ᒨᓯᓯ ᑕᓪᓕᒪᖏᑦ 12:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² “ᐱᖁᔨᑦᔪᑎᒋᓯᒪᔭᓕᒫᓐᓂᒃ ᐱᓇᓱᐊᕐᑐᒃᓴᐅᕗᓯ; ᐊᓯᖏᓐᓂᒃ ᐃᓚᓯᔪᒃᓴᐅᓐᖏᓚᓯ ᐃᓚᓐᖎᔪᒃᓴᐅᓇᓯᓗ ᑖᒃᑯᓂᖓ.”

ᒨᓯᓯ ᑕᓪᓕᒪᖏᑦ 12:32 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 17:37

ᒪᓕᑦᓯᐊᕋᓱᐊᕐᑐᒃᓴᐅᕗᓯ ᐱᐅᓯᐅᖁᔭᓐᓂᒃ, ᐱᓂᐊᕐᑕᐅᖁᔭᓐᓂᒡᓗ, ᐱᖁᔭᓕᐊᕆᓯᒪᔭᓐᓂᒡᓗ, ᒪᓕᒐᒃᓴᓕᐊᕆᓯᒪᔭᓐᓂᒡᓗ ᑎᑎᕋᕐᑕᐅᑎᓯᒪᔭᓐᓂᒃ, ᐊᓯᓐᓂᒃ ᒎᑎᖃᕋᓱᐊᕐᑐᒃᓴᐅᓐᖏᓚᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:6

ᐅᖃᐅᓯᖏᓐᓂ ᐅᖃᕐᓯᒪᖏᑦᑐᒥᒃ ᐃᓚᓯᓂᐊᕐᓇᒃ, ᑖᑦᓱᒧᖓ ᓱᐊᒃᑕᐅᖁᓇᒃ, ᓴᒡᓗᓲᒥᒡᓗ ᑍᔭᐅᓕᖁᓇᒃ.

ᐃᓯᑭᐊᓕᐅᑉ ᐊᒡᓚᖏᑦ 44:5

ᐊᑕᓂᐅᓪᓗ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᔭᑎᑦ ᐅᑦᔨᕆᑦᓯᐊᒃᑭᑦ, ᑐᓴᑦᓯᐊᕐᓗᒋᓪᓗ ᓯᐅᑎᖕᓄᑦ ᐅᖃᐅᓯᕆᓂᐊᕐᑕᓕᒫᒃᑲ ᐃᓕᖕᓄᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᒪᓕᒐᖏᑦ ᐱᖁᔭᖏᓪᓗ; ᐃᒃᐱᒋᑦᓯᐊᕐᓗᒋᓪᓗ ᑐᒃᓯᐊᕐᕕᒡᔪᐊᕐᒥ ᑎᓕᔭᐅᖃᑦᑕᕈᒫᕐᑐᑦ ᑭᓇᒃᑯᓪᓗ ᐃᑦᔪᕐᓁᑦᑐᕕᖕᒧᑦ ᐃᑎᕈᓐᓇᕐᑎᑕᐅᔭᕆᐊᖃᖏᒻᒪᖔᑕ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᒨᓯᓯ ᑕᓪᓕᒪᖏᑦ 13:18

ᐊᑕᓂᐅᑉ ᒎᑎᑦᓯ ᓂᐱᖓ ᓈᓚᖕᓂᐊᕈᑦᓯᐅᒃ, ᐱᖁᔨᑦᔪᑎᖏᓪᓗ ᒪᓕᑦᓯᐊᕐᓂᐊᕈᑦᓯᒋᒃ ᐅᓪᓗᒥ, ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᐱᓂᐊᕐᓂᖃᖁᓪᓗᓯ ᓈᒻᒪᒋᔭᐅᔪᒥᒃ ᐊᑕᓂᐅᑉ ᒎᑎᑦᓯ ᓵᖓᓂ.”

ᒨᓯᓯ ᑕᓪᓕᒪᖏᑦ 19:9

ᑕᕝᕙ ᑲᒪᑦᓯᐊᕐᓗᓯ ᐱᖁᔨᓂᓕᒫᖏᑦ ᐊᑐᑦᓯᐊᕈᑦᓯᐅᒃ, ᐅᓪᓗᒥ ᐱᖁᔨᑦᔪᑎᒋᔭᒃᑲ, ᐊᑕᓂᖅ ᒎᑎᓯ ᐅᖓᒋᑦᓯᐊᕐᓗᒍ ᐊᑐᕐᑕᐅᖁᔭᖏᓪᓗ ᐊᑐᑦᓯᐊᕐᓗᒋᑦ, ᑕᕝᕙ ᐃᒡᓗᒐᓮᑦ ᕿᒫᕖᑦ ᐱᖓᓱᑦ ᐃᓚᒃᑲᓐᓂᕋᔭᕐᐸᓯ ᐱᖓᓱᒃᑲᓐᓂᕐᓂᒃ.

ᒨᓯᓯ ᑕᓪᓕᒪᖏᑦ 4:2

ᐃᓕᑦᓯᓐᓄᑦ ᐱᖁᓚᐅᕐᑕᒃᑲ ᐃᓚᔭᒃᓴᕆᓐᖏᓚᓯ, ᐃᓚᓐᖓᕐᑕᒃᓴᕆᓇᒋᓪᓗ. ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᐃᓕᑦᓯᓐᓄᑦ ᓈᓚᒐᒃᓴᕆᕙᓯ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ.

ᔮᓱᐊᑉ ᐊᒡᓚᖏᑦ 1:7

ᓲᖑᓂᖃᓕᕆᑦ ᓯᕘᕋᖏᑦᓯᐊᕐᓗᑎᓪᓗ, ᓈᓚᑦᓯᐊᓪᓗᑎᑦ ᐱᖁᔭᓐᓂᒃ ᒨᓯᓯᐅᑉ ᐱᔨᒪ ᑐᓂᓚᐅᕐᑕᖏᓐᓂᒃ ᐃᓕᖕᓄᑦ, ᑕᓕᕐᐱᒧᓪᓘᓐᓃᑦ, ᓴᐅᒥᒧᓪᓘᓐᓃᑦ ᓴᖑᑦᑍᓕᒋᑦ ᐱᔪᓐᓇᑦᓯᐊᖁᓪᓗᑎᑦ ᓇᒧᓐᖓᕐᓂᐊᕋᓗᐊᕈᕕᑦ.