ᒨᓯᓯ ᑕᓪᓕᒪᖏᑦ 13:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᒎᑎᓐᖑᐊᓄᑦ ᑐᒃᓯᐊᖃᑦᑕᓕᖁᓪᓗᓯ ᑕᓯᐅᕐᓯᓇᓱᐊᕐᐸᑕ ᓯᕗᓂᖓᒍᑦ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ ᓇᓗᓁᒃᑯᑍᑦ ᑲᒪᓇᕐᑐᓪᓗ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᒐᓗᐊᕐᐸᑕ,

ᒨᓯᓯ ᑕᓪᓕᒪᖏᑦ 13:2 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:3

ᓇᓗᓁᒃᑯᑕᕐᒥᒃ ᐊᑐᓛᕐᑐᒥᒃ ᐅᓪᓗᖅ ᓇᓪᓕᐊᑎᒃᐸᑦ ᐅᖃᕐᓗᓂ, “ᐅᓇ ᑕᕝᕙ ᓇᓗᓁᒃᑯᑕᐅᓛᕐᑐᖅ ᐊᑕᓂᐅᑉ ᐅᖃᕐᓂᖓᓄᑦ: ‘ᑕᑯᒋᑦ, ᑐᓂᕐᕈᓯᕐᕕᒃ ᓯᖁᒥᑕᐅᔪᒫᕐᐳᖅ, ᐊᕐᔭᓕᓃᓪᓗ ᐃᓗᐊᓃᑦᑐᑦ ᓈᕕᓪᓗᑎᒃ ᒪᓂᖅᑲᒧᑦ.’”

ᒨᓯᓯ ᐂᑉᐸᖏᑦ 22:19

“ᐊᖑᑎᑦ ᓇᓪᓕᐊᓐᓂᒃ ᐆᒪᔪᒥᒃ ᓄᓕᐊᕐᑐᖃᕐᐸᑦ ᑖᓐᓇ ᐊᖑᑦ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 7:22

ᐄᑦᔨᑉᑎᐅᓪᓕ ᐊᖓᒃᑯᖁᑎᖏᑦ ᑍᒤᓕᐅᕐᑎᑦᓯᔪᓐᓇᓚᐅᕆᕗᑦ; ᑍᒤᒻᒪᑦ ᐰᕉᑉ ᐆᒻᒪᑎᖓ ᓱᓕ ᓯᑎᔫᒋᐊᓪᓚᑐᐃᓐᓇᓚᐅᕐᐳᖅ, ᑖᒃᑯᓂᖓᓗ ᓈᓚᒍᒪᓇᓂ, ᓲᕐᓗ ᐊᑕᓂᐅᑉ ᑍᒫᒃ ᐅᖃᐅᓯᕆᓚᐅᕐᒪᒍ ᑍᒤᓐᓂᐊᕐᓂᕋᕐᓗᒍ.

ᔨᕆᒤᐊᐅᑉ ᐊᒡᓚᖏᑦ 23:32

ᑕᑯᒋᑦ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᓱᓕᖏᑦᑐᓂᒡᓗ ᓯᓐᓇᒃᑐᕐᓂᕋᖃᑦᑕᕐᑐᑦ, ᐊᑕᓂᖅ ᐅᖃᕐᐳᖅ, ᐅᖃᐅᓯᕐᒥᖕᓄᑦ ᐃᓄᖁᑎᒃᑲ ᑕᒻᒪᕐᑎᑉᐰᑦ ᓱᓕᖏᑦᑐᓂᒃ ᐅᖃᐅᓯᖃᕐᓂᕐᒥᖕᓄᑦ ᐱᐅᔪᕆᑦᔪᑎᒋᓪᓗᒋᓪᓗ, ᑎᓕᓯᒪᓐᖏᓚᒃᑲ ᐅᖃᖁᓗᒋᑦ; ᑍᒤᒻᒪᑦ ᐅᖃᓪᓚᖃᑦᑕᕐᓂᖏᑦ ᐃᓄᖁᑎᓐᓄᑦ ᐱᕚᓪᓕᕈᑕᐅᖏᑦᓯᐊᕐᐳᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 27:9

ᓈᓚᒃᑕᕐᓴᕆᓐᖏᓚᓯ ᓇᓚᐅᑦᑍᔪᖁᑎᓯ, ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᓯ, ᓯᓐᓇᒃᑐᓂᒡᓗ ᑐᑭᓯᐅᒪᓇᓱᐊᕐᑎᖁᑎᓯ, ᐊᓂᕐᓂᓕᕆᔨᖁᑎᓯ, ᐊᖓᒃᑯᖁᑎᓯᓗ ᐅᖃᕐᐸᒃᑐᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐱᔨᑦᓯᕈᒪᖏᓐᓂᕅᓪᓗᑎᒃ ᐃᓕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 28:9

ᒎᑎᒧᓪᓕ ᐅᖃᕐᑎᒋᔭᐅᔪᖅ ᐅᖃᐅᓯᖃᕐᐸᒃᑐᖅ ᓮᒻᒪᕐᑎᑕᐅᔪᒫᕐᓂᕅᓪᓗᓂ ᒎᑎᒥᑦ ᑎᓕᔭᐅᓯᒪᓪᓚᕆᖕᓂᖓ ᓇᓗᓇᕈᓐᓃᕋᔭᕐᐳᖅ ᐅᖃᐅᓯᕆᔭᖏᑕ ᓇᓚᐅᑦᓯᓂᖏᑦ ᓴᖅᑭᓕᕐᐸᑕ ᑭᓯᐊᓂ.

ᓴᑲᕅᐊᐅᑉ ᐊᒡᓚᖏᑦ 10:2

ᒎᑎᓐᖑᐊᑦ ᓂᓪᓕᐊᖕᒪᑕ ᐅᐃᕕᕆᒃᓯᓂᕐᒥᒃ, ᓯᓚᕐᔪᐊᕐᒥᓗ ᓇᓚᐅᑦᑍᔩᑦ ᑕᑯᕙᖕᒪᑕ ᓱᓕᖏᑦᑐᓂᒃ, ᓂᕆᐅᒋᔭᒃᓴᓂᒡᓗ ᓱᓕᖏᑦᑐᓂᒃ ᐅᖃᐅᓯᖃᕐᐸᒃᓗᑎᒃ; ᓮᒻᒪᕐᓮᓪᓚᕆᒃᐸᖏᒻᒪᑕ, ᑍᒤᒻᒪᑦ ᐃᓄᐃᑦ ᓇᒧᑐᐃᓐᓇᖅ ᐱᓱᒃᐳᑦ ᐃᓱᒪᔮᕐᓗᑎᒃ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒨᓯᓯ ᑕᓪᓕᒪᖏᑦ 13:13

ᐃᓄᐃᑦ ᐃᓚᖏᓐᓂᒃ ᓲᖑᓵᕐᑎᓂᒃ ᐃᓕᑦᓯᓐᓄᐊᕐᓯᒪᔪᓂᒃ ᐃᒡᓗᒐᓴᒡᔪᐊᕐᒥᐅᓂᒡᓗ ᓴᖑᑎᑦᓯᓯᒪᒃᐸᑕ, ᐅᖃᕐᓗᑎᒃ, ‘ᐂᓚᐅᕐᑕ ᒎᑎᓂᒃ ᐊᓯᖏᓐᓂᒃ ᐱᔨᑦᓯᕆᐊᕐᑐᕐᓗᑕ,’ ᖃᐅᔨᒪᓚᐅᓐᖏᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 18:20

ᓇᓪᓕᐊᓪᓕ ᐅᖃᓪᓚᒐᓱᐊᕐᐸᑦ ᐅᕙᓐᓄᑦ ᐅᖃᖁᔭᐅᓯᒪᖏᓪᓗᓂ, ᑖᓐᓇ ᑍᒫᑦᓮᓐᓇᕐᑕᐅᖅ ᒎᑎᒋᔭᐅᔪᓂᒃ ᐱᑦᔪᑎᖃᕐᓗᓂ ᐅᖃᓪᓚᒐᓱᐊᕐᑐᖅ ᑍᒫᑦᓮᓐᓇᖅ ᑖᓐᓇ ᑐᖁᔪᒪᕐᐳᖅ.’

ᒨᓯᓯ ᑕᓪᓕᒪᖏᑦ 18:22

ᐱᔪᖃᓛᕐᑐᒥᒡᓕ ᐅᖃᕐᑎ ᐊᑕᓂᐅᑉ ᐊᑎᖓᓂ ᐅᖃᓪᓚᒃᐸᑦ, ᐅᖃᓪᓚᐅᓯᖏᓪᓗ ᓇᓚᐅᑦᓯᖏᑉᐸᑕ, ᓱᓕᓂᖏᓪᓗ ᓴᖅᑭᖏᑉᐸᑕ, ᑖᓐᓇ ᑕᕝᕙ ᐊᑕᓂᕐᒧᑦ ᑎᓕᔭᐅᓯᒪᓐᖏᓚᖅ. ᐃᒻᒥᓃᓐᓇᕐᓕ ᐅᖃᓪᓚᒃᐳᖅ ᐃᓱᒪᑐᐃᓐᓇᕐᒥᓂᒃ, ᑍᒤᑦᑐᑦ ᓯᕘᕋᒋᔭᒃᓴᕆᓐᖏᓚᓯ.”