂᒃ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ, ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑍᓕᖏᑦᑐᓄᑦ ᐃᓚᐅᖃᑕᖁᖏᓪᓗᒋᑦ, ᓂᕆᖃᑦᑕᖁᖏᓪᓗᒋᓪᓗ ᐆᒪᔪᓂᒃ ᕿᒥᑕᐅᓗᑎᒃ ᑐᖁᑕᐅᓯᒪᔪᓂᒃ, ᐊᐅᒃᑐᖃᑦᑕᖁᖏᓪᓗᒋᓪᓗ.

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᒨᓯᓯ ᑕᓪᓕᒪᖏᑦ 14:2

ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑎᒋᔭᐅᒐᑦᓯ ᐃᑦᔪᕐᓁᑦᑐᖁᑎᒋᔭᐅᓪᓗᓯ, ᐊᑕᓂᐅᑉ ᓂᕈᐊᕐᓯᒪᖕᒪᓯ ᓇᖕᒥᓂᕆᔪᒪᓪᓗᓯ, ᓄᓇᕐᔪᐊᕐᒦᑦᑐᓕᒫᑦ ᐊᑯᕐᖓᓐᓂᑦ.”

ᒨᓯᓯ ᑕᓪᓕᒪᖏᑦ 14:20

ᐃᓴᕈᓕᓕᒪᓪᓕ ᖁᐱᕐᕈᐃᑦ ᓴᓗᒪᔪᑦ ᓂᕆᔪᓐᓇᕐᐸᓯ.

ᒨᓯᓯ ᑕᓪᓕᒪᖏᑦ 7:6

ᑍᒤᓕᐅᕐᑐᒃᓴᐅᕗᓯ ᐃᓕᑦᓯ ᐊᑕᓂᐅᑉ ᒎᑎᑦᓯ ᐃᓄᖁᑎᒋᖕᒪᓯ ᐃᑦᔪᕐᓁᑎᑕᐅᔪᑦ ᑖᑦᓱᒧᖓ. ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᓯ ᓇᖕᒥᓂᖅ ᐃᓄᖁᑎᒋᓗᓂᓯ ᑖᑦᓱᒧᖓ ᐱᒋᔭᐅᖁᓪᓗᓯ, ᓯᓚᕐᔪᐊᕐᒥᐅᑦ ᐃᓄᓕᒫᖏᓐᓂᑦ ᓂᕈᐊᕐᑕᐅᓯᒪᒐᑦᓯ.

ᐲᑦᑐᕉᓯ ᓯᕗᓪᓖᑦ 1:16

ᐊᒡᓚᒃᓯᒪᖕᒪᑦ, “ᐃᑦᔪᕐᓁᑦᑕᕆᐊᖃᕐᐳᓯ, ᐃᑦᔪᕐᓁᑦᑑᒐᒪ.”