ᒨᓯᓯ ᑕᓪᓕᒪᖏᑦ 13:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓇᓪᓕᐊᓐᓂᒡᓘᓐᓃᑦ ᓄᖑᑕᐅᔪᒃᓴᐅᑎᓪᓗᒍ ᓱᒋᐊᕐᑕᐅᖁᔭᐅᔪᒥᒃ ᓇᖕᒥᓂᒃᓴᕆᔪᒪᓗᒍ ᑎᒍᓯᔪᒃᓴᐅᓐᖏᓚᑎᑦ ᐊᑕᓂᖅ ᓂᓐᖓᖕᓂᕐᔪᐊᒥᓂᑦ ᓴᖑᖁᓪᓗᒍ, ᓂᑲᒋᓗᓯᓗ. ᐃᓚᑦᓱᒋᓕᕐᓂᐊᕐᒪᓯ, ᐃᓄᒐᓴᒡᔪᐊᓐᖑᕐᑎᓪᓗᓯᓗ, ᑍᒫᒃ ᐊᖏᕈᑎᖃᕐᓯᒪᖕᒪᑦ ᓯᕗᓕᕕᓂᑦᓯᓐᓄᑦ,

ᒨᓯᓯ ᑕᓪᓕᒪᖏᑦ 13:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᒨᓯᓯ ᓯᕗᓪᓖᑦ 26:4

ᑭᖑᕚᑎᑦ ᐅᓄᕐᑐᕐᔪᐊᓐᖑᕐᑎᑦᓱᒫᕐᐸᒃᑲ ᕿᓚᐅᑉ ᐅᓪᓗᕆᐊᖏᑎᑐᑦ, ᑕᒪᒃᑯᐊᓗ ᓄᓇᒋᔭᐅᔪᓕᒫᑦ ᑐᓂᔪᒫᕐᐸᒃᑲ ᑭᖑᕚᕐᓄᑦ; ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒌᒡᔪᐊᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ;

ᒨᓯᓯ ᓯᕗᓪᓖᑦ 28:14

ᑭᖑᕚᑎᑦ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᓄᓇᖁᑎᖏᓪᓗ ᐅᖓᓯᒃᑐᓄᑦ ᑎᑭᐅᒪᔪᒫᕐᐳᑦ; ᐸᐅᖓ ᐅᓄᖓᓗ ᓯᑭᓂᐅᑉ ᓄᐃᕕᐊᑕ ᓇᓛᓄᑦ ᓂᐱᕕᐊᑕᓗ ᓇᓛᓄᑦ; ᐃᕝᕕᓪᓗ ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒋᒡᔪᐊᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᐃᓐᖏᕈᑎᑦ 85:3

ᓂᓐᖓᐅᒪᓃᑦ ᐃᓘᓐᓇᖓ ᓄᖅᑲᕐᑎᓚᐅᕐᐸᑦ; ᓂᓐᖓᐅᑦᔨᓯᒪᓂᕕᓪᓗ ᐋᓐᓂᐊᓇᕐᓂᖓᓂᒃ ᕿᒤᓚᐅᕐᐳᑎᑦ.

ᒨᓯᓯ ᐂᑉᐸᖏᑦ 20:6

ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 32:12

ᓱᖕᒪᑦ ᐄᑦᔨᑉᑎᒥᐅᑦ ᐅᖃᕈᓐᓇᕐᓯᔪᒫᓕᕐᐹᑦ ᐃᓄᖁᑎᑎᑦ ᐊᐅᓪᓚᕈᑦᔭᐅᓚᐅᕐᓂᕋᕐᓗᒋᑦ ᐄᑦᔨᑉᑎᒥᑦ, ᑐᖁᑦᓴᕐᑐᕈᒪᓪᓗᒋᑦ ᖃᖅᑲᓕᖕᒥ ᐊᓯᕈᕆᐊᕐᑐᕈᒪᓪᓗᒋᓪᓗ ᓄᖑᑦᓯᐊᕐᓗᒋᑦ? ᓂᓐᖓᐅᒪᔪᓐᓁᓚᐅᕆᑦ; ᐃᓱᒪᒋᔧᑦ ᓴᖑᑎᓚᐅᕈᒃ ᐊᓯᕈᕐᑕᐅᓂᕐᓗ ᑕᒪᓐᓇ ᐃᓄᖁᑎᖕᓄᑦ ᑎᑭᑎᓐᓂᐊᕐᓇᒍ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:32

ᕿᒃᓵᒃᑎᓚᐅᕋᓗᐊᕐᓗᓂᑎᒍᑦ, ᐃᓚᑦᓱᒍᓱᒍᒫᕐᐳᖅ ᓇᒡᓕᒍᓱᖕᓂᖓ ᐃᓱᖃᖏᑦᑑᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 37:26

ᐊᖏᖃᑎᒌᒍᑎᓕᐅᕈᒫᕐᐳᖓᓗ ᑖᒃᑯᓄᖓ ᐃᓂᓪᓚᖓᑦᓯᐊᕐᓇᕐᑐᒥᒃ; ᑕᒪᓐᓇᓗ ᐊᖏᖃᑎᒌᒍᑎᓕᐅᕐᓂᕋ ᑖᒃᑯᓄᖓ ᐃᓱᖃᖏᑦᑐᒧᑦ ᐃᓕᖓᔪᒫᕐᐳᖅ; ᓮᒻᒪᕐᑎᑦᓱᒫᕐᐸᒃᑲ ᐅᓄᕐᓯᕙᓪᓕᐊᑎᓪᓗᒋᓪᓗ, ᐃᑦᔪᕐᓁᑦᑐᕕᖁᑎᖓᓗ ᐊᑯᕐᖓᓐᓂ ᐃᓂᖃᕐᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᕼᐆᓯᐊᑉ ᐊᒡᓚᖏᑦ 11:9

ᓂᓐᖓᐅᒪᓂᕐᒪ ᓂᑲᒍᓱᖏᓐᓂᖓ ᑲᔪᓯᑎᓐᓂᐊᓐᖏᓚᕋ, ᐃᕗᕅᒥᓗ ᐊᓯᕈᒃᑲᓐᓂᕐᓂᐊᕈᓁᕐᐸᕋ, ᒎᑎᐅᒐᒪ ᐃᓄᑐᐃᓐᓇᐅᓇᖓᓗ, ᐃᑦᔪᕐᓁᑦᑐᑐᐊᖅ ᐊᑯᓐᓇᑦᓯᓐᓂ, ᕾᓂᐊᓐᖏᓚᖓ ᐊᓯᕈᐃᔭᕐᑐᕐᖓ.

ᒨᓯᓯ ᓯᑕᒪᖏᑦ 25:4

ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᐃᓄᐃᑦ ᓯᕗᓕᕐᑎᓕᒫᖏᑦ ᑎᒍᒃᑭᑦ ᐸᓯᔭᒃᓴᐅᔪᑦ ᕿᒥᓪᓗᒋᑦ ᐊᑕᓂᐅᑉ ᓵᖓᓂ, ᐅᓪᓘᑎᓪᓗᒍ, ᐊᑕᓂᐅᑉ ᓂᓐᖓᐅᒪᓂᖓ ᐃᓴᕆᐊᓕᒥᐅᓂᒃ ᕿᒤᖁᓪᓗᒍ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:22

ᐊᑕᓂᕐᒥᒃ ᐱᓐᓇᕆᔭᖃᖏᑦᑐᖅ ᑖᓐᓇ ᓇᕐᕈᓇᕐᓯᓕᕐᓕ! ᒪᕋᓈ-ᑕ ᐃᒫᒃ; ᐊᑕᓂᕗᑦ ᕾᓕᕆᑦ!

ᒨᓯᓯ ᑕᓪᓕᒪᖏᑦ 13:18

ᐊᑕᓂᐅᑉ ᒎᑎᑦᓯ ᓂᐱᖓ ᓈᓚᖕᓂᐊᕈᑦᓯᐅᒃ, ᐱᖁᔨᑦᔪᑎᖏᓪᓗ ᒪᓕᑦᓯᐊᕐᓂᐊᕈᑦᓯᒋᒃ ᐅᓪᓗᒥ, ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᐱᓂᐊᕐᓂᖃᖁᓪᓗᓯ ᓈᒻᒪᒋᔭᐅᔪᒥᒃ ᐊᑕᓂᐅᑉ ᒎᑎᑦᓯ ᓵᖓᓂ.”

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.

ᒨᓯᓯ ᑕᓪᓕᒪᖏᑦ 30:5

ᓯᕗᓕᕕᓂᑦᓯ ᓄᓇᒋᓚᐅᕐᓯᒪᔭᖓᓄᑦ ᐅᑎᕈᓐᓇᕐᓯᖁᓪᓗᓯ ᓄᓇᑖᕆᖕᒥᓗᒍᓗ. ᑕᕝᕙ ᐱᕙᓪᓕᐊᓂᕐᓴᒻᒪᕆᐅᓕᕈᒫᕐᐳᓯ ᐃᓄᒋᐊᖕᓂᕐᓴᐅᓕᕐᓗᓯᓗ ᓯᕗᓕᕆᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 7:13

ᑕᕝᕙ ᓇᒡᓕᒋᓂᐊᕐᐹᑎᑦ ᓮᒻᒪᕐᑎᓪᓗᓂᑎᓪᓗ, ᐃᓄᒋᐊᒃᓯᕙᓪᓕᐊᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᓂᑎᓪᓗ ᐅᓄᕐᑐᓂᒃ; ᐱᕈᕐᓰᕕᖁᑎᑎᓪᓗ ᓮᒻᒪᕐᑎᓐᓂᐊᕆᕔᑦ, ᐱᕈᕐᕕᐅᑦᓯᐊᖁᓪᓗᒋᑦ ᓂᕿᒃᓴᓂᒃ, ᕔᓂᒃᓴᓂᒡᓗ, ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ; ᓮᒻᒪᕐᑎᓐᓂᐊᕐᐹᓯᓗ ᑐᓂᓯᕕᒋᓗᓂᓯ ᐆᒪᔪᖁᑎᒃᓴᑦᓯᓐᓂᒃ ᐃᒻᒧᒃᓯᐅᒐᕐᓂᒃ ᐅᓄᕐᑐᓂᒃ, ᓰᐱᓂᒡᓗ. ᑕᒪᒃᑯᓂᖓ ᑕᕝᕙ ᑐᓂᓯᕕᒋᒐᔭᕐᐹᓯ ᓮᒻᒪᕐᑎᓪᓗᓂᓯ ᑕᒫᓂ ᓄᓇᒥ ᑕᒪᓐᓇ ᓯᕗᓕᕕᓂᑦᓯᓐᓄᑦ ᐊᖏᕈᑎᒋᓯᒪᖕᒪᒍ ᑕᒪᒃᑯᓂᖓ ᑐᓂᓯᕕᒋᔪᒪᓪᓗᓯ.

ᒨᓯᓯ ᑕᓪᓕᒪᖏᑦ 7:26

ᒎᑎᓐᖑᐊᕆᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᐊᖏᕐᕋᑦᓯᓐᓄᑦ ᓇᒃᓴᕐᑐᒃᓴᐅᓐᖏᓚᓯ, ᑖᒃᑯᐊ ᓯᕗᓂᕐᓗᒃᑎᑕᐅᓂᖏᑎᑐᑦ ᑎᑭᕝᕕᐅᖁᓇᓯ. ᑍᒤᒻᒪᑦ ᒎᑎᓐᖑᐊᑦ ᐆᒥᒋᔭᒃᓴᕆᕙᓯ ᐱᐅᒋᖏᓪᓗᒋᓪᓗ, ᑕᒪᒃᑯᐊ ᑍᒤᑦᑐᑦ ᐊᑕᓂᐅᑉ ᓯᕗᓂᕐᓗᒃᑎᒻᒪᒋᑦ.”

ᔮᓱᐊᑉ ᐊᒡᓚᖏᑦ 22:20

ᐃᖅᑲᐅᒪᕕᓰ? ᐂᑲᓂᐅᑉ ᔨᕋᐅᑉ ᐃᕐᓂᖓᑕ ᐱᖁᔭᒥᒃ ᓈᓚᖏᓐᓂᕆᓚᐅᕐᑕᖓᓂᒃ, ᐃᓴᕆᐊᓕᒥᐅᓕᒫᑦ ᓱᒋᐊᕐᑕᐅᓚᐅᕐᒪᑕ, ᐂᑳᓐᓗ ᐃᓄᑑᓗᓂ ᑐᖁᑕᐅᓚᐅᓐᖏᓚᖅ ᐊᔪᕐᑐᓕᓂᓂ ᐱᓪᓗᒍ.’”

ᔮᓱᐊᑉ ᐊᒡᓚᖏᑦ 6:18

ᐃᓕᑦᓯᓕ ᑎᒍᓯᔪᒃᓴᐅᓐᖏᓚᓯ ᐊᓯᕈᕐᑕᐅᔪᒃᓴᓂᒃ, ᑎᒍᓯᑐᐊᕈᑦᓯ ᐱᐅᖏᑦᑐᒥᒃ ᐊᓯᕈᕐᑕᐅᓇᕐᑐᒥᒡᓗ ᐱᑎᑦᓯᓂᐊᕐᐳᓯ ᐃᓴᕆᐊᓕᒥᐅᓄᑦ.

ᔮᓱᐊᑉ ᐊᒡᓚᖏᑦ 6:24

ᑕᕝᕙ ᐃᒡᓗᒐᓮᑦ ᐃᑯᐊᓪᓚᒃᐰᑦ, ᓱᓇᓕᒫᑦ ᐃᓗᐊᓃᑦᑐᑦ ᓄᖑᓪᓗᒋᑦ; ᐊᒥᐊᒃᑯᑐᐊᖃᓚᐅᕐᐳᑦ ᒎᓗᓂᒃ, ᓯᐅᓪᕕᕆᓂᒃ, ᑲᓐᓄᔭᓂᒃ ᓴᕕᕋᔭᖕᓂᒡᓗ, ᑖᒃᑯᐊᓗ ᐊᑕᓂᐅᑉ ᓄᐊᑦᓯᕕᖁᑎᖓᓄᐊᕐᑕᐅᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 6:26

ᑍᑦᓱᒪᓂᐅᑎᓪᓗᒍ ᔮᓱᐊ ᐃᓂᕐᑎᕐᓯᕆᕗᖅ, “ᓇᓪᓕᐊᑦ ᓴᓇᓇᓱᒃᑐᖅ ᐃᒡᓗᒐᓴᖕᓂᒃ ᔨᕆᑯᒥᒃ ᐊᑕᓂᐅᑉ ᓂᓐᖓᐅᓯᖓᓃᓐᓂᐊᕐᐳᖅ. ᓇᓪᓕᐊᓪᓗ ᑐᓐᖓᕕᖓᓂᒃ ᐋᖅᑭᒃᓯᓇᓱᒃᑐᖅ ᐊᖓᔪᒃᓯᕐᐹᖁᑎᒥᓂᒃ ᐊᓯᐅᔨᔪᒫᕐᐳᖅ, ᐃᑎᕐᑕᕐᕕᖓᓂᒡᓗ ᐋᖅᑭᒃᓯᓇᓱᒃᑐᖅ ᓄᑲᕐᓯᕐᐹᖁᑎᒥᓂᒃ ᐊᓯᐅᔨᔪᒫᕐᐳᖅ.”

ᔮᓱᐊᑉ ᐊᒡᓚᖏᑦ 7:1

ᐃᓴᕆᐊᓕᒥᐅᑉ ᑎᒍᓯᔪᖃᓚᐅᕐᐳᑦ ᐱᔭᐅᖁᔭᐅᖏᑦᑐᓂᒃ; ᐊᖑᑦ ᐂᑲᓐᒥᒃ ᐊᑎᓕᒃ ᑳᕐᒥᐅᑉ ᐃᕐᓂᖓ, ᑳᕐᒥ ᐃᕐᓂᕆᔭᐅᕗᖅ ᔭᑉᑍᒧᑦ, ᔭᑉᑍ ᐃᕐᓂᕆᔭᐅᕗᖅ ᔨᕋᒧᑦ, ᔫᑕᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᐂᑲᓐ ᐊᑕᓂᕐᒧᑦ ᑐᓂᔭᐅᓯᒪᔪᓂᒃ ᑎᒍᓯᓚᐅᕐᒪᑦ; ᐊᑕᓂᖅ ᓂᓐᖓᐅᑦᔨᓚᐅᕐᐳᖅ ᐃᓴᕆᐊᓕᒥᐅᓂᒃ.

ᔮᓱᐊᑉ ᐊᒡᓚᖏᑦ 7:26

ᐅᔭᕋᖕᓄᓪᓗ ᐱᕉᕐᐰᑦ ᐳᕐᑐᓯᓪᓗᒋᑦ ᐅᔭᕅᓪᓗ ᐅᓪᓗᒥᒧᑦ ᓱᓕ ᑕᕝᕙᓃᑉᐳᑦ; ᑍᒤᒻᒪᑦ ᑖᓐᓇ ᐅᓪᓗᒥᒧᑦ ᑍᔭᐅᓕᕐᐳᖅ ᓇᕐᓴᒥᒃ ᐂᑯᐊᒥᒃ. ᑭᖑᓂᖓᒍᓪᓗ ᐊᑕᓂᐅᑉ ᓂᓐᖓᐅᒪᓂᕐᒥᓂᑦ ᓮᒻᒪᕐᕕᒋᕔᑦ.

ᔮᓱᐊᑉ ᐊᒡᓚᖏᑦ 8:28

ᔮᓱᐊᑉ ᐃᑯᐊᓪᓚᓚᐅᕐᐹ ᐂ, ᕿᒪᓚᐅᕐᐹᓗ ᐊᓯᕈᒻᒪᕆᒡᓗᒍ, ᐅᓪᓗᒥᒧᑦ ᓱᓕ ᑍᒤᓕᖓᕗᖅ ᐃᓄᖃᕋᓂ.