ᒨᓯᓯ ᑕᓪᓕᒪᖏᑦ 12:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᑖᒃᑯᐊᓕ ᐃᓅᖃᑎᒌᒡᔪᐊᑦ ᓄᖑᑕᐅᓯᒪᓕᕐᓂᖏᑕ ᑭᖑᓂᖓᒍᑦ, ᑲᒪᑦᓯᐊᕐᑐᒃᓴᐅᕗᓯ ᐅᒃᐱᕐᓂᕆᔭᖏᑕ ᐃᓕᖅᑯᓯᖏᓐᓄᑦ ᐅᐃᕕᕆᔭᐅᖁᓇᓯ. ᖃᐅᔨᓇᓱᐊᕐᑐᒃᓴᐅᓐᖏᓚᓯᓘᓐᓃᑦ ᖃᓄᐃᓕᐅᕐᓗᑎᒃ ᒎᑎᒥᖕᓄᑦ ᑐᒃᓯᐊᕐᐸᓚᐅᕐᒪᖔᑕ, ᑐᒃᓯᐊᕈᓯᕆᕙᓚᐅᕐᑕᖏᑎᑐᑦ ᑐᒃᓯᐊᕋᓱᓕᖁᓇᓯ.

ᒨᓯᓯ ᑕᓪᓕᒪᖏᑦ 12:30 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 20:32

ᐃᓱᒪᒋᕙᒃᑕᓯ ᐊᑐᓕᓚᐅᕐᓯᒪᓂᐊᓐᖏᓚᑦ ᐃᒫᒃ ᐃᓱᒪᕙᒃᑲᑦᓯ, ‘ᐃᓅᖃᑎᒌᒡᔪᐊᑦ ᐊᑦᔨᒋᓚᐅᕐᓚᕗᑦ, ᓄᓇᓕᒡᔪᐊᓂ ᐊᕕᒃᑐᕐᓯᒪᔪᓃᑦᑐᑦ ᑐᒃᓯᐊᕐᕕᖃᕐᐸᒃᑐᑦ ᓇᐹᕐᑐᓂᒃ ᐅᔭᖅᑲᓂᒡᓗ.’”

ᔨᕆᒤᐊᐅᑉ ᐊᒡᓚᖏᑦ 10:2

ᐊᑕᓂᖅ ᐃᒫᒃ ᐅᖃᕐᐳᖅ: “ᐊᓯᑦᓯ ᐃᓕᖅᑯᓯᖏᓐᓂᒃ ᒪᓕᒐᓱᐊᕐᑍᓕᒋᑦᓯ ᑲᑉᐱᐊᓱᒃᑍᓕᒋᑦᓯᓗ ᓇᓗᓁᒃᑯᑕᕐᓂᒃ ᕿᓚᖕᒥ ᓴᖅᑭᑦᑐᖃᕐᐸᑦ, ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᑲᑉᐱᐊᒋᔭᐅᒐᓗᐊᕐᐸᑕ.

ᐃᐱᓯᒥᐅᓄᑦ 4:17

ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ;

ᐃᓯᑭᐊᓕᐅᑉ ᐊᒡᓚᖏᑦ 20:28

ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᒨᓯᓯ ᑕᓪᓕᒪᖏᑦ 7:16

ᐃᓅᖃᑎᒌᒡᔪᐊᓕᒫᓂᒃ ᓄᖒᑦᓯᑦᑎᐊᕐᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖏᓐᓂᒃ ᐃᓕᑦᓯᓐᓄᑦ, ᓂᑲᒋᔭᒃᓴᕆᖏᒻᒪᕆᒃᐸᓯ ᑕᐅᑦᑐᖏᑦ ᐱᑦᔪᑎᒋᓗᒋᑦ; ᒎᑎᒋᔭᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᑐᒃᓯᐊᕐᕕᒋᑐᐊᕈᑦᓯᒋᒃ ᓂᒐᕐᑎᑕᐅᔪᑎᑐᑦ ᑍᒤᒐᔭᕋᑦᓯ.

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᐊᑕᓃᑦ ᐂᑉᐸᖏᑦ 17:15

ᒪᓕᒃᑕᐅᖁᔭᖏᓐᓂᒃ ᒪᓕᒍᒪᓚᐅᓐᖏᓚᑦ ᓯᕗᓕᕕᓂᖏᑕ ᒎᑎᒥᒃ ᐊᖏᖃᑎᒌᒍᑎᓕᐅᕐᓯᒪᓂᖏᓐᓂᒃ ᑲᔪᓯᑎᑦᓯᓚᐅᓐᖏᓚᑦ, ᐃᓂᕐᑎᕆᑦᔪᑎᖏᓪᓗ ᓈᓚᓚᐅᓐᖏᓔᑦ. ᑐᒃᓯᐊᕐᕕᖃᖔᓕᕐᓗᑎᒃ ᒎᑎᓐᖑᐊᓂᒃ ᓱᓕᖏᑦᑐᓂᒃ ᓇᖕᒥᓂᖅ ᓱᓕᔪᓐᓃᕐᑎᓚᐅᕐᐳᑦ, ᐃᓅᖃᑎᒌᒡᔪᐊᓂᒃ ᐊᑕᓂᕐᒥᒃ ᐅᒃᐱᕆᔭᖃᖏᑦᑐᓂᒃ ᒪᓕᖃᑕᐅᑐᐃᓐᓇᓕᕐᓗᑎᒃ, ᐊᑕᓂᐅᑉ ᒪᓕᒃᑕᐅᖁᓚᐅᓐᖏᑕᖏᓐᓂᒃ.

ᒨᓯᓯ ᓯᑕᒪᖏᑦ 33:52

ᓄᓇᐅᑉ ᐃᓄᖏᓐᓂᒃ ᐊᐅᓪᓚᕐᑎᑦᓯᔪᒫᕋᑦᓯ ᑎᑭᑕᑦᓯᓐᓂᒃ, ᐅᔭᕅᓪᓗ ᓴᓇᓯᒪᔭᖏᑦ ᓯᖁᒥᓪᓗᒋᑦ, ᐃᓄᓐᖑᐊᓕᐊᕆᓯᒪᔭᖏᓪᓗ ᐊᓯᕈᕐᓗᒋᑦ, ᖁᑦᓯᒃᑐᓂᓗ ᑐᒃᓯᐊᕐᕕᖏᑦ ᐅᕐᕉᕋᕐᑎᓪᓗᒋᑦ;

ᒨᓯᓯ ᐱᖓᔪᖏᑦ 18:3

ᐄᑦᔨᑉᑎᒥᐅᑦ ᐱᐅᓯᖏᑦ ᒪᓕᖕᓂᐊᕋᓯᒋᒃ, ᑍᒃᑯᐊ ᓄᓇᖃᑎᒋᓚᐅᕐᑕᑦᓯ, ᑬᓇᓂᒥᐅᓪᓗ ᐱᐅᓯᖏᑦ ᒪᓕᖕᓂᐊᕋᓯᒋᒃ ᑍᒃᑯᐊ ᓄᓇᖓᓐᓄᑦ ᐱᑎᓐᓂᐊᕋᑦᓯ, ᐱᐅᓯᖏᓐᓂᒃ ᒪᓕᒃᓴᕐᓂᐊᕋᓯ.

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᒨᓯᓯ ᑕᓪᓕᒪᖏᑦ 12:29

“ᐊᑕᓂᐅᑉ ᒎᑎᑦᓯ ᐃᓅᖃᑎᒌᒡᔪᐊᓕᒫᑦ ᓄᖑᑎᓐᓂᐊᕐᐰᑦ ᓵᓚᒋᓂᐊᕐᑕᓯ ᓄᓇᑖᕆᓂᐊᕐᑕᑦᓯᓐᓃᑦᑐᑦ, ᓄᓇᒋᔭᖏᓐᓂᒃ ᐊᕐᓵᕐᓂᐊᕋᑦᓯᐅᒃ ᓄᓇᖃᖔᓕᕐᓗᓯᓗ ᑕᕝᕙᓂ.

ᒨᓯᓯ ᑕᓪᓕᒪᖏᑦ 12:31

ᐊᑕᓂᖅ ᒎᑎᓯ ᑐᒃᓯᐊᕐᕕᒋᔭᒃᓴᕆᓐᖏᓚᓯ ᑍᒃᑯᐊ ᒎᑎᓐᖑᐊᒥᖕᓄᑦ ᑐᒃᓯᐊᕈᓯᖏᑎᑐᑦ, ᒎᑎᒥᖕᓄᑦ ᑐᒃᓯᐊᓕᕌᖓᒥᒃ ᓈᒻᒪᖏᑦᑐᐊᓗᖕᓂᒃ ᐱᓂᐊᕐᓂᖃᓲᖑᖕᒪᑕ ᐊᑕᓂᐅᑉ ᐆᒥᒋᔭᖏᓐᓂᒃ. ᕿᑐᕐᖓᒥᖕᓂᒃ ᐊᒡᓛᑦ ᑐᓂᕐᕈᓯᓲᖑᖕᒪᑕ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 20:18

ᑐᖁᑕᒃᓴᕆᕙᓯ, ᐊᔪᕆᕐᓱᕐᑕᐅᖁᓇᓯ ᒎᑎᓐᖑᐊᕆᔭᒥᖕᓄᑦ ᑐᒃᓯᐊᕐᓗᑎᒃ ᐱᐅᖏᑦᑐᐊᓗᖕᓂᒃ ᐃᓕᖅᑯᓯᕆᖃᑦᑕᕐᑕᖏᓐᓂᒃ, ᐊᔪᕐᑐᓕᑎᑕᐅᖁᓇᓯᓗ ᐊᑕᓂᕐᒧᑦ ᒎᑎᑦᓯᓐᓄᑦ.

ᒨᓯᓯ ᐱᖓᔪᖏᑦ 18:30

“ᐊᑐᖁᔭᒃᑲ ᐃᖅᑲᐅᒪᑦᓯᐊᕐᓯᒋᒃ, ᑕᒫᓂᓗ ᓄᓇᖃᓚᐅᕐᑐᑦ ᐱᐅᓯᕆᓚᐅᕐᑕᖏᑦ ᑎᑭᓚᐅᕐᑎᓐᓇᓯ ᒪᓕᖕᓂᐊᕐᓇᒋᑦ, ᑕᒪᒃᑯᓂᖓ ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ, ᐅᕙᖓ ᐊᑕᓂᐅᒐᒪ ᒎᑎᓯ!”

ᒨᓯᓯ ᑕᓪᓕᒪᖏᑦ 11:16

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᓯᓔᕐᕆᔭᐅᖁᓇᓯ ᐊᑕᓂᐅᑉ ᐊᓯᐊᓂᒃ ᒎᑎᓐᖑᐊᓂᒃ ᑐᒃᓯᐊᕐᕕᖃᖃᑦᑕᓕᖁᓇᓯ.

ᒨᓯᓯ ᑕᓪᓕᒪᖏᑦ 18:9

“ᓄᓇᒧᓪᓕ ᑎᑭᒃᑯᑦᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓄᑦ, ᑕᒫᓂ ᓄᓇᓖᑦ ᐃᓅᖃᑎᒌᒡᔪᐊᑦ ᐊᑐᕐᐸᒃᑕᖏᓐᓂᒃ ᒎᑎᒧᑦ ᓇᕐᕈᓇᕐᑐᓂᒃ ᒪᓕᒃᓴᕐᑐᒃᓴᐅᓐᖏᓚᓯ.

ᐊᑕᓃᑦ ᐂᑉᐸᖏᑦ 16:10

ᐂᕼᐊᔅ ᑕᒫᓯᑰᓯᒧᐊᕋᒥ ᑎᒡᓚᑦ-ᐰᓕᓴᒥᒃ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᑲᑎᓯᔭᕐᑐᕐᓗᓂ, ᑐᓂᕐᕈᓯᕐᕕᒃ ᑕᕝᕙᓃᑦᑐᖅ ᑕᑯᒐᒥᐅᒃ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ ᐊᐅᓪᓚᕐᑎᑦᓯᕗᖅ ᑐᓂᕐᕈᓯᕐᑎᑦᓯᔨᒧᑦ ᔪᕅᐊᒧᑦ ᖃᓄᐃᓕᖓᓂᖓᓂᒃ ᓴᖅᑭᔮᕐᑎᑦᓯᑦᓯᐊᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 11:12

ᖃᐅᔨᔪᒫᕐᐳᓯᓗ ᐅᕙᖓᐅᒐᒪ ᐊᑕᓂᖅ; ᐊᑐᕐᑕᐅᖁᔭᓐᓂᒃ ᐃᓅᓚᐅᖏᓐᓇᑦᓯ, ᐱᖁᔭᒃᑲᓗ ᒪᓕᓚᐅᕐᓇᒋᑦ, ᐃᓅᖃᑎᒌᒡᔪᐊᑦ ᖃᓂᒋᔭᑦᓯᓐᓃᑦᑐᑦ ᐱᖁᔭᖏᓐᓂᒃ ᒪᓕᖔᓕᓚᐅᕋᑦᓯ.”